Dagblaðið - 16.01.1981, Síða 24
Útvarpsstjóri tók sjónarmið starfsmanna sinna f ram yf ir álit útvarpsráðs við
ráðningu f réttamanna:
„ANDRÉS FÓR EKKIÚT
FYRIR VALDSVK) SITT’
—segir Vilhjálmur Hjálmarsson formaður útvarpsráðs
„Útvarpsstjórinn hefur ekki farið
út fyrir valdsvið sitt með þessari
ákvörðun og hún er því að mínu áliti
ekki tilefni til ályktunar um málið,”
sagði Vilhjálmur Hjálmarsson fyrr-
um menntamálaráðherra og for-
maður útvarpsráðs í morgun um um-
deilda ráðningu fréttamanna til
Útvarpsins.
Andrés Björnsson útvarpsstjóri
kvaðst í morgun ekki sjá ástæðu til
að tjá sig um málið ,,á meðan verið er
að tuskast við mig í blöðum”.
Útvarpsstjóri veitti í gær Ásdísi J.
Rafnar blaðamanni á Morgunblað-
inu og Ernu Indriðadóttur, sem starf-
að hefur á Alþýðublaði, Helgarpósti
og við Morgunpóst Útvarps, stöður
fréttamanna við Ríkisútvarpið. Þá
var Einari Erni Stefánssyni á
Þjóðviljanum veitt starf afleysinga-
manns á fréttastofunni til sex
mánaða. Útvarpsráð hafði mælt með
Ásdísi Rafnar og Oddi Ólafssyni rit-
stjórnarfulltrúa Tímans í föstu
stöðurnar tvær, en Herði Erlingssyni
í afleysingastöðuna.
Vilhjálmur Hjálmarsson vitnaði í
7. grein útvarpslaga í samtali við
Dagblaðið í morgun, en þar segir:
„Starfsmenn Ríkisútvarpsins, aðrir
en framkvæmdastjórar, skulu ráðnir
af útvarpsstjóra, þó að fenginni til-
lögu útvarpsráðs ef um starfsfólk
dagskrár er að ræða.”
„Samkvæmt þessu er valdið hjá
útvarpsstjóra,” sagði Vilhjálmur,
,,en mér þykir hins vegar miður að
hann skuli hafa að hluta til gengið
fram hjá tillögum útvarpsráðs sem
samþykktar voru með miklum meiri-
hlutaá fundi þess.”
Nokkrir útvarpsráðsmenn eru
leiddir fram í breiðsiðuúttekt
Morgunblaðsins á málinu í dag og
eru þeir á einu máli um að útvarps-
stjóri hafi þarna gengið þvert á vilja
ráðsiris. Markús örn Antonsson segir
ákvörðun útvarpsstjóra „hreina
stríðsyfirlýsingu við útvarpsráð” og
Ellert B. Schram er „skapi næst að
hætta störfum í útvarpsráði.” Frétta-
stjórar Útvarps, Margrét Indriða-
dóttir og Kári Jónasson, benda á að
hér hafi verið farið eftir mati út-
varpsmanna sjáífra en vilja að öðru
leyti sem minnst um málið segja.
-ARH.
Svellalög á þjóðvegum
Fært er frá Reykjavík norður i land
til Akureyrar en þjóðvegurinn er allur
svellaður eins og reyndar megnið af
vegum landsins. Verða menn þvi að
gæta ýtrustu varkárni í hálkunni.
Ágæt færð er vestur á land um
Snæfellsnes og á nesinu sjálfu. Óvíst er
um Dalina og færð í Reykhólasveit.
Góð færð er á norðanverðum Vest-
fjörðum, frá ísafirði er fært á Flat-
eyri, Þingeyri, Súgandafjörð, Bolung-
arvík og Súðavík.
Vegurinn til Siglufjarðar verður
opnaður í dag, Ólafsfjarðarmúlinn var
mokaður i gær en engar fréttir hafa
borizt af honum í morgun. Sæmilegt er
frá Akureyri á Húsavík en þó er víða i
dölum Suður-Þingeyjarsýslu farið að
þyngjast. Þungfært er víðast í Norður-
Þingeyjarsýslu.
Litlar fréttir hafa borizt af Austur-
landi en þó er ágæt færð í kringum
Hornafjörð.
Töluverður skafrenningur var i
morgun á Hellisheiði en Suðurlandið er
sæmilega fært. í dag á að reyna að
opna veginn á Laugarvatn og um
Biskupstungur. Blindbylur var í
morgun báðum megin við Vík í Mýrdal
og engum ráðlagt að vera þar á ferli.
Sæmileg færð var þó frá 'Reykjavík í
Mýrdalinn.
Spáð er austan strekkingi um allt
land og þó verður vindur hægari fyrir
norðan. Frost fer minnkandi og snjó-
koma gæti orðið víða sunnanlands, en
þurrtaðkallanorðantil álandinu.
-KMU.
Floridafrostið:
Nærekki
til Miami
Beach
— þarsem íslenzkir
ferðamenn dveljast
Útvarpið skýrði i fyrrakvöld frá
fimbulvetri miklum á Florida, þar sem
frost hafa verið hörð. íslenzkir ferða-
menn eru nú á Miami Beach og hafa
ættingjar og vinir haft áhyggjur af
sólarförunum. Flugleiðir hafa ekki
farið varhluta af hringingum vegna
málsins. Málið var því kannað og haft
samband við Halldór Guðmundsson
stöðvárstjóra félagsins í Miami.
Halldór sagði að kuldinn hefði verið
nyrzt i ríkinu, en ekki náð suður til
Miami Beach. Þar var í gær 18 stiga
hiti og allt í lagi með íslenzku ferða-
mennina.
-JH.
Forseti bæjarstjómar
biðjist afsökunar
— «Aa vtrt* höfAai mAI vecna umittli hm
DC-o þcta brann
inni í flugskýli f élagsins
Tvær útgáfur af baksíðu Dagblaðsins í
gær.
Tvær út-
gáfuraf DB
ígær
Dagblaðið leitast ávallt við að færa
lesendum sínum nýjustu fréttir og er til
ýmissa ráða gripið til að svo geti orðið.
I gær komu t.d. út tvær útgáfur af
Dagblaðinu. Ástæðan var sú, að
skömmu eftir að vinnslu blaðsins var
lokið og það á leið i prentun bárust
fyrstu fregnir til landsins af brunanum
hjá Cargolux í Luxemborg. Var
brugðið hart við — aflað nauðsynlegra
upplýsinga fyrir allítarlega frétt af at-
burðinum til að skrifa í blaðið.en jafn-
framt haldið áfram vinnslu þess efnis
sem þegar var komið á sinn stað í
blaðinu. Þegar vinnslu nýju frétt-
arinnar var lokið á ritstjórn, i prent-
smiðju og í ljósmynda- og plötugerð,
var prentun blaðsins hafin. Þegar
prentaður hafði verið hluti upplagsins í
prentsmiðju Morgunblaðsins var skipt
um prentplötu og mikill meirihluti
blaðsins fékk sitt eintak með fréttinni
af brunanum — frétt, sem DB birti
fyrst íslenzkra fjölmiðla. -ÓV.
frjálst, óháð dagblað
FÖSTUDAGUR 16. JAN. 1981.
Skákþing Reykjavíkur:
Helgi og
Jón efstir
Helgi Ólafsson vann biðskák sína
gegn Hilmari Karlssyni úr 2. umferð
Skákþings Reykjavíkur í gærkvöldi. Þá
lauk skák Ásgeirs Þ. Árnasonar og
Benedikts Jónassonar með jafntefli.
öðrum skákum lauk ekki.
Alþjóðlegu meistararnir Jón L.
Árnason og Helgi Ólafsson hafa tekið
forystuna á mótinu með 2 vinninga. Er
reiknað með að þeir komi til með að
berjast um sigurinn í mótinu.
Þriðja umferð verður tefld í kvöld.
-GAJ.
■MRI*
Það er víðar en á þjóðvegum sem hálkan er mikil vegna
fimbulfrostsins er staðið hefur í vikunni. Krakkarnir i
Breiðholtínu skemmta sér hið bezta á svellinu og nota
skólatöskurnar sinar til að renna sér á ef ekki gefst annað betra.
DB-mynd: S.
Samþykkt íborgarstjórn:
Búðir opnar tvö kvöld í viku
og sumar sfíidegis laugardaga
Einróma var samþykkt á fundi
borgarstjórnar Reykjavíkur í nótt að
fallast á tillögur nefndar um
opnunartima verzlana. Nefndin
hafði lagt til að auk venjulegs
verzlunartíma verði leyft að hafa
opið tvö köld í viku til klukkan tíu.
Auk þess á laugardagsmorgnum frá
8—12 og í tveim verzlunum frá 12—
16. mánuðinaseptembertiljúní. Auk
þess er borgarstjórn heimilað að
veita leyfi til þess að hafa opnari
vörusýningar utan verzlunartíma.
Gunnar Snorrason, formaður
Kaupmannasamtakanna, sagði í
morgun um þessar nýju reglur að
reynslan ætti eftir að leiða í ljós hvort
þörf hefði verið á því að lengja
verzlunartímann. „Ef einhver kemur
að verzla verður auðvitað opið
meðan leyfilegt er. En ef hins vegar
enginn kemur er ekki verið að hafa
búðirnar opnar,” sagði hann. Hann
sagði einnig að lengri opnunartími
þýddi hærri reksturskostnað fyrir
kaupmenn en ekki hefði verið tillit
tekið til þess með hærri álagningar-
prósentu. Grétar Hannesson
afgreiðslumaður, sem er í stjórn
Verzlunarmannafélags Reykjavíkur,
sagðist eiga eftir að sjá framkvæmd
hinna nýju reglna áður en hann gæti
sagt mikið. En sér þætti ekki ólíklegt
að þar sem það væri framkvæman-
legt ynnu kaupmenn einir með fjöl-
skyldum sínum á kvöldin og á laugar-
dögum. Annað þýddi næturvinnu
fyrir verzlunarfólk og væri þá tíminn
orðinn nokkuð dýr. Ekki sagðist
Grétar geta sagt til um það hvernig
félögum sínum litist á að bæta á sig
vinnu ef til kæmi — það ætti eftir að
koma í ljós.
-DS.