Þjóðviljinn - 08.05.1990, Blaðsíða 11

HÓTEL BORG • FÓGETINN • DUUSHÚS
X-Seltjarnarnes
afl á Nesinu
Bæjarmálafélag Seltjarnarness býðurfram gegn Sjálfstœðisflokknum
Tveir listar bjóða fram á Sel-
tjarnarnesi í vor, D-listi Sjálfs-
tæðisflokks sem leiddur er af Sig-
urgeir Sigurðssyni bæjarstjóra
Seltirninga í tæpa þrjá áratugi, og
N-listi Nýs afls sem er borinn
fram af nýstofnuðu Bæjarmálafé-
lagi Seltjarnarness. Félagið
stendur að sameiginlegu fram-
boði einstaklinga úr ýmsum
stjórnmálaflokkum auk óháðra
borgara. Opið prófkjör fór fram
7. aprfl og atkvæði greiddu 450
manns. Þrjú efstu sætin voru
bindandi. Alþýðuflokkur fékk
fjórða sætið.
Siv Friðleifsdóttir
Viljum
opnari
stjóm-
sýslu
Umhverfismálin eru efst á dagskránni, segir
Siv Friðleifsdóttir sem skipar efsta sœti Nýs
afls
„Ástæða sameinaðs framboðs
er að aðilar voru sammála um
málefnaáherslur og vildu laða
fleiri bæjarbúa til starfa að
bæjarmálum, þá sem eru „óháð-
ir“. Við efndum til opins próf-
kjörs og samstarfið hefur gengið
mjög vel,“ sagði Siv Friðleifsdótt-
ir sjúkraþjálfari og efsti maður á
N-lista Nýs afls á Seltjarnarnesi í
stuttu spjalli við Þjóðviljann.
„Eitt af okkar helstu stefnu-
málum er opnari stjómsýsla
þannig að íbúarnir hafi bein áhrif
á stjórnun og stofnanir bæjarins.
Við höfum stofnað Bæjarmálafé-
lag Seltjarnarness sem er vett-
Sigurgeir Sigurðsson bæjarstjóri
og efsti maður D-listans.
vangur fyrir félaga um bætta
stjórnun á málefnum Seltjam-
arness. f félaginu munu starfa
nefndir samskonar og nefndir
innan bæjarins.
Valdið hefur þjappast
á hendur fárra
Bæjarfulltrúar og kjörnir full-
trúar í nefndum bæjarins munu
taka þátt í opnum fundum á veg-
um félagsins þannig að félags-
mönnum gefst kostur á að hafa
áhrif og móta stefnuna. Þannig
opnast stjórnsýslan og valddreif-
ing verður mikil. Þetta er þver-
öfugt við þróunina hjá íhaldinu
þar sem svo er komið að valdið
hefur þjappast á hendur fárra.
íhaldið hefur setið í tugi ára og nú
er kominn tími til að ná ferskum
straumum í stjórnun bæjarmála.
Annað mikilvægt mál er um-
hverfismálin. Við gerðum skoð-
anakönnun samhliða prófkjörinu
um hvaða málefni fólk vildi
leggja áherslu á og þar kom skýrt
fram að umhverfismálin voru sett
á oddinn. Fólk vill meðal annars
að eitthvað sé gert í holræsamál-
unum sem eru í mjög slæmu á-
standi eins svo víða á stór-
Reykjavíkursvæðinu. Holræsin
eru opin beint út í fjöru. Þetta
viljum við bæta.
Við viljum líka að gerð sé
stefnumótun um hvemig best sé
Siv Friðleifsdóttir: „Umhverfismálin eru efst á stefnuskránni."

að vernda náttúru og fuglalíf á
svæðinu vestan við núverandi
byggð og endurskoða skipulag
þar. Á þessu svæði þarf að bæta
aðgengi og leggja göngu- og
skokkstíga. Þessi skiki er merki-
legur staður að því leyti að hann
er einn helsti áningarstaður far-
fugla á svæðinu og er því mjög
viðkvæmur t.d. um varptímann.
Við viljum ekki að byggt sé þarna
neitt á næstunni, þetta ætti að
verða grænt svæði fyrir næstu
kynslóðir. Um þetta þarf að móta
stefnu.
Hjúkrunarheimili
á Nesið
Valhúsahæð viljum við láta
snyrta og fegra. Þar hefur ekkert
verið gert þrátt fyrir loforð þar
um. Við viljum líka láta ganga frá
og snyrta í kringum lóðir Val-
húsaskóla og Mýrarhúsaskóla.
Almennt eru umhverfísmálin
ekki í nógu góðu ástandi úti á
Nesi. Það vantar víða Iokafrá-
gang á sameignum bæjarbúa og
þetta þarf að bæta.
Af öðrum stefnumálum má
nefna að við viljum láta flýta
byggingu hjúkrunarheimilis á
Seltjarnarnesi. Þá erum við að
tala um heimili fyrir aldraða Sel-
tirninga í manneskjulegri stærð
sem hentar íbúum hér.
Dagvistarmálin þarf líka að
skoða, sérstaklega dagvistar-
gjöldin. Þau hefur minnihlutinn
viljað lækka og hafa þau í sam-
ræmi við það sem gerist í ná-
grannasveitarfélögunum.
íþrótta- og æskulýðsstarf vilj-
um við að sé öflugt á Nesinu.
íþróttastarfið er gott en það er
fyrst núna sem verið er að opna
félagsmiðstöð fyrir unglinga og
þá starfsemi viljum við vanda.
Það þarf að koma heildarskipu-
lagi á þessi mál og við viljum auka
samstarf á milli íþróttafélagsins,
skólans og félagsmiðstöðvarinn-
ar þannig að dagurinn verði sem
samfelldastur hjá krökkunum.“
Efstu sætin skipa þrjár konur:
Siv Friðleifsdóttir, sem starfað
hefur fyrir Framsóknarflokkinn,
Guðrún Þorbergsdóttir bæjar-
fulltrúi Alþýðubandalagsins o^
Katrín Pálsdóttir, Kvennalista.
Fjórða sætið skipar Alþýðu-
flokksmaðurinn Björn Her-
mannsson fræðslufulltrúi, sem
var í 7. sæti en skipti við Önnu
Kristínu Jónsdóttur sem hlaut
kosningu í 4. sætið í prófkjöri.
Það fimmta skipar Sverrir Ólafs-
son rafmagnsverkfræðingur.
Við síðustu kosningar vann Al-
þýðubandalag mann af Sjálfstæð-
isflokki, sem hafði haft fimm
manna meirihluta. Alþýðu-
bandalag hefur nú tvo bæjar-
stjórnarfulltrúa, þær Guðrúnu
Þorbergs og Svövu Stefánsdótt-
ur, Sjálfstæðisflokkur fjóra og
Framsókn einn. Bæjarfulltrúi
Framsóknar, Guðmundur Ein-
arsson, lætur af störfum í bæjar-
stjórn í vor og skipar heiðurssæti
N-listai;>,.
Á D-listann kemur inn nýtt
fólk. Forseti bæjarstjórnar,
Guðmar Magnússon, fer út og í
öðru sæti er Erna Nielsen sem
ekki hefur verið í framboði áður.
í þriðja sæti er Ásgeir Ásgeirsson
bæjarfulltrúi, í fjórða sæti Petrea
Jónsdóttir sem einnig er nýtt and-
lit í bæjarmálapólitíkinni og í
fimmta sæti er Björg Sigurðar-
dóttir bæjarfulltrúi.
Umræður um sameiginlegt
framboð hófust strax í fyrrahaust
með viðræðum Alþýðubandalags
og Framsóknar. Þá tók sig saman
hópur óháðra borgara sem lagði
til að efnt yrði til sameiginlegs
lista allra þeirra sem ekki styddu
Sjálfstæðisflokkinn. Að N-
listanum standa því Alþýðu-
flokkur, Alþýðubandalag, Fram-
sóknarflokkur, Borgaraflokkur,
Kvennalisti og óháðir borgarar.
Eitt helsta kosningamálið við
síðustu kosningar var Valhúsa-
hæðin, skipulag hennar og vernd-
un. „Sjálfstæðismenn hétu því að
ganga þar frá útivistarsvæði en
hafa enn ekki tekið á því máli og
það eina sem þeir hafa gert er að
selja þar lóðir undir fjóra kjama
einbýlishúsa,“ sagði Guðrún Þor-
bergsdóttir í samtali við Þjóðvilj-
ann. „í ár em það enn umhverf-
ismálin sem mestur ágreiningur
er um og eru sett efst á stefnuskrá
Bæjarmálafélags Seltjarnar-
ness.“
N-listi Bæjaimálafélags
Seltjamamess
1. Siv Friðleifsdóttir. 2. Guðrún K. Þorbergsdóttir. 3. Katrín Pálsdótt-
ir. 4. Bjöm Hermannsson. 5. Sverrir Ólafsson. 6. Páll A. Jónsson. 7.
Anna Kristín Jónsdóttir. 8. Hallgrímur Þ. Magnússon. 9. Amþór
Helgason. 10. Eggert Eggertsson. 11. Sunneva Hafsteinsdóttir. 12.
Guðmundur Sigurðsson. 13. Kristín Halldórsdóttir. 14. Guðmundur
Einarsson.
• ÓPERUKJALLARINN • KRINGLUKRÁIN • BORGARLEIKHÚSIÐ • IÐNO • HORNIÐ • FIMMAN • HOTEL BORG • KRINGLUKRAIN • BORGARLEIKHÚSIÐ • IÐNO • HORNIÐ
p ÚTMhRKDJrtftMGdR
f— \ Re/lýMMÍk 6.-13. ÞMÍ1990
ms.
C/ CesHÍ
!Ö
E
oö
HOTEL BORG:
Gammar
FÓGETINN:
Kvartett Guðmundar Ingólfssonar
DUUS HÚS:
FIMMAN:
Súld
HORNIÐ:
BlúskvöldÁ/indlar Faraós
ÓPERUKJALLARINN:
Big band og Sextett Tónlistarskóla FÍH Kvartett Kristjóns Magnússonar
GAUKUR Á STÖNG: KRINGLUKRÁIN:
Borgarhljómsveitin Trió Egils B. Hreinssonar
• OPERUKJALLARINN • KRINGLUKRAIN • BORGARLEIKHUSIÐ • IÐNO • HORNIÐ • FOGETINN • DUUSHUS • KRINGLUKRAIN • BORGARLEIKHUSIÐ • IÐNO • HORNIÐ