Vísir - 03.01.1975, Qupperneq 3
Vísir. Föstudagur 3. janúar 1975
3
FÉLAGS-
HEIMILI Á
SIGÖLDU
Þeir láta sér ekki leiðast,
starfsmennirnir við Sigöldu. Nú
biða þeir eftir nógu hagstæðu
veðri til að geta reist félagsheim-
ili á staðnum.
„Þetta verður I kringum 200
fermetra hús,” sagði Arnþór
Jónsson leikari frá Möðrudal, en
hann er formaður Starfsmanna-
félagsins.
„I upphafi var ráðgert, að
félágssjóður Starfsmannafélags-
ins, greiddi allan kostnað af
byggingunni”, hélt Arnþór
áfram, „en þegar við fórum að
telja aurana, komumst við að
raun um, að nokkurrar aðstoðar
þyrfti að leita til Landsvirkjun-
ar”.
Ög Landsvirkjun féllst þegar á
það að útvega boga og ymislegt
annað, sem þyrfti til að koma
félagsstarfi starfsmannanna
undir sitt eigið þak. Verður
salnum skipt i tvennt með tjaldi,
sem hægt er að svipta frá, ef
þurfa þykir. Annars verður
setustofa öðrum megin við
tjaldið, en ýmis leiktæki i hinum
hlutanum.
„Matsalur yfirmanna á Sigöldu
hefur til þessa gegnt hlutverki
samkomustaðar þarna á
staðnum,” sagði Arnþór. „Þar
höfum við verið með
skemmtikvöld á hverjum
fimmtudegi,en þegar við erum
búnir að reisa félagsheimilið,
gætu slikar skemmtanir jafnvel
verið oftar i viku.”
Félagsheimili, eins og hér
um ræðir, var reist við Búrfell á
sinum tima. Það hús var siðar
flutt að Þórisósi, þar sem það
brann til grunna.
Starfsmennirnir við Sigöldu eru
ákveðnir I að vera búnir að koma
félagsheimili sinu upp áður en sól
fer að hækka á lofti og
starfsmönnum að fjölga, en við
Sigöldu verða starfandi nokkur
hundruð manns I sumar. —ÞJM
Ætlar að spila þjóðlög
í verðlaunagripnum
,,Ætli ég hneigi^t
ekki til þess að spila
helzt þjóðlagamúsik”,
sagði Sigriður Guð -
mundsdóttir, reykvisk
húsmóðir, vinningshaf-
inn i jólagetrauninni,
þegar hún tók við verð-
launagripnum, hinni
glæsilegu Weltron-kúlu
frá Nesco.
Sigriður tók viö verðlaunun-
um I gær úr hendi Birgis
Helgasonar verzlunarstjóra i
Nesco.
Drætti i getrauninni var
frestað fram yfir áramót vegna
mjög erfiðra samgangna, sem
ollu þvi, að póstur utan af landi
barst seint.
„Þótt það sé reyndar nóg að
gera fyrir jólin, þá koma hlé inn
á milli, sem eru alveg kjörin til
að glima við svona gátur,”
sagði Sigriður og brosti. Hún
sagðist ekki eiga neitt hljóm-
tæki, þannig að þetta kæmi sér
mjög vel. Næsta skrefið væri
bara að fá sér nokkrar kassettur
og fara að spila.
—ÓH
Birgir Helgason verzlunarstjóri I Nesco á Laugavegi 10 afhendir
Sigriði Guömundsdóttur verðlaunin i jólagetrauninni —
Weltron-kúluna. Ljósm. Visis: B.G.
„VEÐURGUÐIRNIR HAFA HJÁLPAÐ OKKUR MIKIÐ"
— sagði umdœmisverkstjóri Vegagerðarinnar á Austurlandi um óstand vega þar.
Voldugur veghefill og öflug
jarðýta, eru komin um borð I
Hekluna og eiga að fara
austurá Reyðarfjörð til þess að
leysa ögn úr skorti á ruðnings-
tækjum á Austfjörðum.
Þegar Visir hafði samband
við Egil Jónsson, umdæmis-
verkstjóra Vegagerðarinnar á
Austfjörðum, i gær var
ekki búið að kanna ástand
v'ega austur þar nú eftir ára-
mótin. „En veðurguðirnir hafa
hjálpað okkur mikið”, sagði
hann. Hláka hefur verið fyrir
austan og snjórinn sigið mikið,
og sums staðar á suðurfjörð-
unum eru vegir undir vatni.
„En það lækkar ört, ef frystir”,
sagði Egill. „Veðrið fer nú
kólnandi og komið frost. Hér er
hávaðarok, en bjart yfir”.
En þótt mikið hafi tekið upp
eystra, er samt mikið verk enn
óunnið viö snjóruðning á
vegum. Ýmsir vegir nju enn
óopnaðir og mikið verk er eftir
við að jafna út ruðninga við
vegi, sem voru opnaðir með þvi
aö „stinga i gegn”, sem kallað
er.
„Ef farið verður i að opna
Oddsskarð, er það mikið verk”,
sagði Egill. „Um það hefur þó
engin ákvörðun verið tekin enn-
þá. Snjórinn þar hefur ekki
verið kannaður til fulls og
verður aðeins gert með snjóbil.
En við vitum, að skriðuföll þar
hafa fært veginn mjög djúpt á
kaf, svo þar verður ærinn starfi,
ef á að opna veginn aftur.
Við búum illa af tækjum
eins og er, en það stendur til
bóta, þegar við fáum tækin, sem
eru með Heklunni. Þá fáum við
einnig á næstunni,
„payloaderinn” með blás-
aranum. sem við lánuðum til
Neskaupstaðar, þar sem við
komumst ekki hjá þvi að heimta
hann aftur”. —SH
VERÐ-
LAUNA-
HAFAR
Rikisútvarpið heiðraði vinsæla
rithöfunda á gamlársdag, þau
Jennu Jensdóttur og Hreiöar
Stefánsson, Jennu og Hreiðar,
— og Ijóðskáldið Kristin Reyr
Myndirnar voru teknar við þaö
tækifæri i húsakynnum Þjóð-
minjasafnsins. A stærri
myndinni ræðir Jónas
Kristjánsson, forstöðumaður
handritastofnunar, við þau
Jennu og Kristin, en á minni
myndinni eru verðlaunahaf-
arnir þrir, Kristinn, Jenna og
Hreiðar. (Ljósm. Bj.Bj.)
Skyldumœting
hjá kennurum?
— þykja mœta illa til vinnu í Keflavík
Verður tekin upp skyldumæting
kennara við barna- og gagn-
fræðaskólann I Keflavik? Sú
spurning vaknar, þegar lesin er
frétt I Suðurnesjatiðindum, sem
komu út skömmu fyrir jól.
Þar skýrir blaðamaður við
Suðurnesjablaðið, að hann eigi
tvö börn i gagnfræðaskólanum og
af þeim sökumhafí hann getað
fylgzt nokkuð náið með
mætingum gagnfræðaskóla-
kennaranna. Hrósar hann þeim
ekki fyrir góða ástundun, heldur
segir :
......þá var helzt hægt að
Imynda sér, að meirihluti
kennaranna væri sjúklingar, sem
ekki gætu unnið nema með
höppum og glöppum”.
En blaðamaðurinn segir
ástandið i vetur þó hafa verið
betra og minna borið á, að
kennsla falli niður. Hann segir
hins vegar að enn sé greinilegur
skortur á kennurum, sem geta
tekið að sér forfallakennslu, svo
að ekki þurfi að gefa börnunum
fri, þótt einhver kennari sé for-
fallaður. Það tefji að sjálfsögðu
börnin við nám sitt.
Segir I frétt Suðurnesjatiðinda,
að kvartanir þar aö lútandi hafi
verið orðnar háværar. Lætur
blaðamaðurinn að þvi liggja, að
það hafi einmitt verið fyrir þær
sakir, sem bæjarstjórnin sam-
þykkti í lok siðasta vetrar, að
skólastjórar barna- og gagn-
fræðaskólans skyldu skila
skýrslum um fjarvistir kennara.
Slikri skýrslu mun gagnfræða-
skólinn vera búinn að skila af sér,
en ekki barnaskólinn, að þvi er
segir i frétt Suöurnesjatiöinda.
—ÞJM
Ritstjórum Morgun-
blaðsins fœkkar
Eyjólfur Konráð Jónsson,
sem verið hefur einn af ritstjór-
um Morgunblaðsins I nærri
hálfan annan áratug, lét af þvi
starfi um áramótin. Frá þessu
er skýrt I Morgunblaöinu I
morgun.
Einnig er frá þvi sagt, að hann
muni þó ekki snúa baki við
blaðamennskunni, heldur halda
áfram að rita I Morgunblaöið,
einkum um stjórnmál.
Auk starfs síns að stjórn-
málum rekur Eyjólfur Konráð
lögmannsskrifstofu ásamt
öðrum. —SH