Alþýðublaðið - 17.07.1985, Blaðsíða 1

alþýðu-
K nK
MhT«n>«
Miðvikudagur 17. júlí 1985 133. tbl. 66. árg.
A þriðju
millj. kr.
hafa safnast hjá
Rauða krossinum og
Hjálparstofnun kirkj-
unnar frá því um helgi
Lauslega áætlað má gera ráð fyr-
ir því að á þriðju milljón króna hafi
í gær verið komnar inn í söfnunum
Hjálparstofnunar kirkjunnar og
Kauða kross íslands í neyðarhjálp-
ina í Afríku frá því á laugardag.
Enn streyma framlög inn þótt þorri
peninganna hafi borist á meðan á
hljómleikunum gegn hungri stóð
og strax í kjölfar þeirra.
Að sögn Jóns Ásgeirssonar hjá
RKÍ er alltaf eitthvað að berast af
framlögum og ljóst að talsvert af
gíróseðlum eiga eftir að skila sér.
Enginn vafi væri á því að sjónvarps-
þátturinn hafi haft geysileg áhrif á
fólk og helst hefði hann viljað að
hægt hefði verið að taka á móti
framlögum í sjónvarpinu sjálfu.
„En við hér höldum ótrauð áfram“,
sagði Jón. RKÍ hyggst verja stærst-
um hluta peninganna í hjálparstarf-
ið í Eþíópíu og Súdan. Um helgina
söfnuðust um 750 þúsund krónur í
söfnun RKÍ.
Framh. á bls. 2
Þorsteinn Pálsson er að talafyrir munn nokkurra iðnaðarbœnda á Suðurlandi, sem reka tœknivædd kjúklingabú
segir i leiðara Nútímans frá i gœr og er sú fullyrðing liður í stormasömum deilum stjórnarmálgagnanna sem
frá er sagt hér á síðunni. Reykvíkingar eiga þess sjaldnast kost að berja tœknivœdd kjúklingabú augum, en þess
oftar geta þeir átt stefnumót við endurnar á tjörninni. Endurnar hafa um annað að snúast en kjúklingabú, en
hins vegar gœtu þœr íframtíðinni orðið að horfa upp á framk vœmdir miklar þar sem er að sjá bílastœðið á mynd-
inni, því borgarstjórinn hefur viðrað áhuga sinn á því að þar rísi einn daginn stjórnarráð Reykjavíkurborgar.
Vœntanlega kemur það til með að skyggja á góðtemplaraliúsið og á skrifstofuhús þingmanna því við hlið.
Verkamannasambandið fundar:
Vægi bónusins minnki
Viðrœðurnar sem
kveðið er á um í kjara-
samningnum eiga að
hefjast 1. september
Samninganefnd Verkamanna-
sambands Islands kemur saman í
dag í kjölfar starfa undirnefndar í
gær. Undirnefndin hafði það hlut-
verk að leggja fram skýrari linur
hvað kröfugerðina varðar, en meg-
inlínurnar eru þær i viðræðunum
við vinnuveitendur að vægi bónus-
ins í heildarlaunum fiskverkunar-
fólks verði lægra en vægi fasta-
launanna hærra.
Undirnefndin var að störfum í
allan gærdag en mun í dag leggja
tillögur sínar fyrir aðalsamninga-
nefndina. Hefjast síðan viðræður
við vinnuveitendur i kjölfarið. Bón-
ussamningar hafa aldrei verið sam-
stíga aðalkjarasamningum og eru
þessar viðræður ekki liður í því
samkomulagi sem náðist milli
VMSÍ og vinnuveitenda um sér-
stakar viðræður um málefni fisk-
verkunarfólks á samningstímabil-
inu
í kjarasamningum VMSÍ og VSÍ
var samþykkt að taka málefni fisk-
verkunarfólks fyrir og þá einkum
að sérstök nefnd aðilanna semdi til-
lögur um aukið atvinnuöryggi fisk-
verkunarfólks með jafnari vinnslu
afla, um verkþjálfun og fræðslu og
gildi þess til launa, ákvæði unt sér-
þjálfað fiskvinnslufólk og fleira.
Urn þessar mundir er verið að safna
gögnum fyrir þessar viðræður, en
gert er ráð fyrir því að viðræður að-
ilanna geti hafist 1. september.
Mogginn, NT, Halldór
og smáatriðin
Enn sér ekki fyrir endann á
hinni broslegu borgarastyrjöld
leiðarahöfunda stjórnarmálgagn-
anna um smáatriðin hans Hall-
dórs sjávarútvegsráðherra. Styrj-
öld þessi hefur staðið yfir allan
júlímánuð, en þrátt fyrir mikið
mannfall gengur hvorki né rekur
og það eina sem út úr þessu hefur
komið er að leiðarahöfundar
Moggans og NT hafa opinberað
löngun sína til að hverfa til barn-
dómsins á ný. Þetta hefur þeim
reyndar tekist.
Það var 2. júlí að leiðarahöf-
undur Moggans reið á vaðið og
ítrekaði áðurkomið viðhorf sitt
um að Halldór Ásgrímsson ráð-
herra hafi „ekki haldið þannig á
sínum málaflokki í ríkisstjórninni
að störf hans séu ekki verð gagn-
rýni. Hvað sem því veldur þá sýn-
ist ráðherrann festa sig meira í
smáatriði við framkvæmd stefnu
en stefnumótun sem skapar þess-
ari mikilvægu atvinnugrein hag-
kvæm starfsskilyrði“. Þetta við-
horf sitt kryddaði Moggahöfund-
ur með tilvitnunum í Varðarræðu
formanns Sjálfstæðisflokksins.
Það er auðvitað alvarlegt mál
þegar varaformaður Framsóknar-
flokksins og sjávarútvegsráðherra
er sakaður um að stunda smáat-
riði í stað stefnumörkunar og von
að málgagn hans sjái ástæðu til
svara. 3. júlí fer leiðarahöfundur
NT af stað og er mikið niðri fyrir.
„Slíkar fullyrðingar af hálfu
Morgunblaðsins eru virðingar-
leysi við sjávarútveginn og lýsa
vanþekkingu blaðsins á málefn-
um atvinnugreinarinnar". NT
krefst nánari útlistinga á smáat-
riðunum og skýtur síðan föstum
skotum að ráðherrum Sjálfstæð-
isflokksins, einkum þeim Albert
og Sverri.
Sama dag skrifar Moggahöf-
undur síðan fremur jákvæðan
leiðara um Kanadaferð Halldórs
og virðist hafa ætlað að láta þetta
duga, því ekkert er minnst á smá-
atriðin í næstu leiðurum. Þetta er
leiðarahöfundur Nt að vonum
óhress með, hyggur sig hafa unnið
stríðið og stráir salti í sár Mogg-
ans með því að ítreka sök sjálf-
stæðismanna á erlendu skulda-
söfnuninni. 9. júlí er svo aftur
auglýst eftir smáatriðunum:
„Hvaða smáatriði eru það sem
Morgunblaðið telur að tefji Hall-
dór Ásgrímsson“.
Þetta dugði til þess að Mogginn
vaknaði á ný. Krafa NT um skýr-
ingar voru 10. júlí afgreiddar sem
„glöggur vottur um smámuna-
semi Framsóknar“ en útskýrir
ekki smáatriðatalið öðruvísi en að
vísa til greinargerðar tveggja öfl-
ugra útgerðarmanna á Vestfjörð-
um máli sínu til stuðnings og segir
LÍÚ — ekki Halldór — hafa mót-
að fiskveiðistefnuna! Með öðrum
orðum að Halldór sé ekki sjávar-
útvegsráðherra, heldur Kristján
Ragnarsson og félagar.
11. júlí svarar NT þessu í heilum
leiðara og nú er orðið ansi heitt í
kolunum. Mogginn er enn ásak-
aður um þekkingarleysi og útúr-
snúninga og ítrekað er auglýst eft-
ir nánari útlistingum á smáatriða-
talinu. Og nú hefur NT fundið til-
ganginn hjá Mogganum: „Þarna
koma þröng flokkspólitísk sjón-
armið Morgunblaðsins út úr
skápnum, þar sem þau leynast
innan um aðrar beinagrindur. Nú
á að reyna að troða Halldóri um
tær, því Morgunblaðið getur ekki
litið á málið í heild sinni, heldur
telur það velgengni Halldórs Ás-
grímssonar vera sama og vel-
gengni Framsóknarflokksins og
við því vill það sporna“.
Þessu svarar svo leiðarahöf-
undur Moggans strax 12. júlí og
nú hefur hann komist að því hver
skrifar NT-leiðarana; nefnilega
Þórarinn Þórarinsson (og NT
nefnt Timinn). Þar er enn gert lit-
ið út hlutverki Halldórs og því
neitað að Mogginn vilji svipta
hann gloríunni. „Ekkert er fjær
sanni“, segir þar og klikkt út með
dularfullri setningu: „En lesend-
um skal bent á, að oft veltir lítil
þúfa stóru hlassi“. Hér virðist vera
átt við að „lítil þúfa“ á borð við
Moggann geti velt „þungu hlassi“
sem er sjávarútvegsráðherra!
Nema átt sé við að „litla þúfan“,
sjávarútvegsráðherra, geti velt
„þungu hlassi" sem er sjávarút-
vegurinn!
í gær hélt síðan leiðarahöfund-
ur NT sandkassaleiknum áfram
og minnti Moggann á að Þórarinn
Þórarinsson væri hættur á blað-
inu og að það héti NT en ekki
Tíminn! Síðan: „Morgunblaðið
hefur enn ekki svarað því, hvaða
smáatriði það eru, sem það telur
að tefji fyrir Halldóri Ásgríms-
syni sjávarútvegsráðherra við
framkvæmd fiskveiðistefnu. NT
hlýtur að líta svo á, að Morgun-
blaðið geti það ekki“.
Augljóst er að leiðarahöfundar
stjórnarmálgagnanna geta auð-
veldlega haldið svona áfram til
eilífðarnóns. Og auðvitað vonum
við öll að þeir haldi áfram að
framleiða órækar sannanir fyrir
einstakri snilld sinni í röksemda-
færslu og máefnaauðgi. Og nú
virðist borgarastyrjöldin ætla að
færast út á nýjar brautir, því Þor-
steinn Pálsson hefur skammað
Jón Helgason fyrir hækkun
kjarnfóðurgjaldsins. í gær hund-
skammar leiðarahöfundur NT
formann Sjálfstæðisflokksins
fyrir að vera málsvari tækni-
væddra iðnaðarbænda á Suður-
landi en ekki hins almenna
bónda. Vitaskuld mun leiðara-
höfundur Moggans svara þessu
og svo geta stjórnarmálgögnin
tekið hvern ráðherra fyrir sig í svo
sem hálfan mánuð í senn og byrj-
að svo aftur þegar hringurinn er
búinn!
t t