Dagblaðið - 19.02.1977, Qupperneq 3

DAGBLAÐIÐ. LAUGARDAGUR 19. FEBRÚAR 1977
f .........
Landsliðsþjálfarinn
fær ekki vinnu
í sínu heimalandi
E.H. skrifar:
Eg las fyrir nokkru síðan
bráðsnjallar greinar um knatt-
spyrnu á íslandi eftir
rússneska þjálfarann sem þjálf-
að hefur Val undanfarið. Þarna
er greinilega á ferð vel lærður
athugull og hógvær
leiðbeinandi í þessari íþrótt.
Enda er Valsliðið eitt
skemmtilegasta liðið sem við
höfum átt lengi. En það skýtur
skökku við um þann þjálfara
sem var með landslið okkar á
síðasta sumri og er að grínast
með stjórn KSÍ þannig að
maður getur ekki orða bundizt
lengur.
Eftir því sem bezt verður séð
af blaðafréttum og öðrum
sögum virðist aðalhæfileiki
þessa manns liggja í talanda
hans og auglýsingaskrumi um
hann sjálfan. Hann hefur bara
nógu hátt. Það sem hann virðist
kunna í knattspyrnu er
gamaldags varnarleikaðferð
sem spiluð var í Englandi fyrir
mörgum árum. Þá leikaðferð
hefur hann látið íslenzka lands-
liðið leika eins og hann væri
með knattspyrnumenn á
algjöru byrjunarstigi í höndun-
um. Hann þakkar sér
árangurinn af frammistöðu
manna okkar sem þessi þjálfari
hefur hvergi komið nálægt
uppbyggingu á.
Sannleikurinn er sá að ísland
hefur aldrei átt eins sterka
landsliðsmenn og í dag og þeir
eiga allt annað skilið en það
vantraust sem þessi þjálfari
hefur sýnt þeim. Það þarf ekki
að telja upp marga af landsliðs-
mönnum okkar til að sjá hversu
góða knattspyrnumenn ísland á
í dag. Tökum sem dæmi Ásgeir
Sigurvinsson sem hiklaust má
jafna við Albert Guðmundsson.
Svo eru það þeir Jóhannes,
Guðgeir, Marteinn, Elmar, Ingi
Björn, Ölafur, Matthías og svo
mætti lengi telja. Þessir menn
myndu styrkja hvaða lið I
Evrópu sem er. Þeir eiga skilið
góðan og vel menntaðan
þjálfara.
Hvernig stendur svo á því, að
markahæsta framlínan í fyrstu
deild féll ekki inn í landslið
okkar og Ingi Björn marka-
kóngur fyrstu deildar og
nýkjörinn afreksmaður okkar I
íþróttum á siðasta ári, fékk
aðeins að vera með í nokkrar
/nínútur í einum landsleik
okkar? Ég held að það sé ein-
faldlega vegna þess að þjálf-
arinn kann ekki að skipuleggja
Tony Knapp hefur þjálfað íslenzka landsliðið sl. þrjú ár.
sóknarleik, heldur er allt liðið
látið leika varnarleik þar á
meðal sóknarmennirnir. Ásgeir
Sigurvinsson er þar í hópi skot-
hörðustu knattspyrnumanna
okkar. Það er treyst á lukkuna
með að skora mörk. Það er
enginn skipulagður sóknar-
leikur.
Margir íslenzkir fyrstu deild-
ar þjálfarar hefðu náð betri
eða alla vega sama árangri með
þessum góðu mönnum okkar og
þessi rándýri enski þjálfari.
Þennan þjálfara er KSÍ að
reyna að endurráða. A iþrótta-
síðu Timans mátti lesa að hann
fengi ekki einu sinni starf hjá
fjórðu deildar liði í heimalandi
sínu.
Dráttarvélar eiga heima utan hraðbrauta, eins og sú á myndinni.
R.L. skrifar:
Mig langar til að leggja eina
spurningu fyrir umferðaryfir-
völdin hér á Stór-
Reykjavíkursvæðinu:
Er hinum ýmsu hægfara
ökutækjum, svo sem traktors-
gröfum, skurðgröfum, tengi-
vögnum o. fl., heimilt að fara
um helztu umferðargötur á
þeim tímum, er hinn almenni
borgari er á leiðinni til og frá
vinnu.
Fyrirspurn þessi er þannig
til orðin að undirritaður er einn
af þúsundum er fara til vinnu
sinnar milli úthverfis og
miðborgar á hverjum morgni
og koma að kvöldi. Þrásinnis
kemur það fyrir að eitt af
fyrrnefndum ,,farartækjum“
tefur umferðina (sem er mjög
mikil á ákveðnum tímum) svo
mínútum skiptir. Þar sem
flestir ætla sér ákveðinn tíma
til að komast til vinnu geta
þessar tafir verið mjög bagaleg-
ar.
Því er spurt: Eru einhver lög
sem fyrirskipa stjórnendum
fyrrnefndra „farartækja“ að
flytja þau milli staða á ákveðn-
um tímum?
Dagblaðið hafði samband við
Óskar Ólason yfirlögregluþjón
og hann gaf okkur þær upp-
iýsingar að ekki væru til nein
lög, sem segðu til um það á
hvaða tíma þessi ökutæki
mættu vera á ferðinni. Hins
vegar eiga ökumenn slíkra
tækja að sýna tiiiitssemi við
aðra vegfarendur og nota hvert
tækifæri til að aka út í kantinn
og hleypa öðrum fram úr.
Hver hef ur sama smekk og
umsjónarmaður Vöku?
„Mig langar til að gagnrýna
þátt sem er í sjónvarpinu og
heitir Vaka. Eitt skil ég ekki en
það er hvaða maður á íslandi
hefur sama smekk og umsjón-
armaður Vöku? Að vera með
vefnaðarþátt er allt í lagi í
svona 4-5 mínútur en í 15
mínútur eða eitthvað þar um
bil finnst mér of mikið. Mér
finnst að það ætti að taka upp
gamlan þátt sem var í Vöku en
það er bíóþáttur þar sem bíó-
myndir eru kynntar og sagður
er gangur þeirra.
Eg hélt að sjónvarp ætti að
vera til að stytta manni stundir
en það gerir það ekki nema
einstöku sinnum og dálítið
oftar um helgar og þannig ætla
ég að Ijúka þessu bréfi um
sjónvarp.
Atli Steinarr Atlason
13 ára.“
Magdalena Schram hefur haft umsjón með Vöku í vetur, bréfritari
dregur í efa að nokkur sé á sama máli og umsjónarmaðurinn.
Eflaust eru margir á sama máli, því ekki hefur verið mjög mikið
kvartað yfir þættinum í iesendadálkum blaðanna. En óneitanlega
væri gaman að fá stöku sinnum að heyra og sjá eitthvað um
kvikmyndir í þættinum, það viii stundum fara fyrir ofan garð og
neðan þegar verið er að lýsa litum á vefnaði og máiverkum í
svarthvítri sjónvarpsmynd.
Raddir
lesenda
V
Hvers vegna
Alfreð?
Haraidur Stefánsson hringdi:
„Ég er einn af mörgum
furðu lostnum vegna embættis
veitingar forstjóra Sölu varnar-
liðseigna. Hvað hefur þessi
maður Alfreð Þorsteinsson sér
til ágætis á viðskiptasviðinu.
Það hefur komið fram í
blöðunum, að skrifstofustjóri
og lögfræðingur viðkomandi
fyrirtækis sóttu um þessa
stöðu. Liggur ekki beinast við
að veita mönnum hana sem
hafa starfað við þessi mál í
langan tíma.
Þó að Alfreð hafi skrifað vió
misjafnan orðstír greinar sem
hann kallar á Víðavangi, þá
segir það ekkert um vit hans á
viðskiptum. Er kannski nóg að
vera íþróttafréttamaður, fyrr-
verandi að vísu, til að ráða við
þetta starf þar sem veltan er
um 200 milljónir á ári eins og
hefur komið fram í blöðunum?
Nei, þetta er bara enn eitt
dæmið um bitlinga sem þægir
pólitikusar fá fyrir að vera
góðir strákar og gera eins og
þeim er sagt.
Spurnirtg
dagsins
Hefurðu notfœrt þér við-
talstíma alþingismanna og
borgarfulltrúa?
Gunnar Jósepsson: Nei, ég hef
engan áhuga á því.
Steinunn Jónsdóttir: Nei, mér
mundi aldrei detta það I hug,
ég hef engan áhuga á þvi að ræða
við þessa menn.
Jón Zimsen: Nei, það hef ég
aldrei gert. Það er samt ágætt að
vita af þeim og hver veit nema
maður þurfi á þeim að halda
einhvern tima.
Heiga Sveinbjörnsdóttir: Nei, en
mér finnst það ágætt að geta
leitað til þeirra ef maður þarf á að
halda.
Ómar Agústsson: Nei, ég hef
aldrei gert það, en ef ég þyrfti á
þeim að halda þá færi ég á fund
þeirra.
Ólafur Ingvarsson: Nei, ég hef
ekki hugmynd um hvaða
þjónustu mennirnir hafa fram áð
bjóða.