Dagblaðið Vísir - DV - 19.07.1996, Qupperneq 2
16
FÖSTUDAGUR 19. JÚLÍ 1996
tónlist
TÓNLISUR
Upplyfting - 20 vinsæl lög *★
Afmælisgjöf Upplyftingar
Hljómsveitin Upplyfting
fagnar tuttugu ára afmæli
sínu á þessu ári með því að
senda frá sér safndisk með
tuttugu vinsælum lögum.
Lögin á plötunni eru
reyndar miklu fleiri því
tveir titlarnir innihalda
syrpur sem hafa notið tölu-
verðra vinsælda á liðnum
árum, fyrst syrpan í sum-
arskapi og löngu síðar La-
la syrpan („Góðan daginn
gamla gráa skólahús,
menntaveginn gekk ég og
fékk aldrei lús!“)
Upplyfting fór reyndar ekki að láta að sér kveða fyrr en tveir
stofnendur hennar hófu nám við Samvinnuskólann að Bifröst.
Þar komu nokkrir aðrir nemendur til sögunnar, svo og skóla-
stjórinn og eftir það fékk ekkert stöðvað hljómsveitina. Hún
sendi fyrstu plötuna frá sér árið 1980 og síðan tvær til viðbótar
næstu tvö árin á eftir. Síðan liðu átta ár þar til fjórða platan kom
út. Rjómann af þessum fjórum plötum er að finna á 20 vinsælum
lögum. Kveðjustund, titillag fyrstu plötunnar, hefur reyndar ver-
ið hljóðritað að nýju og syngur Sigrún Eva Ármannsdóttir það að
þessu sinni. Þá er á plötunni eitt lag sem Upplyfting hefur áreið-
anlega spilað ótal sinnum en hefur ekki verið til á plötu fyrr en
nú. Það er lagið 17. júní eftir skólastjórann sem fyrr var getið,
Hauk Ingibergsson. Það var hins vegar Dúmbó sextettinn sem
hljóðritaði það fyrst.
20 vinsæl lög er eflaust kærkominn gripur fyrir aðdáendur
Upplyftingar. Fyrstu þrjár plötur hljómsveitarinnar hafa verið
ófáanlegar um margra ára skeið. Nú er sem sagt hægt að endur-
nýja kynnin við Traustan vin, Rabarbara Rúnu og fleiri iög sem
nutu vinsælda í óskalagaþáttum gömlu gufunnar viku eftir viku,
mánuð eftir mánuð og jafnvel ár eftir ár. Margt af lögum Upplyft-
ingar er reyndar álika nútímalegt og þessir gömlu óskalagaþætt-
ir en það er eitthvað vinalegt við þau sem vekur upp endurminn-
ingar um löngu liðna tíð. Og meðan kaupendur finnast sem vilja
láta löngu gleymda smelli ylja sér um hjartarætúr á útgáfa eins
og 20 vinsæl lög með Upplyftingu rétt á sér.
-ÁT
Crowded House ★★★
- Recurring Dream (The very Best of)
I anda Cohens og McCartneys
RiarsHVS’
Það er ekki að ástæðu-
lausu sem Neil Finn, laga-
höfundur Crowded House,
hefur uppnefnt höfundarstíl
sinn Leonard & McCartney.
Margt í textunum minnir á
hina dökku lífssýn Leon-
ards Cohens en síðan koma
viðlögin eins og beint úr
lagasafni McCartneys. Ekki
beinlínis stælingar en eitt
og annað minnir óneitan-
lega á Bítlana, sérstaklega
þegar raddsetningarnar eru
látnar hljóma svipað og hjá
gömlu meisturunum.
Nokkru eftir að platan sem hér er til umfjöllunar kom út til-
kynnti Finn, höfuð og heili Crowded House, að dagar hljómsveit-
arinnar væru senn allir. Standi sú yfirlýsing náði Crowded Hou-
se að senda frá sér fjórar hljóðversplötur á ferlinum. Á Recurr-
ing Dream (The very Best of) eru fjögur lög af hverri þessara
platna og þrjú ný til viðbótar, Not The Girl You Think You Are,
Instinct og Everything Is Good for You. Þau falla ágætlega inn í
heildina, sérstaklega síðast talda lagið.
Að öðru leyti er hið áheyrilegasta popp á plötunni. Þekktustu
lögin eru þarna að sjálfsögðu, lög eins og Don’t Dream It’s Over,
Four Seasons in One Day, Something so Strong og Better Be
Home soon. Önnur hafa kannski ekki heyrst jafn oft í útvarpinu
en eru þó ágætlega hlustunarvæn. í heildina er Recurring Dream
þokkalegasti gripur. Lög Neils Finns eru svo sem engin meistara-
verk eða tímamóta lagasmíðar. Handverkið er hins vegar gott ef
hægt er aö nota slíkt orð um dægurlagasmíð.
-ÁT
Salsaveisla aldarinnar er heitið
á nýrri sumarplötu sem var að
koma út. Á henni er blandað sam-
an nýrri og gamalli tónlist í suð-
ur- amerískum stíl með innlend-
um flytjendum og erlendum. Af
þeim innlendu eru Milljónamær-
ingarnir atkvæðamestir. Þeir
flytja fjögur lög, þar af þrjú áður
óútgefin sem þegar eru farin að
hljóma oft á dag á öldum ljós-
vakans.
Milljónamæringarnir hafa þeg-
ar gefið út tvær plötur í fullri
lengd, Ekki þessi leiðindi, sem
kom út árið 1993, og Milljón á
mann sem kom út ári síðar. Á
þessum tveimur plötum var að
finna eitt frumsamið lag, Marsbúa
Cha Cha sem er einmitt á Salsa-
veislunni. Þar er einnig nýtt frum-
samið Milljónamæringalag, Lúð-
vík, sem er eftir Ástvald Trausta-
son hljómborðsleikara. Textann
samdi Stefán Hilmarsson sem
syngur með Milljónamæringunum
um þessar mundir sem Vestur-ís-
lendingurinn Stephan Hilmarz.
Hin lögin tvö sem Stephan
Hilmarz og Milljónamæringarnir
eiga á Salsaveislu aldarinnar eru
erlend en hafa fengið íslenska
texta Stefáns Hilmarssonar. Ann-
að nefnist á frummálinu Coffee
Song en heitir hér Kaffi til Brasil-
íu. Hitt er gamli smellurinn Shim-
my Shimmy Koko Bop sem nú
nefnist Svimi, svimi, svitabað. í
því lagi kveðja Stefán og Milljóna-
mæringarnir Önnu Mjöll Ólafs-
dóttur til leiks.
Gamalkunnir mambó-
smellir
Önnur lög með íslenskum flytj-
endum á Salsaveislu aldarinnar
eru Pabbi vill mambó sem Jóhann
Möller syngur, Hæ mambó með
Hauki Morthens og Kóngasamba
hljómsveitarinnar Júpiters. Tvö
fyrrnefndu lögin eru komin nokk-
uð til ára sinna. Pabbi vill mambó
var hljóðritað í Reykjavík árið
1955 og gefið út sama ár. Hljóm-
sveit Jans Moráveks lék undir hjá
Jóhanni og Tónasystur sungu með
honum. Haukur Morthens hljóð-
ritaði Hæ mambó einnig árið 1955.
Hann vann sitt lag í Kaupmanna-
höfn meö dyggri aðstoð hljóm-
sveitar Jörns Grauengaards.
Kóngasamban kom fyrst út árið
1992 á plötu Júpíters, Tja tja.
Erlend frá ýmsum tím-
um
Erlendu lögin eru úr öllum átt-
um og frá ýmsum tímum. Nýju
lögin eru Macarena með Los Del
Mar og Soul Limbo með Mr.
Bongo. Af hinum eldri má nefna
Guaglione, flutt af mambókóngin-
um Perez Prado. Það kom fyrst út
árið 1959 en stendur enn fyllilega
fyrir sínu. Ellefu árum yngra er
Mas Que Nada sem flutt er af
Sergio Mendes og Brasil 66 hljóm-
sveitinni. Öllu nýrri af nálinni er
Oye Mi Canto með Gloriu Estefan
sem varð öllu þekktara í ensku-
mælandi löndum sem Hear My
Voice. Gipsy Kings syrpan sívin-
sæla er einnig á plötunni, sömu-
leiðis diskó-saisa smellurinn
Cuba með Gibson Brothers og eitt
fyrsta lagið sem varð vinsælt með
hljómsveitinni Santana, Oye
Como Va. Þá er einnig vert að
geta „heits“ lags sem Buster Poin-
texter gerði vinsælt fyrir nokkr-
um árum, lagið Hot Hot Hot. Á
Salsaveislu aldarinnar er það
hins vegar í eldri útgáfu með Ar-
row.
Það voru forkólfar hljómplötu-
útgáfunnar Spors, Steinar Berg ís-
leifsson og Jónatan Garðarsson,
sem höfðu veg og vanda að því að
velja lög á Salsaveislu aldarinnar
og samkvæmt upplýsingablaði
með diskinum er hugmyndin frá
Steinari komin.
Milljónamæringarnir með Stephan Hilmarz í fararbroddi eru atkvæðamiklir á Salsaveislu aldarinnar.