Vísbending - 26.03.1999, Blaðsíða 2
V
ISBENDING
/
Ríkasti maður á Islandi
/
lífsins ólgusjó týnir maður stundum
áttum og fer að eltast við skottið á
sjálfum sér í von um að finna hina
einu réttu leið í gegnum Iífið. Ein æðsta
ósk nútímamannsins er sú sama og
margra forfeðra hans, að höndla
hamingjuna. í huga fólks helst
hamingjan í hendur við frægð, frama og
peninga. Hana á helst að fá strax, í einum
lukkupotti. Slík lukka er þó oftast
skammvinn og hverfur jafnhratt og hún
birtist.
Þegar maður er týndur í
efnahagsharki hversdagsleikans þá er
oft gott að vera minntur á einföldu
hlutina í lífinu, þá einföldu hluti sem
veita hamingju og jafnvel þær einföldu
reglur sem eru líklegastar til þess að
skapa fólki auð til lengri tíma. Margar
bækur og menn eru til sem lofa gulli og
grænum skógum á örskotstundu,
yfirleitt er það þó sami gamli brandarinn.
„Sendu mér 10.000 krónur og ég mun
segja þér hvemig ég varð ríkur.“ Þegar
búið er að senda peningana kemur svarið
(yfirleitt dulbúið): „Eg varð rikur vegna
þess að það er til fólk eins og þú.“
Grundvallarreglur
Flestir gera sér hins vegar grein fyrir
að hugmyndir um skjótan gróða eru
yfirleitt draumur einn. Reglur leiksins
eru tiltölulega einfaldar og hafa ekki
breyst frá upphafi siðmenningar. Bók
sem var skrifuð árið 1926 og á enn miklum
vinsældum að fagna minnir í boðskap
sínum á nokkrar einfaldar reglur sem em
líklegri til þess að leiða til betri
efnahagslegrar afkomu en flest annað.
Þetta er bókin „The richest man in
Babylon" eftir George S. Clason. Nokkur
af helstu heilræðum bókarinnar ætti að
vera leiðarljós þeirra sem þrá aukinn
auð í stað þess að veltast um eins og
rekald í efnahagsöldum samtímans.
Heilrœði 1
Eyddu í sparnað
Af hverjum hverjum 10 krónum sem
aflað er skal leggja eina krónu til
hliðar, afhverjum 100.000 krónum 10.000
krónur. Sama hversu mikið aflað er, er
nauðsynlegt að leggja alltaf einn tíunda
hluta þess til hliðar og það er
byggingarefnið sem auðurinn verður
til úr. Ef aðeins níu af hverju tíu krónum
eru teknar upp úr pyngjunni mun hún
smám saman stækka og fara vel í lófa.
Þegar eitthvað er lagt til hliðar, einhverju
er safnað til þess að verða eitthvað
stærra og meira, þá fyrst er hægt að tala
um að byggja upp auð. Heilræðið er
eins og segir í auglýsingunni um
spariskírteini ríkissjóðs: „Eyddu í
sparnað."
Heilrœði 2
Stjórnaðu útgjöldum
að er oft merkilegt hversu útgjöld
haldast í hendur við innkomu, fólk
virðist aldrei hafa meira en rétt til þess
að ná endum saman, sama hversu mikið
það aflar. Mikilvægasti hluti fjármála-
stjórnunar er að yfirfara og stjórna í
hvað er eytt. Eyðsla má ekki vera sóun
peninga heldur verður að skoða hverja
krónu og virði þeirra „nauðsynja" sem
er verið að kaupa. Fólki hættir við að
fordæma aðhald í peningamálum og
kalla það nísku á meðan það þykir
aðdáunarvert að eyða úr hófi fram. Eina
leiðin til þess að eiga peninga fyrir
nauðsynjum er að hætta að eyða þeim
í ónauðsynjar.
Heilrœði 3
s
Avaxtaðu sparnaðinn
yrsta skrefið er að leggja til hliðar
einn tíunda af því sem aflað er til að
byggja upp auð, næsta skref er að láta
peningana vinna fyrir sig. Með því að
fjárfesta skynsamlega í stað þess að
safna sparifénu undir koddann er hver
króna látin vinna og ávaxtast. Um leið
og spariféð er látið ávaxtast, stækkar
auðurinn smám saman stigvaxandi. Eftir
10 ár hefur höfuðstóll 10.000 króna
mánaðargreiðslu miðað við vexti á
verðtryggðum ríkisskuldabréfum (4,1 %)
aukist um 48%. Auðvitað eru til betri
fjárfestingarkostir sem mundu tvöfalda
höfuðstólinn á sama tíma en hér verður
þó ekki gerð grein fyrir þeim. Með því að
ávaxta sparnaðinn vex hann hraðar og
hver króna er þá að vinna, rétt eins og
þinn eigin verkamaður, til þess að stækka
höfuðstólinn.
Heilrœði 4
Verndaðu höfuðstólinn
ftir því sem maður hefur meira fé á
milli handanna verða freistingarnar
stærri og fleiri. Nauðsynlegt er að leita
eftir tryggum fjárfestingarkostum, að
leita til aðila sem hafaþekkingu á málum
en ekki láta glepjast af kræsilegum
fjárfestingarhlaðborðum spákaup-
mennskunnar sem bjóða gull og græna
skóga á mettíma. Aðalmálið fyrir fjárfesti
sem leitar eftir að ávaxta fé sitt til lengri
tíma er að hann tryggi að höfuðstóllinn
verði tiltölulega óhultur, að hann vaxi
hægt og örugglega til þess að hann
megi blómstra með tíð og tíma.
Heilrœði 5
Ræktaðu afkomuna
ver maður þarf að leita leiða til þess
að auka afkomu sína með því að
gera það sem hann gerði í gær betur í
dag og enn betur á morgun. Stöðugt
betri vinnubrögð, betri skilningur á því
sem verið er að gera eykur framleiðni og
afkomu. Að gera hlutina rétt léttir álag
og ýtir undir aukin afköst sem eru líkleg
til þess að auka tekjumyndun og
möguleika einstaklings til að fá starf
sem gefur betur af sér. Leiðin til aukinna
tekjumöguleika er að auka þekkingu og
reynslu, en þá þarf fyrst og fremst
áræðið, frumkvæðið sem leiðir til
framfara.
Að gera réttu hlutina
Tengt þessu er að gera ekki aðeins
hlutina rétt heldur að leita eftir að
gera réttu hlutina, spyrja sjálfan sig
spurninga um hvert maður vill fara og
hver sé besta leiðin til þess að komast
þangað, hin sígilda spurning um hvað
maður vill gera við líf sitt. Það verður að
sækja það stíft sem maður vill, einbeita
sér að ná þeim árangri sem maður óskar
eftir. Tækifærin eru víða en oft bíða þau
ekki eftir manni heldur verður að grípa
gæsina þegar hún gefst, „Carpe Diem“.
Um leið verður að hafa heilræðin fimm
hér á undan að leiðarljósi og grípa ekki
tækifærin umhugsunarlaust í glóru-
lausri græðgi heldur að vega og meta
kosti og galla og taka vissa áhættu í ljósi
bestu hugsanlegu upplýsinga um
tækifærið.
Græddur er geymdur eyrir
Með því að draga úr áhættu er
einstaklingur að tryggja velferð
sína og framtíð. Þegar kerfisbundið og
skynsamlega er sparað er líklegra en
ella að einstaklingur geti smám saman
byggt upp þann auð sem hann óskar
eftir. Þannig næst árangur en ekki með
því elta mjólkurbílinn eins og sveita-
hundur eða með því að spila í
happdrætti. Þegar skynsemin er látin
ráða og byrjað er að leggja fyrir með
skipulögðum hætti er fyrst hægt að tala
um uppbyggingu auðs. Þá er aldrei að
vita nema sá Islendingur verði til sem
hægt verður að nefna í höfuðið á
læriföður hans í Babýlon, ríkasti maður
á Islandi.
2