Þjóðviljinn - 07.07.1987, Blaðsíða 11

iÖRFRÉTTIRi
John Lennon
veldur enn deilum manna þótt
brátt séu sjö ár liðin frá því hann
var myrtur á götu í New York. Nú
er það málverk af honum sem er
einsog bögglað roð fyrir brjósti
aðstoðarbiskups ensku biskup-
akirkjunnar í Liverpool. Myndin
sýnir þyrnum krýndan og þjáðan
Lennon og er eftir þýskan lista-
mann, Stengel að nafni. Aðstoð-
arbiskupinn viðurkennir að vísu
að Bítlarnir hafi gert mikið fyrir
Liverpool en það sé fulllangt
gengið að útmála einn þeirra
sem dreyra drifinn guðsson.
Hosni Mubarak
forseti Egyptalands fékk myndar-
lega kauphækkun á dögunum.
Þing landsins ákvað að tvöfalda
laun leiðtogans, úr 360 þúsund
skattfrjálsum krónum á ári í 720
þúsund. Egyptalandsforseti fékk
síðast kauphækkun árið 1956.
Þetta samsvarar því að Mubarak
fái um 60 þúsund krónur á mán-
uði sem þætti fremur rýr eftirtekja
hórlendis og við það bætist að
áhættuþóknun er engin en það
kvað vera lífshættulegt starf að
vera forseti í Egyptalandi.
30 Tartarar
efndu til mótmæla á Rauða torg-
inu í Moskvu í gær og kröfðust
þess að fá að flytja á ný útá Krím-
skaga en þaðan voru þeir fluttir
nauðugir að fyrirmælum Jósefs
Stalfns á árum síðari heimsstyrj-
aldar. Lögreglumenn í jakkaföt-
um rifu kröfuspjöld af fólkinu en
ráku það ekki í burtu. Hinsvegar
komu þeir í veg fyrir að það gæti
rætt við blaðamenn. Talið er að
um 400 þúsund Tartarar hafi ver-
ið hraktir frá Krím austur í Asíu-
lýðveldi Sovétríkjanna á sínum
tíma og að allt að 100 þúsund hafi
beðið bana í flutningunum. Stalín
hataði þá og fullyrti að þeir ynnu
með þýsku nasistunum.
Fjölskylda nokkur
í hollensku borginni Eindhoven,
karl, kona og tvö börn áttu í tví-
gang fótum fjör að launa þegar
þau urðu fyrir hatrömmum árás-
um í heimagarði sínum um helg-
ina. Á laugardagskvöld sátu þau í
makindum fyrir utan hús sitt þeg-
artuttugu krákurstungu sér niður
úr háloftunum gagngert í því
augnamiði að gogga í hvirfilinn á
blessuðu fólkinu. Sagan endur-
tók sig á sunnudagsmorgun.
Hefur nokkur séð kvikmyndina
Fuglarnir eftir Hitchcock?
ERLENDAR FRETTIR
Bandaríkin
North í vitnastúkuna
Oliver North ofursti, lykilmaðurinn í íransl Kontrahneykslinu, mun bera vitnifyrirþingnefnd í dag.
Ofurstinn og forsetinn. Hvor þeirra er
Loks kom að því að meintur
höfuðpaurinn í írans/
Kontrahneykslinu margnefnda,
Oliver North ofursti í sjóhernum,
yrði dreginn fyrir þingnefnd og
spurður spjörunum úr um máiið.
I dag munu suðandi sjónvarpsvél-
ar gera löndum Norths kleift að
fylgjast með því í beinni útsend-
ingu er hann svarar þingmönnum
fyrirspurnum um leynilegu vopn-
asöluna til írans og ólögmætan
fjáraustur í Kontramálaliðana í
Nicaragua.
Einn þessara landa Norths
kvað vera sérstaklega áhuga-
samur og vill ekki fyrir nokkurn
mun missa af útsendingunni.
Þetta er vitaskuld Reagan forseti.
Hann rak North á sínum tíma úr
starfi hjá Þjóðaröryggisráðinu og
reyndi að gera hann að blóra-
böggli í málinu. Fyrrum yfirmað-
ur Norths í ráðinu, John Poindex-
ter aðmíráll, gaf á sínum tíma í
skyn að forsetanum hefði ætíð
verið fullkunnugt um brall þeirra
Norths og fleiri samverkamanna.
Því hlýtur stóra spurningin að
vera sú: Nær North sér niðri á
Reagan?
Starfsmannastjóri Hvíta húss-
ins, Howard Baker, kvað forseta
sinn hlakka til þess að hlýða á
útsendinguna. „Það er búið að
þyrla upp svo miklu moldviðri í
kringum þetta mál, menn hafa
velt vöngum í gríð og erg og skrif-
að ótal blaðagreinar um hvað
North kunni nú að segja að eina
leiðin til að kveða málið niður er
að fá hann til að leysa frá skjóð-
unni.
Baker segir North aðeins hafa
verið minni háttar skrifstofublók
sem örsjaldan hefði komist nærri
Reagan og aldrei átt með honum
fund einslega. „Hefðu þeir átt
með sér fund þá hefði það verið
skráð einhversstaðar en hvergi
finnst nein skrá um slíkt.“
North þessi mun hafa haft
mörg járn í eldinum. Dagblaðið
Miami Herald fullyrti í fyrradag
að hann hefði lagt á ráðin um að
nema stjórnarskrá Bandaríkj-
anna úr gildi og fela hernum völd-
in ef Sovétmenn gerðu kjarnárás
á landið eða ef ólga skapaðist inn-
anlands vegna hernaðarævintýra
Bandaríkjamanna erlendis.
Blaðið fullyrðir ennfremur að
North hafi átt sæti í skuggaráðu-
neyti ýmissa starfsmanna Reag-
ans sem starfað hafi árin 1983-
1986. Af öðrum skuggaböldrum |
nefnir blaðið Edwin Meese,
ráðuneytisstjóra í dómsmála-
ráðuneytinu og William heitinn
Casey er þá var hæstráðandi hjá
CIA.
Bandaríkjamenn eru samir við
sig og vitaskuld er búið að kanna
skoðanir þjóðarinnar á því hvort
hún telji að North muni segja satt
eða ljúga að þingnefndinni. 59 af
hundraði eru fullvissir um að
North sé óalandi og óferjandi
lygalaupur. En athyglisvert er að
48 prósent telja að ofurstinn sé
gerður að blóraböggli og hlífi
hærra settum mönnum. _iiS.
Kvikmyndahátíðin í Moskvu
Drengskaparheit
um óhlutdrægni
Skipuleggjendur kvikmyndahátíðarinnar í Moskvu, sem hefst í dag,
hyggjast auka hróður hennar og vœgi
Kvikmyndahátíð verður sögð
sett f Moskvu í dag. Ekki
fyrsta sinni en nú verður sann-
girni í heiðri höfð og ekkert um
skrum- og áróðurssýningar þær
sem löngum hafa einkennt þenn-
an viðburð.
Að undanförnu hafa leiðandi
menn í sovéskum kvikmynda-
heimi krafist nýrra vinnubragða í
flestu því sem snertir hátíðina.
Maður hefur gengið undir manns
hönd, leikstjórar, gagnrýnendur
og forystumenn starfsmanna
kvikmyndaiðnaðar og viður-
kennt, beint og óbeint, að hin
virðulega kvikmyndahátíð í Mos-
kvu hafi uppá síðkastið ekki verið
annað en pólitískt sjónarspil og
fyrir vikið verið sniðgengin af
öllum fremstu kvikmyndagerðar-
mönnum heims.
„Verum hreinskilin. Hróður
hátíðarinnar beið mikinn hnekki
á stöðnunartímanum," fullyrðir
einn gagnrýnendanna og einsog
nærri má geta er það Brésnef
heitinn sem á sneiðina, „stöðnun-
artími" er valdaskeið hans nefnt
eystra öndvert „perestroika"
(endurreisn) Gorbatsjofs.
Annar gerskur gagnrýnandi
tekur dýpra í árinni og fullyrðir
að sovéskir ráðamenn hafi
fyrrum þrýst á dómnefndir og
nánast neytt þær til að verðlauna
myndir landa sinna í bak og fyrir.
En nú er annar uppi og ýmsum
ráðum beitt til að gera hátíðina
marktæka að nýju. Sem dæmi má
nefna að formaður dómnefndar-
innar verður að þessu sinni eng-
inn annar en bandaríski leikarinn
og kvikmyndaframleiðandinn
Robert de Niro.
Yfirmaður sovésku kvikmynd-
astofnunarinnar, Jelem Klimof,
skrifaði nýverið í Moskvudag-
blað: „Markmið okkar er að auka
hróður hátíðarinnar á ný og til
þess að það gerist verðum við að
fá athyglisverðustu kvikmyndirn-
ar og hæfileikamenn í dómnefnd-
ir“.
Af myndum sem hreppt geta
verðlaun á hátfðinni má nefna
Grjótgarðinn eftir Bandaríkja-
manninn Francis Ford Coppola,
Viðtalið sem gerð er áf ítalanum
Federico Fellini og Veg snáksins
eftir Svíann Bo Widerberg.
Sérstaka athygli vekur að allar
myndir Andreis Tarkovskys
verða sýndar á hátíðinni. Hann
og hans verk voru bannorð í So-
vétríkjunum eftir að hann sá sig
knúinn til að setjast að á Ítalíu
fyrir fáeinum árum en hann lést í
Frakklandi í fyrra. Eftir að Klim-
of varð yfirmaður kvikmynda-
málanna hefur umræða um verk
Tarkovskys aukist mjög í föður-
landi hans og harma menn mjög
hve illa var komið fram við þenn-
an höfuðsnilling kvikmyndalist-
arinnar.
-ks.
FLOAMARKAÐURINN
Veiðileyfi
Veiðileyfi í Langavatni. Góð að-
staða í húsum og traustir bátar.
Einnig er hægt að fá aðstöðulaus
veiðileyfi. Nánari upplýsingar gefur
Halldór Brynjólfsson í síma 93-
7355.
Dúkkuvagn
Á ekki einhver aflagðan en nothæf-
an dúkkuvagn sem hann vill selja
mér? Helst ódýrt. Hringið í síma
36718 eftir kl. 18.
Baðkar - reiðhjól!
Baðkar fæst gefins. Á sama stað
óskast ódýrt reiðhjól fyrir 11 ára
telpu. Sími 40591.
2ja sæta IKEA sófi
með furugrind til sölu á kr. 2.500.-.
Sími 20601 e.h.
Óska eftir að kaupa
Síamskettling
Ef einhver á kettling eða von á kett-
lingum hringið þá í síma 72617.
Þrjár þrifnar
í íbúðarleit
3 skólastúlkur utan af landi, til fyrir-
myndar bæði til orðs og æðis, óska
eftir 3-4ra herb. íbúð í Reykjavík frá
1. sept. n.k. Meðmæli og fyrirfram-
greiðsla. Hverjir eru svo þessir fyrir-
myndarleigjendur? Jú, allt um það í
síma 23089 (á kvöldin) og í síma
93-7337.
Geymsluhúsnæði
til leigu, rúmgott, upphitað
geymsluhúsnæði m/sérinngangi.
Uppl. í sima 41039 í dag og næstu
daga.
Kettlingur
Vel vaninn kettling vantar gott
heimili. Sími 23076.
Útihurð
Óska eftir að kaupa notaða útihurð.
Má vera úr furu. Sími 30834.
Til sölu
Ný Electrolux eldavél, 2 notaðar
eldhúsinnréttingar, Hansahillur, 4
Volkswagen felgur (á Bjöllu) og
ömmustangir. Sími 17482.
Til sölu Honda Civic
árg. ’81 5 dyra, sjálfskiptur, ekinn
56 þús. km. Upplýsingar í síma
30447.
Húsasmið
með konu og 2 börn
vantar 3-4ra herb. íbúð í Reykjavík
á leigu frá og með 1. ágúst. 3 mán.
fyrirframgreiðsla ef óskað er. Sími
99-7114.
Til sölu
3ja ára gamalt reiðhjól fyrir 5-7 ára.
Vel með farið. Verð kr. 2.500.-.
Hjálpardekk fylgja. Uppl. í síma
672143 eftir kl. 19.
Þvottavé! fæst fyrir lítið
sem ekki neitt. Sími 10487.
Gott gírahjól óskast
Sími 39834.
Til sölu
Sunbeam rafmagnspanna o.fl. í
eldhús, glertau, fatnaður og skór,
nýtt og lítið notað. Blómapottar o.fl.
ódýrt. Á sama stað óskast gömul
rúskinnskápa fyrir lítið eða gefins.
Sími 41255 næstu daga.
Gulur kettlingur
hefur týnst
frá Hallveigarstíg 6. Uppl. í síma
18474 og 35118.
Þórberg 2ja ára
vantar bamapössun frá 20. júlí.
Hann býr á Hjónagörðum við
Suðurgötu. Uppl. i síma 19837 milli
kl. 11 og 12 á morgnana út þessa
viku.
íbúð óskast
Er ekki einhver sem vill leigja ungu
og reglusömu pari 2-3ja herb. íbúð
á sanngjörnu verði? Öruggum
areiðslum og reglusemi heitið.
Ibúðin má þarfnast lagfæringar.
Uppl. í síma 45801.
Skilvís og
áreiðanleg stúlka
óskar eftir einstaklingsíbúð eða
herbergi sem fyrst. Góð meðmæli.
Fyrirframgreiðsla möguleg. Uppl. í
síma 82537 eða 39794. Margrét
Ella.
Ódýr 2-3ja herb.
íbúð óskast
til leigu fyrir litla fjölskyldu. Upplýs-
ingar í síma 72964.
Ef þú vilt
gera góð kaup
þá á ég handa þér Silver Cross
kerruvagn á kr. 2.500.- og Ignis ís-
skáp með sér frystihólfi sem er 142
cm á hæð, 50 cm á breidd og 60 cm
ádýpt, á aðeins kr. 3.000-. Eftir kl. 5
í dag er ég í síma 30504.
Hver þarf að losna
við ísskáp
og/eða sófasett fyrir lítið sem ekk-
ert? Vinsamlega hringið í síma
36586 eftir kl. 18.
Til sölu
Sanyo-bílaútvarp með kassettu-
tæki og Pioneer hátalarar. Ónotuð
loftnetisstöng getur fylgt með. Upp-
lýsingar í síma 76796.
íbúð óskast
Námsmaður óskar eftir íbúð fyrir sig
og konu sína frá og með 1. sept.
Reglusemi og öruggar greiðslur.
Einhver fyrirframgreiðsla. Uppl. í
síma 84117.
Barnapía -
Laugarneshverfi
Rakel 5 ára vantar barngóðan 12-
13 ára ungling til að líta eftir sér
hálfan daginn frá kl. 1-5 það sem af
er júlí og fyrir hádegi frá kl. 9-1 í
ágúst. Vinsamlegast hafið sam-
band við Olgu í síma 36718 í dag og
á morgun.
Barnapía - Breiðholt
Óska eftir barnapíu til að gæta
tveggja barna kvöld og kvöld.
Upplýsinar í síma 75875.
3 tveggja mánaða vel
vandir og fallegir
kettlingar fást gefins. Upplýsingar í
síma 15325 eftir kl. 7 á kvöldin.
Starfsmann Þjóðviljans
vantar litla fbúð til leigu. Skilvisum
greiðslum og mjög góðri umgengni
heitið. Uppl. í síma 35236.
Commodore PC 10 tölva
með Epson LX-80 prentara til sölu.
Uppl. í síma 91 -686856 og 932567
á kvöldin.
Gamalt virðulegt
vel bólstrað sófasett, fyrirferðar-
mikið og þungt, sófi og 2 stólar með
gulbrúnu áklæði til sýnis og sölu á
kr. 30 þús. að Öldugötu 42, efstu
hæð. Sími 23236 í hádeginu og eftir
kl. 19 á kvöldin.
Þriðjudagur 7. júlí 1987 ÞJÓÐVILJJNN - SÍÐA 15