Dagblaðið - 11.11.1981, Blaðsíða 11

DAGBLAÐIÐ. MIÐVIKUDAGUR 11. NÓVEMBER 1981.
11
Ríkisspítalamir keyptu ekki gömlu
húsgöjgnin af Framkvæmdastofnuninni
—láta sín duga þar til úr rætist í peningamálunum segir Davíð Gunnarsson forstjóri
„Við tókum þá afstöðu að kaupa
ekkert af þeim utan tvö skrifborð.
Við höfum gömul húsgögn og ósam-
stæð, en látum þau duga meðan ekki
eru til peningar fyrir nýjum eða til
muna betri,” sagði Davið Gunnars-
son, forstjóri Ríkisspítalanna, i
viðtali við DB.
Skrifstofur Ríkisspítalanna fluttu í
húsakynni þau, sem Framkvæmda-
stofnunin var í viö Rauðarárstíg 31.
Sem kunnugt er, þótti við hæfi, að
stofnunin fengi nýjan húsbúnað með
nýjum húsakynnum á horni Rauðar-
árstígs og Stórholts.
Þjóðhagsstofnunin sem einnig
flutti starfsemi og skrifstofur þangað
naut ekki þeirrar rausnar fjár-
málaráðuneytisins, að fá ný húsgögn
um leið og flutt var.
„Það munar ekki miklu á stærðum
hæðanna, þessari, sem við fluttum í
og þeirri, sem við vorum í áður, en
þessi nýtist miklu betur”, sagði
Davíð. Þá kvað hann ekki minnstu
muna geymslukjallarinn, sem skrif-
stofur Ríkisspítalanna fengju núna.
Hann væri bylting í húsnæðismálum
skrifstofunnar. Skjalageymsluvanda-
málið hefði verið ógnvænlegt en væri
nú viöunanlega leyst. Þá væri einnig
pláss fyrir tölvu í kjallaranum.
„Okkur finnst fjarlægðin frá
Landspítalanum talsverð,” sagði
Davíð, ,,en þegar litið er til þess
hversu dreifðar hinar ýmsu sjúkra-
stofnanir eru, þá verður seint
fundinn staður í nálægð við þær
allar,” Hann kvað þó mikla bót að
þvi, að skrifstofur Ríkisspítalanna
yrðu áfram i sama innanhússsíma-
kerfi og verið hefði, þ.e. Land-
spítalans.
„Hvað sent öðru liður kreppir skór-
inn þó mest þar sem er fjárskortur til
þess að hefjast handa um K-bygging-
una á Landsspitalalóðinni. Þar er
fyrirhuguð háborg íslenzkrar læknis-
fræði á sviði skurðlækninga og
krabbameinslækninga. Það er sárt til
þess að vita, hversu fjárskortur
dregur þá framkvæmd, ekki aðeins
fyrir Landspítalann heldur fyrir
þjóðina alla”, sagði Davíð Gunnars-
son, forstjóri. -BS.
Aðstandendur bókarinnar um Kjarval á blaðamannafundi þar sem útgáfan var kynnt. t aftari röð frá vinstri eru Brynjólfur
Bjarnason hjá Almenna bókafélaginu, Haraldur J. Hamar útgefandi bókarinnar, Mats Wibe Lund Ijósmyndari, Guðjón
Eggertsson frá Auglýsingastofunni hf. og Jóhannes Kjarvai yngri. Fremstir sitja Aðalsteinn Ingólfsson og Matthias
Johannessen sem sáu um texta bókarinnar. DB-mynd: Einar Ólason.
Bökin Kjarval—málari lands og vætta er komin út:
Spannar liðlega hálfa öld
á listamannsferli Kjarvals
— Aðalsteinn Ingólfsson og Matthías Jóhannessen rita texta bókarinnar
„Vissulega hefði verið hagstæðara
fjárhagslega að láta prenta bókina á
ftalíu. En við vorum vissir um að farið
yrði nærfæmari höndum um Kjarval
hér en ytra svo að við létum vinna hana
hér,” sagði Haraldur J. Hamar útgef-
andi sem sendi í gær frá sér bók um
Jóhannes S. Kjarval og list hans.
Bókin var unnin hjá prentsmiðjunni
Odda að öðru leyti en því að litmyndir
voru litgreindar hjá Prentmyndastof-
unni hf. Hún er fyrsta meiriháttar
verkið sem unnið er í nýrri fjögurra lita
prentvél Odda og lofar árangurinn
ákaflegagóðu.
„Við vorum á þeytingi milli prent-
smiðjunnar og gallería til að bera
saman litina. Fyrst í stað með öndina í
hálsinum en síðar með bros á vör,”
sagði Haraldur.
Kjarvalsbókin kemur út bæði á
íslenzku og á ensku. Útgáfufyrirtækið
Iceland Review sér um erlendu útgáf-
una og Almenna Bókafélagið um þá
islenzku. Dreifingin verður á vegum
bókaklúbbs forlagsins. Á íslenzku
nefnist bókin Kjarval — Málari lands
og vætta og enski titillinn er Kjarval —
A Painter of Iceland.
Aðalsteinn Ingólfsson listfræðingur
valdi myndir-i bókina. Hann skrifar
einnig ritgerð um listamanninn. Þar
leitast hann við að gera grein fyrir sér-
stöðu Kjarvals í íslenzkri myndlist og í
evrópsku samhengi. Þá eru í bókinni
kaflar úr Kjarvalskveri Matthíasar
Johannessen. Lifandi lýsingar á lista-
manninum sem af mörgum eru taldar
þær trúverðugustu sem eru til af dag-
legu viðmóti og hugarheimi þessa sér-
stæða listamanns, eins og segir í frétt
fráútgefanda.
Ekki hefur verið gefin út eftir-
prentanabók í litum um Kjarval í
þrjátíu ár fyrr en nú. Nýja bókin
spannar liðlega hálf öld á listamanns-
ferli hans og er einstök hvað það
snertir. Margar myndanna í bókinni
hafa ekki verið prentaðar áður. Þar af
eru nokkrar sem aðeins hafa komið
fyrir sjónir örfárra manna. Gefur það
útgáfunni enn meira gildi en ella. í
megindráttum hefur verið leitazt við að
bregða upp heillegri mynd af þróunar-
ferli listamannsins og þvi eru einnig í
bókinni margar af þekktustu myndum
Kjarvals.
Það var Guðjón Eggertsson hjá
Auglýsingaþjónustunni hf. sem sá um
útlit bókarinnar. Litmyndirnar tók
Mats Wibe Lund jr. Haukur Böðvars-
son þýddi texta á ensku. — Kjarval —
málari lands og vætta er 96 blaösíður
að stærð með 63 litmyndum og 23
svarthvítum. Verð bókarinnar er milli
250og300krónur. -ÁT-
„Kaþólsk”
beitingar-
vél sett í
Flateyjarbát
—vélin er hönnuð af kaþólskum
munki. Prófanir hafa sýnt mjög
jákvæðan árangur
írsk beitingarvél var sett i vb. Sif
IS 225 frá Flateyri fyrir stuttu. Vélar-
samstæðan er frá rómversk kaþólskri
reglu, Mary’s Followers of the cross.
Þetta er fyrsta vélin, af þtssu tagi,
sem sett er í islenzkan bát. Vélin mun
beita 60 „magasínum”, sem sam-
svarar 30 bölum. Á bátnum verður
sex manna áhöfn, sem þýöir fjögurra
manna fækkun fyrir utan fækkun
beitingarmanna.
Prófanir hafa sýnt jákvæðan
árangur eða 90% beitingu. Ef
báturinn siglir á 10 mílna hraða á
klukkustund, beitir vélin jafn mikið
og fimm menn beita á átta klukku-
stundum, miðað við það að einn
maður beiti einn bala á einni klukku-
stund. Vélin beitir aöaliega sild,
smokk og makril.
Kevin Jakobsen, sem er danskur
trésmiður fluttist til írlands og gerðist
munkur. Hann hefur undanfarin átta
ár þróað beitingarvél í bát, sem
reglan á. Átta menn hafa unnið að
þessu með honum. Þess má geta að
þeir nota þessa trúarbragðareglu sér
ekki tii framfæris.
Þetta klaustur er mjög frjálst,
menn geta gengið úr reglunni með
viku fyrirvara. Reglan er ekki undir
stjórn páfans. Gift fólk getur gerzt
meðlimir, en þó ekki fastir. Það fólk
býr utan við klaustrið, á heimilum
slnum.
Þess má geta aö hin nýja
beitingarvél er íslenzk framleiðsla.
-Krlstján Bolungarvik.
trslu beitingavélin um borð f Sif ÍS 225.
DB-mynd Kristján Friðþjófsson. Bolungarvík.
HEIMSMEISTARAEINVÍGIÐ í MERANO
VEKUR NÝJA LOTU HELGARSKÁKMÓTA
Fyrsti meiriháttar menningarvið-
burðurinn í nýja grunnskólahúsinu á
Hellissandi er Helgarskákmót tíma-
ritsins Skákar og Skáksambands
íslands í samvinnu við Taflfélagið á
staðnum og sveitarfélagið. Er þá að
sjálfsögðu frátalin vígsla hússins og
almennt skólahald.
Helgarskákmótin náðu ótrúlegum
vinsældum. Var hið 10. haldið í
Grímsey í júnílok. Vegna áskorana
víðs vegar af landinu, er nú verið
að skipuleggja 5 helgarskákmót, og
verður hið fyrsta háð á Hellissandi
hinn 13.—15. nóvember.
Margar kunnustu skákkempur
okkar verða meðal þátttakenda. Má
þar nefna Guðmund Sigurjónsson,
Inga R. Jóhannsson, Helga Ólafsson
og Jón L. Árnason. Annars er mótið
öllum opið meðan rúm leyfir.
Tefldar verða 9 umferðir eftir
Monrad-kerfi og loks verður háð
hraðskákmót. Verðlaun eru vegleg að
vanda, auk sérstakra verðlauna, sem
Flugleiðir hf. veita í formi farseðla
til áætlunarstaða erlendis.
Þá verður einnig kennd þar
unglinga og „old boys” skákkeppni.
Keppendur búa í góðum húsakynn-
um Loranstöðvarinnar á Gufuskál-
um. Þarf ekki að orðlengja um það,
— fyrsta mótið á
Hellissandi verður
háðum næstuhelgi
hversu mikla athygli skákmótið
vekur vestra og hversu það er mynd-
arlegt framtak í ekki stærra
byggðarlagi.
Skákdómari verður eins og áður
Jóhann Þórir Jónsson. Er það hald
manna, að heimsmeistaramótið hafi
nú vakið þann áhuga sem hrindir af
stað nýrri hrinu helgarskákmóta.
-BS.