Dagblaðið - 24.01.1977, Page 1

3. ARG. — MANUDAGUR 24. JANtlAR 1977 — 19. TBL. RJTSTJÓRN SlÐUMÚLÁ 12, SlMl 83322. AUGLVSINGAR OG AFGREIÐSLA, ÞVERHOLTI 2, SÍMI 27022
/-.
....
Geir-
finns-
málið:
„LOKADAGUR” í NÁND,
SCHUTZ SENN Á FðRUM
Karl Schíitz, þýzki
rannsóknarmaðurinn sem verið
hefur til aðstoðar við rannsókn
sakamála, einkum Geirfinns —
og Guðmundarmála, er á förum
til Þýzkalands innan tíðar, eftir
því sem Dagblaðið telur sig
hafa góðar heimildir fyrir. Mun
hann í aðalatriðum telja lokið
rannsókn þeirra mála, sem
hann var fenginn til að veita
aðstoð við. Að líkindum fer
hann til síns heima um næstu
mánaðamót eða í byrjun
febrúar, ef ekkert óvænt verð-
ur til að breyta þeirri áætlun.
Kunnátta, reynsla og atorka
Schútz hefur reynzt ómetanleg-
ur styrkur fyrir íslenzka rann-
sóknarmenn. Pétur Eggerz,
sendiherra, hefur staðið við
hlið hans sem túlkur og
aðstoðarmaður allt frá komu
hans hingað. Það var raunar
Pétur Eggerz, sem hafði milli-
göngu um að Schútz var feng-
inn hingað í upphafi.
Dagblaðinu er kunnugt um,
að Karl Schútz hefur gert drög
að skipulegri uppbyggingu.
Rannsóknarlögreglu ríkisins,
sem Alþingi samþykkti lög um
að tillögu dómsmálaráðherra.
Er hér um að ræða tillögur um
einstaka þætti Rannsóknarlög-
reglu ríkisins, sem eru ekki
opinberar ennþá að forminu til.
Er það mat málsmetandi
manna, sem um þessi mál
fjalla, að rétt væri að freista
þess að fá Schútz til þess að
hafa hönd í Bagga með mótun
Rannsóknarlögreglu ríkisins-I
samráði við íslenzka embættis-
menn.
Frá öllum aðalatriðum, sem
fram hafa komið í rannsókn
áðurnefndra sakamála, hefur
verið greint hér í DB, enda þótt
enn sé ýmsum spurningum
ósvarað af hálfu rannsóknar-
manna. Þess er vænzt, að
opinberlega verði gerð grein
fyrir niðurstöðum rannsókna á
blaðamannafundi eða með
fréttatilkynningu áður en Karl
Schútz fer héðan af landi brott
að þessu sinni. -BS
Toppbaráttan byrjuð
á loðnunni
-gamalkunn nöfn komin ítopphópinn
Geysilegt áfall fyrir loðnuvertíðina:
Allar bræðslur á
Austfjörðum stopp
— rafmagnsbilanir hindra vinnslu
Eins og vænta mátti, með
hliðsjón af fyrri árum, hafa nú
nokkrir loðnubátar skorið sig
úr flotanum og tekið forystu.
A þeim bátum eru hvað reynd-
ustu skipstjórarnir. Þessir
bátar eru allir mjög stórir og
vel búnir auk þess sem þeir
byrjuðu yfirleitt með þeim
allra fyrstu.
Efstur er Guðmundur RE
með 4.280 tonn, næstur Börkur
NK með 4.250, Grindvíkingur
GK með 4.180 tonn, Eldborg GK
með 4.030, Gísli Arni RE 4.010,
Pétur Jónsson RE 3,800, Súlan
AK 3.700, Hilmir SU 3.230, Sig-
urður RE 3.150 og Hákon með
2.880 tonn. Tölur þessar eru frá
loðnunefnd og skv. upplýsing-
urn bátanna.
Flestir ef ekki allir þessara
báta voru á toppnum í fyrra og
eru yfirleitt sömu skipstjórarn-
ir og sömu skipshafnirnar og
voru í fyrra og undanfarin ár
þar um borð.
Er sennilega ekki út í hött að
fullyröa að á þessum bátum sé
að finna stóran hóp okkar beztu
sjómanna, enda er ásóknin á
þessi skip gífurleg. Sem dæmi
má nefna að það var ekki fyrr
en eftir langa mæðu að skip-
stjórinn á Sigurði RE kom
einum sona sinna í skipshöfn-
ina.
-G.S.
Allar loðnubræðslur á Aust-
fjörðum eru nú stopp vegna
rafmagnsleysis sem stafar af
línubilunum sem urðu á
Austurlandi í gærkvöldi. Fyrst
slitnaði lína milli Reyðar-
fjarðar og Fáskrúðsfjarðar og
síðan milli Egilsstaða og
Reyðarfjarðar.
Þá hafa dísilrafstöðvarnar
víða á Austfjörðum reynzt
meira og minna í ólagi, sem
eykur enn á vandann og er
víðast hvar rafmagnsskortur
þrátt fyrir að bræðslurnar
bræði ekki.
Þrær verksmiðjanna eru
víðast hvar nærri fullar og má
rafmagnsleysið ekki standa
lengi svo gífurleg verðmæti
liggi ekki undir skemmdum.
Auk þess er mikið tjón fyrir,
bátana þegar töf verður á
vinnslu og þeir verða að leita
fjarlægari hafna.
Övíst er hvenær hægt verður
að gera við línuna t.d. á Stuðla-
heiði sem er í 840 m hæð yfir
sjávarmáli en viðgerðarmenn
urðu frá að hverfa í gærkvöldi
vegna ófærðar.
Látinn laus —
enn ífangelsi
Maður sá er dómsmálaráð-
herra lét lausan úr fangavist
á Litla Hrauni á dögunum,
eftir að hann hafði aðeins
afplánað lítinn hluta
refsingarinnar, er nú aftur
kominn í fangelsi.
Hafði hann að mati
ráðuneytisins brotið þau
skilyrði sem hann gekkst
undir að fylgja. Heldur hann
því áfram að afplána 30
mánaða fangelsiSdóm.
Hafði maðurinn verið lát-
inn laus vegna veikinda
sambýliskonu sinnar og
barnsmóður en tók þegar til
við viðskiptastörf og setti á
stofn skipasölu, sem ekki er
talið að sé við hæfi
mannsins, ef dæma má af
fyrri árangri á því sviði.
-BS.
Stjörnur
helgarinnar
Hreinn Halldórsson, Stranda-
maðurinn sterki, nálgast stöð-
ugt beztu kúluvarpara heims. I
gær setti hann nýtt íslandsmet
innanhúss — og átti ógilt kast
langt yfir tuttugu metrana.
Þeir beztu í heimi kepptu á
laugardag í USA og voru með
aðeins betri árangur en Hreinn.
Framför Hreins er undraverð.
Hann hefur bætt sig innanhúss
um rúman metra frá í fyrra-
vetur.
Páll Björgvinsson lék á ný
með sínum gömlu félögum í
Víking á laugardag, í afmælis-
móti ÍR í handknattleiknum.
Páll, þessi kunni landsliðs-
maður, sýndi að hann hefur
engu gleymt. Varð markhæsti
maóur mótsins og Víkingur
sigraði. A efri myndinni er
Hreinn í metkastinu — Páll að
neðan með syni sinum Guð-
mundi sem heldur á verðlauna-
grip pabba en hann hlaut Páll
fyrir að skora flest mörk.
— Sjá Iþróttir í miðju
blaðsíns.