Þjóðviljinn - 21.11.1986, Síða 2
fSPURNINGIN
FRÉTTIR
Hvaö á aö gera viö Út-
vegsbankann?
(Spurt í Útvegsbankan-
um)
Klara Tryggvadóttir,
húsmóðir:
Ég heyri að það á að slá einhverj-
um bönkum saman, en satt að
segja er mér nokkuð sama hvað
verður gert við Útvegsbankann.
Ingibjörg Vigfúsdóttir,
skrifstofumaður:
Mér finnst það eigi að búa til stór-
an einkabanka úr Útvegsbank-
anum, Iðnaðarbankanum og
Verslunarbankanum. Mér líst
ekki á að sameina Útvegsbank-
ann og Búnaðarbankann.
Haraldur Haraldsson,
heildsaii:
Það má alls ekki leggja bankann
niður. Ég held að besti kosturinn
sé að sameina Búnaðarbanka og
Útvegsbanka.
Bjarni Marteinsson,
arkitekt:
Ég hef nú lengi fengið ágæta
þjónustu í Útvegsbankanum,
þannig að það yrði eftirsjá í hon-
um. En ég er ekki í nokkrum vafa
um að það mætti sameina ein-
hverja af þessum bönkum, t.d.
Útvegsbanka og Búnaðarbanka.
Ásgeir Hannes Eiríksson,
pylsusali:
Það á að fækka bönkunum og
láta einkaaðila eiga þá og reka.
Mér líst ágætlega á að steypa Út-
vegsbanka, Iðnaðarbanka og
Verslunarbanka saman í einn.
Jarðskjálftamœlingar
6ára
eftiiiit á
Suðurlandi
Jarðskjálftafrœðingar á Norðurlöndum
hafa unnið sameiginlega áœtlun.
Áœtlaður kostnaður 40 milljónir
Tillögurnar snúast um gagna-
söfnunarnet fyrir
jarðskjálftamælingar og jarð-
skjálftaeftirlit á Suðurlandsund-
irlendi, sagði Ragnar Stefánsson
forstöðumaður jarðeðlisfræði-
deildar Veðurstofu íslands í sam-
tali við blaðið, en hann hefur
ásamt fleiri jarðskjálftafræðing-
um á Norðurlöndum unnið að
samnorrænni áætlun til þess að
minnka hættuna á tjóni af völdum
jarðskjálfta og jafnvel spáð fyrir
um hvar og hvenær þeir verða.
Samgönguráðuneytið hefur
lagt fram umsókn um fjárveitingu
til þessa verkefnis, og það er jafn-
framt til umfjöllunar hjá norrænu
ráðherranefndinni. Áætlunin
nær til sex ára og áætla jarð-
skjáiftafræðingarnir að heildar-
kostnaður nemi rúmum 40
milljónum íslenskra króna.
í tillögunum er gert ráð fyrir
því að fyrri hluta tímabilsins beri
Norðurlöndin hlutfallslega meiri
kostnað en fsland og sjái um
stofnkostnað, en fslendingar sjái
síðan um reksturinn.
„Hagsmunir íslendinga í þessu
máli eru ótvíræðir og ef þessi
áætlun nær fram að ganga fáum
við fjármagn og þekkingu frá
öðrum Norðurlöndum," sagði
Ragnar. „Þau fá með þessu sam-
starfi reynslu og mikilvæga þekk-
ingu sem kemur þeim að góðu
haldi heima fyrir.“ -vd.
Ragnar Stefánsson jarðskjálftafræðingur: Fáum reynslu og þekkingu út úr
þessu samstarfi.
✓
Isafjörður
Skortur á rafvirkjum
„Það hefur verið erfitt að fá
menntað fólk til vinnu hér, og
þess vegna erum við að spá í að
auglýsa eftir rafvirkjum erlendis“
sagði Óskar Eggertsson fram-
kvæmdastjóri Pólsins hf. á ísa-
firði í samtali við blaðið.
„Við höfum góða reynslu af
mönnum sem hafa komið frá
Danmörku og þess vegna hefur
það land helst verið nefnt“ sagði
Óskar. „Menntaðir menn flend-
ast ekki hér vegna ýmissa bú-
setuvandamála, það er dýrt að
búa á ísafirði." Áðspurður sagði
Óskar að orsökin fyrir skorti á
rafvirkjum væri ekki launa-
greiðslur því yfirborganir væru
algengar. „Það er ósköp einföld
staðreynd að launataxtarnir eru
bara til að hlæja að þeim, við
reynum að borga það sama hér og
er gert á aðalmarkaönum."
Yfir 30 manns starfa nú hjá
Pólnum, þar af 23 rafvirkjar.
-vd.
Athugasemd
Prófkjörsraunir
Vegna væntanlegra forkosn-
inga eða prófkjörs um hæfa fram-
bjóðendur á lista Alþýðubanda-
lagsins í Reykjavík, hefi ég verið
þess heiðurs.aðnjótandi að fá að
skrifa uppá áskorun til tveggja
valinkunnra forystumanna úr
röðum verkalýðsforustunnar um
að þeir gæfu okkur hinum tæki-
færi til að skipa þá í forystu á
Alþingi fyrir ÁbR.
Eg tel mig fullsæmdan af þess-
um verkum mínum, mér blandast
a.m.k. ekki hugur um að margt
vitlausara hafi ég gert um dag-
ana.
Tilefni þess að ég geri þessar
uppáskriftir mínar að umtalsefni
er frétt í nýju sjónvarpsstöðinni,
sunnudaginn 9. nóv., þess efnis
að öðrum þessara manna væri
stillt upp af svonefndum BSRB
mönnum innan AbR. Hvaða
þjóðflokkur sem það nú er?
Framboð Jóhannesar Gunn-
arssonar væri framboð „BSRB-
manna“ gegn Þresti Ólafssyni,
framkvæmdastjóra Dagsbrúnar.
Ég leit á þetta þá sem mistúlkun
áhugasams fréttamanns á rás 2,
þegar ég heyrði hana. Nú hefi ég
beðið og lesið og hlustað með at-
hygli eftir athugasemd eða
leiðréttingu frá höfuð BSRB-
manninum við þessari frétt, sem
eftir honum var höfð, án árang-
urs í tæpar tvær vikur. Tel ég mig
knúinn til að lýsa því yfir, sem
áskoranda eða meðmælanda með
Jóhannesi Gunnarssyni, að. það
var ekki gert með því hugarfari
að honum væri stillt upp gegn
öðrum, heldur í fylkingu með
öðrum góðum drengjum og sam-
herjum innan sama flokks.
Flokkur fýrir mér er fylking
manna, sem eiga eitthvert sam-
eiginlegt markmið sem er þess
virði að berjast fyrir saman og
væntanlega til árangurs. Deildar
meiningar milli manna um leiðir
og hraða breytir engu, skerpir að-
eins skoðunina og tryggir að sem
flest sjónarhorn verði skoðuð.
Þröstur Ólafsson, fv. aðstoð-
arráðherra reyndist mér sem and-
skoti, eins og ég tel opinbera
starfsmenn eiga að vera í starfi
sínu og utan þess. Heiðarlegur,
harðdrægur, réttsýnn og rétt-
látur. Á stundum mátti hann þó
gæta tungu sinnar betur, er við
viðkvæmar sálir var að eiga, en
það hefur sína kosti þrátt fyrir allt
að vera hreinskiptinn.
Reykjavík, 19. nóv. 1986
Gunnar Gunnarsson.
Tónleikar
Burt-
fararpróf
á gítar
Þorvaldur Bjarni Þorvaldsson
gítarleikari heldur burtfarar-
prófstónleika frá Tónskóla Sigur-
sveins D. Kristinssonar á laugar-
dag.
Tónleikarnir verða í Áskirkju
og hefjast kl. 17.00. Á efnis-
skránni verða verk eftir J.S.
Bach, Fernando Sor, Heitor
Villa-Lobos, John W. Duarte og
Isaac Albeniz.
Þorvaldur Bjarni Þorvaldsson.
2 SÍÐA - ÞJÓÐVILJINN Föstudagur 21. nóvember 1986