Þjóðviljinn - 07.08.1987, Side 15

íþróttir
í kvöid
í kvöid eru tveir leikir í 1. deild
kvenna og einn í 2. deild karla.
Tveir leikir í 1. deild karla sem
áttu að vara í kvöld hafa verið
færðir á laugardag.
Þór og Valur og Völsungur og
KR áttu að leika í kvöld, en því
hefur nú verið breytt og liðin
leika á morgun kl. 14.
Tveir leikir eru í 1. deild
kvenna. KR og KA leika á KR-
velli og ÍA og Þór á Akranesvelli.
Þá er einn leikur í 2. deild
karla. Selfoss og Breiðablik mæt-
ast á Selfossi. Allir leikirnir í
kvöld hefjast kl. 19.
Leik Þróttar og Einherja, sem
átti að vera í kvöld hefur verið
frestað til sunnudags. Þá hefst
Skagamót 6. flokks á Akranesi í
kvöld.
Knattspyrna
Það stærsla
í 11 ár
Fram vann sinn stærsta sigur í
deildaleik í 11 ár á miðvikudags-
kvöldið, 6-0 gegn Völsungi. Síð-
ast vann Fram 6-0 sigur á Þrótti
R. í 1. deildarkeppninni árið
1976.
Völsungar fengu þarna sinn
versta skell í deildaleik í 10 ár,
eða síðan þeir töpuðu 1-7 fyrir
Þrótti R. í 2. deild árið 1977.
Fram náði með sigrinum 600
stigum í 1. deildarkeppninni frá
upphafi, og er reyndar komið
með 601 stig.
Helgi Helgason, Völsungi, lék
þarna sinn 100. leik í 1. deild.
Hann lék 89 fyrir Víking og þetta
var hans 11. fyrir Völsung.
Ólafur Ólafs lék þarna sinn
fyrsta 1. deildarleik fyrir Fram.
-VS
Hlaup
Bláskógahlaup
Bláskógahlaup HSK fer fram á
sunnudag. Hlaupið verður frá
Gjábakka til Laugarvatns, alls
15.5 km, en einnig verður hlaupin
styttri leið, 5.5 km.
Keppt verður í þremur aldurs-
flokkum karla og kvenna.
Hlaupið hefst kl. 14 og skrán-
ing er á staðnum.
Þröstur Gunnarsson og Axel Gomes berjast hér um boltann í markteig Siglfirðinga. Þeir virðast þó ekki vera alveg vissir
um hvar boltinn sé. MyndiAri.
2. deild
Víkingar á batavegi
Víkingur-KS 2-0 ★ * ★ ★.
Víkingar er búnir að ná sér aft-
ur á skrið og var eins og þeir
hefðu farið í endurhæfingu svo
sprækir voru þeir þegar þeir sigr-
uðu KS á Valbjarnarvelli í gær-
kvöldi.
Sigfirðingar byrjuðu leikinn
mjög vel og á 2. mínútu komst
Björn Ingimarsson einn innfyrir
vörn Víkings, en skaut yfir úr
góðu færi. Víkingar voru þó ekki
lengi að taka við sér og á 15. mín-
útu átti Einar Einarsson góða
sendingu á Atla Einarsson sem
skaut framhjá í dauðafæri.
Atli fékk svo annað tækifæri á
21. mínútu þegar hann komst
einn í gegn, en skaut yfir. Trausti
Ómarsson átti á 35. mínútu góð-
an skalla rétt yfir KS markið eftir
góða sendingu frá Unnsteini Kár-
asyni. Stuttu síðar átti Atli Ein-
arsson skalla rétt framhjá mark-
inu eftir góðan undirbúning
Trausta Ómarssonar.
Markið hafði nánast Iegið í
loftinu eftir þungar sóknir frá
Víkingum og loks á 45. mínútu
kom markið. Stefán Aðalsteins-
son gaf þá góða sendingu inn í
vítateig KS. Þar var Trausti á
réttum stað, framlengdi boltann
á Atla Einarsson sem skoraði af
öryggi af stuttu færi.
Víkingarnir byrjuðu síðari
hálfleikinn af sama krafti og þeir
enduðu þann fyrri og á 55. mín-
útu gaf Atli Einarsson góða send-
ingu á Trausta Ómarsson sem
skaut föstu skoti rétt yfir.
Siglfirðingar fóru nú að sækja í
sig veðrið, en þegar boltinn kom
fram var eins og framherjarnir
hefðu ekki nógu mikið vald á
honum og sóknirnar runnu út í
sandinn eða að Jón Otti Jónsson
greip vel inn í leikinn.
Víkingar fengu síðan víta-
spyrnu á 75. mínútu eftir mikinn
darraðardans inn í vítateig KS.
Þar átti Þröstur Gunnarsson gott
skot að marki KS, en einn varnar-
mann KS varði með hendi.
Trausti Ómarsson skoraði af ör-
yggi út vítinu.
Það var allt annað að sjá Vík-
inga í þessum leik heldur en
undafarna leiki og leikgleðin var í
fyrirrúmi. Allir leikmenn liðsins
áttu góðan leik en vörnin var þó
ekki nógu örugg. Það bjargaði
þeim að Jón Ötti Jónsson átti
einn af sínum betri leikjum í
markinu.
Siglfirðingar verða að fara að
hugsa sinn gang Þeir eru nú í næst
neðsta sæti sem ekki var búist við
af þeim. Það var eins og alla bar-
áttu vantaði í liðið. Þó var það
einn sem aldrei missti móðinn,
Tómas Kárason barðist eins og
ljón allan tímann.
Maður leiksins:Atli Einarsson,
Víking. -Ó.St
Staðan
I 2. delld karla
Vlkingur........13 7 1 5 21-18 22
Leiftur.........11 7 2 2 16-8 20
|R..............12 6 2 4 23-17 20
Þróttur.........12 6 1 5 24-21 19
Selfoss.........12 5 4 3 23-21 19
Einherji........12 5 3 4 15-18 18
ÍBV.............11 4 4 3 19-19 16
UBK.............12 5 1 6 14-16 16
KS..............13 4 2 7 19-24 14
iBl...........12 2 0 10 16-28 6
Markahæstir:
HeimirKarlsson, |R.............11
T rausti Ómarsson, Vfking......10
Hafþór Kolbeinsson, KS..........7
Jón Gunnar Bergs, Selfossi......6
Sigfús Kárason, Þrótti..........5
SigurðurHallvarðsson, Þrótti....5
Kristján Daviðsson, Einherja....5
BergurÁgústsson, IBV............5
Skotland
Francis til
Rangers
Trevor Francis skrifaði í gær
undir samning við skoska liðið
Glasgow Rangers.
Francis, sem hefur leikið und-
anfarin ár á Ítalíu, mun þó ekki
ná fyrsta leik með Rangers því
hann er enn að ná sér af
meiðslum í öxl.
Aberdeen er einnig að birgja
sig upp fyrir keppnistímabilið
sem hefst á morgun. Þeir keyptu í
gær Peter Nicholas frá Luton.
Nicholas sagðist sjá eftir ensku
deildinni, en hjá Aberdeen fengi
hann tækifæri til að leika í Evr-
ópu.
-Ibe/Reuter
Handbolti
Sigur gegn Japan
ífyrsta leik á sterku móti í Seoul
Knattspyrna
Vandræðaástand í 3. deild
Ofmörg lið íA-riðli og offá íB-riðli
Riðlaskiptingin og fjöldi liða í
riðlum 3. deiidar verður líklega
eitt af aðalmálum Ársþings KSI í
desember. Það er a.m.k. útlit
fyrir að gera þurfi róttækar
breytingar á fyrirkomulagi
deildarinnar.
Eins og staðan er í dag eru
miklar líkur á því að tvö Iið af
suð-vestur horninu falli í 3. deild.
Það gerir KSÍ og mótanefnd
mjög erfitt fyrir.
Samkvæmt reglum KSÍ skulu
vera 10 lið í A-riðli 3. deildar. Ef
að tvö lið falla úr 2. deild og að-
eins eitt fer upp, þá eru liðin orð-
in 11 í A-riðlinum. í reglum KSf
segir að tvö lið skuli fara í A-
riðilinn og gildir þá einu hve
mörg lið koma niður.
„Þetta er mjög flókið mál og
erfitt að eiga við,“ sagði Geir
Þorsteinsson, formaður móta-
nefndar í samtali við Þjóðviljann
í gær. „Við getum ekki haft 11 lið
og það er ekki möguleiki að fella
3 lið. Það eina sem við getum gert
er að vona að liðin sem falla úr 2.
deild séu úr sitthvorum lands-
hlutanum."
Sex lið úr 4. deild?
Úrslitakeppni 4. deildar hefst
nú um helgina. Sigurliðin úr A,
B, C og D riðlum, þ.e. Árvakur,
Grótta, Vfkverji og Bolungarvík,
leika um tvö sæti í A-riðli. Þó er
möguleiki að liðin verði þrjú, því
ef að tvö lið falla í A-riðilinn skal
liðið sem lendir í 3. sæti í úrslitak-
eppninni leika aukaleik við liðið í
3. neðsta sæti og sigurliðið taka
sæti í deildinni.
Það eru svo sigurliðin úr E. F
og G riðlum, þ.e. Hvöt, HSÞ.c.
og Huginn sem leika um sæti í
B-riðli 3. deildar.
En það gæti farið svo að öll
þrjú liðin færu upp. Ef bæði liðin
sem falla úr 2. deild eru af SV
horninu, þá fara þau beint í A-
riðilinn. Tvö lið úr B-riðlinum
falla og eitt fer upp og því er þá
pláss fyrir 3-4 lið tii viðbótar.
„Það er greinilegt að það þarf
að gera einhverjar breytingar á
deildinni. Við höfum verið að
leita að hugmyndum, en höfum
ekki fundið neina fullkomna
lausn. Ein hugmyndin er að hafa
fastan fjölda í riðlunum, 10 lið í
A-riðli og 8 lið t B-riðli. En þá
gætum við lent í því að þurfa að
fella 3 lið af 10 og það er alltof
mikið. Svo hefur einnig verið rætt
um að færa lið á milli riðla, en það
er ekki líklegt að það gangi upp,“
sagði Geir.
Eins og áður sagði er skipt í
riðlana eftir landshlutum. Það
væri því t.d. mjög slæmt fyrir lið
eins og Reyni að þurfa að leika í
B-riðli gegn liðum á Norður- og
Austurlandi.
Þetta mál verður tekið fyrir á
Ársþingi KSÍ og þá líklega fundið
varanlegt form fyrir deildina. En
það gæti svo farið að liðin í 4.
deild byrji keppni snemma að
vori á því að leika um sæti í 3.
deild. -Ibe
Islcnska landsliðið í hand-
knattleik byrjaði vel í fyrsta leik
sínum á alþjóðlegu móti í Seoul í
Suður-Kóreu. Sigraði Japan, 22-
21 ■ spennandi leik.
ísland hafði yfirhöndina lengst
af og í hálfleik var staðan 11-7.
En þegar Iíða tók á síðari hálf-
ieikinn náðu Japanir að minnka
muninn og jöfnuðu 18-18. Þegar
tvær mínútur voru til leiksloka
var staðan svo 21-20, Japan í vil,
en íslendingar tóku þá við sér,
skoruðu tvö síðustu mörkin og
tryggðu sér sigur.
„Þetta var mjög erfiður
leikur,“ sagði Jakob Jónsson í
samtali við Þjóðviljann í gær.
„Ferðalagið var erfitt og það tók
okkur 30 klukkutíma að komast
hingað."
„Japanir komu okkur ekki á
óvart. Við vissum að þeir væru
með gott lið og þeir voru mjög
frískir. Þeir leika svipaðan hand-
knattleik og Kóreubúar, en eru
þó heldur slakari."
Þetta var 4. leikur tslands gegn
Japan og hafa þeir allir verið
mjög jafnir. Japanir hafa unnið
tvo þeirra, 21-20 og 22-21. íslend-
ingar hafa svo sigrað í tveimur,
21-17 á Olympíuleikunum í Los
Angeles og nú í Seoul, 22-21.
Fjórar þjóðir taka þátt í þessu
móti. ísland, Suður-Kórea, Jap-
an og Svíþjóð. Suður-Kóreu-
menn léku gegn Svíum í gær og
unnu öruggan sigur, 36-26.
íslenska liðið á frí í dag, en á
morgun leika strákarnir gegn
gestgjöfunum, Suður-Kóreu, og
má þar búast við hörkuleik.
-Jbe
Svíþjóð
Mjsjafnt gengi
hjá íslendingunum
Það gengur misjafnlega hjá ís-
lendingunum sem leika í Svíþjóð.
Lið Eggerts Guðmundssonar,
Trelleborg virðist þó hafa mesta
möguleika á að vinna sér inn sæti í
Allsvenskan.
Keppni er nú hafin að nýju eftir
sumarfrí. Malmö FF hefur foryst-
una í Allsvenskan, en íslendinga-
liðunum í 1. deild hefur gengið
heldur misjafnlega.
Trelleborg, með Eggert Guð-
mundsson innanborðs, er nú í 2.
sæti og á í harðri keppni við
Kalmar AIK. í 1. deild eru tveir
riðlar og aðeins eitt lið sem fer
upp í Allsvenskan úr hvorum riðli
og hver leikur því mikilvægur.
Teiti Þórðarsyni og félögum í
Skövde hefur ekki gengið vel að
undanförnu. Þeir eru nú í neðsta
sæti og töpuðu í síðasta leik gegn
Myresjö á heimavelli, 1-4. Það
sem Skövde virðist vanta er
markaskorari, en liðið hefur lítið
skorað það sem af er sumri.
Teitur hefur þó reynt að fá tvær
gamlar kempur frá Örgryte, sem
leika með B-liði félagsins.
Vasalund, liðið sem Sigurlás
Þorleifsson leikur með er um
miðja deild í hinum riðli 1.
deildar. Sigurlás leikur á miðj-
unni og hefur skorað eitt og eitt
mark.
kg/lbe
Föstudagur 7. ágúst 1987 ÞJÓÐVILJINN - SÍÐA 15