Lesbók Morgunblaðsins - 22.11.1925, Blaðsíða 1

Lesbók Morgunblaðsins - 22.11.1925, Blaðsíða 1
LESBÓK MORGUNBLAÐSJNS. Sunnudaginn 22. nóv. 1925. Frá ísafirði til Reykjavíkur. Feröasaga frá sumrinu 1896. Eftir Sveinbjörn Egilson. Það eru liðin rúm 29 ár síðan ferð sú var farin, sem hjer rœðir um. Ymislegar missagnir koma tíðum fram þegar um skipreika ræðir, en sögur þær er fóru af mjer eftir þessa stuttu ferð, voru mjer ókunnar í heilt ár og er jeg heyrði þá helstu, kvöld eitt við 'toddý-drykkju í hóp góðra vina inni hjá Halberg á hótel „ísland" þá átti að gefa mjer á hann, vegna þess jeg mótmælti því, að skonn- ortan „Neptunus" hefði komið að mjer á sundi með mann, er sat klofvega á brjósti mjer, 20 sjómíl- ur vestur af Ondverðarnesi. Að vísu var sagan svo, að hefði hún verið sönn, hefði jeg ekki verið staddur á hótel „Islandi" því þá hefði jeg þegar sett met í sundi yfir Ermarsund og haldið mjer þar, sem sú list gefur af sjer peninga. Sá sem við mig stældi, sat við sinn keip og jeg reyndi að leiðrjetta missagnir og var komið í hart, þegar Þorgrímur heitinn Gudmundsen kom að og spurði mig, hvort jeg ekki vijáj fara með frönskum togara tit í 'flóann þá nótt og vísa skipstjór- anum á fisk, og þar sem jeg enga hugmynd hafði um, hvar hann væri að finna, en hafði svo oft .orðið þess var, að menn töluðu um ýmjslegt í sjónum og á botni hans, sem væru það staðir, sem þeir daglega færu um, líkt og götur borgarinnar, þá samþykti jeg að fara og vita hvernig mjer tækist að verða eins kunnur botnslagi og aðrir vitrir menn. Var jeg viss um að jeg mundi minnast þess staðar framvegis, þar sem jeg rifi botnvörpuna, því þá mundi jeg fá fyrir ferðina; slíkt styrkir minni. Hætt var að tala um sundið og jeg fór með porgrími og franska skipstjóran- um iit á skip. Þar borðuðum við kvöldverð, Þorgrímur fór síðan á land og við hjeldum út á djúpið. Jeg gleymdi þessu svo og hefi ekki heyrt minst á þetta sund fyr en fyrir fáum dögum, er jeg mætti gömlum Vestfirðing, sem spurði mig, hvort jeg væri ekki farinn að linast og gat þess, að nú væru aðr- ir tímar en þegar jeg fanst á sundi méo" Guðjón, á miðum Frakka vestur af jökli. Þá var jeg nú kominn þangað. Þar sem Lesbók Morgunblaðsins birtir hverja ferðasöguna eftir aðra, getur þessi einnig átt erindi þangað, einkum gæti hún leiðrjétt ýktar sögur og svo ýktar, að' engri átt ná. Jeg hjelt um eitt skeið að jeg væri duglegur að synda, en sú hugmynd hvarf að öllu, þegar jeg sá svertingja synda og kafa. Það eru menn, sem kunna sund og víst er það, að skriðdrjúgir eru þeir. Tildrög. Hinn 17. maí 1896 kom jeg til Isafjarðar með s.s. „Lauru", og ætlaði ekki lengra. Þegar eftir komu mína þang- að, hitti jeg kunningja ir.inn, verslunarstjóra Ágúst Benedikts- son, sem sagði mjer frá smábát (svo nefndum nótabát), sem tengdafaðir sinn, Teitur heitinn Jónsson og Sigfús Eymundsen hefðu keypt af húsbónda sínum Lárusi kaupmanni Snorrasyni. — Sagði Ágúst mjer, að bátur þessi sem hjet „Kári" hefði staðið á landi í 2 ár og stæði enn, því enginn hefði fengist til að sigla honum snður. Þetta sagði hann mjer í frjettum, en spurði mig ckki um, hvort jeg vildi koma honum suður. Daginn eftir komu mína fæ jeg boð frá L. Snorra- syni og bað hann mig að finna sig. Erindi hans við mig var, hvort jeg vildi sigla dallinum til Reykja víkur. Gat jeg ekki leyst úr neinu fyr en við yrðum samferða og skoðuðum hann. „Kári" stóð við húsgafl hátt uppi á landi og var ekki frýnilegur og sá jeg þegar, að hann mundi flóðlekur — og spurði L. Snorrason hvort hann vildi láta troða í rifur og tjarga bátinn. pví neitaði liann. Hann kvaðst hafa selt bátinn þar sem hann stóð og eins og hann var og kostaði eugu til hans. „Svo er ekki meira um það," sagði jeg og skildum við í það sinni. Daginn eftir kom hann til mín og minti mig á, að fyrir 4 árum hefði jeg siglt skipi („Fremad" 20 tonna) fyrir Ásgeirsson, frá Kaupmannahöfn til lsafjaríar með öðrum manni, i aprílmánuði, nú væri sumar og bjartar nætur. Jeg Ijet hann vita, að „Kári" og „Fremad" væru ólík skip — en jeg skyldi flytja „Kára" suður e i n n . Upp á þau kjör sem hann bauð mjer (akkord) gat jeg ekki

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.