Vísir - 21.03.1972, Qupperneq 3

Visir. Þriðjudagur 21. marz 1972.
3
Var bjargað af
laugarbotni
og iífi blásið í hann
21 árs gamall piltur var
hætt kominn i Sundlaug
Kópavogs á föstudags-
kvöldið.
Var hann að synda í
lauginni og hafði verið
þar nokkra stund, þegar
laugarvörður tók allt í
einu eftir því, að hann lá
á botni hennar.
Er ótrúlegt að hann hafi legið
þar lengi, enda var hann tiltölu-
lega fljótur að rakna við, þegar
laugarvörðurinn hafði stungið
sér eftir honum, dregið hann
upp á bakkann og tekið til við að
blása i hann.
Pilturinn var i þann veginn að
rakna við, þegar sjúkrabill kom
að sækja hann, að þvi er sund-
laugarstjórinn tjáði Visi i gær-
morgun, og var hann enda ekki
lengi á spitalanum. Sennilega
hefur maðurinn fengið aðsvif á
sundinu eða rekizt i laugarbotn-
inn, er hann var að kafa.
—GG
Brandur Jónsson, skólastjóri, (til vinstri) og Guðlaugur Por-
valdsson, prófessor. A milli þeirra er Sigurður örn Einarsson, fyrr-
verandi formaður fjáröflunarnefndar Lionsklúbbsins Freys.
„Galdratœki" afhent
Heyrnleysingjaskólinn
fœr nýtt tœki til nota við talkennslu
Það var töluvert gestkvæmt hjá
skólastjóra Heyrnleysingja-
skólans, Brandi Jónssyni, þegar
fullur helmingur af meðlimum
Lionskiúbbsins Freys i Reykja-
vik, yngsta Lionsklúbbsins i
höfuðborginni, heimsótti hann.
Erindi gestanna var að afhenda
skólanum að gjöf svokallað
Zenith - tæki, sem notað er við tal-
kennslu barna með skerta heyrn.
Akvað félagið á sinum tima aö
verja ágóða af söiu jóiaaimanaka
til kaupa á tæki þessu og gefa
Heyrnleysingjaskólanum.
Stefán Guðjohnsen, tæknifræð-
ingur, sem að sögn skólastjórans
hefur veitt stofnuninni ómetanl.
aðstoð við uppsetningu tækja og
fyrirkomulag rafbúnaðar, skýrði
notkun tækisins fyrir gestunum.
Gafst þeim einnig kostur á að
vera viðstaddir notkun þess við
kennslu. Varð þess ekki dulizt,
hvilikt galdratæki þetta er, þegar
kennarinn þarf meö mæltu máli
að ná sambandi við börn með ein-
ungis örlitlar heyrnarleifar.
Fyrrverandi formaður Freys,
Guðlaugur Þorvaldsson,
prófessor, en i stjórnartið hans
var ákvörðunin um gjöf þessa
tekin, afhenti gjöfina siðan form-
lega og kvað henni fylgja þær
óskir gefandans, að tækið yrði til
léttis skólastjóranum og starfsliði
hans við það merka starf, sem
undir hans handleiðslu er unnið i
þessari þjóðþrifastofnun. Skóla-
stjórinn þakkaði fyrir hönd
skólans og hét þvi á móti, að hann
og hans fólk skyldi ekki liggja á
liði sinu við að láta tækið koma að
sem mestu gagni, og þarf vist
ekki að efast um, aö það verður
efnt.
Nokkrir af nemendum skólans ásamt kennara. Litla teipan til vinstri
gefur galdratækinu hýrt auga.
Athugasemd
AÐ gefnu tilefni vill stjórn Stúd
entafélags Háskóla íslands taka
það fram, að félagið hefur ekki i
hyggju að höfða mál á hendur
einum eða neinum, og visar öllum
söguburði um slikt heim til föður-
húsanna.
Reykjavik, 20. dag marzmánaðar
1972.
Stjórn Stúdentafélags Háskóla ts-
lands.
„íslendingar eru hreinskilnir
og ákveðnir í samningum"
— segir Japaninn Yabu að afloknum samningum um 10 skuttogara sem
kosta 1100 millj. króna
„Þetta eru fyrstu
skuttogara-
samningarnir, sem við
gerum i Evrópu og við
vonum, að þeir opni
fyrir okkur dyrnar i
fleiri löndum í álfunni”
sögðu þeir Yabu og
Guchi i samtali við Visi i
gær. Félagarnir eru full-
trúar frá Ataka & Co.
Ltd. og Taiyo Fisheries
Co. Ltd. i Japan og eru
nýbúnir að ganga frá
smiði á 10 skuttogurum
fyrir islenzka aðila.
Þessir samningar og undirbún
ingur að þeim hafa staðið yfir
mánuðum saman. Upphafið má
rekja til heimsóknar Okazakis
aðalræðismanns tslands i Japan,
en hann kom hingað til lands i
fyrrasumar til að veita fálka-
orðunni viðtöku. Hann hefur lengi
haft viðskipti við Asiufélagið, og
var honum kunnugt um áhuga
tslendinga á skuttogarakaupum.
1 framhaldi af heimsókn hans
fóru þeir Jón B. Hafsteinsson
skipaverkfræðingur og Vilhelm
Þorsteinsson skipstjóri til Japans
til að kynna sér skipasmiða-
iðnaðinn i Japan og kynna
Japönum óskir okkar i sambandi
við skuttogarasmiði.
Eftir þá heimsókn komst
skriður á málin. Seinnihluta okt.
kom hingað hópur af Japön
um til að taka upp samninga við
islenzka aðila og kynnast óskum
þeirra. I þeim tilgangi fóru tveir
japanskir sérfræðingar i veiði-
ferð með skuttogaranum Barða
frá Neskaupstað til að kynna sér
fyrirkomulagi á togveiðum hér.
„Við gerðum okkur grein fyrir,
að hér var um annað viðfangsefni
að ræða en við vorum vanir”,
sagði Yabu, sem hafði yfirumsjón
með viðskiptahlið málsins. Hann
sagði, að þeir hefðu hingað til
einkum byggt fyrir heimamarkað
og nálæg lönd, en íslendingar
gerðu ýmsar aðrar kröfur. Þvi
sendu Japanir hingað lið 13 tækni-
manna og 2 vipskiptafulltrúa,
sem hafa dvalizt hérlendis un-
danfarnar vikur. Var haft náið
samráð við hina islenzku kaup-
endur og skipstjóra um teikn-
ingar og búnað skipanna á allan
hátt.
— Hvermg er að semja við
tslendinga, Yabn'’ ,,Hvert land
hefur að sjálfsögðu sina siði og
venjur, sem eru mismunandi
eftir löndum, og það er ekkert
undarlegt, þótt svona veigamiklir
samningar taki langan tima. En
þeir islenzku aðilar, sem ég hef
rætt við i sambandi við þessa
samninga, hafa verið hreinskilnir
en ákveðnir. Ég hef eignazt hér
marga góða vini og vonast eftir
að eiga við þá viðskipti um langa
framtíð. Þessir samningar eru
aðeins byrjunin á mun meiri
verzlun milli landanna. Þetta eru
fyrstu skuttogararnir, sem við
byggjum fyrir markað i Evrópu.
Ég er sannfærður um, að við
getum byggt þessi skip eftir
óskum islenzkra kaupenda með
fullkominni samvinnu um
byggingu skips, tækjabúnað og
útbúnað veiðarfæra. Þessir þrir
sameiginlegu þættir eru undir-
staða þess, að báðir aðilar verði
ánægðir, og það hefur tekizt að
minu áliti.”
Útgerðarfélagið Tangi á
Vopnafirði er einn af kaupendum
skuttogaranna frá Japan. Við
hittum að máli Sigurjón Þor-
bergsson forstjóra félagsins en
hann hefur tekið þátt i samn
ingunum frá upphafi.
„Það, sem einkum er
frábrugðið i þessum togurum frá
þvi sem tiðkast i Japan, er eink
um það, sem snertir aðbúnað
áhafnar. Þar hafa aðeins yfir-
menn sérklefa, en afgangurinn
einn svefnsal, en við gerum mun
meiri kröfur”, sagði Sigurjón.
Segja má, að öll tæki og veiðar-
færi séu japönsk framleiðsla, og
kvað Sigurjón vera komna góða
reynslu á slik tæki hérlendis.
Hann lét vel af samningavið-
ræðunum við Japani. Þeir ynnu
hægt en væru mjög nákvæmir og
vildu i hvivetna koma til móts við
óskir kaupenda.
Þeir 10 skuttogarar, sem búið
er að semja um kaup á, kosta um
llOOmilljónir króna. Okkur veitir
svo sannarlega ekki af að
reyna að auka útflutning okkar
til Japan, ef við eigum að jafna
metin. Árið 1970 keyptum við
vörur frá Japan fyrir liðlega 700
milljónir króna, en seldum þeim
aðeins fyrir 60 milljónir.
Aðspurður taldi Yabu, að miklir
möguleikar væru fyrir okkur að
auka útflutning okkar á mat-
vælum til Japan. Einnig sagði
hann Japani leita að hagkvæmum
kaupum á orku og af henni hefð-
um viö nóg i fallvötnum og heitu
vatni. Margir möguleikar væru
fyrir hendi til að jafna meti'n og
auka gagnkvæm viðskipti.
— SG
Frá vinstri: Mori Gochi. Sigurjón Þorbergsson, Yabu og Kjartan R. Jóhannsson, annar af forstj. Asiu-
félagsins.

tm
Nýtt í hverri viku
Ótrúlegt buxnaúrval (nýja beina
sniðið frá 995 kr), finnskar og islenzkar.
Nýjar buxnadragtir frá Mary Quants,
pils með vösum (795 kr), peysuvesti
(495 kr), jakkar (1275 kr) o.fl. o.fl.
Aldrei jafn mikið úrval, enda eitthvað
nýtt i hverri viku
FANNY, tizkuverzlunungu konunnar, Kirkjuhvoli. Simi 12114