Þjóðviljinn - 16.08.1990, Blaðsíða 3

FRÉTTIR
Húsnœðisnefndir
Ráðherra tekur af tvímæli
Félagsmálaráðherra hefur sent
sveitarstjórnum bréf þar sem
skýrt er kveðið á um að þar sem
fulltrúaráð verkalýðsfélaga
starfa skuli þau tilnefna fulltrúa í
húsnæðisnefndir. Borgarstjórn-
armeirihlutinn í Reykjavík er
annarrar skoðunar og hefur beð-
ið Dagsbrún og VR að tilnefna
fulltrúa í húsnæðisnefnd borgar-
innar. Varaformaður Dagsbrún-
ar telur hins vegar að fulltrúaráð
verkalýðsfélaganna eigi að til-
nefna tvo fulltrúa.
í lögum um breytingar á lögum
um Húsnæðisstofnun ríkisins,
segir að í sveitarfélögum með 10
þúsund íbúa eða fleiri skuli hús-
næðisnefnd skipuð sjö fulltrúum.
Fjórir koma þá frá sveitarfé-
laginu, en þrír frá verkalýðs-
hreyfingunni. í lögunum er talað
um að stærstu samtök launafólks
í sveitarfélaginu skuli tilnefna í
nefndina. Borgarstjórnarmeiri-
hlutinn telur að með stærstu sam-
tökum geti verið átt við stærstu
einstök stéttarfélög, en félags-
málaráðuneytið telur að þar sé
átt við heildarsamtök eins og ASÍ
og BSRB. í bréfi ráðuneytisins
frá í fyrradag eru tekin af öll tví-
mæli um þetta og samkvæmt því á
fulltrúaráð verkalýðsfélaganna
að tilnefna tvo fulltrúa í húsnæð-
isnefnd Reykjavíkur.
Það er hins vegar óljóst hvort
hægt verður að hnekkja því ef
nefndin verður skipuð samkvæmt
vilja borgarstjórnarmeirihlutans
áður en reglugerð lítur dagsins
ljós.
f bréfi ráðuneytisins er einnig
kveðið á um valdsvið húsnæðis-
nefnda og tengsl við sveitarst-
jómir, en um þetta hefur verið
deilt, ekki síst í Hafnarfirði.
Ráðuneytið segir að sveitar-
stjórn beri fjárhagslega ábyrgð á
félagslegum íbúðum og á bygg-
ingarframkvæmdum öllum. I því
felst meðal annars að sveitar-
stjórn tekur ákvarðanir um fjölda
íbúða, að stærð þeirra og gerð sé
innan ramma laga og að bygging-
arkostnaður eða kaupverð sé
innan kostnaðargrundvallar sem
húsnæðismálastjórn hefur sett.
Samkvæmt bréfi ráðuneytisins
á húsnæðisnefnd að annast út-
boð, efniskaup, verksamnings-
gerð og uppgjör byggingarkost-
naðar, en allt innan þess fjárhags-
lega ramma sem sveitarstjórn set-
ur.
Hins vegar á sveitarstjórn að
ráða fasta starfsmenn nefndar-
innar og semja um launakjör
þeirra, en um þetta hefur verið
deilt í Hafnarfirði. Bæði húsnæð-
isnefnd og bæjaryfirvöld í Hafn-
arfirði hafa auglýst eftir starfs-
mönnum fyrir nefndina. -gg
SINE
Ottinn ástæðulaus
Samband ísienskra náms-
manna erlendis samþykktu á
sumrráðstefnu sinni ályktun, þar
sem segir að stjórnvöld verði að
vera á varðbergi vegna sameigin-
legs innri markaðar Evrópu*
bandalagsins 1993. Óttast þeir að
íslenskir námsmenn fái ekki inni f
háskólum í löndum Evrópuband-
alagsins og á þá verði litið sem
annars flokks fólk.
Svavar Gestsson menntamála-
ráðherra segir þennan ótta ást-
æðulausan. „Það hefur heilmikið
Landgrœðsluskógar
Átakiö
blómstrar
1.3 miljón plantna
gróðursettar í sumar
Átak um landgræðsluskóga
1990 hefur gengið mjög vel, bæði
hvað varðar framkvæmdir, fjár-
öflun og kynningu. í sumar verða
gróðursettar um 1.3 miljón
plantna, en áætlað var að gróður-
settar yrðu 1-1 Vi miljón plöntur í
tilefni átaksins. Samkvæmt uppg-
jöri í júlí hafa safnast rúmlega 43
miljónir króna.
Að átakinu standa Skógrækt-
arfélag íslands, Skógrækt ríkis-
ins, Landgræðslan og landbúnað-
arráðuneytið. Tilefni átaksins er
60 ára afmæli Skógræktarfélags-
ins og hófst undirbúningur í árs-
byrjun 1989. Markmiðið var að
auka og efla íslenska birki-
skóginn, gera íslenskt gróðurríki
fjölbreyttara og sterkara og að
hamla gegn uppblæstri og gróð-
ureyðingu.
Auk þeirra plantna sem gróð-
ursettar verða í sumar, hefur
framkvæmdanefnd átaksins gert
samninga um framleiðslu á 1
miljón plantna fyrir árið 1991 og
verða þær gróðursettar á næsta
ári. Þannig mun átakið standa að
framleiðslu og gróðursetningu á
2.3 miljónum plantna sem er tals-
vert meira en bjartsýnustu menn
þorðu að vona. Á næsta ári verð-
ur einnig fylgst með og hlúð að
þeim plöntum sem gróðursettar
hafa verið á þessu ári.
ns.
verið í gangi hjá háskólanum með
þessi mál. Háskólinn hefur gert
tvíhliða samninga við fjöldann
allan af erlendum háskólum. Síð-
an höfum við náttúrlega verið í
viðræðum um menntamál, þróun
þeirra og vísindi við fulltrúa Evr-
ópubandalagsins í gegnum
EFTA. Þannig að við teljum að
þessi mál séu í ágætum farvegi,"
segir Svavar.
Aðild að Evrópubandalaginu
segir Svavar ekki skipta máli til
eða frá. „Við erum komin það
langt í þessum tvíhliða samning-
um og í viðræðunum gegnum
EFTA að það eiga ekki að koma
nein vandamál upp af neinu
tagi,“ segir Svavar.
Fulltrúar SÍNE telja að til að
geta talist fullboðlegir samanbor-
ið við erlenda háskóla, þurfi Há-
skóli íslands að auka fjölbreytni í
náminu. Svavar Gestsson segir
að sífellt sé verið að bæta við nýj-
um greinum í Háskólanum, og
það sé ljóst að íslenskir náms-
menn geti farið til náms erlendis
eins og verið hefur. „Það er engin
ástæða til að gera ráð fyrir öðru.
íslenskir námsmenn eiga ekki að
þurfa að óttast neitt, en ef vanda-
mál koma upp eiga þeir að láta
ráðuneytið vita,“ segir Svavar
Gestsson. ns.
Misjafnt er hve langt fólk ætlar sér að hlaupa I Reykjavíkurmaraþoninu á sunnudaginn. Hvað þessir kappar ætla sér langt
er óvíst en þeir virðast líklegir til alls. Mynd: Jim Smart.
Reykjavík
Maraþonundirbúningur
Undirbúningur undir 7.
Reykjavíkurmaraþonið er nú
í hámarki. Maraþonið hefst á
Lækjargötu á hádegi á sunnudag-
inn og nú þegar hafa milli sjö og
átta hundrað manns skráð sig.
Búist er við mettþátttöku eða allt
að 1500 manns.
Hægt er velja um þrjár mis-
munandi vegalengdir. Mara-
þonhlaupið sem er 42,195 km,
hálf-maraþon, sem er hálf sú veg-
alengd, og skemmtiskokk, u.þ.b.
7 km langt og er það einkum ætl-
að byrjendum og þeim sem kjósa
styttri vegalengdir. Keppt er í sjö
flokkum karla og sex flokkum
kvenna og auk þess í þriggja
manna sveitakeppni í
skemmtiskokkinu og hálf-
maraþoninu. el
Patreksfjörður
Deilur um sveitarstjóra
Olafur Arnfjörð sem stóð til að
ráða sem sveitarstjóra á Patr-
eksfirði, útilokar ekki að hann
fari í mál við Patrekshrepp verði
ekki af ráðningu hans. En þegar á
reyndi var ekki sá stuðningur við
ráðningu Ólafs sem menn töldu í
upphafi, að sögn Björns Gísla-
sonar oddvita og sveitarstjórnar-
fulltrúa Alþýðuflokksins.
f viðtali við Ríkisútvarpið
sagði Ólafur að Björn hefði kom-
ið á hans fund, þar sem gengið
var frá öllu í sambandi við ráðn-
ingu hans nema undirskrift ráðn-
ingarsamnings. f samtali við
Þjóðviljann sagði Bjöm ekki
ljóst hvort þetta mál stefndi
meirihlutasamstarfi Alþýðu-
flokks og Framsóknarflokks í
hættu. Hann vissi ekki til þess að
Framsóknarmenn hefðu gefið út
neinar yfirlýsingar í því sam-
bandi.
„Það var búið að semja við þá
um meirihlutasamstarf og ná
samkomulagi um allt annað en
þetta,“ sagði Björn. Skiptar
skoðanir hefðu verið um ráðning-
una, en Alþýðuflokksmenn
myndu standa við málefnasamn-
inginn að öðru leyti. Björn sagði
rétt hjá Ólafi að ekkert hefði
vantað upp á ráðningu hans ann-
að en undirskriftina og sjálfur,
hefði hann talið ráðningu hans á-
kveðna. Hins vegar hefði ráðn-
ingin aldrei verið rædd í hrepps-
nefnd.
Björn sagði rétt að ef til vill
hefði átt að fara öfugt að hlutun-
um og ræða ráðninguna fyrst í
hreppsnefnd. Það væri ekki
skemmtileg staða ef Ólafur færi í
mál við hreppinn, verði ekki af
ráðningu hans. Björn sagðist
ekki vilja ræða þessi mál frekar
fýrr en að loknum hreppsnefnd-
arfundi um miðja næstu viku,
þegar það kemur í ljós hvor verð-
ur ráðinn, Ólafur eða fyrrverandi
sveitarstjóri, Úlfar Thoroddsen.
-hmp
Bráðabirgðalögin
Matvælafræðingar mótmæla
Aþeim fjórum árum sem við
höfum haft samningsrétt hafa
þeir tveir kjarasamningar sem
við höfum gert við ríkið verið
teknir af okkur með bráða-
birgðalögum, segir í yfírlýsingu
sem samþykkt var á félagsfundi
matvæla- og næringarfræðinga
hjá ríkinu nýlega.
í yfirlýsingunni segir að samn-
ingsréttur félagsmanna sé enginn
og að þeir búi ekki við það lýð-
ræði að geta samið um kaup og
kjör. Félagsfundur lýsir yfir van-
trausti á ríkisstjórnina og krefst
þess að hún fari þegar frá.
Fimmtudagur 16. ágúst 1990 ÞJÓÐVIUINN - SÍÐA 3