Vísbending - 03.01.2003, Side 4

(Framhald af síðu 3)
neyslu. Neysluaukning sem byggist á
lántökum getur ekki verið varanlegur
grunnur vaxtar. Að auki eru hlutabréf
ekkert sérlega ódýr á hefðbundna mæli-
kvarða, þótthlutbréfaverðhafi falliðjafn
mikið og raun ber vitni. Af þessu má sjá
að brugðið getur til beggja vona um
þróun hlutabréfaverðs í Bandaríkjunum
á þessu ári; það er a. m. k. óvarlegt að
gera ráð fyrir snöggum bata.
Hvað Island varðar virðast um flest
góð skilyrði fyrir hlutabréfamarkaðinn
að eflast og dafna. Ágætt jafnvægi er í
hagkerfinu og horfur um hagvöxt eru
uppörvandi. Almennar aðstæður í þjóð-
arbúskapnum munu ráða miklu um þró-
un markaðarins og því er sennilegt að
hann verði áfram öflugur ef hagspár
ganga eftir. Við má bæta að helstu vís-
bendingar um hlutabréfaverð, svo sem
v/h-hlutfall, gefa ekki til kynna að verð
þeirra sé sérstaklega hátt hér á landi um
þessar mundir. Flest bendir því til að
þróunin á íslenskum hlutabréfamarkaði
verði áfram hagfelld á árinu 2003.
(Framhald af síðu 2)
sveigjanleika, aukna miðlun þekkingar
á meðal starfsmanna og samkeppnis-
hæfni með auknum gæðum og sem
minnstum umframkostnaði í þætti fyrir
utan kjarnastarfsemi eru nokkrar af
ástæðum þessa.
Dæmin
Microsoft útvistar alla ferla sem falla
fyrir utan kj arnastarfsemi fyrirtæk-
isins sem er vöruþróun, hönnun og
markaðssetning á hugbúnaði. Sjálf
framleiðslan, dreifingin, bókhald og
aðstoð við viðskiptavini eru allt ferlar
sem fyrirtækið útvistar. Allar tölvur í
fyrirtækinu eru reknar af þjónustu-
fyrirtæki og þannig hefur það verið frá
fyrsta degi. StQifyrirtæki í bílaiðnaði og
tískuhús og stærsfu merkin í fatnaði og
búnaði til íþrótta og útivistareru aðallega
í hönnun, ekki framleiðslu eða dreifingu
á vörunum. Kjarnastarfsemi Chrysler-
fyrirtækisins áður en það sameinaðist
Daimler Bens var hönnun, hönnun verk-
ferla og markaðssetning.
Þættir sem tilheyra „gamla hagkerf-
inu“, eins og innkaup, vörustýring- og
geymsla, framleiðsla og dreifing, eru
gjarnan útvistaðir en hugmynda- og
nýsköpunarþættirnir sern tilheyra þekk-
ingarhagkerfinu, eins og hönnun og
markaðssetning, eru ráðandi og hluti af
kjarnastarfsemi hjá leiðandi fyrirtækjum.
Nýjasta dæmið hérlendis er Iceland
Express sem skilgreinir sig sem lágfar-
gjaldafélag, ekki flugfélag. Kjarna-
starfsemi fyrirtækisins er skipulagning
og markaðssetning á ódýrum ferðum
frá Islandi til áfangastaða í Evrópu.
Flugreksturinn er í höndum breska
flugrekstrarfélagsins Astraeus. Þetta
fyrirkomulag er sannarlega í anda spurn-
inga Corbetts um hvort að um kjarna-
starfsemi sé að ræða: Ef verið væri að
koma starfseminni á fót í dag myndir þú
gera þetta sjálfur? Flestir eru sammála
um að flugrekstur er afar erfiður nú en
markaður fyrir lágfargjöld út í heim er
stór hér eins og annars staðar. Ef stærri
flugfélögin úti í heimi hefðu tekið á
þessari spurningu og brotið hana
rækilega til mergjar fyrir um áratug þá er
ekki ólíklegt að bjartara væri yfir rekstr-
inum í dag en raun ber vitni.
Heimildir:
Corbett, Michael F., Ráðstefna á vegum ANZA, 2002.
Gartner Dataquest, The Oulsourcing Project Volume /, 2002.
www. icelandexpress.is
(Framhald af síðu 1)
fyrirtækja og varfærni í fjármálastefnu
ríkisins skilaði vel sínu verki og miklu
fyrr en nokkur vildi leggja trú á að gæti
gerst.“ Forsetinn hefur rétt fyrir sér að
útrýming fátæktar er öllu verðugra og
meira viðeigandi verkefni undir forystu
verkalýðsfélaganna en útrýming verð-
bólgunnar.
Mesta siðleysið
Fyrirfjörutíu árum benti Milton Fried-
man á að merking frjálsræðis hefði
breyst á tuttugustu öldinni frá því sem
upphaflega var á nítjándu öldinni þegar
það þýddi efnahagslegt frjálsræði,
trúnaáfrjálsviðskipti ogfrjálsanmarkað.
Merkingin hefði breyst yfir í það að
vera trú á jöfnuð sem væri útfærður af
velmeinandi miðlægri ríkisstjórn. I við-
talinu við Morgunblaðið bendir hann
á að nú tali allir um viðskiptafrelsi, ólíkt
því sem áður var. Engu að síður stendur
það að ríkið blés út um miðja tuttugustu
öldina fram á níunda áratuginn og hefur
haldið umfangi sínu síðan, ekki hvað
síst hér á landi. Þrátt fyrir verulega þróun
til frjálsræðis þá minnir frjálsræðið hér á
landi enn meira á tuttugustu aldar skil-
greininguna en þá frá nítjándu öldinni.
Olíkt siðapostulum þremur finnst Fried-
man sennilega mesta siðleysið fólgið í
því að hefta frelsið í sérhagsmuni og
nkisumsvif.
[ Vísbendingin )
f ^ N
Flest virðist benda til þess að Banda-
ríkjamenn muni gera innrás í írak á
árinu. Þó að Bandaríkjamenn segist vera
í stríði við hið illa leikur lítill vafi á að
stríðsrekstur þeirra snýst að miklu leyti
um vald yfir olíuauðlindum. Ef þeim
tækist að buga stjórn íraks á skömmum
tíma gæti olíuverð hríðlækkað og kynt
undir alþjóðlegan efnahagsbata en haft
slæmar afleiðingar ef það dregst á lang-
inn. En áhættan hefur aukist verulega
nú þegar olíuflæðið frá Venesúela hefur
nær stöðvast vegna verkfalla.
ISBENDING
Aðrir sálmar
Orðstír deyr
Stjórnmálamenn eru ekki þekktir fyrir
að vera orðheldnustu menn í heimi.
Stöku pólitíkusar fá þó á sig það orð að
þeim megi trúa. Þeir haldi sig fremur við
sannfæringu sína en stundarhagsmuni.
Hitt er sjaldgæfara að stjórnmálamenn
taki frumkvæði að því að ganga á bak
loforða sem engin sjáanleg ástæða er til
þess að gefa, hvað þá svíkja.
Borgarstjórinn í Reykjavík vildi fyrir
síðustu kosningar gefa kjósendum til
kynna að engin áform væru um annað
en að hann sæti út næsta kjörtímabil.
Það var eðlilegt loforð vinsæls borgar-
stjóra. Hins vegar var óþarft að lýsa því
jafnafdráttarlaust yfir og Ingibjörg
Sólrún gerði ítrekað að hún ætlaði ekki
á þing. Laginn pólitíkus hefði skilið eftir
glufu, sem Ingibjörg gerði ekki. Þess
vegna trúði fólk þessari yfirlýsingu, sem
var svo ítrekuð síðastliðið haust. Þegar
hún tilkynnir svo formanni Samfylk-
ingarinnar að hún vilji fara í 5. sæti á lista
flokksins er ekki undarlegt að margir
hvái. Þessa ákvörðun tekur hún ein og
sér, án þess að ráðfæra sig við sam-
starfsmenn sem verða jafnforviða og
almenningur. Hvers vegna vill borgar-
stjóri aldrei fara í prófkjör eins og aðrir?
Jafnvel pólitískir andstæðingar roðn-
uðu þegar Ingibjörg lýsti því yfir að hún
ætlaði að nýta varaþingmannssæti sitt
til þess að berjast fyrir hagsmunum
borgarinnar á þingi. Á sama tíma er eina
baráttumál borgarstjórans að enda
pólitískt líf Davíðs Oddssonar. Fyrsta
skrefið í þá átt er að fella formann
Framsóknarflokksins af þingi. Og nú
telur hún sig píslarvott vegna þess að
Halldór Ásgrímsson lét sér þetta ekki
vel líka! Ingibjörg hefur ætlað að feta í
fótspor Davíðs Oddssonar þegar hann
bauð sig fram til þings og síðar for-
mennsku í Sjálfstæðisflokknum með því
að tilkynna þá ákvörðun öllum að
óvörum. En Davíð vann bæði prófkjör
og formannskosningu. Ingibjörg ofmat
styrk sinn og hefur þegar hrakist úr
borgarstjórastóli. Næsti leikur verður
að klifra úr 5. sætinu með samningum.
Enginn skyldi afskrifa Ingibjörgu, en
hún mun ekki lengur njóta sömu virð-
ingar andstæðinga jafnt sem samherja
og áður. - bj
V " J
/Ritstjóm: Eyþór ívar Jónsson ritstjóri ogÁ
ábyrgðarmaður og Benedikt Jóhannesson.
Útgefandi: Heimur hf., Borgartúni 23, 105
Reykjavik.
Sími: 512-7575. Myndsendir: 561-8646.
Netfang: visbending@talnakonnun.is.
Málfarsráðgjöf: Málvísindastofnun Há-
skólans.
Prentun: Gutenberg. Upplag: 700 eintök.
Öll réttindi áskilin. © Ritið má ekki afrita án
leyfis útgefanda.___________________
4