Dagblaðið - 04.02.1981, Page 28

Ríkisverksmiðiumar:
Lftið
að frétta
'Hreinn Ólafsson stendur við bil sinn með stóran grjóthnullung. Þannig hnuilungar dundu á bílnum. DB-mynd Sigurður
BÍLUNN GRVTTUR Á STÆÐI
— segir sáttasemjari
„Það er lítið að frétta núna. Við
sátum á fundi til kl. 3 i nótt og annar
hefur verið boðaður nuna kl. 10.
Undimefnd var eitthvað lengur á
fundi í nótt,” sagði Guðlaugur Þor-
vaidsson ríkissáttasemjari í samtali
við DB i morgun. Enn eru 8—10 at-
riði óleyst í kjarasamningum starfs-
fólks í ríkisverksmiðjunum, en
gengið verður frá þeim öllum í einu
lagi að sögn Guðlaugs. Fundur hefur
ekki verið boðaður hjá báta- og
togarasjómönnum en Guðlaugur
kvaðst mundi kanna það mál i dag.
-ELA.
„Þeir hafa gefið sér góðan tíma og
furðulegt að enginn skuli hafa orðið
þeirra var,” sagði Hreinn Ólafsson,
verkstjóri hjá Eimskip í Sundahöfn í
gær. Hreinn varð fyrir því í fyrradag að
bíll hans var grýttur á bílastæði í
Sundahöfn, en strákar sáust hlaupa
burtu frá bílnum. Bíliinn er Ford Pick-
up, með húsi.
„Bíllinn stóð neðan við hól og minn
bíll var efsti bíll á stæðinu. Strákarnir
hafa staðið á hólnum og grýtt bílinn
þaðan. Bíllinn er allur smádældaður á
hlið og vélarloki eftir grjótið og listi
dottinnaf hurð.
Bílastæðið var nýlega flutt, þar sem
Eimskip tók fyrra stæði undir gáma.
Það var malbikað og vel frá gengið, en
nú standa bílarnir á ruðningi við hól-
inn. Tvö næstu stæði voru auð, en bíll
sem stóð í þriðja stæði fékk grjót í
vélarlok.”
Bjarminn
f rá gosinu
sást úr byggð
ímorgun
Gosbjarminn frá eldgosinu í Gjá-
stykki sást i morgun úr byggð í Mý-
vatnssveit. Veður þar var þá stilit,
heiðskírt og um 20 stiga frost.
Að sögn Ármanns Péturssonar,
bónda i Reynihlið, hefur gosið
minnkað töluvert en þó er
hraunrennsli enn mikið. Eiga menn
almennt von á því að farið sé að síga
á seinni hluta þessarar goshrinu.
-KMU.
Hátíðahöldin úr
höndum skátanna
Skátafélögin á Reykjavikur-
s væðinu treysta sér ekki til þess aö sjá
um hátíðahöldin í Reykjavík ó sum-
ardaginn fyrsta. Þetta kom fram á
fundi borgarráðs í gær. Skátafélögin
hafa lengi séð um þessi hátíðahöld.
-JH.
-JH.
Öll blöðin að Dagblaðinu undanskildu:
KRÖFÐUST ÞOKNUNAR
—fyrír að birta framtalsleiðbeiningar og því sérstakur bæklingur prentaður
—skattboigaramir borga brúsann
„Dagblöðin, að undanskildu Dag-
blaðinu, fóru fram á greiðslu fyrir að
birta leiðbeiningar fyrir framtelj-
endur. Upphæð var ekki nefnd í því
sambandi, enda kröfunni hafnað og
valinn sá kostur að láta prenta og
dreifa sérstökum bæklingi með leið-
beiningum,” sagði Ævar ísberg vara-
ríkisskattstjóri þe’gar hann var
spurður um ástæðuna fyrir því að
framteljendur fá nú heimsendan
bækling með framtalseyðublaði sínu
þar sem þeim er kennt að tíunda
eignir sínar og skuldir eftir kúnstar-
innar reglum. Hingað til hafa slíkar
leiðbeiningar birzt í dagblöðunum í
sérstökum „kálfi” án þess að blöðin
fengju borgað fyrir birtinguna. Það
gerðist hins vegar í fyrra að forráða-
menn blaðanna tóku sig til og mynd-
uðu sameiginlegan þrýstihóp til að
knýja á um greiðslur fyrir birtingu
framtalsleiðbeininganna. Forráða-
menn Dagblaðsins neituðu að slást í
hópinn og töldu birtingu leiðbeining-
anna vera sjálfsagða þjónustu við
lese'ndur. YFirvöld höfnuðu kröfum
hinna blaðstjóranna og ákváðu að
prenta bækling í staðinn handa fram-
teljendum — sem auðvitað kostar
skattborgarana einhverja upphæð.
Hver hún nákvæmlega.er liggur ekki
fyrir ennþá.
Kristján Jónasson skrifstofustjóri
hjá ríkisskattstjóra gizkaði á að hvert
eintak bæklingsins kostaði 1.20
krónur, en alls voru prentuð 100.000
eintök. Miðað er við að hvert húshald
fái eintak, en á síðasta ári voru fram-
teljendur alls tæplega 150.000, þar af
voru barnaframtöl um 10.000.
Það ber þó að taka fram að áður
voru lika prentaðir leiðbeiningabækl-
ingar til notkunar í skattakerfinu,
meðal annars fyrir þá sem leiðbeina
og aðstoða við framtölin. Stofn-
kostnaður vegna upplýsingabæklings
í ár er því fyrir hendi, en til viðbótar
kemur efniskostnaður vegna marg-
fallt stærra upplags í ár.
-ARH.
Deilur í Grunnskóla Bolungarvíkur vísað til fræðslustjóra og ráðuneytisins:
Ráduneytismem skerast
í leikinn í Bolungarvík
—kennarar hverfa á braut hver á fætur öðrum, segja foreldrar og lýsa áhyggjum
vegna ástandsins ískólanum
Fulltrúar menntamálaráðu-
neytisins eru væntanlegir til Bolung-
arvíkur einhvern næstu daga, að,
beiðni skólanefndar, til að kynna
sér af eigin raun vandamál í skóla-
starfinu á staðnum, fyrst og fremst
samstarfsörðugleika skólastjóra
Grunnskóla Bolungarvíkur og eins
kennara. Málið verður þó skoðað í
mun víðari samhengi, enda þykir
ýmsum Bolvíkingum tími til kominn
að yfirvöld fræðslumála skoði það
frá öllum hliðum. Er skemmst að
minnast bréfs, sem Dagblaðinu barst
sl. haust, undirritað af foreldrum 27
nemenda í Grunnskólanum. Þar lýsa
foreldrar „þungum áhyggjum af því
ástandi, sem hefur verið að skapast
undanfarin ár í grunnskólanum”, og
sem sé orsök þess að kennarar við
skólann hafa „horfið á braut hver á
fætur öðrum, alltof fljótt.”
Gunnar Ragnarsson skólastjóri er
sagður starfa í mikilli andstöðu við
skólanefnd. Til dæmis var á liðnu
hausti ráðinn Gísli Hjartarson til
kennslu við skólann fjórða veturinn
með einróma stuðningi skólanefndar-
manna en gegn vilja skólastjóra.
Gísli er réttindalaus kennari, en hefur
sótt námskeið í Kennaraháskólanum
og er, að áliti skólanefndar, vaxandi í
starfi og vinsæll meðal nemenda.
Skólastjóra finnst Gísli hins vegar
erfiður í umgengni og ekki sterkur
kennari. Samstarf þeirra hefur verið
mjög erfitt. Upp úr sauð á dögunum,
þegar Gísli forfallaðist vegna
veikinda, en skólastjóri tók að sér
kennslu í hans stað. Mun skólastjóri
hafa látið ummæli falla eitthvað á þá
leið að Gísla væri ekki treystandi til
að kenna í 8. bekk. Gísli tók um-
mælin óstinnt upp og þótti mælirinn
nú fullur. Hann hætti kennslu við
skólann i mótmælaskyni Málið kom
til kasta skólanefndar á föstudaginn
þar sem Gísli var mættur og lét bóka
eftir sér um afstöðu sína. Skólastjór-
inn neitaði hins vegar að mæta á
fundinn og ræða málið við skóla-
nefnd. Skólanefnd vísaði málinu þá
til fræðslustjóra og menntamála-
ráðuneytinu voru kynntir málavextir.
Jafnframt fór skólanefnd fram á að
ráðuneytið gerði út sendinefnd til að
kynna sér ástandið. Starfsmenn í
ráðuneytinu munu hafa haft sam-
band við Gísla og lagt að honum að
hefja kennslu á ný, a.m.k. um hríð.
Hann mætti til starfa í gærmorgun
og hafði þá ekki kennt í 4 daga. Er nú
beðið komu sendimanna að sunnan
til Bolungarvíkar.
Ólafur Kristjánsson, formaður
skólanefndar og forseti bæjar-
stjórnar á Bolungarvík, staðfesti i
samtali við DB að í skólanum væru
„samskiptavandamál” sem biðu úr-
lausnar. Hann færðist að Öðru leyti
eindregið undan því að tjá sig um
það, sagði þetta ekki vera
„fjölmiðlamál”.
-ARH.
frfálst, nháð dagblað
MIÐVIKUDAGUR 4. FEB. 1981.
Brímið
hreif 14
ára pilt
af fjöru-
kletti
- þó hópur fólks væri
ífjörunni varð björgun
ekkiviðkomiö
Fjórtán ára piltur, Ölvir Gunnars-
son, Reykjabraut 14 í Þorlákshöfn,
drukknaði í fjörunni suðvestan Þor-
lákshafnar á fjórða timanum í gær-
dag.
Piiturinn var ásamt skólasyst-
kinum sínum< og kennara i náttúru-
skoðun i fjörunni. Brim var mikið
við ströndina. Fór pilturinn, að sögn
lögreglunnar á Selfossi, út á klett í
flæðarmálinu. í sama mund skall
alda yfir klettinn og sogaði piltinn út.
Björgun var þegar reynd og jafn-
framt leitað aðstoðar sem barst mjög
fljótt. Var lcitað á bátum undan
ströndinni, flogið yfir og fjöldi fólks
gekk um fjöruna.
Um klukkustund síðar fannst lik
piltsins. Ölvir heitinn var á 15.
aldursári síðan í október. -A.St.