Alþýðublaðið - 20.12.1984, Qupperneq 2
9
Fimmtudagur 20. desember 1984
'RITSTJÓRNARGREIN——.
Jafnaðarstefnan
Jafnar er lífsstefna. Hún hafnar
öfgum, hvort heldur er til hægri eöa vinstri.
Jafnaöarmenn berjast gegn kommúnisma,
sem bindur I fjötra framtak og hugmyndauðgi
fólks. Á sama hátt hafnar jafnaöarstefnan
óheftu frelsi gróðaaflanna til auðsöfnunar.
Það er grundvöllur jafnaðarstefnunnar að
tryggja öllum jarðarbúum réttinn til mann-
sæmandi lífs. Hvort heldur fólk er hvítt eða
svart, karl eða kona, gamalt eöa ungt, frá þriðja
heiminum eða iönríkjunum, hafnarverkamenn
eða háaðall, þá á það að eiga sinn fyllsta rétt á
því að lifa lífinu lifandi. Þau grundvallarmann-
réttindi sem jafnaðarmenn vilja að allir njóti
eru m.a. rétturtil náms og menntunar, rétturtil
atvinnu og að launafólk njóti sanngjarnrar
eftirtekju vegna vinnuframlags sfns, þak yfir
höfuðið og siðast en ekki sfst njóti almennra
lýðræðislegra réttinda á borð við málfrelsi, rit-
frelsi og fundafrelsi. Almennar kosningar eru
og einn grunntóninn í jafnaðarstefnunni.
Víö íslendingar höfum sem betur fer búið við
lýöræðislegt stjórnarfar og sömuleiðis hafa
flestir haft ofan f sig og á hina síöustu áratugi.
En ekki skulum við gleyma því að víða um heim
eru almenn mannréttindi fótum troðin. Lýð-
ræðið er ekki sjálfgefiö stjórnarform. Mann-
réttindi hefur fólk ekki fengið á silfurfati. Þaö
hefur orðið að berjast fyrir réttindum sfnum.
Sömu sögu er að segja af baráttunni um brauð-
ið; baráttu verkafólks hér á landi og erlendis
fyrir mannsæmandi kjörum. Sú barátta hefur
ekki gengiðátakalaust fyrirsig. Fórnirhafaver-
ið færðarog margur svitadroþinn fallið. Við ís-
lendingar skulum þvf aldrei gleyma þvf að þau
almennu mannréttindi sem við búum við hafa
fengist fyrir pólitfska baráttu fyrri kynslóða.
Og verum einnig þess minnug að til eru þeir
hópar sem engan áhuga hafa á að varðveita
þessi réttindi. Pólitískar öfgastefnur til hægri
og vinstri gefaekkertfyrirlýðræðið. Enn minna
fyrir jafnan rétt manna. Og öfgarnir eru ekki
bara til í útlöndum. Við verðum ekki aðeins vör
viö þá úr erlendum fréttum fjölmiölanna. Póli-
tískar öfgastefnur fyrirfinnast hér á landi.
Stundum eru málsvarar hægri og vinstri
öfganna fklæddir dulargervi og tala tungum
tveimur. En á ísiandi eru til öfl sem vilja veg
dauðra kennisetninga, sem ekki taka mið af lífi
og starfi fólks heldur fráleitum og öfgafullum
draumórum, sem allra mestan. Frjálshyggjan,
markaðshyggjan, frelsið til ofsagróða; allt eru
þetta hugtök sem íslendingar kannast við og
hafa fengið að heyra oft og einatt hin síðari ár.
Minna hefur borið á kommúnísku slagorða-
glamri ættuðu austan frá Kreml. Tilbeiðendur
Moskvuvaldsins híma þó enn f skotum sínum
og bíða færis.
Alþýðublaðið vill vekja landsmenn til um-
hugsunar um þessi mál. Jafnaðarstefnan er
göfugust allra stjórnmálaviðhorfa. —Frelsið,
jafnréttið og bræðralagið,— eru lykilhugtök
sem marka stefnuna.
En starf að auknum jöfnuöi, samhjálp og
réttlæti verður að vinna markvisst, ef árangur á
að vera eins og til er sáð. Það er staðreynd að
fjölmargir jafnaðarmenn eru á reiki I íslensku
flokkakerfi. Þá má finna í öllum stjórnmála-
flokkum. Alþýðuflokkurinn er hins vegar eini
samnefnari jafnaðarstefnunnar hér á landi.
Það er mikilvægara en flest annað í íslenskum
stjórnmálum að jafnaðarmenn sameini kraft-
ana undir einum hatti. Það sameiningartákn
jafnaðarmanna getur aldrei orðið annað en Al-
þýðuflokkkurinn.
- GÁS.
Breytingartillögur
Alþýöuflokksins
viö fjárlög 1985:
Stóreigna skattur
upp á 1 milljarð
Viðbótarsköttun á bankakerfið,
verslunar- og skrifstofuhúsnœði
Stjórnarliðar eru í megnustu
vandræðum með fjárlög Alberts
Guðmundssonar og er Ijóst að þeir
horfa upp á um eitt þúsund milljón
króna gat sem þarf að fylla. Þess
fyrir utan eru fjárlögin öll í anda
þeirrar afturhaldsstefnu sem ríkis-
stjórnin hefur haft að leiðarljósi.
I Alþýðublaðinu hefur nokkuð
verið fjallað um einstaka þætti fjár-
lagafrumvarpsins og í blaðinu í dag
eru birtir kaflar úr fjárlagaræðu
Karvels Pálmasonar við aðra um-
ræðu um frumvarpið. Þingmenn
Alþýðuflokksins hafa lagt fram
nær tvo tugi breytingatillagna við
fjárlagafrumvarpið og eru þessar
tillögur mjög í anda þeirrar róttæku
félagshyggju sem flokkurinn boðar.
I sameiningu leggja þingmenn
flokksins fram eftirfarandi breyt-
ingatillögur í 15 liðum:
1. Lagður verði á sérstakur eign-
arskattsauki upp á 1000 milljón kr.
Með þessari breytingu væri stór-
eignafólki gert að leggja sinn skerf
að mörkum.
2. Lagt er til að sérstakur skattur
á skrifstofu- og verslunarhúsnæði
hækki úr 85 milljónum í 170 millj-
ónir króna.
3. Lagt er til að skattur á inn-
lánsstofnanir hækki úr 75 milljón-
um í 150 milljónir króna.
4. Lagt er til að nýr tekjuöflun-
arliður bætist við, sem felst í því að
af hagnaði Seðlabankans renni í
ríkissjóð 90 milljónir króna.
5. Lagt er til að tekjur af sölu-
gjaldi hækki úr 8420 milljónum í
9170 milljónir króna, eða um 750
milljónir (tæplega 9%).
6. Lagt er til að við útgjöld for-
sætisráðuneytisins bætist við nýr
liður, framlag til kjararannsókna,
úttektar á tekjuskiptingu og launa-
kjörum, alls 5 milljónir króna.
7. Lagt er til að 400 milljónum
króna verði varið til nýsköpunar í
atvinnulífi, nánar tiltekið til sér-
hæfingar í rafeindaiðnaði i sjávar-
útvegi, fiskvinnslu og líftækni.
8. Lagt er til að útgjöld til dag-
vistarheimila (stofnkostnaður)
hækki úr 30 milljónum kr. í 50
milljónir kr.
9. Lagt er til að framlag Lána-
sjóðs íslenskra námsmanna hækki
úr rúmlega 481 milljón í 601 milljón
króna, eða um 120 milljónir (25%).
10. Lagt er til að útgjöld veiði-
stjóra (almennur rekstur) lækki úr
2,8 milljónum í 854 þúsund kr.
11. Lagt er til að útgjöld til jarð-
ræktarlaga o. fl. lækki úr 130 millj-
ónum kr. í 30 milljónir kr.
12. Lagt er til að liðurinn „Bú-
fjárrækt, framlög skv. lögum nr.
31/1973“ falli með öllu niður. Hér
er um rúmar 18 milljónir kr. að
ræða.
13. Lagt er til að framlög til
Byggingarsjóðs ríkisins hækki úr
550 milljónum í 1715 milljónir
króna, eða um 1165 milljónir kr.
(212%).
14. Lagt er til að framlag til
Byggingarsjóðs verkamanna hækki
úr 250 milljónum kr. í 650 milljónir
kr., eða um 400 milljónir kr.
(160%).
15. Þá er lagt til að nýr liður bæt-
ist við útgjöld Ríkisskattstjóra,
þannig að 10 milljónum kr. verði
varið til aðgerða gegn skattsvikum,
samkvæmt samþykktri ályktun Al-
þingis frá því í vor, sem Alþýðu-
flokkurinn stóð að.
Auk þessara tillagna flytja
Jóhanna Sigurðardóttir og fleiri
þingmenn sérstakar breytingatil-
lögur:
1. Að framlög til Framkvæmda-
sjóðs fatlaðra hækki úr 60 milljón-
um kr. í 100 milljónir kr.
2. Að framlag til aðgerða gegn
fíkniefnanotkun komi inn í fjárlög-
in og nemi 3 milljónum króna, en í
fjárlagafrumvarpinu er ekki gert
ráð fyrir neinum framlögum til
þessara mála.
Alls þýða þessar breytingatillög-
ur Alþýðuflokksins auknar tekjur
ríkissjóðs upp á um 2320 milljónir
króna, en hvað útgjöldin varðar
gera tillögur þingmanna Alþýðu-
flokksins ráð fyrir aukningu um
tæplega 2200 milljónir króna. Sem
sjá má vega þyngst hvað tekjurnar
varðar eignarskattsaukinn (1 millj-
arður) og söluskattsaukinn (750
milljónir), en hvað útgjöldin varðar
munar mest um stórhækkun fram-
laga til byggingarsjóða rikisins og
verkamanna, samtals um 1,5 millj-
arður, og svo framlag til nýsköpun-
ar í atvinnulífinu, 400 milljónir kr.
Megin inntakið í breytingatillög-
um Alþýðuflokksins eru að fé verði
sótt til þeirra afla í þjóðfélaginu
sem sloppið hafa að mestu við að
fórna nokkru í baráttunni gegn
verðbólgunni og hafa þvert á móti
fengið ómældar upphæðir með
ýmiss konar ívilnunum. Hér er
einkum átt við bankakerfið og stór-
eignahópana í þjóðfélaginu. Hins
vegar beinast tillögurnar að því að
rétta hlut ýmissa í þjóðfélaginu sem
standa illa, húsnæðismálakerfið
vegur þar þungt, en ekki síður eru
mikilvægar tillögurnar er lúta að
bættri stöðu Lánasjóðs íslenskra
námsmanna, að átaki í uppbygg-
ingu dagvistarheimila, til kjara-
rannsókna, aðgerða gegn skattsvik-
um, aðgerða gegn fíkniefnanotkun
og svo viðbótarframlag til að bæta
úr slæmri stöðu Framkvæmdasjóðs
fatlaðra.
INNTÖKUBEIÐNI
Ég undirritaður sœki hér með um að gerast félagi
í ALÞÝÐUFLOKKSFÉLAGI
Nafn
Fædd(ur)
Heimili
Atvinna
Vinnustaður
Fagfélag
Maki
Sími
Nafnnr.
Sími
(Dagsetning)
(Undirskrift umsœkjanda)
Sendist skrifstofu Alþýðuflokksins að Hverfisgötu 8-10, 101 Reykjavik,
eða til viðkomandi flokksfélags.