Alþýðublaðið - 05.06.1985, Blaðsíða 1

Miövikuaagur 5. júní 1985 104. tbl. 66. árg.
Karl Steinar um hugmyndir ASÍ
Verið að búa
til kaup-
tryggingu
ist í Morgunblaðinu yfirlýsing frá
Magnúsi Gunnarssyni, fram-
kvæmdastjóra Vinnuveitendasam-
bandsins, um að hugmyndir þær
sem ASÍ hefur sett fram varðandi
samninga, séu óaðgengilegar. Þess-
ar tillögur ASÍ ganga fyrst og
fremst út á að varðveita þann kaup-
mátt, sem samið verður um.
„Hér eru á ferðinni hugmyndir
um hvernig tryggja má kaupkröf-
urnar, sem samið verður um. Það
má segja að við séum að þreifa okk-
ur áfram í að búa til kaupmáttar-
trygginguj’ sagði Karl Steinar.
En hvað með eiginlegar kaup-
kröfur, hvenær er von á þeim?
„Nú eru í gangi viðræður við sér-
samböndin og eftir þær viðræður
verður tekin afstaða til kaupkraf-
anna. Það er ekki ljóst ennþá hvort
kaupkröfurnar verði á sameigin-
legu borði eða hvort hvert sérsam-
band setur fram eigin kröfur. Þetta
kemur í ljós á næstu dögum.”
En býstu við að gengið verði til
samninga nú í vor eða verður beðið
fram á haust?
„Verkamannasambandið hefur
ályktað að gengið skuli til samn-
inga í vor og sömu sögu er að segja
um öll önnur sambönd. Það er
mikill vilji fyrir því að stöðva kaup-
Framh. á bls. 2
„Magnús svarar Morgunblaðinu
áður en hann svarar okkur og er
einna helst að sjá á þessu, að hann
ætli sér að afgreiða þetta mál í fjöl-
miðlum,” sagði Karl Steinar
Guönason við Alþýðublaðið í gær.
Ástæðan fyrir þessum ummæl-
um Karls Steinars var, að í gær birt-
Ummæli
Davíðs
út í hött
„Svona ummæli eins og Davið
lætur hafa eftir sér í Morgunblað-
inu, að minnihlutinn hafi aldrei
haft neitt til málanna að leggja eru
út í hött og dæma sig sjálf,” sagði
Sigurður E. Guðmundsson, borg-
arfulltrúi Alþýðuflokksins, þegar
við bárum þessi ummæli borgar-
stjórans undir hann.
Sigurður sagði að málefnaleg
staða Sjálfstæðisflokksins undir
stjórn Davíðs væri ekkert sérstak-
Framh. á bls. 2
Gróðurinn er að vakna til lífsins á Þingvöllum um þessar mundir. Eins og sjá má á myndinni, sem tekin var á
mánudagsk völdið í blíðskaparveðri á þessum forna þingstað þjóðarinnar, vantar aðeins herslumuninn á að brum-
hnapparnir springi út. Mynd Sáf.
Stjórnarandstaðan um húsnœðismálin:
Nokkur árangur náðst
Andstaða við söluskatts-
hækkun — stjórnin hœtti
við erlendar lántökur
Stjórnarandstöðuflokkarnir
munu greiða atkvæði gegn hækkun
söluskatts úr 24 í 25%. Þeir munu
styðja eignarskattsaukann og sér-
staka hækkun á áfengi og' tóbaki.
Þeir leggja áherslu á þátttöku í
störfum milliþinganefndar um hús-
næðismálin.
Þetta hafa stjórnarandstöðu-
flokkarnir áréttað eftir viðræður
við stjórnarflokkana um húsnæðis-
málin að undanförnu og kynnt var
á blaðamannafundi í gær. í greinar-
gerð frá stjórnarandstöðunni til
stjórnarflokkanna kemur meðal
annars fram, að miðað við aðgerð-
arleysi ríkisstjórnarinnar í þessum
málum og áform hennar um erlend-
ar iántökur hafi nú nokkur árangur
náðst, með því að tekist hefur að
knýja fram 1 milljarð króna til hús-
næðismála umfram það sem áður
var gert ráð fyrir.
„Stjórnarandstöðuflokkarnir
telja að miðað við aðgerðarleysi
ríkisstjórnarinnar i þessum málum
og áform hennar um erlendar lán-
tökur hafi nokkur árangur náðst.
Það má reyndar teljast verulegur
ávinningur að tekist hefur að knýja
fram 1 milljarð kr. til húsnæðis-
mála umfram það sem áður var gert
ráð fyrir.
Þeim megintekjuöflunarleiðum
sem stjórnarandstöðuflokkarnir
lögðu til var þó hafnað en þess í
stað valin tekjuöflunarleið sem
stjórnarandstaðan getur ekki sætt
sig við. Þrátt fyrir talsverðan árang-
ur er niðurstaðan því engu að síður
ófullnægjandi.
Er það ekki síst vegna þess að rík-
isstjórnin ætlar í litlu að bæta það
fjárhagstjón sem húsnæðiskaup-
endur hafa beðið vegna misgengis
vísitalna og ennfremur að ekki ligg-
ur fyrir að komið sé til móts við
þarfir húsnæðissamvinnufélaga.
Þetta eru veigamiklir þættir þess
Framh. á bls. 2
Fj ármálaráðherra
sviptur völdum
En, jú, jú, þeir eru enn góðir vinir!
„Jú, jú, við Albert erum alltaf
góðir vinir þó að okkur greini á
um einstaka hluti” sagði Þor-
steinn og brosti út í annað. Þetta
sagði meðal annars í texta við
mynd á baksíðu DV um helgina.
Myndin var af Alberti Guð-
mundssyni fjármálaráðherra og
Þorsteini Pálssyni formanni
Sjálfstæðisflokksins. Á myndinni
var Þorsteinn að reyna að útskýra
eitthvað fyrir Berta, en sá einbeitti
sér hins vegar meira að því að
koma vel fyrir á myndinni.
Já, já, þeir eru vinir, þrátt fyrir
allt. Þó Þorsteinn hafi sem
snöggvast skroppið inn á verksvið
Alberts og fengið þingflokkinn til
liðs við sig gegn ráðherranum. Al-
bert sakaði félaga sína um að
bregðast stefnu Sjálfstæðis-
flokksins og Þorsteinn sagði að ef
Albert myndi ekki gera það þá
myndi einhver annar gera það!
Sem dæmi um hversu vinir Al-
berts hafa einangrað hann eru
ummæli Alberts í mánudags DV:
„Ég hef ekki heyrt neitt enn í
þeim Steingrími og Þorsteini
þannig að ég veit ekki nákvæm-
lega út á hvað tillögur þeirra
ganga en eitt er víst að ég hef verið
og er á móti því að auka eigna-
skattinn . . . og ég er á móti því að
hækka söluskattinn”.
Þessi ummæli væru ofur eðlileg
af hálfu Alberts ef hann væri ekki
fjármálaráðherra. Hér er verið að
ræða um fjármál ríkisins, sem
hann á að hafa yfirumsjón með!
Með öðrum orðum: Það er búið
að svipta hann þeim völdum sem
hann var valinn til að fara með.
Er nokkuð um að villast? Fjár-
málaráðherra bregður sér til út-
landa og það nýtir þingflokkur
sjálfstæðismanna sér — Þor-
steinn sest í stólinn. Auðvitað er
þetta ekkert annað en gróf ögrun
við fimm stjörnu hershöfðingja
Hulduhersins ógurlega.
En hvað getur Albert gert? Með
allan þingflokkinn á móti sér og
ekki einu sinni Mogginn nennir
að rétta honum hjálparhönd, að-
eins DV, sem tyggur eftir Berta um
„siðlausa” skattlagningu. Þeir
ráðherrarnir hafa ekki einu sinni
fyrir því að ræða við Albert til að
útskýra fyrir honum tillögurnar
— sá fær tillögurnar úr minna
málgagninu!
Albert gæti náttúrlega hótað
því að segja af sér, enda súrt fyrir
fjármálaráðherra að vera þving-
aður til að greiða einn stjórnar-
liða atkvæði á Alþingi á móti
mikilvægri tekjuöflun ríkisins.
En ætli menn séu ekki hættir að
taka mark á því þegar hann hróp-
ar úlfur, úlfur.
Fyrir fáeinum mánuðum voru
uppi erjur á vinnumarkaðinum og
Albert tók sig til og samdi upp á
eigin spýtur um leiðréttingu til
handa verkamönnum hjá ríkinu.
Hvar sem ég sé misrétti beiti ég
mér fyrir því að leiðrétta það,
sagði hann hróðugur og það gust-
aði af honum í ræðustól Alþingis.
Nú vill hann helst ekkert gera
frammi fyrir því hrikalega mis-
rétti sem húsnæðiskaupendur síð-
ustu ára búa við — andstætt því
sem verðbólgukynslóðirnar
bjuggu við. Það er búið að gera
nóg, sagði hann eigi alls fyrir
löngu, mitt í neyðarástandinu.
Hann hrópar „eignaupptaka”
þegar vinir hans sýna lit og viður-
kenna nauðsyn þess að leggja á
(lúsarlegan) eignarskattsauka á
verðbólgukynslóðirnar, sem lið i
því að forða þúsundum undan
hamri uppboðsdraugsins.
Albert situr sem fastast í stóln-
um sínum í fjármálaráðuneytinu
og heldur fast. Enginn talar við
hann. En, jú, jú, þeir eru enn góð-
ir vinir. Ágætis félagar. Því þrátt
fyrir allt eru þeir sammála um
grundvallaratriði; að viðhalda
auðvaldsfyrirkomulaginu með
þeim b.eytingum einurn sem
koma forréttindastéttunum til
góða. Fjáröflunin nú til húsnæð-
ismálanna beinist enda fyrst og
fremst að neytendum — almennu
launafólki, með söluskattshækk-
un og hækkun á áfengi og tóbaki.
Eignarskattsaukinn er bara ná-
nasarleg viðleitni og léttir lítt á
pyngju Stigahlíðarþjóðarinnar.
*N***^\ |