Lesbók Morgunblaðsins - 09.08.1959, Blaðsíða 16
I
352
LESBÓK MORGUNBLAÐSTNS
Andersons, eru Ijóðræns eðlis, en
skrifuð á óbundnu máli. Anerson
sökkti sér æ meir niður í hugleið-
ingar um trúmál og siðgæði eftir(
því sem leið á ævi hans, og svo
virðist sem hann hafi komizt að
þeirri niðurstöðu, að samtal í ljóða-
formi skapi ekki nauðsynlega
póetiskt drama. Anderson var sí og
æ að velta fyrir sér, hvert væri
hlutverk bundins máls í leikritum,
og hann hefur skrifað langt mál í
ritgerðaformi um markmið harm-
leika. Nokkrar þessara ritgerða tók
hann síðar saman og gaf út í bók
undir nafninu „The Essence of
Tragedy and Other Footnotes and
Papers.“
Maxwell Andersons verður sakn-
að af öllum vinum og velunnurum
nútímaleikritagerðar. Hann var
mikill leikritahöfundur — sann-
færður um, að leikhúsið væri virki
mannsandans.
Kona er aldrei jafn ánægð eins og
þegar hún kaupir eitthvað, sem hún
hefir ekkert við að gera, og karlmaður
er aldrei ánægðari en þegar hann getur
selt henni það.
FISKÆTI I SKÁLHOLTI
Klemens Jónsson hét bóndi er bj<
í Einarshöfn á Eyrarbakka. Hann var
bæði skipasmiður og formaður á eigin
skipi, en auk þess hafði hann umsjór
með fislci Skálholtsbiskups á Eyrar-
bakka. Eitt árið (7. júlí 1728) leggur
Jón biskup Árnason fyrir hann að
sýna kaupmanninum á Eyrarbakka
gamla fiskinn og velja eitthvað úr
honum, ef hann vilji. Þar næst skuli
hann láta þá Norðlendinga, sem hafi
beðið sig um fisk, hvern um sig fá
það, er hann hafi þeim ávísað, og það
af þeim fiski, sem kaupmaður vildi
ekki, en væri þó „sæmilegur fyrir ís-
lenzka“. Þar á eftir handa öðrum á
5 hesta. Þennan fisk allan átti að selja
fyrir 20 alnir hvert hundrað (120)
fiska. En það af fiskinum, sem væri
malt eða næmi ekki þessu verði, vildi
biskup eiga sjálfur. Hefir sjálfsagt
þótt það nógu gott í búið heima og
handa flökkulýðnum, er þar var dag-
lega. — (Saga Eyrarbakka).
rAðherraskipti
Eftir kosningarnar 1908 var Skúli
Thoroddsen af ýmsum talinn sjálf-
kjörinn til þess að taka við af Hann-
esi Hafstein sem ráðherra. En það
fór á annan veg sem kunnugt er, Björn
Jónsson varð ráðherra. Þá orkti Einar
Jochumsson þessa gamahvisu til frú
Theodóru Thoroddsen:
Heyrist grátur hár í Vonarstræti.
Telur varla tárin sín
Theodóra frænka mín.
ÞEGAR ÖLLU
ER A BOTNINN HVOLFT
þá er féð, sem fer til þess að smíða
nýar fallbyssur, ný herskip og nýar
herflugvélar, tekið frá þeim, sem svelta
og geta ekki fengið mat, þjást af kulda
en fá ekkert til að klæðast, sagði Eisen-
hower Bandaríkjaforseti.