Dagblaðið Vísir - DV - 19.08.1999, Blaðsíða 4

v22
FIMMTUDAGUR 19. ÁGÚST 1999
Sport
i>v
w
Betur en mitt besta
- segir Vala Flosadóttir um heimsmeistaramótið í Sevilla
ti

Vala Flosadóttir er ein þeirra
fjögurra íslensku keppenda sem eru
á leið á HM í Sevilla 20.-29. ágúst.
Hinir keppendurnir eru Þórey Edda
Elísdóttir, Guðrún Arnardóttir og
Jón Amar Magnússon.
Vala gat ekki tekið þátt í
bikarkeppninni sem fór fram í
Laugardalnum síðustu helgi vegna
kvefs.
„Ég tók því mjög rólega um
helgina. Ég var svolítið kvefuð og er
búin að vera að reyna að ná því úr
mér. Mér líður miklu betur núna
þannig að þetta er að koma,“ sagði
Vala sem hlakkar til að keppa á
heimsmeistaramótinu.
„Ég held það verði spennandi og
gaman. Þetta verður náttúrlega
hörkukeppni, margar góðar og
góður klassi á þessari keppni. Þetta
em langskemmtilegustu mótin.
Adrenalínið sem maður fær út úr
þessu og svo kemst maður oft í
alveg hrikalegt keppnisskap og svo
setur maður pressu líka á sjálfan
sig. Það er svo mikið í gangi í svona
keppni þannig að þetta er alveg
frábært. Það er það allra besta ef
það er mikið af áhorfendum," bætti
Vala við.
„Ég ætla að gera mitt besta og
vonandi aðeins meira. Ég held ég sé
bara í ágætisformi. Ef allt gengur
upp þá ætti þetta bara að ganga vel.
Ég hef fengið mjög mörg góð stökk
eins og á Evrópumóti unglinga, en
þá einmitt gekk þetta mjög vel, ég
stökk þar 4,30 metra og var mjög
nálægt 4,40 metmm þannig að það
var bara mjög gott mál,“ sagði Vala.
-ÍBE
Nýr Kani og mikil umskipti í Grindavík:
Veikari hópur?
Körfuknattleiksdeild Grindavíkur hefur ráðiö til sín Randy Darnell Bolden, 24
ára leikstjómanda. Hann lék í Brasiliu 1 fyrra og var þar með 17 stig að meðal-
tali í efstu deild. Bolden nam við Texas Southem College og skoraði yfir 20 stig
að meðaltali þar. Hann er væntanlegur til Grindavíkur um helgina.
Yfirgnæfandi líkur em á að Alexander Ermolinski gangi til liðs við Grindavík
og verði jafnframt þjálfari kvennaliðs UMFG. Þá hefur Sævar Garðarsson skipt
úr Njarðvík til Grindavikur, en hann hefur áður leikið með Grindavík. Guð-
mundur Ásgeirsson er kominn heim frá Bandaríkjunum. Dagur Þórisson og
Bjami Magnússon em komnir á fulla ferð með Grindvíkingum og að sögn Ein-
ars Einarssonar, þjálfara UMFG, er hópurinn þá liklega kominn í endanlega
mynd. Samkvæmt heimildum DV eru margir þeirrar skoðunar að þessi hópur
sé veikari en í fyrra, þar sem tveir sterkir landsliðsmenn, Páll Axel Vilbergsson
og Herbert Arnarson, eru famir í atvinnumennsku til Belgíu og Hollands, en það
em gömul sannindi og ný að maður kemur í manns stað og það verður spenn-
andi að fylgjast með gengi Grindvíkinganna í vetur. -bb
Vala Flosadóttir er
bjartsýn á að ná
góðum árangri f
Sevilla.
Stórlið
- sækir Víking heim í Evrópukeppninni í borðtennis
Vikingur mætir stórliðinu Borde-
aux frá Frakklandi í fyrstu umferð
Evrópukeppninnar í borðtennis á
laugardag. Keppnin hefst klukkan
18.00 í TBR-höllinni. í liði Víkings
eru Guðmundur E. Stephensen,
Markús Ámason, Kristján Jónasson
og Adam Harðarson. Þjálfari Vík-
inganna er hin snjalli Hu Dao Ben.
Aldrei komist áfram
Vikingur hefur undanfarin fjögur
ár tekið þátt í Evrópukeppninni en
aldrei komist áfram í aðra umferð.
Ljóst er að keppnin verður erfið þar
sem Bordeaux er frægt innan borð-
tennisheims Evrópu og þykir þar
mjög sterkt.
„Mér líst bara mjög vel á þetta.
Þetta em náttúrlega mjög sterkir
aðilar, þeir voru í þriðja sæti í
frönsku deildinni og það er franskt
lið sem er Evrópumeistari núna,“
sagði Guðmundur við DV í gær.
Þrátt fyrir það ætla Víkingamir að
standa sig vel og vonast eftir fjöl-
menni til að styðja við bakið á sér á
laugardag.
Landsliðs- og atvinnumenn
Franska liðið hefur það fram yfir
Víking að leikmennirnir þar gera
ekkert annað en að spila borðtennis
og geta því æft og keppt mun meira.
„Þetta eru allt atvinnumenn og
flestir í landsliðinu. Við náttúrlega
reynum að vinna, það er auðvitað
ailltaf markmiðið. Ég veit ekkert
mikið um þetta lið en þeir eiga að
vera hrikalega góðir," sagði Guð-
mundur jafnframt. -ÍBE
Lið Víkinga sem keppir á móti Bordeaux í Evrópukeppninni í TBR-húsinu á
laugardaginn kl. 18.00. Frá vinstri: Kristján Jónasson, Adam Harðarson,
Guðmundur E. Stephensen, Markús Árnason og þjálfari liðsins, Hu Dao Ben.