Vísbending - 21.12.1983, Blaðsíða 1
VÍSBENDING
VIKURIT UM ERLEND VIÐSKIPTI OG EFNAHAGSMÁL_
23.1 21. DESEMBER 1983
Spánn:
Sósíalistar ná góðum árangri við stjórn efnahagsmála
Allgóðar horfur með verðbólgu
og viðskiptajöfnuð
Þegar stjórn sósíalista á Spáni
kom til valda fyrir einu ári beitti
hún sér fyrir fremur hógværri
stefnu í efnahagsmálum, en
hún þykir hafa staðið vel við þau
markmið, sem hún setti sér.
Helstu markmið voru að draga
úr verðbólgu og lækka hallann í
viðskiptum við útlönd. Helstu
vandamál nú eru vaxandi
atvinnuleysi, um 18% vinnu-
færra manna og hallinn á opin-
berum rekstri. Ástandið krefst
áframhaldandi aðhaldsaðgerða
og útlitið því ekki gott á næsta
ári. í ár var stefnt að um 2%
hagvexti og er talið að því marki
verði náð, ekki síst vegna auk-
ins útflutnings til Bandaríkj-
anna. Stjórnin stefnir að um
2,5% hagvexti næsta ár og um
3% 1985 og 1986 til að leitast
við að vinna bug á atvinnuleysi.
Ríkisstjórn Gonzalezar forsæt-
isráðherra hefur sett 6,5%
hækkun sem viðmiðun í samn-
ingum við opinbera starfsmenn
á næsta ári og ætlast er til að
sömu markmið gildi á frjálsum
markaði. Stefnt er að því að
halda verðhækkunum innan við
8% á næstaári, svo að um er að
ræða nokkra skerðingu kaup-
máttar. Kröfur verkalýðsfélag-
anna eru um 8-10% launa-
hækkanir; en í Ijósi efnahags-
legra aðstæðna á Spáni virðist
lítil von til að rauntekjur geti
hækkað á næsta ári. Búist er
við, að viðskiptahallinn í ár verði
um 3 milljarðar dollara, en hann
var um 4 milljarðar dollara í
fyrra.
Gengi pesetans
Næsta ár er stefnt að því að
hallinn í viðskiptum við útlönd
verði um 2 milljarðar dollara.
Gengi pesetans hefur fallið
mjög mikið á árinu. Verð á doll-
ara hefur hækkað úr 126 peset-
um í upphafi ársins í um 156
peseta í nóvemberlok og hefur
gengislækkunin greitt mikið
fyrir útflutningi til Bandaríkj-
anna, eins og fyrr segir. Sam-
keppnisaðstaða Spánverja á
Frakklandsmarkaði, sem er
þeirra stærsti markaður, hefur
þó ekki lagast mikið, vegna
gengislækkunar franska
frankans. Evrópumarkaðurinn
er Spánverjum mikilvægastur.
Þannig er búist við um 7-8%
lækkun pesetans gagnvart
þýsku marki á næsta ári, en
lækki gengi dollarans gagnvart
Evrópumyntum, gæti gengi
pesetans jafnvel hækkað örlítið
miðað við dollara. Talið er, að
aukinn hagvöxtur í flestum Evr-
ópulöndum á næsta ári muni
styrkja greiðslujöfnuð Spán-
verja og gengi pesetans. Eins
og fyrr segir, verður hagvöxtur
um2% í ár, en útflutningsaukn-
ing um 5%. Á árinu 1984 er
vonast til, að aukning í útflutn-
ingsframleiðslu verði jafnvel
8,5%.
Vísbending kemur næst út mið-
vikudaginn 4. janúar n.k. Útgef-
endur blaðsins óska lesendum
gleðilegra jóla og farsæls nýárs.
Efni: Efnahagsmál á Spáni og gengi pesetans 1
Bandaríkjadollari 2
Upplýsingakerfi Reuters (Reuter Monitor) 3
Vaxtalækkunin 21-12 4
Töflur:
Gengi helstu gjaldmiðla 4
Gengi íslensku krónunnar 4
Fylgirit:
Atriðaskrá 1983 1-4
Heimild: OECD