Dagblaðið Vísir - DV - 01.03.2001, Side 20

24
FIMMTUDAGUR 1. MARS 2001
Tilvera
Öskudagurinn í Reykjavík og á Akureyri:
Alls konar kvikindi á ferðinni
í gær var öskudagur og böm um
allt klæddust grímubúningum,
sungu fyrir fólk og fengu sælgæti aö
launum. Löng hefð er fyrir ösku-
dagsbúningum og því að slá köttinn
úr tunnunni á Akureyri en sunnan
heiða er siðurinn nýrri.
Hleypt inn í hollum í verslun-
* uma Akureyri
„Við erum Stubbarnir og við
erum búnir að fá mikið af nammi.
Núna erum við að fara í Sunnuhlíð
að syngja þar,“ sögðu Stubbarnir
þegar blaðamaður DV hitti þá innan
um alla hina krakkana sem héldu
öskudaginn hátíðlegan á Akureyri í
gær.
Það voru sjóræningjar, nornir,
blóðsugur, skrattinn, ljótir kallar,
flottar kerlingar, ljón, Pokémonver-
ur, tigrisdýr, Zorro, ishokkíkona,
köttur, löggur og bankastjórar svo
einhverjir séu tíndir til af þeim
fjölda sem hélt í bæinn á Akureyri
til syngja og sjá aðra. „Þetta er flott-
ur söngur hjá ykkur, hérna er
tLr nammi,“ sagði starfsfólkið í ljós-
myndabúðinni í Sunnuhlíð á Akur-
eyri eftir að einn hópur af mörgum
hafði lokið sér af. Hleypt var inn í
hollum í búðina eins og víða annars
staðar á þessum mikla sælgætis-
degi. Verður ekki nóg að gera hjá
tannlæknum á næstunni?
DV-MYND INGO
Meö góðan feng
Ljósmyndari D V hitti þessi börn á Hlemmi og voru þau sæl og
glöö meö rífiega uppskeru dagsins.
Góðviðri á öskudag í Reykja-
vík
í Reykjavík fylltist bærinn
furðusnemma af uppáklæddum
bömum sem gengu í
verslanir. Þau eldri og
stórtækari lögðu þó
land undir fót og fóru í
verksmiðjuhverfín í
von um enn meiri upp-
skeru.
Sum börn mættu þó í
skólann en liklega þá
flest í grímubúningum
og víða var slegið upp
öskudagsskemmtun í
þeim skólum þar sem
kennt var. í öðrum skól-
um var starfsdagur
kennara og nemendur I
fríi.
Vel viðraði fyrir
bömin í gær og ekki
var annað að sjá en að
þau nytu sín hið besta.
DV-MYND GUNNAR BENDER
Ógnvænlegir náungar
Enginn myndi kæra sig um aö mæta
þessum gaurum í myrkri.
DV-MYND GUNNAR BENDER
Norölenskar geimverur
Eitthvaö hefur veriö haft fyrir því aö sauma búning-
ana á þær þessar.
DV-MYND GUNNAR BENDER
Leikskóli á ferð
Börn og fóstrur í einum
leikskólanum á Akureyri
drifu sig af staö i leiö-
angur. Allir eru uppá-
klæddir, bæöi börn og
fullorðnir.
DV-MYND INGÓ
Tvisvar tveir eins
Þessir strákar voru að þvælast um Austurstrætiö fyrir hádegi í gær.
Sinfóníutónleikar í kvöld:
Píanókonsert fyrir vinstri hönd
- er meðal efnis á tónleikunum
Á dagskrá tónleika Sinfóníu-
hljómsveitarinnar er einleiks-
konsert fyrir vinstri hönd. Konsert-
inn var saminn fyrir Paul Wittgen-
stein sem missti hægri hönd á víg-
vellinum í heimsstyrjöldinni fyrri.
Konsertinn nefnist Píanókonsert
fyrir vinstri hönd og er eftir
Maurice Ravel. Frakkinn Philippe
Cassard leikur einleik sem og í Pí-
anókonsert í G-dúr, einnig eftir
Maurice Ravel. Að auki eru
Enigma-tilbrigðin eftir Edward Elg-
ar á efnisskránni. Hljómsveitar-
stjóri er Rico Saccani.
Ravel leit á smíði konsertsins fyr-
ir Wittgenstein sem mikla áskorun
því hvemig mátti halda einbeitingu
hlustenda fyrir framan einhentan
píanista? Og hvernig átti einhenti
píanistinn að heilla áheyrendur?
Ravel tókst greinilega að leiða verk-
efni sitt til lykta því að konsertinn
náði mikilli hylli og er talið eitt af
öndvegisverkum 20. aldarinnar.
Konsertinn er mjög erfiður tækni-
lega séð því að hann býður upp á
gríðarstór stökk og víðfeðma hljóma
sem bæta upp að nokkru skortinn á
hægri hönd píanistans.
Píanókonsert í G-dúr er ólíkur
þeim fyrri í einu og öllu þó að tón-
skáldið hafi skapað þá á svipuðum
tíma. Fyrmefndi konsertinn er litað-
ur dökkum tónum og kenndu menn
þar áhrif styrjaldarinnar á hug tón-
skáldsins en Píanókonsert í G-dúr er
birtan og tærleikinn uppmáluð.
Um fá tónverk hefur verið ritað
jafn mikið og tilbrigði enska tón-
skáldsins Edwards Elgars um eigið
stef. Það er ekki tónlistin sjálf sem
hefur verið meginumræðuefnið,
heldur hin mikla ráðgáta sem tón-
skáldið fól í verkinu.
Hljómsveitarstjórann á tónleikun-
um í kvöld þarf vart að kynna en
hann er Rico Saccani, aðalhljóm-
sveitarstjóri Sinfóníuhljómsveitar-
innar. Einleikarinn, Philippe Cass-
ard, haslaði sér völl á níunda áratug
síðustu aldar. Þá lauk hann námi
Píanókonsertar eftir Ravel
Einleikari meö Sinfóníuhljómsveitinni
í kvöld er Philippe Cassard. Hann
leikur tvo píanókonserta eftir
Maurice Ravel.
sinu frá Parísarkonservatoríinu með
glans og hóf sinn feril sem einleikari,
meðleikari og þátttakandi í kammer-
tónlist. Hann hefur leikið með fjölda
þekktra hljómsveita og m.a. hljóðrit-
að öll píanóverk Debussys.
Tónleikarnir eru í rauðri áskrifta-
röö og hefjast kl. 19.30.
Heiti Potturinn 2. flokkur, 27. febrúar 2001 HAPPDRÆTTI &DS| HÁSKÓLA ÍSLANDS '^5' vænlegast til vinnings
Einfaldur kr. 1.097.000.- 13234B 13234E 13234F 13234G 13234H Tromp kr. 5.485.000.- kr. 5.485.000,- kr. 1.097.000,- kr. 1.097.000,- kr. 1.097.000,- kr. 1.097.000,-
Trompmiði er auðkenndur með bókstafnum B en einfaldir miðar með E, F, G og H. Gangi vinningar ekki út bætast þeir viö Heita pott næsta mánaðar. Birt með fyrirvara um prentvillur.
Skúli Sverrisson
Kemurfrá Bandaríkjunum til aö spila
spunadjass.
Spuni í
Kaffileikhúsinu
í kvöld verða í Kaffíleikhúsinu
tónleikar með bandaríska djass- og
spunatónlistarmanninum Eyvind
Kang. Eyvind er maður þriggja
heimsálfa, íslenskur í móðurætt,
kóreskur í fóðurætt en býr í Banda-
ríkjunum. Hann hefur leikið um all-
an heim og starfað með mörgum af
merkustu tónlistarmönnum heims,
m.a. Bill Frisell, Marc Ribot og John
Zom. Tónlistin sem leikin verður á
tónleikunum í Kaffileikhúsinu er
sprottin af hugmyndum Eyvinds um
samruna indverskrar tónlistarhefðar
og djass, spuna og raftónlistar. Með
Eyvind frá Bandaríkjunum kemur
Skúli Sverrisson sem án efa er sá is-
lenski tónlistarmaður sem lengst
hefur náð í djass- og spunageiranum
erlendis. Með þeim Eyvind og Skúla
leika svo okkar heimakæru og fram-
úrskarandi djassmúsikantar, Hilmar
Jensson og Matthías Hemstock.
Skipulagður
hávaði
Skipulagður hávaði er nafn á tón-
listardagskrá sem tileinkuð er Tom
Waits, en Waits skilgreindi tónlist
sína sem skipulegan hávaða upp úr
1980. Tónleikamir, sem eru á Litla
sviði Borgarleikhússins, saman-
standa af lögum frá 1980-2000, krydd-
að með sögunum hans, sögum af
honum og sögum í hans anda. Flytj-
endur eru Valur Freyr Einarsson,
Halldór Gylfason, Karl Olgeir 01-
geirsson, Stefán Már Magnússon,
Ottó Tynes, Birkir Matthíasson,
Vernharður Jósefsson og Friðrik G.
Júlíusson. Síðast var húsfyllir og var
því ákveðið að endurtaka leikinn en
það verður aðeins í þetta eina skipti.
Tónleikarnir hefjast kl. 21.00.
Guitar Islancio
Spilar þjóölegan djass á Pollinum.
Guitar Islancio á
Akureyri
Tríóið Guitar Islancio leikur á
tónleikum á veitingastaðnum Við
Pollinn á Akureyri í kvöld kl. 21.00.
Tríóið skipa þeir Bjöm Thoroddsen
og Gunnar Þórðarson á gitara og Jón
Rafhsson á kontrabassa. Á efnis-
skránni kennir ýmissa grasa; íslensk
þjóðlög í djassútsetningum, lög e.
Duke Ellington, George Ger-shwin,
Chick Corea o.fl., auk laga eftir þá
Björn og Gunnar. Þeir hafa gefið út
tvo geisladiska sem innihalda að
mestu íslensk þjóðlög og hafa þeir
báðir fengið frábærar viðtökur.
Djass í Múlanum
í kvöld leikur Kvartett Ómars Ax-
elssonar á Múlanum. Auk píanistans
Ómars Axelssonar leika þeir Hans
Jensson tenórsax, Leifur Benedikts-
son á bassa og Þorsteinn Eiríksson á
trommur. Á dagskránni eru vel
þekktar, sígildar djassperlur. Sunnu-
daginn 4. mars verður brugðið út af
fimmtudagshefðinni en þá leikur
kvartett trommarans Eriks Qvik.
Erik Qvik hefur dvalið hér a landi
um skeið og stundað kennslu við
tónlistarskóla FÍH. Með honum leika
hér Johan Oijen á gítar, Ólafur Jóns-
son á tenórsaxófón og Jóhann Ás-
mundsson á bassa.