Dagblaðið - 15.01.1980, Page 4
4 DAGBLAÐIÐ. ÞRIÐJUDAGUR 15. JANÚAR 1980.
Grillaðar kótelettur:
Með tómatsósu og smjöri
Þeir ofnar sem nýjastir eru á heim-
ilum landsins eru í langflestum tilfell-
um búnir grilli og grillaður matur æ
algengari á borðum landsmanna. Er
það vel því mun hollara er að grilla
mat og bæta ekki við hann feiti og'
vatni en að sjóða hann og steikja.
Mjög einfalt er að grilla kjöt en
aðeins meira verk að grilla fisk.
Kjötið er látið á rist eða tein en fisk-
inn verður að láta í eldfast mót. Ný-'
lega lærði ég uppskrift af kótelettum
sem er afskaplega góð þó að hollust-
an sé ekki eins mikil og ef kótelett-
urnar væru grillaðar eins og þær
koma af skepnunni þá er bragðið
alveg sérlega gott.
Það sem til þarf eru kótelettur, 2—
3 á mann eftir stærð (min reynsla er
að meira þurfi af kjöti þegar þessi
matreiðsluaðferð er notuð en þegar
kótelettur eru steiktar á pönnu því
heimilisfólkinu finnst þetta mun
betra).
1 egg ogmjólk ef þarf
rasp, salt og vel af pipar (meira en
venjulega er sett i rasp)
smjör, tómatsósa.
Uppskrift
dagsins
Kótelettunum er velt upp úr eggj-
um sem þeytt eru saman við mjólk ef
þarf. Þá er þeim velt úr raspi. Þeim er
raðað á ofnristina, svolítilli tómat-
sósu hellt á hverja þeirra og smjör-
klípa sett á. Þetta er síðan grillað í
korter, tuttugu mínútur. Þá er
kótelettunum snúið við og tómatsósa
og smjör sett hinupi megin.
Þetta er síðan borið fram með
kartöflum og maískorni.
Kílóið af kótelettunum' kostar
núna 2.442 krónur og það fer eftir
því hversu mikið notað er af þeim
hvað rétturinn kostar. Annar
kostnaður er ekki mikill nema hvað
maisinn kostar um 520 krónur.
- DS
Fiskurinn í stórum slumpum
S.Á. á Akranesi skrilar:
Þetta er fyrsti seðillinn sem ég
sendi inn og hef ég þó oft ætlað mér í
að vera með. Ég hef haldið heimilis-
bókhald frá því ég byrjaði að búa
1976 og hefur aldrei hvarflað að mér
að hætta því. Það veitir visst aðhald
og einnig er gaman að sjá hvað verð-
lágið breytist. Inni í tölunni hjá mér
er enginn fiskur þar sem ég kaupi
hann í stórum slumpum beint úr bát-
unum og gerði það ekkí þennan
mánuð.
í tölunni „annað” er víxill, kr.
200.000, og hitt fór í heimilisrekstur
og jólagjafir. Fjöldi heimilisfólks er
breytilegur þar sem maðurinn minn
er farmaður og sjaldan heima. Þenn-
an mánuð var hann heima og við
vorum 3 fullorðin og 1 barn.
S.Á. og fjölskylda hennar fóru
með 142.507 krónur í mat i desember
eða 35.626 krónur á mann. í annað
fóru 559.224 krónur. - DS
Raddir neytenda
Upplýsingaseöill
til samanburðar á heimiliskostnaði
Nafn áskrifanda
Heimili
Sími
Hvaö kostar heimilishaldið?
Vinsamlega sendið okkur þennan svarseðil. Þánnig eruð þér orðinn virkur þátttakandi i upplýsingamiðlun,
meðal almennings um hvert sé meðaltal heimiliskostnaðar fjölskyldu af sömu stærð og yðar. Þar að auki eigið
þér von i að fá fria mánaðarúttekt fyrir fjölskyldu yðar.
Kostnaður í desembermánuði 1979.
Matur og hreinlætisvörur kr.
Annaö
kr.
Alls kr.
m i/Kiv
Fjöldi heimilisfólks
Hér áður fyrr tóku allir sem vettlingi gátu valdið slátur á haustin. Á tfmabili kom
lægð i sláturtöku landsmanna sem virðist vera að glæðast á nýjan leik og er það
vel. Þetta er bæði hollur, góður og ódýr matur, sem eru heilmikil búdrýgindi af.
Þessi mynd var tekin i slátursölu Sláturfélags Suðurlands i haust.
DB-mynd Árni Páll.
ELDHÚSKRÓKURINN
Innyfli
vítamínauðug
Innyfli eru yfirleitt auðugri af víta-
mínum og málmsöltum en kjöt.
1. Hóstarkirtill úr kálfum og lömb-
um er notaður í sjálfstæða rétti
eða framreiddur með öðrum rétt-
um. Hann er bragðgóður og auð-
meltur og inniheldur mikið af
verðmætum eggjahvítuefnum.
Hann er ýmist gufusteiktur á rist
eða pönnu.
2. Hjartað er holur vöðvi. Allt blóð
þarf að hreinsa vel út áður en það
er matreitt. Hjartað er mjög þétt-
ur vöðvi og þarf langan suðu- eða
steikingartíma. Hjörtu úr kálfum,
lömbum og svínum eru aðallega
notuð til matar. Þau eru oftast
gufusteikt.
3. Heilinn hefur mikið næringar-
gildi, aðallega sökum fitu lecitins
innihalds. Lamba- og kálfaheilar
eru einkum notaðir til matar,
ýmist soðnir eða steiktir.
4. Lifrin er stór, rauðbrúnn kirtill. 1
lömbum og nautgripum er hún í
þrem pörtum en svínalifur er í
fimm hlutum Lifrin er afar auðug
af málmsöltum og því þýðingar-
mikill þáttur í fæðukeðjunni.
Lamba-, kálfa- og svínalifur er
einkum notuð til matar. Hún er
heilsteikt eða steikt í sneiðum og
oft notuð í lifrarkæfu.
5. Nýru eru rauðbrún liffæri. í svín-
um og lömbum eru þau heil og í
laginu eins og baun. í nautgripum
eru þau flöt og í mörgum hlutum.
Þau eru umlukt hvitum fituvef.
Lamba- og kálfanýru eru aðallega
notuð til matar. Þau eru heilsteikt
n.teðta steikt I sneiðum.
6. Tungan er ntjög þéttur vöðvi sem
þarf langanfsuðu- eða steikingar-
tíma. Hún er notuð ný, söltuð eða
reykt í sjálfstæða rétti eða þá bor-
in fram með öðrum réttum.
Næsti þáttur verður um alifugla.
Jólabakstur-
inn og tveir
kjötskrokkar
,,Ég veit að ykkur blöskrar upp-
hæðin eins og mér, þegar ég tók þetta
saman. En inni í upphæðinni er allur
jólabaksturinn og tveir kjötskrokkar
sem ættu að endast fram í
febrúar/marz,” segir í bréfi frá hús-
móður á T ál knafiröi.
Hún er með fjögurra manna fjöl-
skyldu og tæplega 45 þúsund kr. á
mannað meðaltali.
„Dálkurinn „annað” er óvenju
hár, en þar eru flestar jólagjafirnar,
tvær greiðslur af sköttum og afborg-
un af stærsta láninu af húsinu. Mér
fannst nauðsynlegt að láta skýringu
fylgja með núna, svo bið ég ykkur vel
að lifa og sem lengst. ”
Dálkurinn „annað” var svo
sannarlega nokkuð hár eða upp á
841.632 kr. hjá þessjjri fjölskyldu á
Tálknafirði. Við þökkum góðar óskir
og getum huggað húsmóðurina með
því að okkur blöskruðu ekki tölurnar
því þær eru ekki ósvipaðar og á.
mörgum seðlum sem okkur hafa bor-
izt frá nóvembermánuði.