Alþýðublaðið - 12.03.1985, Side 1

alþýdu
blaöið

Þriöjudagur 12. mars 1985
Ld
50. tbl. 66. árg.
Áhugamenn um úrbœmr í húsnœðismálum:
Úrbætur
strax!
Heil kynslóð — þúsundir manna —
stendur frammi fyrir gjaldþroti
Sambandið milli launa og
greiðslubyrði af lánum hefur verið
rofið. Þetla verði lagfært þegar í
stað og taki lagfæringin til opin-
berra lána, bankalána og annarra
fasteignalána. Þessi leiðrétting
Framleiðsl-
an jókst
en salan minnkaði
Framleiðslumagn iðnaðarins jókst
árið 1984 miðað við árið 1983, en
sölumagnið var minna 1984 en
1983. Fjárfesting í iðnaði var meiri
1984 en ’83.
Þetta kemur í ljós þegar bornar
eru saman niðurstöður úr ársfjórð-
ungslegri könnun sem Félag ís-
lenskra iðnrekenda og Landssam-
band iðnaðarmanna hefur gert á
nokkrum helstu þáttum iðnrekstr-
ar. Þátttakendur í könnuninni voru
95 forsvarsmenn iðnfyrirtækja úr
23 greinum iðnaðar.
í Ijós kom að heildarsala iðnvara
jókst á 4. ársfjórðungi 1984 miðað
við 3. ársfjórðung en framleiðslan
var hinsvegar minni á síðasta árs-
fjórðunginum miðað við ársfjórð-
unginn á undan.
Forsvarsmennirnir voru líka
beðnir að spá í þróunina í ár og spá
um 30% þeirra framleiðsluaukn-
ingu á fyrsta ársfjóðrungi þessa árs
en 19% spá samdrætti. Sömleiðis
spáir meirihlutinn því að söluaukn-
ing verði.
Hvað atvinnuhorfur og atvinnu-
ástand varðar svara28% forsvars-
mannanna því til, að fjöldi starfs-
manna fyrirtækjanna verði meiri í
lok 1. ársfjórðungs 1985 en hann
var í lok síðasta árs og aðeins 10%
aðspurðra bjóst við samdrætti.
Einnig var spurt um fjárfestingar
og bjóst meirihlutinn við því að
minna yrði um fjárfestingar í iðn-
aði í ár en í fyrra.
verði tryggð til frambúðar og reikn-
ist frá þeim tíma er misræmis fór að
gæta að marki milli lánskjaravísi-
töiu og launa.
Háir vcxtir á lánum til húsnæðis-
kaupa eru óviðundandi og ber að
lækka þá þegar í stað.
Þetta eru meginkröfur Áhuga-
manna um úrbætur í húsnæðismál-
um, sem settar voru fram á blaða-
mannafundi undirbúningshóps í
gær. Fyrirhugað er að stofna sam-
tökin formlega og hafa þegar skráð
sig hátt á þriðja þúsund manns um
land allt. Voru símarnir hjá hópun-
um rauðglóandi alla helgina, t. d.
skráðu sig um 500 manns á einum
og hálfum klukkutíma í Reykjavík
á laugardag.
Áhugamannahópurinn byggir á
starfi Sigtúnshópsins, sem lét að sér
kveða fyrir um ári. Á blaðamanna-
fundinum kom fram það álit að-
standendanna, að vegna áður-
nefnds misræmis og hækkunar
vaxta stendur heil kynslóð venju-
legs fólks frammi fyrir gjaldþroti.
Vandamál fólks sé mismikið: Sumir
búnir að missa allt sitt, suntir að því
komnir, aðrir stefna í sama farið.
Samtökin muni tala fyrir hönd allra
áhugamanna um úrbætur, líka
þeirra sem enn hafa ekki treyst sér
út í húsnæðiskaup. Krafan er úr-
bætur strax. Það gengur ekki leng-
ur þetta kerfi, þar sem fólk lendir í
að tvíborga sama hlutinn: fyrst í
venjulegri neyslu og svo í afborgun-
um. Afleiðingin er að mjög stór
hópur — þúsundir manna — stend-
ur frammi fyrir því ástandi að
ógerningur er að koma sér upp þaki
yfir höfuðið. Þetta ætti við um fólk
í öllum stéttum og tekjuhópum, þó
ástandið bitni fyrst og þyngst á hin-
um tekjuminnstu. Mikilvægt sé að
stjórnmálaöflin í landinu sameinist
um úrbætur.
„Við erum ekki að tala um gjafir,
en staðreyndin er sú að við borgum
of mikiðí’
Gagnvart rýrum sjóðum, verð-
Framh. á bls. 3
Frá fundi Jóns Baldvins fyrir austan fjall á sunnudaginn. Steingrímur Ingvarsson, bœjarfulltrúi A Iþýðu-
flokksins á Selfossi, var fundarstjóri og er hann til vinstri á myndinni.
„Skipbrot land-
búnaðarstefnunnar“
— góðir fundir á Hellu og Hvolsvelli. Hrafninn í kvöld
Um 60 manns mættu á fundi
Jóns Baldvins Hannibalssonar á
Hellu og Hvolsvelli sl. sunnudag.
Fundarstjóri var Steingrímur
Ingvarsson, bæjarfulltrúi Al-
þýöuflokksins á Selfossi.
Eftir framsöguerindi Jóns
Baldvins, spunnust miklar um-
ræður. Var frammistaða íslensku
fulltrúanna á nýafstöðnu þingi
Norðurlandaráðs í Reykjavík
harðlega gagnrýnd. Áttu menn
varla nógu stór orð til að Iýsa
þeim undirlægjuhætti og vesal-
dómi, að fylgja ekki eftir brýn-
ustu hagsmunamálum íslendinga
í sjávarútveginum gagnvart Norð-
a fundinum á Hvolsvelli gerði
Páll Sigurjónsson, bóndi á Galta-
læk, sérstaklega að umtalsefni,
stefnu núverandi ríkisstjórnar í
landbúnaðarmálum, enda hafa
bændur á Suðurlandi bundist
samtökum unr að brjótast út úr
núverandi kerfi Stéttarsambands
bænda, Búnaðarfélagsins og
Framleiðsluráðs landbúnaðarins.
Einnig urðu miklar umræður um
dugleysi SÍS-auðhringsins varð-
andi útflutning á dilkakjöti og
voru ótal dæmi talin upp, sem
sýndu vel hversu illa hefur verið
haldið á spilunum.
í kvöld klukkan 21 verður Jón
Baldvin með fund á veitingahús-
inu Hrafninum, í Skipholti.
Mikill verðmun-
ur á varahlutum
Um 100% verðmunur reyndist á
hæsta og lægsta verði í nær helm-
ingi tilvika, þegar verðlagsstofnun
gerði verðkönnun á bifreiðavara-
hlutum dagana 11.—15. febrúar í
35 varahlutaverslunum. Var kannað
verð á 215 varahlutum.
Var athugað verð á 19 bifreiða-
tegundum árgerð 1982 og birtast
niðurstöðurnar í 2. tbl. Verðkynn-
ingar Verðlagsstofnunar.
í fréttatilkynningu frá Verðlags-
stofnun segir að ætla megi að með-
alfjölskylda eyði að jafnaði 115
þúsund krónum til rekstrar eigin
bifreiðar á ári. Varahlutirnir eru
stór þáttur í þessum útgjöldum.
Séu varahlutir keyptir i umboð-
inu eru það oftast „orginal“ vara-
hlutir, þ.e.a.s. framleiddir af við-
komandi bifreiðaframleiðendum. í
hinum verslununum er um að ræða
varahluti frá öðrum framleiðend-
um.
Mesti hlutfallslegi verðmunurinn
í könnuninni var á strokkloks-
pakkningu („headpakkningu”) í
Subaru bifreið. Kostaði hún 65 kr. í
einni verslun en 462 kr. i annarri,
sent er 611% hærra verð.
Mestur varð verðmunurinn í
krónutali á vélarhúsloki (húddi“) í
Volkswagen Golf. Kostaði það
5.187 kr. í einni verslun en 11.887 kr.
þar sem það var dýrast. Verðmun-
urinn á þessum eina hlut var því
6.700 kr.
Jafnframt verðkönnuninni var
lagt einfalt mat á þjónustu vara-
hlutaverslana bifreiðaumboðanna.
Var skráð hversu mikið var til af
þeim varahlutum, sem spurt var
Framh. á bls. 3
Jón Baldvin Hannibalsson:
Þeir þögðu um brýn-
asta hagsmunamálið
Þeir sem skulda þjóðinni afsökunarbeiðni eru þeir Islendingar sem á
Norðurlandaráðsþingi sátu — en þögðu um brýnasta hagsmunamál
íslendinga.
„Poul Pedersen frá Hallested,
sem er hvorki meira né minna en
forseti Norðurlandaráðsþings, not-
aði tíma sinn í Ríkisútvarpinu á
föstudaginn til að skeyta sínu leiða
skapi á formanni Alþýðuflokksins.
Þetta er þeim mun merkilegra sem
formaður Alþýöuflokksins átti
ekki sæti á Norðurlandaráösþing-
inu og kom þar hvergi nærri. Hann
hefur krafist þess að ég biðji þjóð-
ina afsökunar. Við það er ýmislegt
að athuga,“ sagði Jón Baldvin
Hannibalsson, formaður Alþýðu-
flokksins í samtali við blaðið í gær.
„í fyrsta lagi þetta: Annað af því
sem ég á að hafa til saka unnið er að
ég leiðrétti í blaðagrein í DV ýmsar
rangfærslur sem hafðar höfðu ver-
ið eftir Anker Jörgensen. Það gerði
ég án nokkurrar persónulegrar
áreitni og á málefnalegan hátt.
Fyrsta rangfærslan var sú, að ég
hefði aftrað honum að tala á fundi
í Reykjavík. Þetta er mikill miskiln-
ingur. Danir höfðu samband við
mig til að leita upplýsinga um þessi
samtök sem stóðu að fundinum. Ég
las upp fyrir þá fréttatilkynningu
frá samtökunum, og vakti athygli
þeirra á því að þarna væri fjallað
um viðkvæm deilumál innanlands.
Framh. á bls. 2
Chernenko
fallinn frá
Konstantin Chernenko forseti
Sovétríkjanna er látinn. Mun
hann hafa látist í fyrrdag, en opin-
ber tilkynning frá Sovétmönnum
um lát hans barst í gærmorgun.
Chernenko var 73 ára að aldri
og var kjörinn leiðtogi sovéska
Kommúnistaflokksins og þar
með þjóðarleiðtogi fyrir hálfu
öðru ári síðan, þegar þáverandi
flokksformaður, Andropov, lést á
sóttarsæng eftir aðeins eins árs
setu sem valdamesti maður þjóð
arinnar.
í þann stutta tíma, sem Cher-
nenko hefur setið á forsetastóli
hefur hann verið talsvert frá
vegna veikinda. Hann hefur því
ekki sett sitt persónulega mark á
gang innanríkis eða utanríkis-
mála í Sovétríkjunum.
Búast má við talsverðu bak-
tjaldamakki í Kreml um val á eft-
irmanni Chernenko. Ýmsir hafa
verið nefndir til sögunnar sem
hugsanlegir flokksformenn að
Chernenko gengnum. Það er
æðsta ráð Sovétríkjanna sem kýs
eftirmann Konstantin Cher-
nenko.