Þjóðviljinn - 25.03.1986, Blaðsíða 3

FRÉTTIR
Verðlag
Hærra úti á landi
Virðist dýrastað kaupa ímatinn á ísafirði, Siglufirði
og Höfn íHornafirði. Allt að 5,3% verðmunur á milli
kjördœma
að er dýrast að kaupa í mat-
inn á Vestfjörðum ef marka
má athugun sem Verðlagsstofnun
gerði fyrir skömmu á verði 370
aigengra mat- og hreinlætisvara
víða á landinu. Almennar niður-
stöður eru þær að verðlag er al-
mennt hærra úti á landi en í
Reykjavík og að verðið er hæst
þar sem lítillar samkeppni gætir.
Verð í verslunum á Vestfjörðum
reyndist 5,3% hærra en í Reykja-
vík og meðaltal úr landsbyggðar-
kjördæmum leiðir í ljós 2,6%
hærra vöruverð en í höfuðborg-
inni.
Athygli vekur að vöruverð
virðist afar hátt á ísafirði, Siglu-
firði og á Höfn í Hornafirði. Á
ísafirði reyndist vöruverð 2,8%
hærra en á Bolungarvík og verð í
verslunum á Siglufirði var 6,6%
hærra en á Sauðárkróki svo dæmi
séu nefnd. Þá var og 6,6% dýrara
að versla mat- og hreinlætisvörur
á Höfn í Hornafirði miðað við
Neskaupstað. Nær enginn verð-
munur reyndist vera á milli höf-
uðborgarsvæðisins og Akur-
eyrar.
Þeir sem vilja kynna sér þessa
verðkönnun Verðlagsstofnunar
geta hringt í síma 91-27422 og
fengið hana senda um hæl, sér að
kostnaðarlausu.
-v.
búðum
fer ört
fækkandi
Gunnar Valdemarsson:
Sannkallað
örvœntingarverð
á eldri bókum
Nokkurra erfiðleika gætir nú
hjá fornbókaverslunum í Reykja-
vík og hefur þeim farið fækkandi
að undanförnu. Fyrir um það bil
ári síðan var Skruddu á Lauga-
veginum lokað. í Ingólfsstræti 3
og 8 voru gamlar og grónar versl-
anir. Annarri þeirra var lokað í
haust en hinni fyrir um það bil
mánuði. Og ef lengra er skyggnst
til baka þá var verslun við Vest-
urgötuna lokað fyrir tveimur
árum.
Gunnar Valdemarsson hjá
Bókinni sagði að nú ríkti
sannkallað örvæntingarverð á
sumum bókum á bókamarkaðin-
um. Til dæmis hefði löngum verið
umtalsverð sala á þýddum skáld-
sögum, en nú mætti heita að þær
hreyfðust ekki. Út liti fyrir að yfir
væri að ganga eitthvert
breytingaskeið í þessum efnum,
sagði Gunnar Valdemarsson.
Gunnar Valdemarsson í Bókinni: Erfiðleika gætir hjá fornbókaverslunum í Reykjavík. Ljósm. Sig.
KRON
Veikleikar í könnuninni
IfPnM og fleiri verslunarað-
IVVlUll ilar ákváðu að gera
nýja verðlagskönnun strax eftir
að Verðlagsstofnun birti niður-
stöður sínar á innkaupakörfu
fyrir fjögurra manna fjölskyldu í
einn mánuð. Ástæðan fyrir því að
KRON fór á stúfana, var ekki sú
að verslanir KRON fóru illa út úr
könnuninni, að sögn Ingólfs Ól-
afssonar, kaupfélagsstjóra, held-
ur sú að verslunarstjórarnir telja
ákveðna veikleika á þeirri könn-
un sem Verðlagsstofnun lét gera.
f fyrsta lagi eru vörurnar í þess-
ari könnun látnar hafa ákveðið
vægi, en í þeim verðlagskönnun-
um, sem hingað til hafa verið
gerðar, hafa verið teknar
ákveðnar vörur og borið saman
verð í verslunum. Með því að
taka upp nýja aðferð núna, er
Verðlagsstofnun að lýsa því yfir
að lítið mark sé takandi á gömlu
könnunum, að sögn Ingólfs.
Þá er sá neyslugrundvöllur,
sem tekið er mið af, byggður á
meðaltalsneyslu fjölskyldu frá
1978, en það neyslumynstur hef-
ur tekið miklum breytingum.
Sem dæmi um það nefnir Ingólfur
að í könnuninni núna er gert ráð
fyrir að fjögurra manna fjöl-
skyldan neyti um 2,8 kg af
nautakjöti á mánuði.
í þriðja lagi er ekkert tillit tekið
til gæða vörunnar í þessari könn-
un.
Hvað niðurstöður þeirrar
könnunar sem KRON gerði
varðar, þá varð hlutfallið milli
Miklagarðs og stórverslunar
KRON mjög svipað og í könnun
Verðlagsstofnunar, en aftur á
móti kom Kjötmiðstöðin mun
verr út úr þessum samanburði en
í könnun Verðlagsstofnunar.
Könnunin byggist að vísu ekki á
að vörunum sé gefið ákveðið
vægi, einsog hjá Verðlagsstofn-
un. -Sáf
ÞJÓÐVILJINN - SÍÐA 3
Kjötmiðstöðin
Sjáumst í næstu könnun
Hrafn Backmann eigandi Kjöt-
miðstöðvarinnar vísar niður-
stöðu könnunar KRON á bug og
telur að þau vinnubrögð sem
þeirra útsendarar viðhöfðu hafi
ekki verið marktæk og að þeir
hafi ekki valið lægsta vöruverðið í
hverjum vöruflokki, einsog Verð-
lagsstofnun gerði.
„í þau 25 ár, sem ég hef starfað
við þetta, hef ég haft það að
leiðarljósi að afla viðskiptavinum
hagstæðasta vöruverðs, sem ég
hef mögulega getað boðið uppá.
Fyrstu tvo áratugina rak ég ein-
göngu kjötverslun og verðlagið
þekkja allir landsmenn, enda
hafa samkeppnisaðilar átt í erfið-
leikum með að skilja þá verð-
lagningu. Á næstu mánuðum
mun svo Kjötmiðstöðin hefja
beinan innflutning á almennum
matvörum til að bjóða sam-
keppnisaðilum enn frekar birg-
inn.
Vinnubrögð KRON sæta furðu
en það er tími til kominn að for-
ráðamenn KRON og stjórn að-
lagi sig eftir þörfum neytandans
og breyttum viðskiptaháttum,
sem kemur best fram í því að ég
bauð verslunarstjóra KRON upp
á mun hagstæðari kjötkaup en
hann hefur átt kost á hingað til,
en því var hafnað.
Áð lokum vil ég bara vísa í
kannanir undanfarinna ára og
segja við samkeppnisaðila mína:
Sjáumst í næstu könnun", sagði
Hrafn Backmann í samtali við
Þjóðviljann í gær.
-Sáf
Sigríður
Eiríksdóttir
er látin
Látin er í Reykjavík Sigríður
Eiríksdóttir hjúkrunarkona á 92.
aldursári. Hún lést á Öldrunar-
lækningadeild Landspítalans
sunnudaginn 23. mars sl.
Sigríður Eiríksdóttir var mikill
brautryðjandi í hjúkrunar- og
heilsuverndarmálum. Hún lauk
námi í Danmörku 1921. Formað-
ur Hjúkrunarfélags íslands var
hún á árunum 1924-60 eða sam-
fellt í 36 ár og ritstjóri og ábyrgð-
armaður tímarits félagsins í ára-
raðir.
Fyrir utan merk störf hér á
landi tók hún virkan þátt í nor-
rænu og alþjóðlegu samstarfi, var
m.a. formaður Samvinnu nor-
rænna hjúkrunarfræðinga 1939-
45.
Hún var heiðursfélagi allra
hjúkrunarfélaga á Norður-
löndum og var m.a. sæmd Flor-
ence Nightingale orðu Alþjóða
Rauða krossins 1949 fyrir störf í
þágu heilbrigðismála.
Sigríður Eiríksdóttir var gift
Finnboga Rúti Þorvaldssyni pró-
fessor og áttu þau tvö börn. Dótt-
ir þeirra er Vigdís Finnbogadótt-
ir, forseti íslands.
Tœknimannadeilan
Engin hreyfing
Ekkert hefur enn gerst í máli
tæknimanna Ríkisútvarpsins og
Pósts og síma. Engar viðræður
hafa átt sér stað og er nú orðið
ljóst að dagskrá hljóðvarps og
sjónvarps um páskana fer meira
eða minna úr böndunum.
Eins og áður hefur verið skýrt
frá er það alfarið í höndum
manna í fjármálaráðuneytinu að
koma viðræðum af stað, en þar
neita menn að viðurkenna þá
staðreynd að tæknimenn hafa
sagt upp störfum og að frum-
kvæði til lausnar deilunni verður
að koma frá ríkinu.
Vegna bilana hjá símanum hef-
ur orðið að kalla á sænskan sér-
fræðing til að finna út bilanaor-
sökina en forráðamenn símans
segja að kalla hefði þurft til þenn-
an sænska sérfræðing hvort sem
tæknimennirnir hefðu verið við
störf eða ekki.
-S.dór
Trilluslysið
Taldir af
Leitin að sjómönnunum
tveimur sem voru um borð í trill-
unni Sigurði Þórðarsyni GK sem
var 4ra tonna hefur engan árang-
ur borið og eru sjómennirnir tald-
ir af.
Þeir hétu Jóhann Sveinbjörn
Hannesson 29 ára Víkurbraut 3 í
Sandgerði og Þorbjörn E. Frið-
riksson 32ja ára, Sunnubraut 10 í
Keflavík. Jóhann lætur eftir sig
eiginkonu og þrjá syni. Þorbjcftn
var ógiftur og barnlaus.