Vísbending - 01.08.1984, Blaðsíða 3

VÍSBENDING
3
Vextir í viðskiptalöndunum
Vextir í helstu viöskiptalöndum
Islendinga hafa farið heldur hækkandi
þaö sem af er þessu ári. Grunnvextir (
Bandaríkjunum (Prime Rate) hafa
hækkað úr 11 % í 13% frá því í mars
og grunnvextir í Bretlandi (Base Rate)
hafa hækkað úr 9,25% í júní í 12%.
Taflan hér á síðunni sýnir nokkur dæmi
um vexti í viðskiptalöndunum á fyrstu
sjö mánuðum ársins. Vextir hafa
hækkað mest í Bandaríkjunum og
Bretlandi, staðið nokkurn veginn í stað
í Þýskalandi og Japan, en lækkað á
Italiu og Frakklandi, en verðbólga
hefur verið á undanhaldi í síðast-
nefndu löndunum.
Helsta skýringin á vaxtahækkun-
unum er mikil eftirspurn eftir lánsfé,
ekki síst í Bandaríkjunum, en einnig í
öðrum löndum þar sem þjóðartekjur
fara vaxandi. Ekki er þó talið að vaxta-
hækkanirnar muni draga verulega úr
hagvexti. Fjárfestingarákvarðanir ein-
staklinga ráðast fremur af þeim tekjum
sem í vændum eru heldur en af vöxtum
og ákvarðanir fyrirtækja um kauþ á
nýjum framleiðslutækjum ráðast að
miklu leyti af eftirspurn eftir framleiðsl-
unni. Háirvextirþurfa því ekki aðdraga
svo mjög úr hagvexti en þeir stýra fjár-
magninu þangað sem það gefur
mestan arð.
Þrátt fyrir nýlegar yfirlýsingar Pauls
Volckers, seðlaþankastjóra, er talið að
vextir í Bandaríkjunum muni heldur
fara hækkandi með haustinu og fram
eftir næsta ári, ef til vill þó með nokkr-
um sveiflum. Að ári gætu vextir orðið
um 2% hærri en þeir eru nú, að því að
talið er. Ekki er talið að vextir muni
lækka aftur fyrr en framleiðsla fer að
dragast saman í Bandaríkjunum á
nýjan leik. Samkvæmt spám, eða öllu
heldur ágiskunum, gæti það orðið á
síðari hluta næsta árs eða árið 1986.
Ekki er óðelilegt að hækkandi vextir
í viðskiptalöndunum leiði til nokkurrar
vaxtahækkunar hér á landi, án tillits tii
efnahagslegra aðstæðna innanlands.
Samkvæmt fréttum hefur vaxta-
hækkun verið meðal þess sem stjórn-
völd hafa rætt í tengslum við jafn-
vægisaðgerðir í efnahagsmálum. Að
hækka vexti á neyslulánum eingöngu,
eins og hermt var í fréttum í síðustu
viku að borist hefði í tal, væri þó skref í
öfuga átt. Hærri vextir eru nauðsyn-
legir til að laða fram aukinn sparnað en
ráðstafanir stjórnvalda til að beina fjár-
magni inn á „réttar" brautir hafa hingað
til ekki gefið góða raun. Þar verður að
treysta á markaðinn.
Vextir í viöskiptalöndunum janúar—júlí 1984
/ síðari hluta hvers mánaðar.
janúar febrúar mars april maí júní júlí
London
Grunnvextir 9 9 8% 8% 91/4 91/4 12
Ríkisvíxlar, 90 daga 8 8 8 8 8 8 11
New York
Grunnvextir 11 11 11 12 12 12 13
Ríkisvíxlar, 90 daga 8.92 9.16 9.75 9.76 9.85 9.90 10.15
Millibankavextir 97/l6 99/16 105/16 10% 10 111/4 1015/16
Frankfurt
Grunnvextir 8 8 8 8 8 8 8
Ríkisvíxlar, 90 daga 6.13 5.85 5.85 5.78 6.13 6.10 6.05
Tókfó
Grunnvextir 5.50 5.50 5.50 5.50 5.50 5.50 5.50
Rikisvíxlar, 90 daga 6.28 6.28 6.28 6.28 6.28 6.28 6.34
Parfs
Grunnvextir 12 12 12 12 11% tV/2 111/4
Rikisvíxlar, 90 daga 12.25 12.69 12.63 12.44 12.13 12.13 11
Amsterdam
Grunnvextir 7.50 7.50 7.50 7.50 7.50 7.50 8
Ríkisvíxlar, 90 daga 6Tie 6Vi6 63/l6 6V16 63/16 6% 6'/2
Mflano
Grunnvextir 18.50 18.50 17.50 17.50 17.50 17 17
Ríkisvíxlar, 90 daga 171Vi6 17^16 1 77/l6 175/16 16'%6 161%6 162%2
Heimild: Financial Times