Vísir - 02.08.1975, Side 6

6
Vísir. Laugardagur 2. ágúst 1975
vísir
Útgefandi:
Framkvæmdastjóri:
Ititstjórar:
Fréttastjóri:
yRitstjórnarfulltrúi:.
Auglýsingastjóri:
Auglýsingar:
Afgreiósia:
Ritstjórn:
Reykjaprent hf.
Sveinn R. Eyjólfsson
Jónas Kristjánsson
Þorsteinn Pálsson
Jón Birgir Pétursson
Haukur Helgason
Skúli G. Jóhannesson
Hverfisgötu 44. Simar 11660 86611
Hverfisgötu 44. Simi 86611
Síöumúla 14. Simi 86611. 7 linur
Þakkarskuld
Islendingar hafa á tiltölulega skömmum tima
byggt upp traust hagsældarþjóðfélag. Eigi að sið-
ur blasa hér við fjölmörg óleyst velferðarverk-
efni. Vist er, að færa má gild rök að nauðsyn
ýmiss konar framkvæmda á þessu sviði. Á
þrengingartimum i efnahagsmálum eins og
þeim, sem við stöndum nú frammi fyrir, er á hinn
bóginn erfiðara um vik að koma ýmsum umbóta-
málum fram.
Við slikar aðstæður verður að vega og meta af
meiri kostgæfni en ella, hvaða verkefni eru brýn-
ust og þurfa fyrst úrlausnar við. Það hagsældar-
þjóðfélag, er við búum við, er árangur af erfiði
þeirra, sem nú eru aldraðir. Þeir, sem nú eru
komnir á efri ár, hafa lagt grundvöllinn að efna-
legri og félagslegri velferð þeirra, sem yngri eru.
Fá verkefni eru þvi jafn eðlileg og sjálfsögð, þó
að harðnað hafi á dalnum um sinn, og einmitt
þau, sem miða aðbættri aðstöðu fyrir aldrað fólk.
Borgaryfirvöld i Reykjavik hafa unnið mjög
mikið og merkilegt starf á þessu sviði. Ljóst er
þó, að verulegur skortur er nú á hjúkrunarrými
fyrir aldraða langlegusjúklinga, svo að ekki sé
dýpra i árinni tekið. Fjárhagserfiðleikar á sið-
asta ári hafa valdið erfiðleikum i þessum efnum
sem öðrum, en nú fyrir fáeinum dögum skipaði
borgarráð framkvæmdanefnd til þess að skipu-
leggja aðgerðir til úrbóta.
Flest bendir til þess, að skynsamlegast sé að
reisa B-álmuna við Borgarspitalann til þess að
bæta úr þessum skorti. Þar má fá rými fyrir um
það bil 200 langlegusjúklinga. Sú framkvæmd
yrði ódýr að tiltölu, þar sem nýta má þjónustu og
aðstöðu, sem þegar er fyrir hendi á spitalanum.
Talið er að taka mætti fyrstu sjúklingana til vist-
unar jafnvel eftir tvö ár ef Alþingi veitti fé af
sinni hálfu til framkvæmdanna þegar á næsta ári.
Mikilvægt er þvi, að samstaða takist milli
borgaryfirvalda og rikisins um að hefjast handa
viðþetta verkefni. Það er ekki vanzalaust að láta
það dragast úr hömlu.
Ýmsir aðilar hafa viljað leysa brýnasta vand-
ann i þessum efnum með þvi að reisa hér innflutt
timburhús. Flestum er þó ljóst, að það er lakari
kostur. Á hitt er þó að lita, að hér er þörf skjótra
úrbóta. Borgaryfirvöld hafa reynt að mæta
þessum vanda með ýmsum hætti. Á siðasta vetri
var t.d. samþykkt að breyta Hafnarbúðum
þannig, að þar yrði langvistunardeild með endur-
hæfingaraðstöðu. Gert er ráð fyrir, að taka megi
húsnæðið i notkun um næstu áramót, en þar á að
vera rými fyrir 25 til 30 sjúklinga.
Borgaryfirvöld hafa auk þess á undanförnum
árum staðið að margháttuðum framkvæmdum til
þess að bæta aðstöðu aldraðra i borginni. 1
• Norðurbrún hafa verið reistar ibúðir fyrir
aldraða og þar er einnig aðstaða fyrir ýmiss
konar tómstundastarfsemi og þjónustu. 1 fram-
haldi af þvi veitti borgin fé til byggingar
öryrkjabandalagsins og fær þar yfir 20 íbúðir.
Fyrir dyrum stendur svo að reisa stórhýsi i Furu-
gerði með 70 til 80 Ibúðum.
Af þessu má sjá, að verulegt átak hefur þegar
verið gert til þess að bæta aðstöðu aldraðra i
borginni. Til viðbótar má svo nefna ýmiss konar
aðstoðar- og þjónustustarfsemi á vegum Félags-
málastofnunarinnar. En framhjá hinu er ekki
unnt að horfa, að þörfin á auknu rými fyrir lang-
legusjúklinga er svo aðkallandi, að lengur má
ekki dragast að hef jast handa um úrbætur. Þetta
verkefni á að sitja I fyrirrúmi. Þeir, sem yngri
eru, eiga þakkarskuld að gjalda.
Senn þrjátíu
ár frá því
kjarnorku-
sprengjan
sprakk yfir
Hiroshima
Umsjón: GP
Milljónir manna um
gervallt Japan munu
staldra ögn við kl. 8.15
næstkomandi miðviku-
dag til að leiða hugann
30 ár aftur i timann tii
þess dags, þegar fyrsta
kjarnorkusprengjuárás
veraldarsögunnar var
gerð og Hirosima var
lögð i rúst.
Sprengjan sú var látin falla ná-
kvæmlega kl. 8.15 að morgni
miðvikudagsins 6. ágúst 1945.
Hiroshima var sjöunda stærsta
borg Japans, þegar Kyrrahafs-
styrjöldin brauzt út 1941. tbúar
hennar voru 344.000.
Þegar striðinu lauk, var þessi
borg aðeins auðn ein. Borgaryfir-
völdum taldist svo til, að 200.000
manns heföu látið lifið, eftir að B-
29 sprengjuflugvél Bandarikja
manna varpaði sprengjunni.
Upp úr þessari auðn hefur risið
ný nútimalegri Hiroshima með
732.000 ibúa. Háar gler- og stein-
steypuhallir hafa sprottið upp i
dalnum og á bökkum Otafljóts.
En viðurstyggð eyðileggingar-
innar er mönnum enn i minni.
Sérstakur „Friðargarður” hef-
ur veriö gerður i borginni til
minningar um hina mörgu látnu.
Þar inni stendur enn og gnæfir til
lofts grind ráðhústurnsins, sem
reistur hafði verið fyrir strið og
stóð uppi eftir sprengjuna. Fleiri
húsarústir eru þar og verða látn-
ar standa áfram, án þess að
hróflað verði við þeim. Á veggj-
um þeirra sumra má greina enn
skuggamyndir þrykktar i múrinn
af manneskjunum, sem urðu
vitislogum helsprengjunnar að
bráð.
Enn er fólk að þjást og deyja af
eftirköstum þessarar vitisvélar
Geislavirkt rykið markaði það
hel.31. marz siðastliðinn voru
18.624 karlar og konur á skrá yfir
þá,sem taldir eru til fórnarlamba
sprengjunnar og geislaryksins.
Allt þetta fólk verður að vera
undir læknishendi enn i dag, 30 ár
um eftir sprenginguna.
Ár hvert er haldin sérstök
minningarathöfn i þessum heljar-
garði, sem er i Hiroshima miðri.
Til viðbótar þeim, sem áður hefur
verið minnzt við slik tækifæri,
hafa bætzt 1.725 fórnardyr
sprengjunnar, sem dáið hafa
siðan siðasta minningarathöfn
var haldin i fvrra.
í tilefni þessa dags er samtimis
efnt til tveggja ráðstefna gegn
kjamorkuvopnum. Tvenn sam-
tök, sem bæði berjastgegn gerð
og notkun kjarnorkuvopna, höfðu
boðað til alþjóölegrar ráðstefna,
hvor i sinu lagi. Siðustu fréttir
herma þó, að likur séu á þvi, að
þær verði sameinaðar, vegna 30
ára afmælisins.
En daginn, sem minningarat-
höfnin fer fram, verður Takeo
Miki forsætisráöherra Japans,
fjarstaddur. Hann verður nefni-
lega i Washington, þar sem hann
mun eiga viöræður við Ford for-
seta um öryggi norðaustur Asiu.
Bandarikjamenn höfðu setulið i
Japan eftir striðslok, sem urðu
aðeins niu dögum eftir aö
sprengjan sprakk yfir Hiroshima
og sex dögum eftir að önnur
kjarnorkusprengja sprakk yfir
Nagasaki.
Mikið vatn hefur runniö til
sjávar siðan og margt breytzt.
Samskipti landa þessara grund-
vallast nú á gagnkvæmum
öryggissáttmála Japans og
Bandarikjanna, sem er horn-
steinninn i utanrikisstefnu og
vamarmálastefnu Japans. Eru
þó vinstrisinnar i Japan mjög
andvigir samningnum. Hefur
þeim enda tekizt að magna svo
mikla andstööu gegn honum, að
jafnvel hægrisinnar eru farnir að
snúast á sveif með þeim eftir að
þeir sáu, hvernig Suöur-Víetnöm-
um reyndist varnarsamvinnan
við Bandarikin.