Dagblaðið Vísir - DV - 14.06.1996, Blaðsíða 8

FÖSTUDAGUR 14. JÚNÍ 1996
Þúsundir kvenna tóku þátt í hlaupinu í fyrra
Kvennahlaup
Kvennahlaup ÍSÍ fer fram í
Garðabæ sunnudaginn 16. júní.
Á síðastliðnu ári fór fram
kvennahlaup í Garðabæ og heppn-
aðist það svo vel að ákveðið hefur
verið að halda annað I ár.
í fyrra tóku þátt á sjöunda þús-
und konur og vonast er til þess að
þátttakan verði ekki síðri í ár.
Hægt verður að velja um þrjár
hlaupaleiðir sem eru tveggja, fimm
og sjö kílómetra langar og má
hlaupa þær, ganga eða skokka.
Markmiðið með hlaupinu er að
leggja áherslu á íþróttaiðkun
kvenna og holla lífshætti sem konur
fá með því að stunda íþróttir.
Safnast verður saman við Flata-
skóla kl. 13.30 og gerðar léttar upp-
hitunaræfingar en hlaupið sjálft
hefst kl. 14.
Hlaupinu lýkur við Flataskóla
með skemmtidagskrá ásamt því að
veitingar verða í boði. -SF
Akranes:
Sumar og
sandur 1996
Um helgina verður hin árlega
sumarhátið Akumesinga, Sumar og
sandur, haldin.
Að þessu sinni stendur hátíðin í
tvo daga. Á laugardaginn byrjar
dagskráin kl. 10 á Æðarodda þar
sem krakkar geta fengið að sitja
eina ferð á hestbaki. Eftir hádegi
færist dagskráin á Langasand og
hafnarsvæðið auk þess sem skátar
munu setja upp tjaldbúðir á Skaga-
verstúninu. Hægt verður að skoða
fornbíla á hafnarsvæðinu ásamt
sjávardýrasýningu og kajakasýn-
ingu í höfninni. Þá verður fjölbreytt
dagskrá ásamt ýmiss konar leik-
tækjum og uppákomum á svæðinu.
Fyrir eldri unglinga verður gegn
greiðslu hægt að prófa gókart-bíla,
teygjustökk, rafmagnsbíla, sæþotur
og fara i útsýnisflug hjá þyrluþjón-
ustunni.
Um kvöldið verður varðeldur við
Langasand undir stjórn hljómsveit-
arinnar Ebbi og lukkutríóið.
Sunnudagurinn verður á rólegu
nótunum og getur fólk valið um
mismunandi gönguferð með leið-
sögn góðra manna. Gengið verður á
Akrafjall, farið í fjöruferð, fugla-
skoðunarferð og ferð í gamla bæinn.
Þá kemur hópur frá vinabæ
Akraness, Qaqortoq á Grænlandi,
sem setur skemmtilegan svip á há-
tíðina. Grænlendingarnir munu
sýna kajaka á sjó og landi, þjóðbún-
inga og dansa. Þá verður grænlensk
listsýning í Kirkjuhvoli.
Um kvöldið verður svo dansleik-
ur við Stjómsýsluhúsið þar sem Sól-
strandargæjamir munu skemmta
ásamt fleiri. -SF
Norræna
húsið um
helgina
Á sunnudaginn kl. 17.30 verður
flutt erindi um íslenskt samfélag
fyrir norræna ferðamenn. Bergþór
Kjærnested mun fjalla um það sem
er efst á baugi í þjóðfélaginu og
verður erindið flutt á sænsku og
finnsku.
Á mánudaginn verður heimildar-
myndin Island ett levende land sýnd
kl. 17.30 og kvikmyndin Á köldum
klaka (Cold Fever) kl. 19.
Þá hefur Norræna húsið sett sam-
an sérstaka sumardagskrá fyrir nor-
ræna ferðamenn sem koma til
landsins. Er ætlunin að bjóða
frændum okkar upp á fræðandi og
lifandi kynningu á menningu okk-
ar, landi og þjóð. -SF
Strandveisla í
Nauthólsvík
Unglingadeild siglingafélagsins
Brokeyjar og Sportkafarafélag ís-
lands býður landsmönnum til
strandveislu í Nauthólsvík á morg-
un og sunnudag.
Hægt verður að leigja báta, sjó-
skíði og fleira gegn vægu gjaldi. Þá
verður hægt að sigla um á seglbát-
um, árabátum, kappróðrarbátum,
sjókajökum eða kafa og busla í sjón-
um. Jafnframt verður hægt að
skoða starfsemi félaganna. -SF
Tvær sýningar á
verkum Kristínar
Magnúsdóttur
Kristín Magnúsdótir opnar tvær
sýningar á skúlptúrum um helgina.
Sú fyrri verður opnuð á morgun
kl. 14 til 16 í Listhúsi 39, Strandgötu
39, Hafnarfirði. Hún stendur til 1.
júli og er opin daglega.
Hin sýningin verður I Gallerí
Laugavegi 20b í Reykjavík. Hún
verður opnuð á sunnudaginn kl. 16
til 18. Sýningunni á Laugavegi lýkur
28. júní og er opið virka daga frá kl.
12 til 18 og 14 til 18 um helgar. -SF
Sýning á
tréskurði
Félag áhugamanna um tréskurð
heldur sýningu á verkum félags-
manna í húsakynnum íspan að
Smiðjuvegi 7 í Kópavogi 15. og 16.
júní milli kl. 13 og 18.
Félag áhugamanna um tréskurð
var stofhað í mars. Þátttaka var mun
meiri en aðstandendur höfðu vænst
og er ljóst að tréskurður er vinsælt
handverk. Markmið félagsins er að
efla og kynna tréskurð á íslandi,
m.a. með því aö standa að sýningum
á verkum félagsmanna.
Fyrstu sýningu félagsins er ætlað
að gefa yfirlit yfir vinnu og verk fé-
lagsmanna. Fræðimenn hafa lýst því
yfir að íslenskur alþýðuútskurður
hafi liðið undir lok um aldamótin.-Á
sýningunni má sjá allt það helsta
sem er að gerast í alþýðuútskurði á
íslandi í dag. -SF
I>V
Lögreglan:
Allt í lagi
í Reykj avík
Mótorfákar lögreglunnar verða til sýnis.
Lögreglan í Reykjavík kynnir
sögu sína og starfsemi frá kl. 13 til
17 á sunnudaginn í Árbæjarsafni.
Starfandi lögregluþjónar munu
klæðast gömlum búningum og veita
leiðsögn um lögreglusýningu sem
verður á safninu i sumar.
Þar má m.a. sjá vopn úr fórum
lögreglunnar í Reykjavík og eftirlík-
ingu af hinni illræmdu morgun-
stjörnu sem vaktarar bæjarins not-
uðu frá 18. öld til að stugga við
drykkjumönnum.
Hestar verða á svæðinu fyrir
bömin og fá þau að bregða sér á bak
en umferðardeild lögreglunnar mun
einnig sýna vélfáka sína og þannig
verður á svæðinu elsta mótorhjól
lögreglunnar frá 8. áratugnum.
Gömul Svarta-María verður opin
fyrir gesti og vilji menn fá að
smeygja sér inn í slíkan farkost er
slíkt heimilt.
Lögreglukórinn syngur svo af'
sinni alkunnu snilld kl. 15 og Lúlli
löggubangsi skemmtir börnum en á
sýningunni má sjá forvera hans sem
notaður var í umferðarfræðslu lög-
reglunnar, Lása löggu. -SF
Ljóðakvöld í
Þingvalla-
kirkju
Útgáfufyrirtækið Andblær stend-
ur fyrir ljóðakvöldi í Þingvallakirkju
annað kvöld.
Kvöldið er haldið í tilefni af út-
komu fjórða heftis bókmenntatima-
ritsins Andblæs og ljóðabókarinnar
Hús á heiðinni eftir Steinunni Ás-
mundsdóttur en hún hefur að geyma
Þingvallaljóð.
Andblær hefur að geyma efni eftir
23 höfúnda og er rúmar 70 blaðsíður.
Lesturinn hefst kl. 20.30 en í hléi
verður gengið út að Skötuvatni þar
sem Steinunn mun segja ævintýri.
-SF
Kjarvalsstaðir:
Útnefning
borgarlista-
manns 1996
Mánudaginn 17. júni kl. 14 verður
útnefhdur borgarlistamaður 1996 og
honum veitt viðurkenning.
Útnefning borgarlistamanns er
heiðursviðurkenning til handa
reykvískum listamanni sem með
listsköpun sinni hefur skarað fram
úr og markað sérstök spor í ís-
lensku listalífi. Útnefningin fer
fram 17. júní ár hvert. Að þessu
sinni fer útnefningin fram á Kjar-
valsstöðum. Guðrún Jónsdóttir, for-
maður menningarmálanefndar,
mun flytja ávarp og síðan mun
borgarstjóri, frú Ingibjörg Sólrún
Gísladóttir útnefna borgarlista-
mann. Bernardel strengjakvartett-
inn mun leika við útnefninguna.
17. júní verður almenningi boðið
að skoða endurgjaldslaust sýning-
una íslensk náttúrusýn en hún er
framlag Listasafns Reykjavíkur á
Kjarvalsstöðum til Listahátíðar í
Reykjavík. -SF
Síðasta sýning í Þjóðleikhúsinu:
Hamingj ur ánið
Nú eru aðeins tvær sýningar eftir
á söngleiknum Hamingjuráninu,,
sem sýndur hefur verið við miklar
vinsældir á smíðaverkstæðinu.
Verkið er laufléttiu' söngleikur
um hvunndagshetjur sem taka til
sinna ráða til þess að glæða lífið
rómantík og spennu. Þetta er hug-
ljúf og bráðfyndin saga um óvenjú-
legan bankaræningja og italska
draumadís sem eiga það sameigin-
legt að láta sig dreyma um betra líf.
Leikendur eru Steinunn Ólína
Þorsteinsdóttir, Hilmir Snær
Guðnason, Örn Ámason, Ólafía
Hrönn Jónsdóttir, Vigdís Gunnars-
dóttir, Bergur Þór Ingólfsson og
Flosi Ólafsson. Leikstjóri er Kol-
brún Halldórsdóttir, búninga gerði
Þórunn E. Sveinsdóttir, Þórarinn
Eldjám þýddi. Jóhann G. Jóhanns-
son sér um tónlistarstjórn, Axel H.
Jóhannesson er höfundur leikmynd-
ar og Björn Bergsteinn Guðmunds-
son hannar lýsingu. Höfundur
verksins er Bengt Ahlfors, einn
fremsti revíu- og gamanleikjahöf-
undur Norðurlanda.
Siðustu sýningar eru í kvöld og á
sunnudagskvöld. -SF
Örn Árnason á góðum spretti.