Dagblaðið - 21.11.1980, Side 7

DAGBLAÐIÐ. FÖSTUDAGUR 21. NÓVEMBER 1980.
7
Heymar og- talmeinastöð íslands skortir fjármagn til að
komasérupplager:
Löng bið eftir
heymartækjum
—nauðsynlegur tækjalager kostar 70 milljðnir, en kassinn
ertómur
Þeir sem hafa skerta heyrn og
þurfa á heyrnartæki að halda geta
þurft að bíða 1 allt að tvo mánuði frá
þvi að læknir úrskurðar að þeir þurfi
á tæki að halda þar til þeir fá það í
sinar hendur. Ástæðan er sú að hina
nýju Heyrnar- og talmeinastöð
fslands á Háaleitisbraut 1 skortir
fjármagn til að koma sér upp nauð-
synlegum lager af heyrnartækjum.
Verður um sinn að panta tæki eftir
þörfun og viðskiptavinir verða að
hafa biðlund í nokkrar vikur.
Að sögn Ingimars Sigurðssonar
deildarstjóra í heilbrigðisráðuneytinu
og stjórnarformanns Heyrnar- og tal-
meinastöðvarinnar kostar það stöð-
ina um 70 milljónir króna að kaupa
lager af heyrnartækjum. Verður það
eitt fyrsta verk forráðamanna
stöðvarinnar á næsta fjárlagaári.
Áður sá Tryggingastofnun um útveg-
un heyrnartækja sem notendur fengu
þeim að kostnaðarlausu. Með lögum
frá því í maí sl. tók Heyrnar- og tal-
meinastöðin að sér hlutverk Trygg-
ingarstofnunar að nokkru leyti. Nú
fá aðeins börn á skólaskyldualdri
ókeypis heyrnartæki, elli- og örorku-
lífeyrisþegar greiða 50% af verði
tækjanna, 16 ára og eldri greiða 30%
af verði eins tækis en 20% af verði
tveggja tækja. Verð á heyrnartækj-
um er mishátt eftir gerðum, en Einar
Sindrason læknir, forstöðumaður
Heyrnar- og talmeinastöðvarinnar,
sagði algengasta verðbilið 80—100
þús. krónur.
,,í nágrannalöndunum fá notendur
tækin ókeypis eins og áður var hér á
landi, en ég tel nýju lögin betri. Við
fáum ábyrgari notendur með þvi að
þeir þurfa sjálfir að taka þátt í kostn-
aðinum og gera sér þannig grein fyrir
verðmæti tækjanna,” sagði Einar.
Heyrnar- og talmeinastöðin þjónar
öllu landinu. Aðsóknin hefur verið
gífurleg, meiri en menn bjuggust við.
Hingað til hefur aðeins verið sinnt
heyrnarmeinum á stöðinni en í undir-
búningi er að taka í notkun talmeina-
deild þar.
- ARH
Haustið 1978 skrifaði DB fjölda greina um mál heyrnarskerts drengs, Gunnars
Þórs Péturssonar, sem þurfti að fá sérstök hevrnartæki til að geta stundað nám i
almennum skóla. Tækin voru tolluð sem lúxusvarningur og að viðbættum sölu-
skatti og vörugjaldi kostuðu þau þá 725 þús. kr. sem var hærri upphæð en for-
eldrar hans höfðu handbæra til kaupanna. Eftir DB-skrif dögum saman tókst að
láta „kerfið” rumska: Magnús H. Magnússon heilbrigðisráðherra beitti sér fyrir
þvi að átta heyrnartæki voru pöntuð og fékk Gunnar Þór eitt þeirra. Trygginga-
stofnun greiddi kostnaðinn. „Ég heyri mjög vel,” sagði drengurinn hinn ánægð-
asti þegar hann var kominn i skólann með nýju tækin (sjá mynd) og kennarinn
hans, Guðrún Kristín Antonsdóttir sagði: „Nú get ég náð sambandi við hann hvar
sem er I kennslustofunni en áöur varð hann að miklu leyti að lesa af vörum
mínum.” . ARH
Hækkun fasteignamats:
FASTEIGNAVERÐ
HÆKKAÐIUM 47%
—en ekki 60% samkvæmt könnun nokkurra fasteignasala
á höf uðborgarsvæðinu
Hækkun fasteignaverðs íbúðar-
húsa á höfuðborgarsvæðinu er 47%
að sögn Ágústs Hróbjartssonar fast-
eignasala en ekki 60% eins og yfir-
fasteignamatsnefnd framreiknaði,
samkvæmt tillögum Fasteignamats
ríkisins.
Þetta byggir Ágúst á útreikningum
sem hann og nokkrir fasteignasalar
gerðu, en þeir reiknuðu út verðbreyt-
inguna á 500 ibúðum á tímabilinu I.
des. ’79 til 15. þ.m. Áætlun yfirfast-
eignamatsnefndar nær yftr tímabilið
l.des. '79 til 1. des. ’80.
Telja þessir sömu fasteignasalar
þetta sýna takmarkaðan áhuga
stjórnvalda í baráttunni við verðbólg-
una. Áhugi stjórnvalda virðist aðal-
lega liggja í því að fá sem hæsta upp-
hæð í skatta, því hærri skattstofn því
hærri skattar, sagði Ágúst. - GSE.
Homfirðingar: ,
MEÐ HEITT VATNIÆÐUM
Heitt vatn rennur um æðar hitaveitu
Hafnarhrepps en um sl. helgi var lokið
við að hleypa heitu vatni á fyrsta
áfanga hitaveitunnar og er nú verið að
prófa kerfið. í áfanganum eru 47 hús,
þar af eru fáeinir stórnotendur-svo sem
fiskvinnslustöðvar, verzlun og verk-
stæði. Þrjú hús voru tengd á föstudag
og reyndist þar góður hiti.
Eftir að heitt vatn er komið í götu-
æðarnar geta húseigendur tengzt veit-
unni.
Annar áfangi verður væntanlega til-
búinn til tengingar eftir hálfan mánuð.
Er þar um að ræða 100 hús. Einnig
verður þriðji áfanginn tilbúinn að
hluta. Hafnarhreppur á og rekur dreifi-
kerfið en það hefur verið í byggingu á
þessu ári. Fjarhitun hf. hannaði veit-
una, en fyrsti áfanginn var unninn af
Byggingafélaginu Höfn hf. Vélval sf. á
Höfn sér um annan og þriðja áfanga.
Rafmagnsveitur ríkisins eiga og reka
kyndistöðina, en hún er i tengslum við
dísilrafstöðina hér og notar varma frá
kælivatni og afgasi. Einnig er þar svart-
olíuketill'sem varaaflgjafi. Þegar Höfn
tengist raforkukerft landsins munu
dísilvélarnar þagna en þá verður raf-
skautsketill settur upp í kyndistöðlnni
til orkuframleiðslu. -Júlia.Höfn.
LYFSÖLULEYFI
er forseti íslands veitir
Lyfsöluleyfi Dalvíkurapóteks. Dalvík, er auglýst laust til
umsóknar.
Umsóknir sendist landlækni, Arnarhvoli. fyrir 20.
desember 1980.
Samkvæmt heimild í 32. gr. lyfsölulaga nr. 30/1963 er
verðandi lyfsala gert að kaupa húsnæði, áhöld, innrétting-
ar, og vörubirgðir lyfjabúðarinnar, ennfremur ibúð lyfsala,
semerisama húsi.
Heilbrigðis- og tryggingamáiaráðuneytið,
18. nóvember 1980.
Sértilboð
Við kóperum hverja sem er af myndum þinum í svo mörgum
eintökum sem þú vilt fyrir venjulegt gjald og látum fylgja henni
jólakort, sem þú getur fest myndina á alveg ókeypis.
Með þessu móti geturþú sent vinum þínum heima eða erlendis
sérstœð, persónuleg og skemmtileg jólakort í ár án mikils til-
kostnaðar.
Komdu semfyrst með filmuna, eða filmurnar til vinnslu i afreiðslu
okkar að Suðurlandsbraut 20, í Hafnarstrœti 17, eða til nœsta
filmumóttökustaðar okkar.

BgggingAvöruvð^xlao
Trgggva HAonessooAr
SIÐUMÚLA 37-SlMAR 83290-83360