Lesbók Morgunblaðsins - 12.05.1990, Blaðsíða 8

m
I
B JT 1 L A R
í-íi'
■

L i V-íy
“QsÍ
%'i; ■
Seat Ibiza 1200 XL er fímm dyra og allvel sprækur.
Farangursrýmið tekur 320 lítra.
Ibiza frá Spáni á
erindi til íslands
Seat-bílarnir frá Spáni eru
nú aftur teknir að fást
hjá Heklu hf. sem hefur
umboðið enda eru nú
miklir kærleikar með
Seat og- Volkswagen
hinum þýsku. Seat
bílarnir bera nöfii sem
við þekkju betur úr öðru samhengi frá
Spáni, Malaga, Marbella og Ibiza en það
er einmitt síðastnefnda tegundin sem við
skoðum hér. Ibiza er aðalsmerki Seat
verksmiðjanna og var á síðasta ári fram-
leiddur í yfir 200 þúsund eintökum. Við
skoðum einkum Ibiza með 1200 rúms-
entimetra yél sem kostar tæpar 700 þús-
und krónur í staðgreiðslu án ryðvarnar
og skráningar.
Seat Ibiza er fáanlegur hér í þremur
gerðum: Ibiza 903 Special með 45 hestafla
vél og-er hann 3ja dyra, Ibiza 1200 XL sem
er með 55 hestafla vél og er fimm dyra og
Ibiza 1500 SXI sem hefur 100 hestöfl og
' er einnig 3ja dyra. Sá ódýrasti kostar 577
þúsund krónur staðgreiddur en dýrasta
gerðin 893 þúsund.
Traustvekjandi
Ibiza gerðin hjá Seat er þokkalegasti bíll
í útliti. Hann vekur þó enga athygli sakir
frumleika í útliti en hann er sæmilega há-
reistur og virkar nokkuð traustvekjandi sem
hann rís að mörgu leyti allvel undir við
nánari kynni. Þetta er lítill og kannski nokk-
uð kubbslegur bíll. Ibiza er 3,637 m lang-
ur, 1,61 m breiður og 1,394 m hár. Hæð
undir lægsta punkt er 12,4 cm og vegur
bíllinn með minnstu vélinni 860 kg, sá í
miðið vegur 900 kg og sá með stærstu vél-
inni 925 kg. Þeir geta síðan borið milli 400
* og 500 kg.
Ibiza með minnstu vélinni er sagður hafa
129 km hámarkshraða, miðgerðin með 155
km og 1500 bíllin er gefinn uþp með 175
km hámarkshraða. Viðbragðið er ekkert
æsandi í þessum bílum, sá minnsti er 22
sekúndur að ná hundraðinu, sá næsti þarf
16 sekúndur og sá sprækasti 13 sekúndur.
En eyðslan er líka í samræmi við þetta.
Hún er sögð um 9 1 á hundraðið í bæja-
rakstri og fer niður í kringum 5 lítra við
jafnan þjóðvegaakstur á kringum 90.
Bensíntankurinn tekur 50 lítra.
Ibiza er í flokki ódýrra smábíla og sem
, slíkur er hann all framarlega hvað stærð
og rými snertir. Gott rými er í framstólum
og þeir eru stífir og góðir og þótt stillingar
séu bara bakhalli og nálægð við stýri gefur
bílstjórasætið nokkuð góða vinnustellingu.
Stýrið mætti þó vera brattara. Aftursætin
eru sömuleiðis ágæt nema hvað þar þarf
ekki hávaxna menn til að stijúkast uppund-
ir og varla fer vel nema um tvo þar.
Enginn íburður
Öll innrétting er einföld í sniðum, enginn
íburður er að sjálfsögðu mögulegur í svona
bíl en það er vel og smekklega frá hlutunum
gengið. Hægt er þó að fá rafdrifnar rúður-
vindur og samlæsingu, þ.e. á dýrustu gerð-
inni. Einn góðan kost má nefna sem kemur
á óvart í litlum og ódýrum bíl en það eru
þvottasprautur á framljósum. Mælaborð er
mjög hefðbundið og stjómtækin eru þægileg
viðureignar. Þá er bíllinn búinn dagljósabún-
aði, klukka er í tveimur dýrari gerðunum,
svo og snúningshraðamælir. Aftursætisbak
er hægt að felia niður í tveimur hlutum og
á það einni aðeins við um dýrari gerðimar.
Af öðrum búnaði má nefna hitunarbúnað
fyrir rúðuvökva, styrktan vatnskassa og
eldsneytisgeymi og sérstaka ryðvöm í vélar-
rúmi.
Útsýni er ágætt og ökumaður á auðvelt
með að venjast bílnum fljótt. Hliðarspeglar
mættu þó vera stærri - það er óþarfi að
hafa þá alltof litla þótt bíllinn sé ekki stór
- og ekki veitir af að gefa ökumanni sem
best tækifæri til að fylgjast með umferðinni
fyrir aftan sig. í leiðinni má minna menn á
að temja sér að stilla vel spegla og nota
þá. Það er alltof algengt að sjá bílstjóra aka
Mælaborð er með hefðbundnu sniði.
þannig að þeir hafa enga hugmynd um
hvað er að gerast fyrir aftan þá. Sumir
myndu ekki einu sinni verða varir við eld-
gos eða álíka stórbrotin fyrirbæri!
Þokkaleg vinnsla
Ibiza er svo sem enginn draumabíll í
akstri en hann stendur þó fyrir sínu sem
duglegur smábíll í þessum verðflokki.
Gírskipting er nokkuð stirð að minnsta kosti
í lítt notuðum bíl en bíllinn er fimm gíra.
Heldur þarf að snúa stýrinu meira en mað-
ur hefur vanist í mörgum bílum. Ibiza er
þó léttur í stýri en því þarf að venjast svo
sem oft er um bíla í ódýrari verðflokkum -
það þarf að gefa þeim svolítinn tíma í við-
kynningu. Hann fjaðrar ágætlega, er á 13
þumlunga hjólbörðum og er það ekki síst á
þessu sviði sem hann virðist traustvekjandi.
Þótt hröðunin sé ekkert sérstök þá er
Ibiza'all þokkalegur í vinnslu og má segja
að talsverður munur sé á 903 og 1200 gerð-
unum. Það atriði myndi þó ekki ráða úrslit-
um varðandi valið heldur miklu fremur notk-
unin. Eigi að nota Ibiza sem snúningabíl
fyrirtækisins skulu menn taka 903 gerðina
en hiklaust 1200 XL ef nota á bílinn í fjöl-
skyldusnattið.
í heild má segja að Ibiza komi allvel út
og með honum sé allmikið að fá fyrir 600
og 700 þúsund krónur í tveimur ódýrustu
gerðunum. Sem fyrr segir er þetta enginn
lúxus og bíll á þessu verði uppfyilir ekki
drauma hvaða ökumanns sem er. Hann
stendur þó vel undir því að vera þokkalega
röskur bíll og vel útbúinn þótt hann sé svo-
lítið stirður í fyrstu viðkynningu. Ibiza á
því vissulega erindi til íslands sem góður
* kostur í smábílaslaginn.
jt
Morgunblaðið/Sverrir
Seat Ibiza 1200 XL er látlaus og traustvekjandi smábíll.
8