Lesbók Morgunblaðsins - 09.09.1989, Side 16

B > 1 L A R
ÍJH0M
APPLAUSE
- nýr og góður kostur frá Daihatsu
Applause er nafhið á nýjasta afkvæmi Daihatsu verksmiðjanna
japönsku sem kynnt var hjá umboðinu Brimborg á dögunum.
Þeir Brimborgarmenn voru snarir í snúningum og voru hér með
Evrópufrumsýningu enda voru þeir fljótir að panta fyrstu sending-
una og koma henni i sölu. Applause hefúr hlotið góðar viðtökur
enda þýðir nafnið lófaklapp eða fagnaðarlæti og það má alveg
klappa þessum bíl lof í Iófa. Hann er forvitnifegur, þetta er fram-
drifinn fólksbill af millistærð, virðist ekkert sérstakur að utan
en þeim mun forvitnilegri að innan og hvað aksturinn snertir og
yfirleitt eru kostirnir fleiri en gallarnir. Hér á eftir skoðum við
nánar Applause 16X beinskiptan.
Síðustu fimm árin hafa hönnuð-
ir og framtíðarspámenn Daihatsu
setið við að hanna Applause.
Markmiðið var að koma á markað
fjölhæfum bíl sem gæti þjónað
stórum kaupendahópi og ólíkum
þörfum hans. Bíllinn átti ekki að
eltast við tískusveiflur í útliti held-
ur vera klassískur, þægilegur að
innan, fjölhæfur og með góða
aksturseiginleika. - Þegar þeir
töldu þessu takmarki náð var drif-
in upp ný verksmiðja og fram-
leiðslan undirbúin. Frumgerðin
var kynnt á bílasýningu í Genf í
mars á þessu ári og nú er hann
sem sagt tilbúinn í slaginn.
Sætin styðja sérlega vel við
menn til hliðanna.
Tvískiptingin á mælaborðshillunni gefúr því skemmtilegan svip.
Fjöðrun er sjálfstæð á hveiju
hjóli með jafiivægisstöngum.
Að aftan opnast bíllinn mjög
vel og nálgast Applause þar
eiginleika skutbíls.
Látlaus
Applause er einkar látlaus bíll.
Enginn býst kannski við miklu
þegar bíllinn er skoðaður hið ytra
en athygli vekja strax bogadregn-
ar línur bílsins og mýkt í allri
hönnun. Framljós, stuðarar, aft-
urljós, hurðarhúnar - allt er þetta
eiginlega ein samfelld lína. Sami
svipur verður fyrir mönnum að
innan. Mælaborðið er sérlega
skemmtilegt og bogadregnar línur
þess tengjast vel við hliðarhurð-
irnar.
Bíllinn er fimm dyra og opnast
skuturinn sérlega vel. Þarna eru
sameinaðir kostir hins venjulega
fernra dyra fólksbíls og kostir
skutbíls því skuturinn opnast eins
og á hlaðbak' (hatchback) þó
bíllinn sé með útliti hins venjulega
fólksbíls. Skottrými er ágætt og
Frá Cltroen kemur nú BX með fjórhjóladrifi.
Fjórhjóladrifinn BX frá Citroen
Frá Citroen er að koma á
íslenskan markað um þessar
mundir býr bíll af BX gerðinni
sem er með fjórhjóladrifí. Er
það fimm dyra bíll með 1900
rúmsentimetra, 107 hestafla vél
og kostar eftir gerð og búnaði
milli 1.270 og 1.390 þúsund
krónur.
Um leið og Globus kynnir 1990
árgerðirnar frá Citroen af AX og
BX bílunum senr eru í sjálfu sér
lítt breyttar kemur þessi nýja
gerð af BX sem kynntur hefur
verið erlendis síðustu misserin.
Þetta er vel búinn fjórhjóla-
drifsbíll sem blandar sér í slaginn
með Subaru, Mitsubishi og Toyota j
svo nokkuð sé nefnt. BX er með
þokkalega stórri vél, vegur kring-
um 1100 kg og er 10,7 sekúndur
að ná hundraðinu. Hann er sagður
eyða kringum 6,6 1 á jöfnum
akstri á 90 km hraða og um 10,5
lítrum í borgarumferð.
Applause frá Daihatsu er fallega hannaður bíll.
má stækka það verulega séu bök
aftursæta lögð niður.
Sætin eru það í Applause sem
fá fyrsta plúsinn. í fyrsta lagi sitja
menn nokkuð hátt sem er alltaf
kostur. Þau eru líka hæfilega stíf
og styðja_ vel við til hliðar við bak
og læri. í framsætum sitja menn
því öruggir og fastir fyrir - jafn-
vel betur en í ráðherrastólum.
Stilling er hefðbundin á framsæt-
um en þar kemur reyndar í ljós
einn galli. Þegar bílstjóri stillir
halla baksins er alltof þröngt að
smeygja hendinni niður með hurð-
inni að stillihandfanginu. Liggur
við að hurðin verði að vera opin
þegar sætið er stillt því hand-
fangið innan á hurðinni er í raun
of fyrirferðarmikið. Þetta er hvim-
leiður galli.
Aftursætin fá ekki síður plús.
Þeim má halla fram til að stækka
farangursrýmið og það sem meira
er, sætisbakinu má líka halla vel
aftur og hlýtur það að teljast
góður kostur fyrir þreytta far-
þega. Fótaiými er allgott og eins
og fyrr segir sitja menn fremur
hátt í Applause og er samt nóg
rými fyrir. meðalmenn áður en
þeir reka sig upp undir.
Mælaborðið hefur heppnast vel
og er Applause einn af fáum bílum
þar sem stýrið skyggir ekki á
mælana. Þeir eru nettir en sýna
þó vel það sem þarf að sýna og
eru hraða- og snúningshraðamæl-
ar mest áberandi. Aðvörunarljósin
eru góð og áberandi og það er
helst að klukkan sé dálítið falin.
Mælaborðshillan er tvískipt og lítil
hilla á milli og gefur það mjög
skemmtjlegan svip. Hanskahólf
er á sínum stað, þunn hólf eru
innan á hurðum og hólf er einnig
milli framsæta.
Applause er boðinn í tveimur
aðalgerðum L og X. í X gerðinni
eru nokkur atriði umfram búnað
L gerðarinnar svo sem rafdrifnir
speglar, raflæsing, veltistýri og
aðvörunarhljóð ef lykill gleymist
í ræsi. Vélin er 91 hestafl miðað
við 6 þúsund snúninga, hún er
1600 rúmsentimetrar úr áli og
búin ijölventlum. Eyðslan er talin
vera kringum 8,5 1 í bæjarakstri,
og kringum 5,3 1 miðað við jafnan
akstur á 90 km hraða.
Helstu mál eru: Lengd 4,26
m, breidd 1,66 m, hæð 1,375 m,'
lengd milli hjóla er 2,47 m og
bíllinn vegur 950 kg. Verðið á L
gerðinni er kr. 999.900, en sé
bíllinn tekinn með sjálfskiptingu
kr. 1.083.800. Hin gerðin kostar
kr. 1.081.900 en 1.133.800 með
sjálfskiptingu. Staðalbúnaður í
þessu verði er útvarps- og segul-
bandstæki, mottur, nýskráning,
ný númer og sex ára verksmiðju-
ryðvörn.
Gott viðbragð
Applause er skemmtilegur í
akstri. A malai-vegum tekur sjálf-
stæð fjöðrun á hverju hjóli vel við
jafnvel djúpum holum og er því
bíllinn þýður vel. Hann virðist
fremur rásfastur á malarvegum
þótt ekki væri það í raun þaul-
kannað. Fyrst og fremst kom góð
fjöðrun í .ljós. Applause er búinn
vökvastýri sem er mjög nákvæmt
og er bíllinn því hinn Iiprasti í
borgarumferðinni. Viðbragðið er
einnig gott að minnsta kosti þeg-
ar einn og tveir sitja í bílnum.
Fimm gíra skiptingin er mjúk og
stundum fullstutt, þ.e. stundum
er eins og bíllinn sé ekki kominn
í gírinn en þetta er í raun spurn-_
ing um að venjast skiptingunni. í
borginni eru aðallega notaðir
fyrstu þrír gírarnir og sá fjórði
fremur lítið. Stafar það kannski
að nokkru leyti af því að um-
ferðarljósum er sífellt að fjölga
og hraðinn verður því sjaldnast
meiri en þessir leyfilegu 50 eða
60 km. Fjórði og fimmti gír koma
hins vegar að góðum notum á
varanlegum og góðum þjóðvegun-
um.
Allt er þetta sem sagt fremur
í jákvæða tóninum um Applause.
En þessi eru áhrifin. Bíllinn vinn-
ur á við skjóta viðkynningu og
það má áreiðanlega telja hann
dæmigerðan fjölskyldubíl. Hann
virðist ekki stór en því rúmbetri
að innan og á þessu verði - kring-
um eina milljón - fæst vel búinn
bíll af millistærð sem er gott að
meðhöndla. jt