Dagblaðið - 28.09.1981, Blaðsíða 6

6
DAGBLAÐIÐ. MANUDAGUR 28. SEPTEMBER 1981.
Biskupaskipti við hátíðlega athöfn:
Agirndin leiðir til styrjalda
—en í guði er að f inna leið til sátta og f riðar í
heiminum, sagði Pétur biskup í prédikun sinni
Það var unaðslegasta veður i gær-
morgun þegar velflestir prestar landsins
gengu hempuklæddir úr Alþingis-
húsinu í Dómkirkjuna til að kveðja
einn biskup og heilsa öðrum. Hinn
vinsæli herra Sigurbjörn Einarsson læt-
ur nú af embætti eftir tuttugu og
tveggja ára farsælt starf. Við því tekur
séra Pétur Sigurgeirsson, vigslubiskup
Hólastiftis.
Haustsólin glóði eins og hún vildi
blessa allt kirkjunnar starf. Inni i
kirkjunni söng dómkirkjukórinn
„Veni, sancte spiritus (Gakk inn,
heilagur andi), — halelúja.” Ljósa-
krónur og kertastjakar
tindruðu nýfægðir og kirkjubekkirnir
voru skreyttir hvítum blómum.
Það eina sem hægt var að kvarta
yfir var það að Dómkirkjan er svo lítil
að færri en vildu gátu notið hinnar há-
tiðlegu athafnar.
Sá þjónn sem nú tekur
við hirðisstarfi
Þegar kór og söfnu'xurhöfðu sungið
sálm eftir Lúther baö herra Sigurbjörn
Einarsson guð að blessa „þann þjón,
semnúskal taka við hirðisstarfi”.
Síðan flutti sr. Stefán Snævarr
prófastur Eyjafjarðarprófastsdæmis
pistil, en sr. Ólafur Skúlason
dómprófastur guðspjall. Að þvi loknu
fór söfnuðurinn með trúarjátninguna
og sunginn var sálmurinn kunni eftir
Hallgrím Pétursson: „Víst ertu Jesús,
kóngur klár”.
Það var herra Sigurbjörn Einarsson
sem stjórnaði fyrri hluta
guðsþjónustunnar, og þegar hér var
komið, bað hann hina erlendu biskupa,
sem allan timann voru vinstra megin
við altarið, að lesa úr ritningunni. Þeir
voru Bertil Wiberg frá Hróarskeldu,
Kirsten Kyrre Bremer frá Niðarósi,
Tore Furberg frá Visby og Mikko Juva
frá Turrku. Voru þeir fagurlega
skrýddir, en það kom á óvart, að
finnski biskupsbúningurinn er nær
alhvítur. Einn þeirra fór með ritningar-
greinina, Ég er vínviðurinn, þér eruð
greinarnar. Annar las orð Páls postula,
þegár hann kvaddi í siðasta sinn
öldunga safnaðarins i Efesus.
Þór getið ekki
þjónað Guði og
Mammoni
Eftir aö sunginn hafði verið annar
Hallgrímssálmur, bað Sigurbjörn
biskup enn að nýju fyrir eftirmanni
sinum. Kórinn flutti 150. sálm Daviðs
(Lofið Guð í helgidómi hans) við lag
sem Þorkell Sigurbjörnsson hefur mjög
nýlega samiö. Var það kröftugt og
áhrifamikiö. Og síðan steig Pétur
biskup í stólinn.
Hann lagði út af
Mattheusarguöspjalli 6.24—34,
fjallræðunni, þar sem Kristur segir:
Enginn getur þjónað tveimur herrum
. . . þér getið ekki þjónað Guði og
Mammon. Og siðan koma hin frægu
orð um fugla himinsins og liljur
vallarins, sem hvorki sá né spinna.
Brýndi hinn nýi biskup fyrir
söfnuðinum að láta hverjum degi
nægja sína þjáningu og gera sér ekki
óþarfa áhyggjur. Ágirndin leiðir til
styrjalda, ,,en í guði er að finna leið
sátta og friðar í heiminum”.
Lffsbókin mikia
Þá drap Pétur biskup á það hvað
íslendingar hefðu ævinlega verið
bókhneigðir. Það hefði þvi verið okkur
mikið happ að „Iífsbókin mikla”,
biblian, hefði verið svo vel þýdd, á
okkar tungu. Hefðu íslendingar verið
meðal fyrstu þjóða sem fengu biblíuna
þýdda á móðurmál sitt. í þessu
sambandi minnti hann á listaverk
Einars Jónssonar, „Verndarengilinn”,
þar sem engill með útbreidda vængi
stendur hjá lesandi manni.
Loks þakkaði Pétur biskup fyrir-
rennara sinum gagnmerk og vizkurík
störf og einnig biskupsfrúnni, Magneu
Þorkelsdóttur.
Herra Sigurbjörn Einarsson fyrir altarinu. Næst honum til vinstri stendur sr. Ólafur
Skúlason dómprófastur og fyrir framan hann, á biskupskápu, með bók i hönd, er
herra Pétur Sigurgeirsson. Til hliðar við þá sjást þrfr hinna eriendu biskupa.
DB-myndir Einar Ólason.
Svo virtist sem flestir prestar landsins væru viðstaddir athöfnina. Gengu þeir skrýddir f kirkju og yngstu prestar fremst. Á
myndinni sjást m.a. þrfr ungir kvenprestar, sem nýskeð voru vfgðir.
illlixt*
Herra Sigurbjörn Einarsson býr sig undir að kveðja embætti það sem hann hefur svo
farsællega gegnt f 22 ár. Við hlið hans sést herra Pétur Sigurgeirsson, sem nú tekur
við störfum.
Dómkórinn syngur sálma undir stjórn Marteins Friðrikssonar.
JÚDÓFÉLAG REYKJAVÍKUR
Tilkynnum œfingartíma
í hinni japönsku glímu.______
Júcfló
Drengir á mánudögum kl. 18—19.
Framhaldsflokkar þriöjudaga og
fimmtudaga kl. 19—20.30.
Innritun jyrir byrjendur og
framhaldsflokka mánudaga frá kl. 18—19.
Þriöjudaga og fimmtudaga kl. 18—20.
BYRJENDUR VELKOMNIR.
Gufubað á staðnum.
JÚDÓFÉLAG REYKJAVÍKUR,
BRAUTARHOLT118, SÍM116288.