Dagblaðið - 11.01.1980, Blaðsíða 7
7
DAGBLAÐIÐ. FÖSTUDAGUR 11. JANÚAR 1980.
Erlendar
fréttir
REUTER
Brésnef og
Kosygin fagna
sigri Indiru
Brésnef forseti Sovétríkjanna og
Kosygin forsætisráðherra hafa sent
Idiru Gandhi hjartanlegar hamingju-
óskir með sigur hennar í þing-
kosningunum á Indlandi. Á fyrri
stjórnarárum Indiru var samband
ríkjanna mjög gott.
25 þúsund myrtir í
Afghanistan:
höfuðborginni
— tugir þúsunda í fangelsum og hundruð þúsunda
hafa flúið land
Ógnarstjóm i Afghanistan héfur
stöðugt farið vaxandi síðan í apríl árið
1978 er ríkisstjórn Daouds forseta var
steypt af stóli og marxistar tóku við.
Samkvæmt frásögn bandariskrar
konu, sem dvaldist lengi i landinu á
siðastliðnu ári, kom innrás sovézkra
herja engum á óvart sem verið hefur
um nokkra hrið í höfuðborginni
Kabul. Nafn konunnar er ekki gefið
upp til að vernda vini hennar í
Afghanistan.
Talið er að í það minnsta tuttugu og
fimm þúsund pólitískir fangar hafi
verið drepnir í landinu frá því að bylt-
ing marxista var gerð. Einnig er talið
að hátt i fjörutíu þúsund fangar séu nú
í fangelsum stjórnarinnar i Kabul.
Auk þess hafa hundruð þúsunda flúið
yfir landamærin til Pakistan og búa
þar nú við illan kost er kaldur vetur er
skollinn á.
Fangelsi i höfuðborginni og viðar í
Afghanistan eru yfirfull og mjög
slæmir mannabústaðir. Þess munu
mörg dæmi að heilu fjölskyldurnar séu
handteknar og þeim stungið í fangelsi,
jafnvel börnum á unga aldri.
Pyntingar eru sagðar algengar,
einkum munu píningarmeistararnir
hafa mætur á rafmagnsstuðum.
Bagrak Karmal, hinn nýi forsætis-
ráðherra i Afghanistan, er sagður
standa fyrir ógnarstjórn sem studd er
af sovézka innrásarliðinu. Eru öll fang-
elsi orðin yfirfull i landinu.
Einnig er sagt að tugir játninga séu
knúnar fram daglega með pyntingum
og hótunum og hinir „seku" þvi næst
leiddir út og skotnir.
Viðskiptabann
áíran fyrir
Öryggisráðinu
Tillaga um alþjóðlegt viðskiptabann
á íran verður tekin til atkvæðagreiðslu
hjá Öryggisráði Sameinuðu þjóðanna á
morgun. Samkvæmt öruggum heimild-
um er talið vist að meirihluti fulltrúa i
ráðinu muni vera samþykkur tillögunni
en jafnvíst er að fulltrúi Sovétríkjanna
mun beita neitunarvaidi sínu til að
koma í veg fyrir að hún nái fram að
ganga.
Tilraun var gerð til þess að fá af-
greiðslu málsins frestað þar til í lok
þessa mánaðar en nær allir fulltrúar í
Öryggisráðinu munu vilja afgreiða
málið nú. í fyrri afgreiðslu íransmáls-
ins og gíslanna 50 í bandaríska sendi-
ráðinu í Teheran hinn 31. desember
siðastliðinn var stjórn Khomeinis
gefinn frestur til síðasta mánudags til
að láta gislana lausa.
Sovétríkin hafa gætt þess að taka
ekki opinbera afstöðu til töku sendi-
ráðsins í Teheran og gislanna og hafa
sagt að þeir séu andvigir þvi að Banda-
ríkin séu að blanda öðrum þjóðum í
deilur stjórnarinnar i Washington við
íran.
Enn er barizt I Kampútseu og vandi flóttamanna þar og i Thailandi er hrikalegur þótt fregnir þaðan hafi um sinn drukknað I
flóði annarra stórfregna. Myndin sýnir flóttamenn á ferð.
Allsherjarþing Sameinuðu þjóðanna um Afghanistan:
Öruggur meirihluti gegn
íhlutun Sovétríkjanna
— búizt við að fulltrúar nær allra 152 ríkja í samtökunum muni taka til máls
Rúmur tugur ríkja, flest óháð,
vann að því i morgun og í gær að
vinna fylgi tillögu sem gerði ráð fyrir
að sovézkt herlið yrði kallað brott
frá Afghanistan. í tillögu þessara
ríkja, sem á þessu stigi málsins er
vinnuplagg og dreift meðal fulltrúa á
Allsherjarþinginu, eru Sovétríkin
ekki nefnd á nafn og aðeins er vísað
til erlendra hersveita í landinu. Enn-
fremur gerir tillagan ráð fyrir að
heimila fulltrúum Sameinuðu
þjóðanna að kanna erlenda íhlutun í
málefni Afghanistan.
Skyndifundur allsherjarþingsins
hófst i gær í kjölfar þess að Sovét-
ríkin beittu neitunarvaldi í Öryggis-
ráðinu og komu þar með í veg fyrir
afgreiðslu málsins á þeim vettvangi.
Höfuðtilgangurinn með tillögu-
flutningnum á allsherjarþinginu er
«C
Þrir afghanskir skæruliðar, sem nú
berjast heilögu strfði gegn sovézkum
herjum og her stjórnarinnar í Kabul.
sagður sá að gefa ráðamönnum í
Moskvu greinilega til kynna, hve
mikill meirihluti þjóða heims er and-
vígur ihlutun þeirra í Afehanistan.
Enginn vafi er sagður á að mikill
meirihluti fulltrúa mut: samþykkja
væntanlega tillögu en umræðum mun
að öllum líkindum ljúka um málið
næstkomandi mánudag.
Þrátt fyrir að fáir fulltrúa á
þinginu hafi tekið til máls í gær um
Afghanistan er talið víst að flestir
hinna 152 fulltrúa muni taka til máls
áður en umræðum lýkur. Margir
þeirra eru sagðir bíða frekari fyrir-
mæla frá ríkisstjórnum landa sinna.
Möguleiki væri á að tillaga kæmi
fram urri hernaðaríhlutun gæzluliðs á
vegum Sameinuðu þjóðanna. eins og
til dæmis var beitt er herir Breta,
Frakka og ísraelsmanna réðust á
Súesskurðinn og landsvæði
umhverfis hann árið 1956. Ekki er þó
búizt við neinum tillögum i þá átt að
þessu sinni.
Til þessa hafa aðeins fulltrúar
ríkisstjóna Afghanistan og Sovét-
rikjanna varið aðfarir hinna síðar-
nefndu í Afghanistan. Auk þess
nokkrir hefðbundinna bandamanna
Sovétríkjanna en þó ekki allir.