Vísbending - 07.01.1987, Blaðsíða 3

VÍSBENDING
3
anna á almennum fjármagnsmarkaði. En
með samkomulaginu sem þjóðirnar gerðu
með sér var ákveðinni áhættu sem fylgir
óstöðugum gjaldeyrismörkuðum eytt.
Svissneski frankinn
Pað sem kemur til með að hafa einna
mest áhrif á gengi svissneska frankans á
þessu ári er lakari efnahagsástand þar í
landi en í helstu nágrannalöndunum. T.d.
er búist við að hagvöxtur verði um 2,5% á
móti rúmum 3% í Þýskalandi auk þess
sem útlit er fyrir hærri verðbólgu þar í
landi en í Þýskalandi. Vegna þessa m.a. þá
er líklegt að töluvert fjármagn komi til
með að streyma út úr landinu og veikja
stöðu svissneska frankans. Gagnvart
þýsku marki þá er meðaltalsspáin fyrir
árið 0,83 sem reyndar er það sama og var
1. desember síðastliðinn. Með sterku
aðhaldi í stjórnun peningamagns þar í
landi er talið að mismunur á skammtíma
vöxtum milli landanna komi til með að
minnka. Þetta mun eiga sérstaklega við ef
það reynist rétt sem margir sérfræðing-
anna telja, að aukinn þrýstingurfráöðrum
aðilum gjaldeyriskerfisins ásamt þeim
þrýstingi sem Bandaríkin hafa beitt um
alllanga hríð muni neyða Þýskaland til að
lækka vexti á árinu.
Franski frankinn
Franski frankinn sem nýlega hefur
fallið töluvert á alþjóðagjaldeyrismarkaði
er talin muni halda áfram sömu þróun á
nýja árinu. Þannig er spáin um gengi
franska frankans gagnvart þýsku marki
talin muni verða um 3,34 á árinu sem er
3,5% gengissig frá gengisskráningunni 1.
desember. Það þýðir ennfremur að mynt-
in muni fara út fyrir þau mörk sem henni
hafa verið sett innan evrópska gjaldeyris-
kerfisins og þannig muni þurfa að endur-
skoða innbyrðis gengisskráningu myntar-
innar gagnvart öðrum EMS myntum en
það var einmitt gert í apríl síðastliðinn.
Sumir sérfræðinganna telja að franski
frankinn muni ekki rétta úr sér og
styrkjast fyrr en eftir forsetakosningarnar
snemma á næsta ári.
Belgíski frankinn
Staða belgíska frankans virðist vera
mjög tvísýn eins og staða franska frankans
og má fullvíst telja að endurskoðun muni
reynast nauðsynleg á gengisskráningu
myntarinnar gagnvart öðrum EMS mynt-
um. Spáð er að gengi belgíska frankans
muni verða að meðaltali 21,15 gagnvart
þýsku marki en það er fyrir neðan nú-
verandi mörk sem myntinni eru sett eða
20,89 gagnvart þýsku marki. Þetta gerist
þrátt fyrir ágætt útlit í belgísku efnahags-
lífi. Þannig er því spáð að hagvöxtur verði
3% samanborið við 2% á árinu 1986.
Viðskiptajöfnuður er talinn muni verða
hagstæður um 2% og auk þess er gert ráð
fyrir lækkandi verðbólgu í landinu. Það
sem er talið geta veikt stöðu frankans
hvað mest er veik staða stjórnarinnar.
Danska krónan
Allt virðist benda til þess að gengi
dönsku krónunnar muni lækka töluvert á
næsta ári þótt mismunandi skoðanir séu á
hver framvindan verður á árinu. Það
liggur þó alveg ljóst fyrir að föst gengis-
skráning myntarinnar mun eiga undir
höggi að sækja á árinu og eru háværar
raddir uppi um að gengi dönsku krón-
unnar verði fellt gagnvart öðrum EMS
myntum. Talið er að danska krónan muni
verða skráð að meðaltali um 3,90 gagn-
vart þýsku marki. Það þýðir um 3%
gengisfall frá því sem hún var nú í des-
ember síðastliðinn. Helstu ástæður versn-
andi gengis dönsku krónunnar eru taldar
liggja í versnandi samkeppnisaðstöðu
þarlendra fyrirtækja á erlendum mörkuð-
um sem muni leiða til minnkandi útflutn-
ings þar í landi. Minnkandi áhugi erlendra
fjárfestinga aðila á dönskum ríkisskulda-
bréfum mun einnig leiða til minnkandi
eftirspurnar eftir dönsku krónunni og þar
af leiðandi lækkandi gengis myntarinnar.
Norsk króna
Norska krónan er ein þeirra mynta sem
mun væntanlega hagnast verulega á
hækkun olíuverðs. Spár um gengi krón-
unnar benda til þess að Tiún muni ekki
breytast verulega gagnvart t.d. þýska
markinu. Þó eru skoðanir mjög skiptar
hvað þetta varðar eins og meðfylgjandi
mynd sýnir glöggt. Dæmi um hversu
skiptar skoðanir eru um gengisskránigu
myntarinnar kemur fram m.a. í því að
sumir telja að norska krónan verði skráð á
um 3,57 eins og Banca della Svizzera
Italiana á meðan t.d. Privatbanken telur
að krónan verði skráð á um 4,15 gagnvart
þýska markinu. Hér má líklegt telja að
þróunin verði eins og meðaltalið segir til
um þ.e.a.s. mjög litlar breytingar muni
eiga sér stað. Einna helst má telja víst að
ef olíuverð fer hækkandi þá muni stað
norsku krónunnar verða sterkari en hér er
gert ráð fyrir.
Sænska krónan
Að meðaltali þá er gengi sænsku krón-
unnar spáð um rúmlega 1% gengissigi frá
því sem var nú í lok síðasta árs. Þannig er
því spáð að hún muni verða skráð á 3,53
gagnvart þýsku marki en hún var skráð á
3,49 í lok ársins 1986. Eins og myndir hér
að neðan sýnir glöggt þá eru skoðanir um
gengisþróun sænsku myntarinnar mjög
skiptar. Bjartsýnastir virðast sérfræðingar
Citibank sem spá að krónan hækki um 4%
gagnvart helstu myntum á meðan þeir hjá
Lloyds spá að myntin falii um 7% gagn-
vart sömu myntum. Sænskur efnahagur
hefur hagnast einna mest allra landa í
Evrópu af mikilli lækkun olíuverðs sem
átti sér stað á síðasta ári og árinu þar á
undan auk hins mikla gengisfalls dollara á
síðasta rúmu ári. Viðskiptajöfnuður
landsins við útlönd er hagstæður vegna
þessa og virðist flest benda til að svo muni
verða áfram. Helstu orsök fyrir þessu
gengissig má líklega rekja til þeirrar for-
sendu að verðbólga í Svíþjóð mun líklega
verða mun meiri en það sem gerist í við-
skiptalöndum hennar. Það sem svo aftur
vegur á móti þessu er gengisfall dollara en
vægi hans vegur þannig á móti innlendum
hækkunum.
7. janúar 1987