Þjóðviljinn - 21.03.1990, Blaðsíða 1

f
S veitarstjórnir
Konur hætta
Könnutt Jafnréttisráðs:
Meirihluti sveitar-
stjórnarkvenna œtlar að
hœtta í vor. Reynsla
margra er neikvœð
Meirihluti þeirra kvenna sem
nú eiga sæti í sveitarstjórnum ætl-
ar ekki að gefa kost á sér til
áframhaldandi setu. Stór hluti
kvennanna segist enda hafa
neikvæða reynslu af starfi sínu í
sveitarstjórnum. Þetta kemur
fram í könnun sem Stefanía
Traustadóttir vann fyrir
Jafnréttisráð.
Tæplega 130 konur eru aðal-
menn og 158 konur eru varamenn
í sveitarstjórnum á fslandi.
Leitað var til þeirra allra og svör-
uðu 76 aðalmenn og 47 varamenn
spurningum könnunarinnar. 61
af hundraði aðalmanna segist
ætla að hætta í vor. Margar eru í
vafa.
Þegar spurt er hvers vegna
konumar ætli að hætta, bera
flestar við tímaskorti. Aðrar
ástæður eru neikvæð reynsla,
persónulegar ástæður, að starfið
sé erfitt og beri ekki árangur og
margar svara því til að þær vilji
gefa öðrum tækifæri.
í könnun Stefaníu er dregin
upp einfölduð mynd af hinni
dæmigerðu sveitarstjórnarkonu
og hún er eitthvað á þessa leið:
Hún er á aldrinum 31 til 40 ára,
hún er vel menntuð miðað við
kynsystur sínar, vinnur gjarna
hjá hinu opinbera eða á skrifstofu
og vinnur langan vinnudag. Hún
er einnig gift og á ung börn og
síðast en ekki síst; hún er á sínu
fyrsta kjörtímabili í sveitarstjórn.
-gg
Nýr vettvangur
Bjarni í slaginn
Þetta verður hörð barátta, en
ég er tilbúinn til þess að slást við
hvem sem er um fyrsta sætið í
prófkjöri Nýs vettvangs og Alþýðu
flokksins. Ég vona að Kristín Á.
Ólafsdóttir taki einnig þátt í bar-
áttunni um fyrsta sætið, segir
Bjarni P. Magnússon, borgar-
fulltrúi Alþýðuflokksins í samtali
við Þjóðviljann.
Bjarni hellir sér þar með út í
baráttu við Ólínu Þorvarðardótt-
ur dagskrárgerðarmann um ef-
sta sætið í prófkjöri Nýs vett-
vangs og Alþýðuflokksins. Ólína
lýsti yfir því í Þjóðviljanum í gær
að hún stefndi að efsta sætinu.
Bjarni skorar á Kristínu Á. Ól-
afsdóttur, borgarfulltrúa Al-
þýðubandalagsins, að blanda sér
einnig í þessa baráttu, og vonar
að niðurstaðan verði sú að hún
skipi annað sæti listans.
„Það hefur lengi verið skoðun
mín að Kristín eigi að skipa ann-
að sætið. En við erum að tala um
opið prófkjör og fólkið á auðvit-
að að ráða þessu. Það er af og frá
að ég taki þátt í einhverjum
samningum um það fyrirfram
hvernig listinn á að líta út og sætti
mig auðvitað við það ef ég lendi í
þriðja sæti,“ segir Bjarni.
■gg
Miðvikudagur 21. mars 1990. 55. tölublað 55. árgangur
Alþýðubandalagið
Kristín krafin svara
Guðrún Ágústsdóttir: Kristín verður að velja á milli Nýs vettvangs og Alþýðubandalagsins.
Sigurjón Pétursson: Við Kristín ekki lengurfulltrúar sama aðila í borgarstjórn. Kristín Á.
Ólafsdóttir: Mun ekki starfa í óþökk borgarmálaráðs
Kristín verður að velja á milli
Nýs vettvangs og Alþýðu-
bandalagsins. Maður getur ekki
starfað á fullu í tvennum
stjórnmálasamtökum í kosninga-
baráttu, segir Guðrún Ágústs-
dóttir, borgarfuiltrúi Alþýðu-
bandalagsins, um stöðu Kristínar
Á. Ólafsdóttur í Alþýðubanda-
laginu eftir að hún tilkynnti þátt-
töku i prófkjöri Nýs vettvangs og
Alþýðuflokksins.
Sigurjón Pétursson borgar-
fulltrúi er svipaðrar skoðunar, en
segist eftir sem áður geta starfað
með Kristínu á sama hátt og hann
starfar með borgarfulltrúum ann-
arra minnihlutaflokka.
„Mér dettur ekki í hug að taka
þátt í kosningaundirbúningi hjá
Alþýðubandalaginu. Mér finnst
hins vegar eðlilegt að ég starfi
áfram í borgarmálaráði sem
borgarfulltrúi og er tilbúin til þess
að starfa með Sigurjóni og Guð-
rúnu eins og áður,“ segir Kristín.
f blaðinu í dag birtist erindi
hennar til borgarmálaráðs, sem
fundar síðdegis í dag. Þar biður
Kristín ráðið að ákveða hvort það
telji rétt að hún sitji áfram í borg-
arstjórn og nefndum á vegum Al-
þýðubandalagsins.
„Ég hef ekki áhuga á að starfa
þarna áfram í óþökk borgarmála-
ráðs,“ sagði Kristín í samtali við
Þjóðviljann.
„Ég lít ekki lengur þannig á að
við Kristín séum fulltrúar sama
aðila í borgarstjórn og mér fynd-
ist óeðlilegt ef hún ætlaði að sitja
áfram í borgarmálaráði Alþýðu-
bandalagsins. Þar eiga einungis
að sitja stuðningsmenn G-listans
og ég reikna ekki með því að
Kristín sé í þeirra hópi.
Mér finnst einnig að sá sem
gengur til liðs við ný samtök eigi
að segja skilið við þau sem hann
var í áður,“ sagði Sigurjón Pét-
ursson í samtali við Þjóðviljann.
Innan Alþýðubandalagsins, og
þá ekki síst innan Æskulýðsfylk-
ingarinnar, hafa verið uppi raddir
um að flokkurinn eigi að ganga til
liðs við Nýjan vettvang. Æsku-
lýðsfylkingin fundaði um málið í
gærkvöldi.
Sigurjón vísar þessari hug-
mynd á bug.
„Það var tekin ákvörðun um að
bjóða fram G-lista og síðan hefur
ekkert breyst annað en að hluti
þeirra sem urðu undir í atkvæða-
greiðslu þá vilja ekki una því og
hafa gengið til liðs við önnur
framboð," segir Sigurjón.
Mál þessi bar á góma á fundi
framkvæmdastjórnar Alþýðu-
bandalagsins í gærkvöldi, án þess
að vera þar formlega á dagskrá.
Formaður flokksins minnti á þá
hefð, að flokksforystan hefði
ekki afskipti af sveitarstjórnar-
framboðum og framkvæmda-
stjórnin sá ekki ástæðu til álykt-
ana eða aðgerða af þessu tilefni.
-gg
Á Seltjarnarnesi og í Mosfellssveit hafa stjórnmálaflokkar ákveðið að sameinast í framboði gegn Sjálfstæðisflokknum. Á Seltjarn-
arnesi funduðu fulltrúar Framsóknarflokks, Alþýðuflokks og Alþýðubandalags ígaerþarsem þessi ákvörðun var staðfestog ákveðið aö
bjóðafram undir nafninu „Bæjarmálafélag Seltjarnarness“. En flokkarnir höföu samþykkt þetta hverfyrirsig á mánudag. Þessi mynd vartekin í
upphafi sameiginlegs fundar flokkanna á Seltjarnarnesi í gær. Mynd: Jim Smart.
Alverið
Verkfall mögulegt
Slitnað upp úr samningaviðrœðum stéttarfélaganna og stjórnar Álvers-
ins í Straumsvík
Ifyrrakvöld slitnaði upp úr
samningaviðræðum um kjara-
samninga starfsmanna í Álverinu
í Straumsvík. Verkalýðsfélögin
ætla að funda um stöðu mála á
morgun og að sögn Sigurðar T.
Sigurðssonar formanns Hlífar í
Hafnarfirði mun stjórn félagsins
að öllum líkindum fara fram á
verkfallsheimild til að knýja á um
lausn málsins.
„Deilan snýst um tvær ein-
greiðslur sem eru í síðustu samn-
ingum og við höfum marglýst því
yfir að samkvæmt 1. grein samn-
ings ASÍ og VSÍ eigi þær að halda
sér. Þessar greiðslur voru upp á
rúmlega 26.000 krónur og 20.000
krónur og ef þær verða felldar út
nægja þessar tvær kauphækkanir
upp á 1,5% sem eiga að koma 1.
febrúar og 1. júní ekki til að vega
upp tekjutapið. Það á með öðr-
um orðum að lækka laun starfs-
fólks í álverinu. Við segjum að
það komi ekki til greina, ASÍ og
VSÍ geti ekki lækkað kaupið í ál-
verinu, hvorki bæði saman né
hvort í sínu lagi. Stjórnendur ál-
versins eru ekki til viðræðu um
annað en að þessar greiðslur falli
niður en við teljum það jafngilda
því að við gæfum hrók í forgjöf í
samningunum,“ segir Sigurður.
Verkalýðsfélögin sem eiga hlut
að samningunum í álverinu ætla
að boða fundi með sínu fólki á
morgun, fimmtudag, og bjóst
Sigurður við því að amk. stjórn
Hlífar færi fram á að henni yrði
veitt heimild til að boða verkfall.
„Ég hef það á tilfinningunni að
þessi stífni álversmanna tengist
viðræðunum sem nú fara fram
milli ríkisvaldsins og Atlantal-
hópsins um staðsetningu nýs ál-
vers. Kannski vilja ísal-menn að
það spyrjist til Atlantal-hópsins
að nú sé órói meðal starfsmanna í
Straumsvík og því vissara að fara
eitthvað annað með nýja álver-
ið,“ sagði Sigurður T. Sigurðs-
son.
Ekki hefur verið boðaður nýr
samningafundur í þessari kjara-
deilu og henni hefur heldur ekki
verið vísað til sáttasemjara. _þjj
Sjóslys
Eins manns
saknað
Sjöstjarnan VEfórst út af
Elliðaey í gœr
Eins manns er saknað cftir að
Sjöstjarnan VE fórst út af Elliða-
ey í gærmorgun eftir að hafa feng-
ið á sig brotsjó. Fimm menn úr
áhöfninni komust í gúmmíbjörg-
unarbát og bjargaði lóðsinn í
Vestmanneyjum þeim um miðjan
dag í gær.
Ahöfninni tókst ekki að senda
út neyðarkall en merki frá
neyðarsendi björgunarbátsins
voru numin hjá flugturni í
Vestmannaeyjum. Leit að sjötta
skipverjanum hafði ekki borið
árangur þegar blaðið fór í prent-
un í gærkveldi.
-hmp