Helgarpósturinn - 21.11.1996, Blaðsíða 17

FllVIIVmJDAGUR 23. NOVEMBER 1996
17
R»
Tölvupopp er tónlistarform sem
Stefán Hilmarsson glímir við á
nýjustu einherjaskífu sinni, Eins
og er... Hér kveður við nýjan tón hjá
Stefáni, sem hann segist vonast til
að geta þróað betur á næstu árum
Stebbi í
samband
Rafmagnspopp eða tölvu-
popp er vaxandi tónlistar-
form erlendis og nú hafa ís-
lenskir tónlistarmenn tekið við
sér. Einn þeirra er Stefán
Hilmarsson, sem í gegnum ár-
in hefur verið þekktastur fyrir
að syngja með Sálinni hans
Jóns míns og fleiri sveitum.
„Ég hef einfaldlega hrifist
með þessari dansóríenteruðu
bylgju sem hefur átt sér stað
undanfarin misseri. Því fer
hins vegar fjarri að ég sé að
finna upp hjólið — nema þá
helst fyrir sjalfan mig og það
er að vissu leyti afrek út af fyr-
ir sig. Vegna þessara áhrifa lá
beinast við að notast mikið við
tölvur á skífunni og ég held að
útkoman sé mjög góð,“ segir
Stefán um nýju sólóskífuna,
sem ber nafnið Eins og er...
GAGNRYNIR
UNGVIÐIÐ
„Mér finnst þetta form mjög
heillandi og það á eftir að
verða æ meira áberandi í fram-
tíðinni. Það opnar mörgum
dyr og býður upp á óteljandi
möguleika, enda þarf ekki
lengur græjur í tonnavís til að
taka upp músík. Það sem ég
leitaðist við á þessari plötu
var að blanda saman rafræna
heiminum og þeim melódíska.
Mér finnst sem ungt tónlistar-
fólk í dag gefi melódíunni ekki
séns. Það er eins og menn séu
feimnir eða finnist hallærislegt
að vera melódískir. Það er
reyndar frekar skrýtið með til-
liti til þess að ein vinsælasta
hljómsveit í heimi, Oasis, er að
gera melódískt bítlapopp. Það
er reyndar áberandi hversu fá-
ar virkar popphljómsveitir
hafa skotið upp kollinum und-
anfarin misseri. Það hefur þó
e.t.v. eitthvað með það að gera
að músíklandslagið hefur ver-
ið að breytast mikið að undan-
förnu með tilkomu nýrrar
tækni og sennilega er ungliða-
hreyfingin bara föst uppi í
kvistherbergjum við skjáina
að þróa tölvutónmálið."
Stefán stendur reyndar
frammi fyrir því sjálfur að
þurfa að finna lausn á því
hvernig hentugast verði að
troða upp með nýju tónlistina
á sviði. Hann segist reyndar
ekki ætla að fylgja plötunni
neitt sérstaklega eftir, enda
ekki hlaupið að því að halda
tónleika nema með ærnum til-
kostnaði. Hann segir þó að ein-
ir tónleikar séu þegar ákveðnir
sem verða jafnframt formlegir
útgáfutónleikar, í Borgarleik-
húsinu 2. desember. Ekki er þó
ólíklegt að fleiri fylgi í kjölfarið.
„Eins og það er í eðli sínu ein-
falt að taka upp skífu með tölv-
um getur verið jafnerfitt að
halda lifandi tölvupopptón-
leika. Ég gæti jú spilað tónlist-
ina á segulbandi og sungið
með. Ég man eftir að Hebbi
Guðmunds gerði þetta listavel
í Hollywood hér í den og Páll
Óskar nú í seinni tíð, en ég feta
sennilega ekki þá braut... ann-
ars er aldrei að vita. Það má
kannski segja að ég sé gamal-
dags en mér finnst að tónleik-
ar verði að vera lifandi, í þeirri
merkingu að ég vil sjá hljóð-
færaleikara performera.“ g
ÓLÍK VINNUBRÖGÐ I
Stefán.gefur skífuna út sjálf-
ur og segir það skipta litlu máli
hvort hann sé á mála hjá ein-
hverju útgáfufyrirtæki eða gefi
efnið út sjálfur. „Við í Sálinni
gerðum t.d. yfirleitt mestallt
sjálfir varðandi kynningu; það
eina sem við gerðum ekki var
að dreifa plötunni. Ég er því
vanur að standa í eldlínunni
og öllu höstlinu. Ég gaf „Líf“ út
sjálfur og það var góð reynsla
og fín tilfinning. Reyndar var
sú plata mjög dýr í vinnslu og
ég tapaði á henni peningum,
enda var ég hangandi yfir efn-
inu langt fram eftir hausti. Það
helgaðist einkum af því að
maður var að hanna hlutina
nokkurn veginn jafnóðum. Ég
hafði ekki markað mér nógu
markvissa stefnu í upphafi.
Ætlunin með nýju plötuna var
að skipuleggja málið mjög vel
og eyða nokkrum tíma í and-
legan undirbúning. Þetta átti
að vera „sólóplötuár". Ég var
ákveðinn í að liggja ekki eins
lengi yfir vinnslunni, heldur
vinna plötuna hratt en örugg-
lega. Það virtist þó fram eftir
ári ekki geta orðið. Sífellt voru
einhver verkefni að skjóta upp
kollinum. Ég söng með Millj-
ónamæringunum, Spooky
Boogie og tók svo rispu með
Sálinni í kringum verslunar-
mannahelgina. Þessi verkefni
reyndust taka mikinn tíma frá
mér, án þess að ég sé að sýta
það sérstaklega, og því gafst
aldrei tóm til að vinna í verk-
efninu."
Stefán segir að það hafi ekki
verið fyrr en hann og hans
dyggu aðstoðarmenn, Máni
Svavarsson og Friðrik Sturiu-
son, fóru nokkra daga í sumar-
bústað fyrir utan bæinn og lok-
uðu sig af frá amstri hvers-
dagslífsins að hjólin tóku að
snúast. „Þá fyrst sá ég fram á
að þetta tækist. Tvö laganna
voru til fyrir, en við unnum
nótt og dag og tókum upp
fjölda laga til viðbótar. Þetta
reyndist fremur einfalt verk,
enda var ég löngu búinn að
gera upp við mig hvernig ég
vildi að diskurinn hljómaði.
Allur tækjakostur er líka orð-
inn svo einfaldur og meðfæri-
legur að þetta var lítið mál
þegar til kastanna kom. Auk
þess var ég með afbragðsað-
stoðarmenn. Við unnum efnið
frá allt öðrum enda en ég hef
gert áður. í Sálinni var ferillinn
sá að Gummi kom með demó á
æfingu og síðan var útsett og
hlaðið ofan á þá hugmynd. A
Eins og er... var útgangspunkt-
urinn hins vegar í'ytminn. Eins
og áður segir hef ég hrifist af
ýmsum elementum í danstón-
listinni, sem er orðin gríðar-
lega fjölbreytt og skemmtileg.
Við byrjuðum á því að Máni
smíðaði „groove'* eftir pöntun,
sem við notuðum sem ramma,
og sniðum síðan hljóma og lag-
línu eftir. Lögin eru frekar ein-
föld í eðli sínu og byggjast að-
allega á þéttum rytma og
sterkum laglínum. Mér finnst
okkur hafa tekist vel upp, en
auðvitað hentum við mörgu í
ruslið eins og gengur og gerist.
Það gerist iðulega þegar ég er
að semja lög eða texta. Stund-
um semur maður til dæmis í
rauninni marga texta þar til
maður dettur niður á línur og
þema sem henta laginu best.“
EIGINKONAN
SONG MEÐ
„Aðeins tvö lög brjóta nokk-
uð upp heildarsvipinn; annars
vegar diskólagið „Satín" og
hins vegar „í fylgsnum hjart-
ans“. „Satín" fæddist alveg
óvart en Máni var að fikta við
einhver bít og datt niður á
prýðis gamaldags diskógroo-
ve. Það lag átti nú ekki að vera
með á plötunni en við skelltum
jrví með á síðustu stundu. „í
fylgsnum hjartans" er róleg
ballaða og ákaflega persónu-
legt lag sem ég vildi endilega
hafa með. Síðan er gaman að
segja frá því að lagið „Fárán-
legt" varð til á skemmtilegan
hátt. Okkur langaði að fá lán-
aða línu úr öðru lagi einhverra
hluta vegna og duttum niður á
Garún-stefið gamla eftir Magn-
ús Eiríksson. Ég hringdi í
Magnús, sem brást vel við og
lánaði okkur stefið fúslega. Er-
lendis tíðkast það mikið að
menn noti grunna úr þekktum
lögum og e.t.v. er þetta ómeð-
vitað eitthvert afsprengi þess.
Mér finnst að svona smáend-
urvinnsla eigi fyllilega rétt á
sér þrátt fyrir að einhverjir
túlki það sem kreppueinkenni.
Ég tel það einfaldlega ögrandi
að vinna lög á þennan hátt og
skemmtilega tilbreytingu.
Þetta er auðvitað alveg nýtt
lag, þar sem ég nota bara
minni úr öðru lagi.
Þetta er ekki ósvipað og í
mynd- eða ritlist, þar er sífellt
verið að nota minni héðan og
þaðan."
Þess má til gamans geta að í
Iaginu fékk Stefán konuna sína
til að syngja viðlagið ásamt
fleirum.
PERSONULEGIR
TEXTAR
„Eftir nokkurra daga streð
með þeim Friðriki og Mána fór
ég einn til Hveragerðis til að
semja texta. Textasmíðar hafa
nú alltaf legið vel fyrir mér og
ég var fljótur að semja flesta
textana. Ég er ánægður með
þá og vonandi hefur mér tekist
að bæta mig á þeim vettvangi.
Ætli ég sé ekki orðinn meðvit-
aðri um það sem ég vil láta frá
mér fara. Það tekur vitanlega
tíma að ná tökum á texta-
smíð. Þetta er á vissan hátt
nokkur íþrótt, því auðvitað
er þetta að miklu leyti þjálf-
un. Hingað til hef ég oftar en
ekki stuðst við hina fornu að-
ferð stuðla og höfuðstafi,
sem á vissan hátt má flokka
undir forna þjóðaríþrótt. Ég
var búinn að ákveða það fyr-
irfram að gera í því að hafa
textana óformfasta og láta
hugsanirnar frekar flæða
óhindraðar. Hvað yrkisefnið
varðar, þá hefur það ekki tek-
ið miklum breytingum, enda
hugðarefnin ætíð þau sömu;
ástin, lífið og tilveran. Ég fer
ekki mikið út í einhverja fíló-
sófíu og súrrealisma. Það má
kannski segja að á fyrstu sól-
óskífunni hafi textarnir verið
persónulegri en oftast áður
og reyndar einnig á þessari
þegar upp var staðið, þótt
ekki hafi það verið beinlínis
ætlunin. Það er þó alls ekki
eins berum orðum og á Líf.
Einhvern veginn leiðist mað-
ur ómeðvitað út á persónu-
legar brautir í svona verkefni,
enda tekur maður það nokk-
uð inn á sig."
SÁLIN
SAMAN UM JOLIN
Stefán segir framtíð sína í
poppinu óráðna, eins og
reyndar frá fyrstu tíð. Hann
gerir sér þó vonir um að geta
sent frá sér fleiri sólóskífur
þegar fram líða stundir, enda
sé gjöfulast að semja lög og
texta sjálfur. Hann segist nú
ekki vera hættur í hljómsveit-
arstandinu og bendir t.d. á að
Sálin sé alltaf til staðar. „Við
hittumst stöku sinnum —
svona eins og ættingjar í
fermingarveislum — og tök-
um snarpa túra. Það er mjög
skemmtilegt að hittast svona
endrum og sinnum. Við ætl-
um meðal annars að hittast í
desember og leika á nokkrum
tónleikum fram yfir áramót.
Svo er aldrei að vita nema við
komum saman næsta sumar
til að breiða út fagnaðarer-
indið.
Túrinn síðasta sumar gekk
glimrandi vel. Svo eru menn
orðnir þyrstir í að gefa út efni,
en við gáfum síðast út skífu
sumarið 1995. Það er jrví ekki
ólíklegt að nýtt Sálarefni líti
dagsins ljós á næsta ári... Ann-
ars kemur það allt í ljós."
-gl>
á 500 g jólasmjörstykl
Áður£76 kr. Nú 132 kr.
Notadu tækifærid og
njóttu smjörbragdsms l
GSMjOP6^
Þú sparar
88 lcr. á lcíló
Öll viljum við halda í okkar jólahefðir.
Láttu okkur aðstoða þig við að senda
þínu fólki í útlöndum eitthvað virkilega gott
sem minnir þau á jólinh eima.
Allar sendingar
fara með DHL
NÓATÚN117, HRINGBRAIIT 121, AUSTURVERI, ROFABÆ 33, KLEIFARSEL118,
LAUGAVEG1116.HAMRAB0RG KOP., FURUGRUND KUP., MOSFELLSBÆ.
■http: / /this. is/net
lifandi vefur um Internetiö, fólkiö, tæknina og framþróun
A plét, auglýsingastofa ehf.