Þjóðviljinn - 30.12.1987, Qupperneq 2
SPURNINGIN—
Ertu búinn aö ákveða
áramótaheitið?
Hlynur Reimarsson
sjómaður:
Já, að vera góður við konuna
mína.
Ingibjörg Sverrisdóttir
bókasaf nsf ræði ng u r:
Nei, ég geri það yfirleitt ekki.
Rúnar Backman
rafvirki:
Nei, ég er ekki búinn að því og
geri það yfirleitt ekki.
Hildur Viggósdóttir
nemi:
Nei,ég geriþaðekki fyrren kl. 12
á gamlárskvöld.
Bergþór Sigurðsson
innheimtumaður:
Nei, ég er hættur því.
Nýi miðbœrinn
íbúunum ekki svarað
íbúasamtök nýja miðbœjarinsfá engin svör við fyrirspurnum sínum frá
borgaryfirvöldum. Guðrún Eyjólfsdóttir: Mikil reiði meðalfélagsmanna
rátt fyrir ítrekaðar bréfa-
skriftir íbúasamtaka nýja
miðbæjarins í Kringiumýri, til
borgaryfirvalda varðandi umferð
og öryggismál í hverfinu, hafa
engin formleg svör borist sam-
tökunum.
íbúasamtökin sendu fyrst bréf
til borgaryfirvalda 16. júní sl.
sumar, aftur 24. ágúst, þá 7. nóv-
ember og nú síðast 10. desember.
Engu þessara bréfa hefur verið
svarað.
- Við erum bæði leið og reið
vegna þessa. Við viljum eiga gott
samstarf við borgaryfirvöld en
það er undarlegt á hvern hátt þau
starfa. Fyrir kosningar er gjarnan
talað um mikilvægi íbúasamtaka
og þá stendur ekki á svörum um
hverfamál hjá borgarfulltrúum,
en þess á milli virðist viljinn til
samstarfs enginn, sagði Guðrún
Eyjólfsdóttir formaður íbúasam-
takanna í samtali við Þjóðvilj-
ann.
Borgarfulltrúar Alþýðubanda-
lagsins tóku þetta mál fyrir á
fundi borgarstjórnar fyrir hátíð-
arnar og bókuðu gegn þessu virð-
ingarleysi borgaryfirvalda í garð
íbúasamtakanna. - Það er ekki
hægt að sjá að erindi samtakanna
hafi verið sinnt rátt fyrir góð orð
þar um í upphafi og erindinu hef-
ur ekki einu sinni verið svarað
þrátt fyrir ítrekanir, segir í bók-
uninni.
-ns.
Gylfi Már Guðjónsson varaformaður Trósmiðafélags Reykjavíkur, afhendir Vigni Benediktssyni framkvæmdastjóra
Steintaks hf. og Kristjáni Snorrasyni trésmíðameistara viðurkenningu fyrir aðbúnað á vinnustað. Mynd: E.OI.
Aðbúnaður á vinnustað
Steintak hf. fær
viðurkenninguna í ár
Trésmiðafélag Reykjavíkur veitirárlega viðurkenningu til vinnustaða
Trésmiðafélag Reykjavíkur
veitir nú í þriðja skipti viður-
kenningu fyrir góðan aðbúnað á
vinnustað og það er byggingafyr-
irtækið Steintak hf. sem fær
hana.
Trésmiðafélagið tók á árinu
1985 upp þá nýbreytni að veita
fyrirtækjum á félagssvæði sínu
viðurkenningu fyrir góðan að-
búnað starfsfólks á vinnustað.
Ástæðurnar fyrir viðurkenning-
unum voru m.a. þær að hvetja
fyrirtæki og yfirmenn að bæta að-
búnað og að vekja athygli á þeim
fyrirtækjum sem til fyrirmyndar
eru. Atriði sem koma til skoðun-
ar þegar aðbúnaður á vinnustað
er metinn eru t.d. hreinlætisað-
staða, kaffistofa, aðbúnaður í
fatageymslu, lýsing, loftræsting
o.fl.
Undanfarnar vikur hafa starfs-
menn Trésmiðafélags Reykjavík-
ur kynnt sér hvernig aðbúnaði er
háttað í fjölmörgum fyrirtækjum
> byggingariðnaði á höfuðborgar-
svæðinu, og það var síðan
Steintak hf. sem fær viðurkenn-
inguna að þessu sinni fyrir að-
stöðu þess við Faxafen við
Skeifuna í Reykjavík.
-ns.
Bændur
Uppgjör
utandag-
skiár
Ragnar Arnalds fór I gær fram
á það við Þorvald Garðar Krist-
jánsson, forseta sameinaðs þings,
að utandagskrárumræða færi
fram sem fyrst um uppgjör við
sauðfjárbændur.
Lögum samkvæmt átti uppgjör
vegna slátrunar í haust að fara
fram fyrir 15. desember, en það
hefur ekki farið fram enn.
Þorvaldur Garðar mun hafa
lofað því að umræðan færi fram
við fyrsta tækifæri. Það tækifæri
gæti gefist í dag því þingsályktun-
artillaga um staðfestingu
samkomulags um loðnuveiðar
Norðmanna, frá utanríkismála-
nefnd á eftir að fara í gegnum
aðra umræðu í sameinuðu þingi
fyrir áramót. Væri þá möguleiki á
að taka uppgjörið við bændur á
dagskrá. -Sáf
Lögreglan
Lýst eftir
manni
Lögreglan í Reykjavík lýsir
eftir Inga Jóhanni Hafsteinssyni,
en til hans hefur ekki spurst síðan
3. nóvember sl.
Ingi Jóhann er 35 ára gamall,
180 cm á hæð og í meðal holdum.
Hann er frekar breiðleitur, með
alskegg og ljóst, litað hár. Síðast
sást til ferða Inga Jóhanns á
Skagaströnd 3. nóvember sl.
Þeir sem geta gefið upplýsingar
um ferðir hans frá þeim tíma eru
beðnir um að gefa sig fram við
lögregluna. _ns
2 SÍÐA - ÞJÓÐVILJINN Miðvlkudagur 30. desember 1987