Dagblaðið - 02.06.1981, Blaðsíða 10
10__________________________________________________________________DAGBLAÐIÐ. ÞRIÐJUDAOUR 2. JÚNÍ 1981.
(69. skoðanakdnnun Dagblaðsins: „Hvern vildir þú helzt fá í embætti biskups, nú þegar Sigurbjörn 1
Finarsson laetur af störfum?” J
Pétur örlítið á undan Olafi
Pétur Sigurgerisson vigslubiskup á
Akureyri og Ólafur Skúlason dómpróf-
astur i Reykjavík hafa miklu meira
fylgi meðal landsmanna en aðrir þegar
spurt er hvern menn vilji fá sem biskup
að Sigurbirni Einarssyni frágengnum.
Dagblaðið spurði landsmenn i skoð-
anakönnun fyrir skömmu: „Hvern
vildir þú helzt fá i embætti biskups, nú
þegar Sigurbjörn Einarsson lætur af
störfum?”
Pétur Sigurgeirsson hafði i könnun-
inni sjónarmunar vinning yfir Ólaf.
Pétur hlaut fylgi 133 manna en Ölafur
114. Rétt er að hafa f huga að frávik 1
slikri könnun geta verið nokkur. t
þriðja sæti kom Arngrímur Jónsson,
prestur i Háteigssókn 1 Reykjavík, með
27 atkvæði. Siðan kom Þórír
Stephensen dómkirkjuprestur með 1?
atkvæði.
Alls nefndi fólk 35 menn. Þeir eru
taldir upp 1 meðfylgjandi töflu ásamt
þeim atkvæðafjölda sem þeir hlutu.
Sumir þessara manna munu ekki kjör-
Herra Sigurbjörn Einarsson, biskup Íslands, sem lætur af embætti sfðar á þessu an.
DB-mynd Sig. Þorri.
Séra Amgnmur Jónsson í Háteigssókn:
„Útkoman er ágæt, mér
þykirvæntumþað”
„Ég er varla tilbúinn að tjá mig um
þetta en segi bara að útkoman er ágæt,
mér þykir vænt um það,” sagði séra
Arngrímur Jónsson prestur í Háteigs-
sókn þegar blaðamaður kynnti honum
úrslit skoðanakönnunar Dagblaðsins
vegna biskupskjörs.
„ Allir prestar eru í kjöri og mitt nafn
hefur vissulega verið nefnt í þessu sam-
bandi. En ég hef ekki tranað mér fram
eða haft viðbúnað á neinn hátt vegna
þessa.” -ARH.
Séra Arngrfmur Jónsson: „Allir prestar eru f kjörí.”
gengir i biskupskjöri, til dæmis vegna
aldurs, en sá kostur tekinn að geta allra
sem nefndir voru.
Halldór Gröndal, prestur i Grensás-
sókn i Reykjavik, hlaut 8 atkvæði, Sig-
urður Haukur Guðjónsson, prestur í
Langholtssókn, Reykjavik, fékk 7,
Auður Eir Vilhjálmsdóttir, prestur i
Þykkvabæ, 5, Arni Pálsson, prestur i
Kópavogi, 4 og Bernharöur Guö-
mundsson, fréttafulltrúi kirkjunnar,,
fékk 3 atkvæði. Aörír fengi 1 eða 2 at-
kvæði.
Eins og vænta mátti voru margir
óákveðnir i afstöðu, eða alls 231 af 600
manna úrtaki, þaö eru 38,5%. 21 vildi
ekki svara spurningunni eða 3,5%.
Pétur Sigurgeirsson hlaut fylgi
38,2% þeirra sem tóku afstöðu. Ólafur
Skúlason hlaut fyfgi 32,8%. Arngrímur
Jónsson fékk fylgi 7,8% og Þórir
Stephensen fylgi 4,3%. Allir aðrir
fengu samtals aðeins 16,9% fylgis
þeirra sem tóku afstöðu.
Pétur og Ólafur fengu mikið fylgi
um land allt. Pétur hafði þó mun meira
en Ólafur úti á landsbyggðinni en
Ólafur mun meira en Pétur á höfuð-
borgarsvæðinu.
Nú vita landsmenn að biskup verður
ekki kjörinn í almennum kosningum.
Hann munu brátt kjósa starfandi prest-
ar, fastir kennarar guðfræðideildar,
nokkrir fulltrúar leikmanna (( fyrsta
sinn) og fáeinir aðrír. Úrslit þar geta
þvi orðið öll önnur en úrslit meðal al-
mennings.
Úrtakið í skoðanakönnuninni voru
600 manns eins og I öðrum skoðana-
könnunum DB. Helmingur fólksins er
á Reykjavíkursvæðinu og þá helmingur
utan þess. Helmingaskipti eru milli
kynja.
-HH.
Ummæli fólks í könnuninni:
„Allt öndvegjsmenn”
Niðurstöður skoðanakönnunarinnar urðu
Pótur Sigurgeirsson vígslubiskup Akureyri....................133
Ólafur Skúlason dómprófastur Rvfk....... ................. 114
Amgrimur Jónsson Hóteigssókn Rvfk............................ 27
Þórir Stephensen dómkirkjuprestur Rvfk....................... 15
Halldór Gröndal Grensássókn Rvfk............................. 8
Sigurður H. Guöjónsson Langholtssókn Rvík.................... 7
Auður Eir Vilhjálmsdóttir Þykkvabæ............................ 5
Ámi Pálsson Kópavogi.......................................... 4
Bemharður Guðmundsson fráttafulltr. kirkjunnar................ 3
Áretíus Nfelsson fyrrv. prestur Langholtssókn................. 2
Birgir Snæbjömsson Akureyri................................... 2
Bjöm Jónsson Akranesi......................................... 2
Frank M. Halldórsson Nessókn Rvfk........................... 2
Heimir Steinsson rektor Skálholti............................. 2
Sigurður Pálsson vígslubiskup Selfossi........................ 2
Benedikt Amkelsson kristniboði, Birgir Ásgeirsson Mosfelli,
Bolli Gústavsson Laufási, Bragi Friðriksson Kópavogi, Grimur
Grimsson Suðureyri, Guðmundur Guðmundsson Útskálum,
Guðmundur Óskar Ólafsson Neskirkju Rvfk, Guðmundur Þor-
steinsson Árbæ Rvfk, Gunnar Bjömsson Bolungarvík, Hjálm-
ar Jónsson Sauðárkróki, Hjalti Guðmundsson dómkirkju-
prestur Rvfk, Hreinn Hjartarson Breiðholti Rvfk, Jónas Gfsla-
son dósent, Kristján Róbertsson fríkirkjuprestur Rvík, Óskar
J. Þoriáksson fyrrv. dómkirkjuprestur, Sigmar Torfason
Skeggjastöðum, Sigurður Guðmundsson Hafparfirði, Tómas
Sveinsson Háteigssókn Rvfk, Valgeir Ástráðsson Seljahverfi,
Rvík og Þórarinn Þór Patreksfirði fengu hver...................1
Óákveðnir .................................................. 231
Vilja ekki svara............................................. 21
Ef aðeins eru teknir þeir, sem afstöðu töku, skiptist
fyigið þannig milli fjögurra efstu manna:
Pétur Sigurgeirsson....................................... 38,2%
Ólafur Skúlason .......................................... 32,8%
Amgrímur Jónsson ........................................ 7,8%
Þórir Stephensen ........................................... 4,3
Aðrír samtals ............................................ 16,9%
„Pétur Sigurgeirsson. Mér lizt vel á
manninn,” sagði kona I sveit þegar hún
svaraði spurningunni i skoðanakönn-
uninni. „Vil helzt Pétur Sigurgeirsson
og hefði mátt vera fyrr,” sagði karl í
sveit. „Það er nú ekki vandi að velja
hann séra Pétur,” sagði kona i Norður-
landskjördæmi eystra. „Pétur Sigur-
geirsson vígslubiskup hefur hreina köll-
un. Hann yrði viröulegur eftirmaður
Sigurbjörns Einarssonar,” sagði karl á
Reykjavikursvæðinu.
„Leizt bezt á Ólaf Skúlason i sjón-
varpinu,” sagði kona á Akranesi.
„Ólaf, vegna þess að ég vil ekki missa
Pétur,” sagði kona á Akureyri.
„Ólafur Skúlason er virðulegur maður
og yrði ágætur biskup,” sagði kona á
Reykjavikursvæðinu.
„Ég vil skipta og reyna alveg nýjan
mann og vildi sjá séra Guðmund á Út-
skálum í embættinu,”. sagði karl í
Reykjaneskjördæmi. „Það flytur eng-
inn hugnæmari ræður en Halldór
Gröndal,” sagði annar karl i Reykja-
neskjördæmi. „Ég vil Auði Eir.
Stendur Vigdfs sig ekki meö sóma?”
sagði kona á Reykjavikursvæðinu.
„Ég sé engan mann sem getur tekið
sæti Sigurbjörns Einarssonar. Hann er
afburða kennimaður og mikill kirkju-
leiðtogi,” sagði kona á Reykjavikur-
svæðinu sem kvaðst óákveðin. „Þetta
eru allt öndvegismenn sem nefndir hafa
verið sem biskupsefni. Þess vegna á ég
erfitt með að gera upp hug minn,”
sagði karl á Reykjavikursvæðinu. „Eru
allir sem nefndir hafa verið ekki jafn-
hæflr?” sagði karl á Reykjavikursvæð-
inu. „Alveg sama, bara að það sé
góður maður,” sagöi karl á Reykja-
vikursvæðinu. „Það er vandfundinn
jafnágætur biskup og Sigurbjörn
Einarsson,” sagði kona á Reykjavikur-
svæðinu.
„Því miður kemur þetta andlega
leiðtogaembætti okkur, leikmönnun-
um, svo lítiö við að við fáum ekki að
kjósa. Því gefur maður embættinu allt
of litinn gaum,” sagði karl á
Austurlandi. „Guð minn góður. Ég hef
ekkert spekúlerað 1 biskupsembætt-
inu,” sagði kona i Norðurlandskjör-
dæmi vestra. „Það læt ég mig engu
varða,” sagði kona á Reykjavikur-
svæðinu. „Ég vil láta afnema biskups-
embættið og öU prestsembætti,” sagði
karl úti á landi.
-HH.
Séra Þórir Stephensen dómkirkjuprestur:
„Spái Ólafi efsta sæti
fyrstu umferðinni”
„Þessi skoðanakönnun skýrir sig að
mestu leyti sjálf. Þessir þrir efstu menn
hafa allir geflð kost á sér og það er nú
greinilcgt að þeir tveir, séra Pétur
Sigurgeirsson og séra Ólafur Skúlason,
eiga mestu fylgi að fagna meðal þessa
úrtaks. Hins vegar held ég að þessi
skoðanakönnun spegli ekki rétt viðhorf
meðal þeirra sem eru á kjörskrá,”
sagði séra Þórir Stephensen dómkirkju-
prestur um niðurstöður skoðanakönn-
unar.
„Hvað sjálfan mig snertir hafa þessir
hlutir aldrei flögrað aö mér þannig að
mér kemur minn hlutur á óvart. Ég
held að vel mætti athuga það að auka
hlutdeild leikmanna i kjörinu, biskups-
embættið er það mikilvægt þjóðinni.
Það væri þó fullstórt skref að stiga i
einu að koma á almennum kosninga-
rétti.
Mln spá er sú að séra Ólafur Skúla-
son verði efstur eftir fyrri umferðina en
svo er það spurning hvemig fer I siðari
umferðinni,” sagði séra Þórir Stephen-
sen dómkirkjuprestur. -SA.