Alþýðublaðið - 05.06.1985, Blaðsíða 2
2
Miðvikudagur 5. júní 1985
RITSTJÓRNARGREIN
Kjarasamningar
Samninganefnd ASÍ hefursest að samninga-
borði með aðilum VSÍ. Það eru góð tíðindi og
skynsamleg afstaða. Tilboð Vinnuveitenda-
sambandsins kom eins og þruma úr heiöskíru
lofti og oili talsverðu fjaðrafoki innan verka-
lýðshreyfingarinnar. Óvænt uppákoma svona í
sumarbyrjun, þegar samningar eru ekki lausir
fyrr en i haust. Tilboð VSÍ um kauphækkun nú
strax og nýjan kjarasamning bendir þó til þess,
að vinnuveitendur séu farnir að skammast sín
fyrir þau laun, sem launafólki er nú greitt og er
það örlítil vísbending um það að eitthvaö sé
farið að rofa til í kollum þessara manna.
r
Ymsir verkalýðsforingjar vissu ekkert í hvorn
fótinn þeir ættu að stíga og vildu sumir hafna
öllum viðræðum þar til í haust. Fyrirsjáanlegt
er þó, að kaupmáttur ráðstöfunartekna fer
hraðminnkandi nú í sumar. Það ber vott um
óumræðilegan hroka að neita viðræðum og
bendirþaðtii þess, aðýmsirverkalýðsforingjar
sem teljast til Alþýðubandalagsins hafi verið
tilbúnirtil þessað fórnaþeim kauphækkunum,
sem hugsanlega fengjust strax fyrir stundar-
hag flokksins síns. Það hefur stundum gerst
áður. Forseti ASÍ sagði í fréttaviðtali á mánu-
dagskvöid, eftir fyrsta fundinn, að kaupmáttar-
trygging yrði sett á oddinn. í raun ætti það að
vera óþarfi, því að vinnuveitendur hljóta að
reikna með því, að þeir geti greitt þau laun sem
þeir bjóða. Eða er leikurinn sá að hirða hækk-
unina strax aftur á nokkrum vikum og hafa síð-
an frið næsta árið. Tortryggnin er því ofur skilj-
anleg. Samninganefnd ASÍ ræddi þess vegna
ekki kauphækkunarkröfuna á fyrsta fundinum
með VSÍ mönnum heldur kauptryggingarkröfu.
Það ber þó að varast, að krafan um endurkomu
gamlavísitölukerfisinssjái dagsins Ijós. Þarer
á ferðinni eitt vitlausasta kerfi, sem íslending-
ar hafa upp tekið og er þó af nógu að taka. Sjálf-
virkar víxlhækkanir verðlags og launa tók öll
völd af stjórnvöldum og allar ríkisstjórnir síð-
asta áratuginn eyddu mestum tíma sínum og
orku í það að falsa vísitölur. Þannig var t.d. Raf-
magnsveitu og Hitaveitu Reykjavíkur haldið í
fjársvelti með tilheyrandi erlendum lántökum
og gífurlegum ójöfnuði á orkuverði gagnvart
dreifbýlinu. Hver ríkisstjórnin af annarri var
þannig orðin að nokkurs konar yfirverðlags-
stofnun.
Forystumenn ASÍ bjóða hins vegar núver-
andi rikisstjórn upp á það, að hún tryggi kaup-
máttinn svo að hann verði ekki minni en á 4.
ársfjórðungi 1983. Viil stjórnin tryggja það, að
gengisbreytingar verði innan ákveðinna
marka, verðlagi landbúnaðarvaraog opinberrar
þjónustu verði haldið í skefjum og raunvextir
verði ekki hærri en 3%? Nú getur ríkisstjórnin
boðið upp á skattalækkunarleið, sem hún hef-
ur stöðugt sakað B.S.R.B. um að hafa hafnað.
Það er að vísu svolítið snúið núna því að þessa
dagana er stjórnin að ganga f rá hækkun skattá
upp á 1 milljarð.
Svokölluö rauð strik eru því nauðsynleg í
næsta kjarasamningi, þó þannig að miðlungs-
og lægstu laun verði tryggð svo og eili- og ör-
orkulífeyrir. Það erekki nokkurástæðatil þess
að fara að verðtryggja bankastjóralaun. Það er
nóg fyrir þá að hafa bílastyrkinn verðtryggðan.
Tilboði VSÍ er í ýmsu ábótavant og rétt af for-
ystu ASÍ aöfaraað öllu með gát,en mjórermik-
ils vísir.
— BP.
Karl Steinar 1
máttarhrapið, sem er fyrirsjáanlegt
nú og er reyndar þegar orðið og á
eftir að verða verra. Eg hef sagt það
áður, að ábyrgð þeirra, sem ætla að
bíða til hausts með samninga, er
mikil. Allar líkur eru á því að eftir
því sem kaupmátturinn fellur meira
verði erfiðara að brúa bilið og ná
fram góðum samningum.”
Hver er munurinn á þessum hug-
myndum ykkar um rauð strik, sem
þið setjið nú fram og gömlu vísi-
tölubindingunni?
„Þetta eru í sjálfu sér engar nýjar
hugmyndir og hafa flestar verið
notaðar áður. Enn er ekki fyllilega
Ijóst hver munurinn verður en það
er enginn vilji fyrir hendi hjá verka-
lýðshreyfingunni að taka upp
gamla vísitölukerfið. VMSI hefur
sagt hreint út með það.”
Að lokum spurðum við Karl
Steinar hvað gerðist næst í þessum
máium. Sagði hann að í dag yrði
fundur með VSÍ og réðist fram-
haldið af því hvað út úr þeim fundi
kæmi.
-----------------------
Almennur lands-
fundur
Samtaka um jafnrétti milli
landshluta
verður haldinn í Skjólbrekku í Mývatnssveit 8. og
9. júní. Þar verður mótuð uppbygging og stefna
samtakanna. Til þingsins er boðið öllum félögum
samtakanna og öllum sem áhuga hafa á að kynna
sérstarfiðog gangaí samtökin. Upplýsingargefa:
Magnús Kristinsson, símar 96—23858 og
96—23996, Pétur Valdimarsson sími 92—26326
og Örn Björnsson í síma 95—1988.
Lögtök
Af kröfu gjaldheimtustjórans f.h. Gjaldheimtunn-
ar í Reykjavík og samkvæmt fógetaúrskurði, upp-
kveðnum 1. þ.m. verða lögtök látin fara fram fyrir
vangoldnum opinberum gjöldum sem féllu í
gjalddaga 1. febrúar, 1. mars, 1. apríl, 1. maí og 1.
júní1985.
Lögtök til tryggingar framangreindum gjöldum,
ásamt dráttarvöxtum og kostnaði, verða hafin að
8 dögum liðnum frá birtingu þessarar auglýsing-
ar, verði tilskyldar greiðslur ekki inntar af hendi
innan þess tíma.
Reykjavík 1. júnl 1985.
Borgarfógetaembættið í Reykjavík
Davíð 1
lega glæsileg. T.d. hefði núverandi
borgarstjórn ekki haldið betur á
málefnum aldraðra en svo að meira
en 1000 aldraðir eru á biðlista um
húsnæði hjá borginni um þessar
mundir. Og ekki hefur íhaldsmeiri-
hlutinn staðið sig betur gagnvart
ungum húsbyggjendum. Fyrir þá
hefur ekkert verið gert.
Hvað málefni Alþýðuflokksins
varðaði þá hefur hann flutt mörg
ágæt mál í borgarstjórn á þessu
kjörtímabili. T.d. flutti Alþýðu-
flokkurinn tillögu um að ákveðin
fjárhæð væri veitt til að auðvelda
öldruðum íbúðaskipti, en þeirri
tillögu var hafnað. Þá var Alþýðu-
flokkurinn með tillögu um að
verkamannabústaðir leituðu eftir
kaupum á eldri íbúðum í stað þess
að vera stöðugt að byggja nýtt og
hefur sú tillaga hlotið mjög góðan
hljómgrunn hjá ASÍ og fleiri aðil-
um. Hvað málefni BÚR varðar þá
hefur Alþýðuflokkurinn ætíð stað-
ið framarlega þar og má benda á
síðustu tillögur flokksins um að í
Sólin glóði á yfirborði Þingvallavatns nú á mánudagskvöldið. íbúar höfuðborgarsvœðisins eru öfundsverðir af
þeirri náttúrufegurð, sem er steinsnar utan við malbikið. Að skreppa þingvallahringinn að kvöldlagiþegar veður-
guðirnir leika við hvern sinn fingur, er álíka endurnœrandi og vikudvöl á hresingarhœli. —Mynd Sáf.
stað þess að selja togara útgerðar-
innar yrði þeim breytt í frystitogara.
Og ekki má gleyma tillögu Alþýðu-
flokksins um að Listahátíð verði
boðin út, en hún hefur um árabil
verið rekin með miklu tapi. Svona
mætti lengi telja upp, svo málefnin
hefur ekki vantað hjá Alþýðu-
flokknum.
Að lokum sagði Sigurður að
hann teldi það mjög óeðlilegt að
borgarstjórinn hefði frumkvæði að
svona athugun, eins og hann hefur
nú ákveðið að gera, með væntan-
legan samruna BÚR og ísbjarnar-
ins í huga. Sagði Sigurður að hon-
um bæri að bera svona ákvarðana-
tökur undir sína nánustu samstarfs-
menn, sem væru borgarráð. Sagðist
hann hafa flutt tillögu þess eðlis í
borgarstjórn, um að borgarstjóra
bæri að leita heimildar hjá borgar-
ráði áður en hann réðist í slíkar að-
gerðir.
Húsnœðismálin 1
bráða vanda sem við blasir og verð-
ur að Ieysa. Til þess eru stjórnar-
andstöðuflokkarnir reiðubúnir.”
í greinargerðinni er tíundað það
sem ríkisstjórnin ætlar sér að gera
og það sem ekki náðist samkomu-
lag um:
1. Ríkisstjórnin fellur frá þeim
hugmyndum að taka aukin er-
lend lán til húsnæðislánakerfis-
ins.
2. Ríkisstjórnin fellst á tillögur um
eignarskattsviðauka, en hafnar
hugmyndum um frekari skatt-
lagningu á eignir og fyrirtæki.
3. Ríkisstjórnin fellst á að skipa
miliiþinganefnd.
4. Ríkisstjórnin gefur fyrirheit um
sérstakan skattaafslátt til hús-
byggjenda og íbúðakaupenda á
næsta ári.
5. Ríkisstjórnin Iýsir því yfir að
tekjuöflunin til húsnæðiskerfis-
ins 1985 og 1986 komi til viðbót-
ar þeirri fjáröflun sem þegar er
um að ræða til húsnæðislána-
kerfisins.
6. Þá liggur fyrir að lífeyrissjóðirn-
ir munu taka upp greiðslujöfnun
til samræmis við húsnæðislánin.
Milli stjórnar og stjórnarand-
stöðu tókst hins vegar ekki heildar-
samkomulag í húsnæðismálum.
Ástæðurnar eru þessar:
1. Stjórnarflokkarnir kusu að gera
söluskattshækkun að megin-
uppistöðu í tekjuöflun til hús-
næðismála. Stjórnarandstöðu-
flokkarnir eru því andvígir og
munu greiða atkvæði gegn sölu-
skattshækkuninni.
2. Stjórnarflokkarnir höfnuðu til-
lögum um vaxtalækkun og að
greiðslumark húsnæðislána tæki
einungis mið af kaupgjaldsvísi-
tölu.
3. Stjórnarflokkarnir voru ekki til-
búnir til þess að tryggja fram-
gang frumvarps um húsnæðis-
samvinnufélög en þar virtist
standa á ágreiningi milli stjórn-
arflokkanna. Munu stjórnarand-
stöðuflokkarnir því leggja frum-
varpið fram á Alþingi næstu
daga.
4. Stjórnarflokkarnir voru ekki tii-
búnir til að tryggja endurgreiðslu
vegna misgengis vísitalna í formi
skattaafsláttar þegar á þessu ári.
5. Stjórnarflokkarnir höfnuðu því
að taka hagnað Seðlabankans í
byggingarsjóðina.
Með þessari afstöðu komu
stjórnarflokkarnir í veg fyrir að
heildarsamkomulag tækist í hús-
næðismálum.
A-þýskir þing-
menn á fslandi
Hér á landi dvelst nú í boði Al-
þingis sendinefnd frá þjóðþingi
þýska Alþýðulýðveldisins. Kom
hún 3. júní og dvelur hér til 7. þessa
mánaðar.
Gerald Götting, formaður sendi-
nefndarinnar er varaforseti þjóð-
þings þýska Alþýðulýðveldisins og
jafnframt varaforseti Ríkisráðsins.
í fylgd með honum er eiginkona
hans Sabine Götting.
Próf. dr. Werner Kalweit þing-
maður og varaforseti vísindaaka-
demíu þýska Alþýðulýðveldisins.
Erwin Binder þingmaður.
Dr. Heinz Fahrenkrog þingmað-
ur og forseti Sambands samvinnu-
félaga í þýska Alþýðulýðveldinu.
Anton Fischbach frá skrifstofu
þjóðþingsins. Hann er ritari sendi-
nefndarinnar.