Dagblaðið Vísir - DV - 03.10.2001, Blaðsíða 9

MIÐVIKUDAGUR 3. OKTÓBER 2001
3
9
Fréttir
Bíleigandi bótalaus eftir aö bíl hans var stolið af bílasölu:
Tryggingafélög neita ábyrgð
- en vara fólk við að setja bíla á bílasölu án kaskótryggingar
Þama var bíllinn þegar honum var stoliö
Hákon Bjarnason, 73 ára vélstjóri frá ísafirði, er afar ósáttur viö aö bílasölur viröast enga ábyrgö bera á bílum sem
þær lána fólki til reynsluaksturs.
Þann 31. október árið 2000 kærði
starfsmaður á Bílasölu Guðfinns í
Reykjavík þjófnað á bifreiðinni ID-
142 sem þar var í sölu. Hafði bílasal-
an þá lánað einstaklingi bílinn til
reynsluaksturs, en hann skilaði
honum ekki aftur. Að kvöldi sama
dags náði lögreglan í Hafnarfirði
bílnum sem endaði utan vegar tölu-
vert skemmdur eftir æðisgenginn
eltingarleik. Eigandi bifreiðarinnar,
73 ára sjómaður vestan af fjörðum,
situr enn eftir með sárt ennið og fær
bifreiðina ekki bætta. Virðist sem
bílasalan beri enga ábyrgð þrátt fyr-
ir að starfsmaður hennar hafi lánað
bifreiðina án eftirlits. Þá vísa bæði
tryggingarfélag bílasölunnar og
bílsins málinu frá sér, en hið síðara
varar fólk við að fara með bíla án
kaskótryggingar á bílasölur.
Bifreiðin sem hér um ræðir er af
Volvogerð og sökum aldurs ekki tal-
in mjög verðmæt. Hún er af árgerð
1986, en vel við haldið og „gott ein-
tak“ eins og sagt er á bílasölumáli. I
mati eftir þjófnaðinn var tjón eig-
andans metið vel á þriðja hundrað
þúsund krónur. Taldi hann auðsætt
að tryggingar bílasölunnar greiddu
tjónið, enda hafði bíllinn verið í
hennar umsjá og lyklar afhentir af
starfsmanni sölunnar til einstak-
lings utan úr bæ. Niðurstaðan varð
þó sú að engar bætur fengust fyrir
téða bifreið og ekki þótti taka því að
sækja málið á þá sem stálu bifreið-
inni. Þar var um að ræða fólk sem
eftirlýst var af lögreglu vegna fíkni-
efnamála.
Varar fólk við
Bifreiðin sem hér um ræðir var
tryggð hjá Tryggingamiðstöðinni.
Hreinn Sigurþórsson, deildarstjóri
tjónadeildar hjá TM, segir að lög-
bundin ábyrgðartrygging bifreiða
bæti ekki tjón sem verður á hinu
tryggða ökutæki. „Ef bíllinn er ekki
í kaskó situr eigandinn uppi með
það tjón sjálfur." Aðspurður segist
hann ekki ráðleggja neinum að setja
bílana sina á bílasölu nema þeir séu
kaskótryggðir, sérstaklega ef um er
að ræða bíl sem einhver verðmæti
liggja í.
Bætir ekki munatjón
VÍS er tryggingafélag bilasölu
Guðfmns. Rafn Marteinsson, sér-
fræðingur á atvinnutryggingasviði
VÍS, segir að starfsábyrgðartrygg-
ingar bifreiðasala nái ekki til
skemmda á munum.
„Starfsábyrgðartryggingar eru
lögboðnar fyrir bílasala. Um þær er
fjallað í lögum um sölu notaðra öku-
tækja og reglugerð um starfsábyrgð-
artryggingu bílasala. Samkvæmt
þeim verða bílasalar að hafa trygg-
ingu vegna bótakrafna sem geta
stofnast vegna starfa þeirra. Þar er
um að ræða tjón sem skapast af fag-
legri umsýslu þeirra, t.d. athugun á
því hvort veðbönd hvíli á bíl, frá-
gangi á afsali og öðru slíku sem
fylgir bifreiðakaupum. Starfs-
ábyrgðartryggingin tekur hins veg-
ar hvorki til slysa á fólki né
skemmda á bílnum sjálfum. Rétt er
að fram komi að skilmálarnir voru
kynntir bæði viðskiptaráðuneytinu
og Fjármálaeftirlitinu sem ekki
gerðu athugasemd við þá. Hvort um
einhvers konar aðra ábyrgð er al-
mennt að ræða af hálfu bílasala er
ekki unnt svara án þess að skoða
sérstaklega hvert tilvik," segir Rafn.
DV náði ekki sambandi við eiganda
bílasölunnar þar sem hann var
staddur erlendis.
í hendur fíkniefnaneytanda
Lögfræðingur Félags íslenskra
bifreiðaeigenda óskaði vegna þessa
máls eftir áliti lögreglumanna á
þeim sem stálu bílnum. Þar segir: „
Okkar mat, varðandi þessa tvo ein-
staklinga, er að öllum sem vinna við
afgreiðslu og hafa þannig reynslu í
mannlegum samskiptum, ætti að
vera ljóst að þeim var ekki
treystandi." Segja þeir einnig að
sakborningar hafi borið öll merki
langvarandi fikniefnaneyslu. Þetta
hefði ekki átt að fara fram hjá
starfsmanni bílasölunnar.
í skýrslu lögreglunnar í Hafnar-
firði kemur fram að lögreglumenn
við radarmælingar veittu bifreið-
inni fyrst athygli er hún ók á 127
km hraða suður Hafnarfjarðarveg
að kvöldi 31. október. Var hafin
ofsafengin eftirför þar sem stöðvun-
armerki lögreglubilsins var ekki
sinnt. Endaði flóttaaksturinn í stór-
grýti við enda Hraunsholtsbrautar
og skemmdist bifreiðin talsvert.
Stukku ökumaður og farþegi út úr
bifreiðinni og hlupu hvor í sina átt-
ina en lögreglumenn hlupu á eftir
og náðu þeim. í bifreiðinni fundust
fíkniefni og áhöld til fikniefna-
neyslu og ökumaður var með út-
runnið ökuskírteini. Bifreiðina
þurfti hins vegar að fjarlægja af
vettvangi með kranabifreið.
-HKr./ÓSB.
Svartur gljávíöir
Gljáövíöir er víöa svartur vegna ryösvepps en er nauðsynlegt aö fella plöntuna vegna þess?
Ryðsveppur í gljávíði:
Ekki nauðsynlegt að fella plöntuna
Gljávíðir er víða svartur þessa daga
vegna ryðsvepps sem herjar á plönt-
una. Að sögn Halldórs Sverrissonar,
sérfræðings í plöntusjúkdómum hjá
Rannsóknastofnun landbúnaðarins,
er hægt að halda sveppnum niðri með
úðun. „Til þess þarf að úða hann
nokkrum sinnum yfir sumarið og ég
veit að þeir sem hafa gert það geta
haldið honum grænum," segir Hall-
dór. Hins vegar sé það spurning hvað
fólk vilji gera og hægt sé að nota
margt annað sem limgerði en gljávíð-
ir.
Aðspurður um það hvort visbend-
ingar séu um að gljávíðirinn muni
vinna á ryðsveppinum segir Halldór
að svo sé ekki því þetta sé arfbundið.
Sá gljávíðir sem ræktaður sé hér á
landi sé viðkvæmur fyrir ryðsveppin-
um og einnig fyrir haustkali. Þetta
spili saman og gljávíðirinn verði enn
viðkvæmari fyrir haustkali ef hann sé
með ryðsvepp. „Ég ráðlegg fólki að
bíða og sjá til hvernig þetta kemur út
eftir veturinn og ef hann virðist ætla
að lifna í vor að fylgja því þá eftir með
úðun,“ segir Halldór og bætir við að ef
mikið kal komi í gljávíðinn í vetur þá
sé hægt að klippa hann niður og láta
vaxa upp aftur. Því þurfi samt líka að
fylgja eftir með úðun.
Fyrst var vart við ryðsvepp í gljá-
víði á Hornafirði fyrir áratug en að
sögn Rannveigar Einarsdóttur, garð-
yrkjumanns á Höfn, þekkja menn þar
ekki slíkt vandamál nú. Þær plöntur
sem sýktust hafi annaðhvort drepist
eða verið hent. „í einstaka görðum er
runnar sem ekki sýktust og var því
ekki hent. Þeir standa eftir sjúkdóma-
lausir núna,“ segir Rannveig. Hún
segist ráðleggja fólki að henda ekki
gljávíði því þegar sveppurinn sé bú-
inn á herja á plöntuna í nokkurn tíma
komist á jafnvægi í náttúrunni og
vandamálið gangi yfir.
Færri hross hafa
verið flutt út
- á þessu ári en á sama tíma í fyrra
Nokkru færri hross höfðu verið
flutt út 1. október í ár heldur en í
fyrra. Nú um mánaðamót voru út-
flutt hross orðin 1353 talsins en
voru 1473 á sama tíma í fyrra. í
september sl. voru flutt út 198 hross
en 284 í sama mánuði á síðasta ári.
Ef litið er á löndin sem mest er
flutt til þá hefur 241 hross verið
flutt til Þýskalands það sem af er
þessu ári. Á sama tíma í fyrra voru
þau 291. Til Bandaríkjanna hafa 184
hross verið flutt það sem af er árinu
en voru 180 á sama tíma í fyrra. Til
Svíþjóðar höfðu verið flutt 283 hross
nú um mánaðamót en voru 429 á
sama tíma í fyrra.
Hallveig Fróðadóttir hjá Bænda-
samtökum íslands sagði að þótt út-
lit væri fyrir samdrátt í útflutningi
nú væru það lokatölur um áramót
sem segðu alla söguna. Hrossin
væru að fara í misstórum hópum,
allt frá 80 sumar vikurnar og niður
i 10 í öðrum vikum. Sín reynsla
væri sú að myndin gæti breyst
Hrossaútflutningur
verulega á síðustu mánuðum árs-
ins.
Varðandi útflutning til Banda-
ríkjanna sagði Hallveig að þangað
væri nýfarinn farmur i tengslum
við sýninguna í Nýju-Mexíkó. Það
sem helst stæði flutningum á hross-
um þangað fyrir þrifum væri sótt-
kvíin og skortur á reglulegum ferð-
um. -JSS
Smáauglýsingar
atvinna
DV
550 5000
-MA