Dagblaðið - 11.07.1978, Blaðsíða 9

DAGBLAÐIÐ. ÞRIÐJUDAGUR 11. JÚLÍ 1978.
9
„Skáta-
sirkusinn” og
skemmtana-
skatturinn:
TOLLSTJÓRAEMBÆTTIÐ
ÁKVEÐUR FREKARIAÐGERDIR
Ráðuneytisstjórinn í menntamála-
ráðuneytinu hefur ritað embætti toll-
stjóra bréf og vakið athygli á frétt DB sl.
föstudag um „skátasirkusinn”. Er það i
valdi tollstjóra að ákveða frekari aðgerð-
ir.
í umsókn Bandalags íslenzkra skáta
um niðurfellingu skemmtanaskatts af
sirkushaldi Gerry Cottle i Laugardals-
höll segir: „Væntanlegum hagnaði af
þessari skemmtun verður varið til skáta-
hreyfingarinnar á íslandi, m.a. til æsku-
lýðsheimila og ýmissrar annarrar
félagslegrar aðstöðu fyrir íslenzkt æsku-
fólk.”
í svarbréfi menntamálaráðuneytisins
segir að það skilyrði sé sett fyrir niður-
fellingu skemmtanaskatts að allur ágóði
af sirkussýningunni renni til æskulýðs-
heimila á vegum skátahreyfingarinnar.
Ljóst er að Bandalag islenzkra skáta
ætlaði að hafa fyrirmæli þessi að engu.
Páll Gíslason, skátahöfðingi, hefur í
samtali við DB viðurkennt að a.m.k.
50% ágóðans hafi átt aðgreiða fyrirtæk-
inu Jóker hf., sem er í eigu tveggja
starfsmanna Bandalags islenzkra skáta,
framkvæmdastjórans og fjármálastjór-
ans.
-GM
pr i j
.« r 1

f Jy
Árni Gunnarsson alþingismaður (A):
„U ngir þingmenn þurfa
hreinlega f skóla”
DAGBLAÐIÐ
kynnir nýju
þingmennina:
Árni Gunnarsson alþingismaður, —
við simann á blaði sinu. — DB-mvnd
Ari.
Árni Gunnarsson var i framboði
fyrir Alþýðuflokkinn í Norðurlands-
kjördæmi eystra og náði kjöri sem 11.
landskjörinn þingmaður. Árni er
fæddur 14. april 1940 á Isafirði. Hann
stundaði flugnám, en síðan hefur
hann aðallega starfað við fjölmiðlun.
Hann var blaðamaður á Alþýðublað-
inu og fréttamaður og varafréttastjóri
Rikisútvarpsins í 11 ár. Þá var hann
fréttastjóri Visis um skeið og nú
undanfarið ritstjóri Alþýðublaðsins.
Árni mun nú á næstunni láta af
störfum sem ritstjóri Alþýðublaðsins.
„Það er samkvæmt reglu, sem ég tel
að eigi að vera á starfi þingmanna,”
sagði Árni i samtali við DB. „Ég og
fleiri yngri þingmenn i Alþýðuflokkn-
um teljum að þingmenn eigi ekki að
sinna öðrum störfum en þingstörfum.
Þingstarfið er það margþætt, að það
þarf að kynna sér það rækilega,
þannig að menn standi ekki eins og
gapuxar.”
Engin ákvörðun hefur verið tekin
enn um nýjan ritstjóra Alþýðublaðs-
ins. „Öll mál blaðsins eru í deiglunni.
og verður nánar fjallað um þau i
helztu stofnunum flokksins. En ég tel
að ekki verði hjá því komizt að gefa
blaðið út. Það er heimska að hafa ekk-
ert málgagn, miðil á milli flokks og
flokksmanna. Stjórnmálaflokkur, sem
ekki hefur málgagn dregst óhjákvæmi-
lega aftur úr.
En ég tel að frjálsu og óháðu blöðin
eigi mikinn tilverurétt. Þau höfðu tals-
verð áhrif til þess að losa þetta fasta
fylgi og komu róti á fylgið. Ég vona að
svo verði og framvegis, því það er
bezta vörn lýðræðisins að fólkið segi
stjómmálamönnunum álit sitt á
þeim."
Hugar að silungi
í frístundum
„Fram að þingbyrjun mun ég gera
sitt af hverju. Ég mun fara um
Norðurland eystra og hitta þar fólk,
sem barðist með mér. Þá mun ég
kynna mér stöðu atvinnumálanna i
kjördæminu. Þaðer t.d. mikilla endur-
bóta þörf á Raufarhöfn og Þórshöfn.
Þá mun ég að einhverju leyti leggj-
ast undir feld og lesa mér til um efna-
hagsmálin, meira en ég hef gert. í
þingflokki okkar er mikið af ungum
mönnum, sem þurfa hreinlega að fara
í „skóla” m.a. til þess að kynna sér
þingsköp.
Nú, ég á eftir að taka mér sumar-
leyfi og mun nota það til veiða og úti-
vistar. Ég þekki lítið vatn, á Rang-
árvöllum. Þangað fer ég oft á ári og
dvel hjá minu góða vinafólki. Þarna
hef ég smá silungsrækt og fer til þess
að athuga hvernig fiskurinn hefur það.
Að vetri til stunda ég skiðaferðir. Ég
er með hæfilega veiðidellu á sumrin og
skíðadellu á veturna.”
Endurskoða þarf
lánamál til
íbúðabygginga
„Þau mál, sem ég mun einkum
beita mér fyrir á þingi, að frátöldum
brýnum úrlausnarefnum eins og t.d.
efnahagsmálum, eru húsnæðismál.
Lán til ibúðabygginga eru einn alvar-
legasti og erfiðasti þáttur i okkar þjóð-
félagi. Ungt fólk reisir sér hurðarás um
öxl en allir reyna að fjárfesta. Þetta er
drjúgur þáttur í verðbólgunni, en hús-
byggingar eru ekki arðbær fjárfesting.
Lánsfé er tekið úr bönkum frá öðrum
arðbærari. Stórefla þarf Húsnæðis-
málastofnun rikisins og stuðla að þvi
að ungt fólk fái allt að 80% af kostn-
aðarverði íbúðabygginga lánuð til
langs tima. Þessi lán væru verðtryggð
en auðveldara að standa undir afborg-
unum af svo löngum lánum. Þá þarf
að koma i veg fyrir þá niðurlægjandi
göngu, sem svo margir þurfa að ganga
til bankastjóra.
Ég tel,” sagði Árni. „að þessar
þungu byrðar sem lagðar eru á fólk,
valdi miklu um dapra sálarheill íslend-
inga. Af þessu leiðir m.a. að eyða þarf
miklum fjármunum í byggingu geð-
sjúkrahúsa og drykkjumannahæla.
Áhugi minn hefur frekað legið á
mannlega sviðinu en malbikunarsvið-
inu. Einnig hef ég verulegan áhuga á
utanríkismálum og þróun þeirra. í
kjördæmi mínu má sem dæmi nefna
vegamálin, en vegir eru víða svo
slæmir að fólk á suðurhorni landsins
gerir sér ekki grein fyrir því. Þá má
nefna mál sem flokkurinn mun flytja í
heild, t.d. mörg er varða launþega, at-
vinnulýðræði og vinnuvemd.
Það er mín persónulega skoðun að
nýsköpunarstjórn sé líklegust til þess
að geta sætt stríðandi öfl i þjóðfélag-
inu, þ.e. aðila vinnumarkaðarins. Ég
tel eðlilegast að Alþýðuflokkurinn hafi
forystu um þá stjórnarmyndun, þar
sem pólitísk staða hans er á milli Al-
þýðubandalags og Sjálfstæðisflokks.
Þá náði flokkurinn einnig beztum ár-
angri í nýliðnum kosningum. Ég vil
ekki útiloka vinstri stjórn en hætt er
við að minnihluta stjórn hefði lítil
áhrif og entist aðeins i skamman
tíma.”
Árni Gunnarsson er kvæntur
Hrefnu Filippusdóttur og eiga þau 14
ára gamla dóttur.
Sjórall DB og Snarfara:
OKKAR MENN
LANDLEIÐINA
Þessir ungu menn fylgja Sjóralli Dag-
blaðsins og Snarfara eftir og aka á Ford
Bronco landleiðina í námunda við báta-
lestina. Hafa þeir talstöð til umráða og
ná bátunum á bylgju 5. Fulltrúar DB cru
þeir Gissur Sigurösson, blaðamaður.
sem mestan heiður á af t'ramkvæmd Sjó
rallsins, Ásgeir H. Eiríksson frá auglýs-
ingadeild Dagblaðsins og Ragnar Th.
Sigurðsson, Ijósmyndari, sem festir at-
burðinn á filmur sínar.
Myndin var tekin á sunnudaginn þeg-
ar lagt var upp frá höfuðstöðvum rit-
stjórnar aö Siðumúla 12.
DB-mynd Ari.
Fulltrúar Findhorn háskóla f heimsókn:
Alfarnir hjálpa
til í garðvinnunni
„Já, við erum þess fullviss að álfarnir
hjálpa til í garðinum okkar ásamt öðrum
góðum öndum,” sagði fulltrúi Findhom-
háskólans skozka, Peter Caddy, m.a. á
fundi með blaðamönnum í gær en hann
er einnig einn frumkvöðla skólans. Find-
horn-háskólinn, stofnaður 1962, í út-
jaðri þorpsins Findhorn í Norður-Skot-
landi. 1 skólann koma 3—400 nemendur
alls staðar að úr heiminum, ættaðir frá
hinum ýmsu menningarsvæðum.
Bóklegt nám
og verklegt
Sérstaða Findhom-háskólans er fólgin
í þeirri alhliða menntun sem hann veitir,
þar sem hvort tveggja er lögð stund á
bóklegt sem verklegt nám. Námið fer að
mestu fram i hópstarfi. Að leiðarljósi eru
höfð samvinna við náttúruna og sam-
ræming vísinda og þjóðfélagsþróunar,
þá er leitazt við að þroska skapgerð nem-
enda.
Skólinn er fjölbreyttur mjög, skiptist i
26 deildir. Varða deildirnar verkefni eins
og t.d. húsbyggingar, múrverk, guð-
fræði, heimspeki, hugleiðslu og raf
magnsfræði. Stefnt er að þvi að nemend-
ur leysi flestan þann vanda er upp kann
að koma í rekstri skólans. Má þar til
nefna húsbyggingar, ræktun matjurta
sem síðan nemendurnir neyta sjálfir.
Flestir þeirra eru reyndar grænmetis-
ætur, en borða þó a.m.k. eina kjötmáltið
á ári þ.e. kalkún á jólum.
Fólk á öllum
aldri víðsvegar að
Sem fyrr segir eru nemendur skól-
ans víðsvegar að, þá dveljast þar einn-
ig heilu fjölskyldurnar og er fólk þar af
leiðandi á öllum aldri, frá hvitvoðung-
um til níræðs. Eitt sinn dvaldist þar
kona nokkur, reyndar einn frum-
kvöðla háskólans, gat hún, að eigin
sögn og annarra talað við blómin i
jurtagarði stofnunarinnar. Hlýddi hún
ráðum blómanna varðandi aðhlynn-
ingu þeirra, að sjálfsögðu með hjálp
álfa, sem áður sagði, og annarra góðra
anda. Að sögn Peters Caddy þykir vis-
indamönnum það undrum sæta að svo
fjölskrúðug flóra skuli þrifast í hinum
hrjóstruga jarðvegi norðurstranda
Skotlands, sem raun ber vitni i blóma-
garði Findhorn-háskólans. En allt er
þetta að sjálfsögðu fyrir gott sanístarf
náttúru. náttúruvætta og yrkjenda
jarðarinnar.
Það er skoðun Peters Caddy og
þeirra félaga hans við Findhom að
maðurinn sé hlekkur í keðju móður
náttúru, en ekki herra náttúrunnar.
Samstarf alls mannkyns og náttúru sé
þvi afar mikilvægt.
Caddy hefur farið viða um heim ti!
fyrirlestrahalds á vegum Find-horn-
háskólans. Á ferðum sinum kveðst
hann hafa fyrirhitt fjölda fulltrúa
skólastofnana er starfa i likum dúr og
Findhorn. Þar ráða sömu sjónarmið
t.d. hvað varðar menntun þ.e. sam-
tenging andlegrar og likamlegrar
vinnu og náms. Caddy mun hafa flutt
erindi í Háskóla Islands i gærkvöldi á
vegum Sálarrannsóknarfélagsins og
Rannsóknarstofnunar vitundarinnar.
JÁ.
Helltu olíu í heita lækinn
Á föstudagskvöldið gerðu ungir piltar
sér leik að því að hella smurolíu i heita
lækinn i Nauthólsvik. Þó magnið sem
þeir helltu ofarlega í lækinn væri ekki
ý^tja mikið olli tiltækið slikri mengun
möur allan lækinn að þeir sem hugðu á
bað í læknum urðu frá að hverfa. Stóð
svo allt fram til klukkan 4—5 á laugar-
dagsmorgun. Hafði lækurinn þá hreins-
azt og lítil sem engin nierki oliumengun-
arinnarsáust þá.
—ASL
Sumarhótelið á Hallormsstað
Sá misskilningur slæddist inn í grein
um sumarhótelið á Hallormsstað að
veitingar fengjust í kvennaskólabygging-
unni. Hið rétta er að hótel er til húsa i
barnaskólanum skammt frá og þar er
glæsilegur matsalur með öllum veiting-
um. Kvennaskólahúsið gamla ereinung-
is notað til gistingar, þegar gistirými
hefur þrotið í hótelinu i barnaskólanum.