Veðráttan - 02.12.1993, Page 32
Ársyfirlit
Veðráttan
1993
Fagleg úttekt á Veðurstofunni
Undir árslok 1992 ákvað umhverfisráðherra að fram skyldi fara fagleg úttekt á Veðurstofu íslands. Var
þessi ákvörðun tekin í framhaldi af fjöldauppsögnum veðurfræðinga, einkum á spádeild, en vaxandi óánægju
hafði gætt meðal veðurfræðinga vegna faglegrar stöðu mála á stofnuninni. Þá voru og launamál tilefni til
þessarar óánægju.
Tryggvi Sigurbjarnarson ráðgjafarverkfræðingur var fenginn til að gera þessa úttekt og tók hann til starfa
í desember 1992.
í lok janúar 1993 náðist samkomulag um að veðurfræðingar tækju aftur uppsagnir sínar. Þá ákvað um-
hverfisráðherra í samráði við veðurstofustjóra að auglýsa strax stöðu veðurstofustjóra, en ljóst var að Páll
Bergþórsson léti af störfum fyrir aldurs sakir fyrir eða í lok ársins.
í lok febrúar ákvað ráðherra að Magnús Jónsson veðurfræðingur skyldi taka við starfi veðurstofustjóra
þegar Páll léti af störfum.
í mars voru myndaðir fjórir vinnuhópar starfsmanna Veðurstofunnar. Fjölluðu þeir næstu mánuði um
tækni- og athuganamál, þjónustu, rannsóknir og tölvumál stofnunarinnar svo og hvernig bæta mætti
endurmenntun innan stofnunarinnar. Skiluðu þeir skýrslu um stöðu hvers málaflokks og settu fram hug-
myndir um úrbætur. í apríl fóru veðurfræðingarnir Magnús Jónsson og Guðmundur Hafseinsson í heimsókn
til veðurstofa Norðurlandanna og Irlands og kynntu sér ástand mála á þessum stofnunum, skipulag þeirra og
starfshætti og gerðu skýrslu þar um.
Þá komu í heimsókn í boði ráðuneytisins þeir Curt Kempe veðurfræðingur á sænsku veðurstofunni og
Frank-Lynge Larsen gagnagrunnssérfræðingur frá dönsku veðurstofunni. Fjölluðu þeir um breytingar og þróun
á þessum stofnunum og gerðu grein fyrir hugmyndum sínum um hvaða stefnu beri að taka á þessum sviðum
innan Veðustofunnar.
í ágúst tók svo til starfa hópur starfsmanna á stofnuninni undir stjórn Tryggva Sigurbjarnarsonar og átti
hann að vinna úr þeim gögnum sem lágu fyrir og koma með tillögur um skipulag og breytta starfshætti. í
hópnum voru auk Tryggva, veðurfræðingarnir Flosi H. Sigurðsson, Guðmundur Hafsteinsson, Þóranna Páls-
dóttir og Magnús Jónsson, auk Páls Halldórssonar jarðeðlisfræðings.
I desember skilaði hópurinn drögum að skýrslu og tillögum um endurskipulagningu og var hún rædd á
fundum með starfsfólki. Eftir umræður var svo endanlegri skýrslu komið til Umhverfisráðuneytis í lok ársins.
Efnisyfírlit
Tíðarfarsyfirlit........................97
Úrkomukort..............................98
Hitakort................................99
Athuganir á úrkomustöðvum..............101
Sjávarhiti.............................101
Aðaltafla..............................102
Fjöldi sólskinsstunda..................104
Nesjavellir............................104
Óson í gufuhvolfínu....................105
Ýmsar dagsetningar vor og haust........106
Úrkomumælingar í safnmælum.............108
Snjódýpt..............................109
Mælingar á mesta vindhraða............113
Lágmarksmælingar við jörð.............115
Sólgeislunarmælingar..................116
Jarðvegshitamælingar..................117
Hiti og úrkoma (Hðm,Krps).............117
Veðurstöðvar..........................118
Sjálfvirkar veðurstöðvar..............120
Athugunartímar og hæð loftvoga........121
Ársskýrsla............................122
(128)