Lesbók Morgunblaðsins - 09.11.1941, Blaðsíða 3
LESBÓK MORGUNBLAÐSÍNS
m
morgunverður, 9,15 hefst guðs
þjónusta. Verða allir að mæta
til guðsþjónustu. Kaþólskir eða
af öðrum trúarflokkum, eru út
af fyrir sig. Að guðsþjónustu
lokinni hefst kensla og stendur
óslitið til klukkan 2 e. h., en þá
er snæddur miðdagsmatur. Klukk
an 3 hefst kensla á ný, en klukkan
4—6 geta skólapiltar dvalið á
heimavistum sínum og búið sjer
til te. Á kvöldin verða skólapiltar
að dvelja í heimavistum, nema ef
sjerstök levfi eru gefin til að
fara í leikhús, hlusta á hljóm-
leika eða auuara skemtana.
Allmiklum tíma er varið til
íþrótta og er sá tími oftast inni
falinn í kenslutímanum.
Kensla fer fram alt árið í Eton.
nema 7 vikur, í mánuðunum ágúst
og september. Það er sumarfríið.
Jólafrí er 5 vikur, páskafrí 3
vikur, en auk þess fá nemendur
vikulokafrí alt árið og geta þa
stundum. með sjerstöku leyfi,
brugðið sjer heim til sín.
★
SKÓLAPILTAR á Eton læra
hernaðarvísindi og æfa sig
í meðferð vopna. í skólanum eru
starfrækt liðsforingjanámskeið.
Némendur eru ekki skvldugir að
taka þátt í æfingum á þessu nám
skeiði, en flestir piltar gera það
samt. Kemur það þeim oft að
liði síðar í lífinu, þegar föður-
land þeirra á í hernaði. Nytsemi
þessara námskeiða má m. a.
marka af orðum hertogans af
Wellington, en hann er sagður
hafa látið svo um mælt, að or-
ustan við Waterloo hafi verið unn-
in á leikvöllum Eton- skóla. Flest
ir Eton nemendur verða liðsfor
ingjar í breska hernum, ef þjóð
þeirrá lendir í ófriði. Eru í skól
anum minningartöflur yfir tugi
nemenda, sem fallið hafa fyrir
föðurlandið á vígvöllunum, og
hafa margir þeirra getið sjer mik
inn orðstír og verið sæmdir æðstu
tignarmerkjum, sem breska heims-
veldið veitir sonum sínum í hern
aði. Margir merkustn stjórnmála
menn Breta, fyr ög síðar, hafa
stundað nám í Eton.
KÓLABYGGINGARNAR í
Eton eru æfafornar og
Skólastofa í Eton. Takið eftir hve stoðirnar eru eyddar,
skólastofurnar þættu vart boðleg-
ar annarsstaðar en í Eton. En
Bretar eru fastheldnir á gamla
siði. Þeir vilja ekki breyta um.
í sumum skólastofunum eru bekk-
ir og borð útskorin nöfnum gam
alla nemenda. Sjerstaklega er þetta
áberandi í skólastofu svonefnds
„efri bekks“. Þar má sjá nöfn
margra af frægustu og valdamestu
stjórnmálamönnum Breta. Þar tók
jeg t. d. • eftir nafni Pitts for-
sætisráðherra og Anthony Edens,
núverandi utanríkismálaráðherra.
Áður fyr urðu piltar að skera
nöfn sín sjálfir, en á síðari tím-
um geta þeir látið fagmenn skera
nöfn sín í súlur eða á skóla
bekki. Eru greiddir fimm shill-
ingar fyrir.
í híbýlum forseta skólans
(provost) er hátíðasalur einn mik-
Eton-piltar æfa sig i skotfixni.
ill, þar sem nemendur koma, e>-
þeir eru útskrifaðir, eða við önn
ur hátíðleg tækifæri. Salur þessi
og herbergi, sem að honum liggja,
eru þakin málverkum af gömlum
nemendum skólans. Eru þar mál-
verk af mörgum piltinum, sem
síðar varð frægur í föðurlandi sínu
og jafnvel heimsfrægur.
Málverk þessi eru þannig til
komin, að hver skólapiltur átti
að greiða meistara sínum 50
sterlingspund er hann fór úr
skóla. Flestir meistarar vildu ekki
taka við fje af nemendum sínum
og sögðu: „Sendu mjer heldur
mynd af þjer“. Piltarnir Ijetu
síðan mála af sjer mynd og sendu
kennara sínum. Flestar mynd-
irnar urðu svo eftir í skólanum
Framh. á bls. 383.