Alþýðublaðið - 22.05.1987, Blaðsíða 3

Föstudagur 22. maf 1987
3
Norskur
harmonikku
snillingur
Norskir harmonikkuleikarar eru
nú staddir á fslandi og munu ferð-
ast um landið og þenja nikkurnar
víða. Leiðtogi dragspilleikaranna
heitir Sigmund Dehli en hljómsveit-
in er samansett af 4 harmonikkum,
bassa, gítar, rafmagnsharmonikku
og trommum.
Sigmund Dehli hefur tvívegis
verið krýndur sem Noregsmeistari í
harmonikkuleik og tvívegis unnið
til Norðurlandaverðlauna fyrir leik
sinn á harmonikku. Hann hefur
heimsótt öll Norðurlöndin og hald-
ið þar tónleika en þetta er i fyrsta
skipti sem hann kemur með hljóm-
sveit til íslands og slær upp dans-
leikjum auk þess að halda tónleika.
A dagskránni verða aðallega norsk-
ir gamlir dansar en einnig munu
aðrir söngvar og lög hljóma. Það er
Félag harmonikkuunnenda sem
hefur staðið fyrir ferð Sigmunds og
félaga til íslands. Sigmund Dehli
var staddur hér á landi í apríl sl. og
lék þá í Ríkisútvarpið. í þeirri ferð
var einnig gerð sjónvarpsmynd um
íslandsferðina.
Dehli og félagar halda sex tón-
leika á leið sinni um landið, þar af
tónleika og dans á Akureyri í kvöld
þ. 22/5 og 30. maí í Reykjavík, þar
sem þeir munu halda hljómleika í
Broadway og efna til dans á eftir.
Röntgenminnisvarði, 1960.
Abstraktlist Asmundar
Sveinssonar
Laugardaginn 23. maí kl. 14.00
verður opnuð í Asmundarsafni sýn-
ingin ABSTRAKTLIST AS-
MUNDAR SVEINSSONAR. Þar
verða sýndar 26 abstrakt högg-
myndir og 10 vatnslitamyndir og
teikningar. Sýningin verður opin
daglega í sumar frá kl. 10—16.
Þótt Ásmundur Sveinsson sé
þekktastur fyrir höggmyndir sínar
af fólki — Veðurspámaður, Vatns-
beri, Járnsmiður, — þá vann hann
lengst af sínum myndferli að óhlut-
lægri myndgerð. En abstraktlist Ás-
mundar varð ekki til í einu vetfangi
heldur óx hún fram og losaði sig
smám saman undan augljósari vís-
un í hlutveruleikann. En þó lista-
maðurinn hafi horfið frá þekkjan-
legum hlutum/formum, þá urðu
verk hans sjaldnast hrein abstrak-
tion, — hugleiðing um massa, línu
og rými. Því þegar betur er að gáð
kemur í ljós að abstraktmyndir Ás-
mundar hafa oftast til að bera skýra
merkingu. Þæreru hlaðnar táknum
og goðsögnum, sem fleyta þeim inn
í fullkomlega táknræna og allegor-
íska veröld. En lyklana að merk-
ingu þessara verka er í flestum til-
fellum að finna í sögunni, bók-
menntum og náttúrunni. Slík
abstraktion er í raun abstraktion af
einhverju.
Með nokkurri einföldun getum
við dregið abstraktlist Ásmundar
saman í einar þrjár gerðir. í fyrsta
lagi er um að ræða hugtök sem
listamaðurinn myndgerir líkt og
Rafmagn, Framtíðin og Tíminn. í
öðru lagi eru það sögur sem tákn-
aðar eru með formum sem hafa til
að bera fjarlæga vísun í viðkom-
andi hlutveruleika líkt og Tristan og
ísold, Trúarbrögðin, Lokaráð og
Fönix. Og í þriðja lagi verk sem
ekki hafa neina ytri vísun og lifa al-
farið sjálfstæðu lífi. Sjá Galdra-
hjallur, Lífsgeisli í minningu
óþekkta höfundarins.
Þegar á heildina er litið er ljóst að
abstraktlistin var eðlilegt framhald
í list Ásmundar. Hér var ekki um að
ræða neina tímabundna tísku held-
ur 30 ára feril þar sem listamaður-
inn vann út frá eigin forsendum og
sannfæringu. Abstraktlistin er
vissulega veigamesti þátturinn í list
Ásmundar.
Sigmund Dehli leikur fyrir Ingólf Arnarson.
Ráðstefna um Nicaragua
Stuðningur íslands við Nicaraqua
er nafnið á ráðstefnu, sem um 20
samtök efna til n.k. laugardag, 23.
maí í Sóknarsalnum, í nýja Sóknar-
húsinu, Skipholti 50A. Til að fá
nánari upplýsingar um ráðstefnuna
eða til að tilkynna þátttöku má
hringja í síma 17966 kl. 17—19 dag-
lega.
Á ráðstefnunni er ætlunin að
veita upplýsingar og fræðslu um
ástand mála í Nicaragua, og um það
uppbyggingarstarf sem þar á sér
stað við erfiðar aðstæður. Mikil-
vægasta verkefni ráðstefnunnar er
að ræða og móta hugmyndir um
stuðning íslands við þjóð
Nicaragua.
Nicaragua nýtur mikils trausts
um allan heim, samtaka og ríkja
sem spanna vítt pólitískt svið.
Stuðningur þessara aðila er ómet-
anlegur fyrir landið. Frá Norður-
löndunum, öðrum en íslandi, hefur
komið gífurlega mikil hjálp, frá ein-
staklingum, fjöldasamtökum og
frá opinberum aðilum. Frá íslandi
hefur sáralítill stuðningur komið,
og er það von þeirra, sem að þessari
ráðstefnu standa að á því verði nú
mikil breyting.
Að undirbúningi ráðsfefnunnar
standa: Verkalýðssamtök: Alþýðu-
samband íslands, Kennarasam-
band íslands.
Stjórnmálaflokkar og samtök: Al-
þýðubandalag, Alþýðuflokkur,
Kvennalistinn, Samband ungra
framsóknarmanna, Baráttusamtök
sósíalista, Vinstri sósíalistar, Æsku-
lýðsfylkingin.
Námsmannasamtök: Samband ís-
lenskra námsmanna erlendis,
Bandalag íslenskra sérskólanema,
Félag framhaldsskólanema, Félag
vinstri manna v. H. í.
Og ýmis fleiri samtök: Mið-
Ameríkunefndin, Alþjóðleg ung-
mennaskipti, Vináttufélag íslands
og Kúbu, Menningar og friðar-
samtök íslenskra kvenna, íslenska
friðarnefndin, Samtök herstöðva-
andstæðinga.
Fleiri flokkum og fjöldasamtök-
um var boðin full aðild að undir-
búningi ráðstefnunnar og á eftir að
taka ákvörðun um þátttöku í
nokkrum þeirra. Eru líkur til að
þeim aðilum fjölgi enn næstu daga
sem að þessari ráðstefnu standa.
Dagskrá ráðstefnunnar, laugard.
23. maí. (með fyrirvara um minni
háttar breytingar). Kl. 10 og til há-
degis: Setning ráðstefnunnar: Guð-
ríður Eliasdóttir, 2. varaf. ASÍ.
Samfelld fræðsludagskrá í um-
sjón Einars Ólafssonar og Torfa
Hjartarsonar. Milli þátta í fræðslu-
dagskránni verður fyrirspurnum
svarað.
Kl. 13—16.30 Sýnd kvikmyndin
Hotet (Ógnunin) efter Peter Tor-
björnsen. Björn Lindh frá Svíþjóð
segir frá fjölbreytilegu stuðnings-
starfi í Svíþjóð og annars staðar á
Norðurlöndunum við Nicaragua.
Fyrirspurnir og almennar um-
ræður.
Kaffi og umræðuhópar.
Kl. 16.30—18. Pallborðsumræða
með þátttöku forystumanna stórra
verkalýðs- og námsmannasam-
banda, Mið-Ameríkunefndarinnar
sem og fulltrúum þeirra stjórn-
málaflokka, sem fulltrúa eiga á Al-
þingi. í þessari umræðu verður
reynt að kryfja til mergjar hug-
myndir um stuðningsaðgerðir og
hvernig megi hrinda þeim í fram-
kvæmd.
Laus staða
Staöa safnvarðar í Þjóðminjasafni íslands, þjóð-
háttadeild, er laus til umsóknar.
Laun samkvæmt launakerfi starfsmanna ríkisins.
Umsóknir ásamt upplýsingum um menntun og
starfsferil skulu hafa borist Menntamálaráðu-
neytinu, Hverfisgötu 6,150 Reykjavík, fyrir 15. júní
næstkomandi.
Menntamálaráðuneytið, 20. maí 1987
pSS Akraneskaupstaður,
j^pj Tæknideild
Auglýsing um breytingu
á aðalskipulagi fyrir
Akranes
Skv. ákvörðun skipulagsstjórnar með vísan til
17. og 18. gr. skipulagslaga nr. 19/1964 er lýst
eftir athugasemdum við breytingu á aðalskipu-
lagi Akraness. Breytingin tekur til breytingar á
umferðarkerfinu neðan Akursbrautar, þ.e. legu
Faxabrautar á ofangreindu svæði.
Teikningar liggja frammi á Tæknideild Akranes-
kaupstaðar Kirkjubraut 28, 2. hæð, frá og með
25. maí til 20. júlí 1987. Athugasemdir, ef ein-
hverjar eru, skulu vera skriflegar og berast bæj-
artæknifræðingi Akraneskaupstaðar fyrir 27.
júlí n.k.
Þeir sem ekki gera athugasemdir við tillöguna
innan tiltekins frests teljast samþykkja hana.
Bæjartæknifræðingur
Akraneskaupstaður,
Tæknideild
Auglýsing um deiliskipu-
lag á Akranesi,
hafnarsvæði
Skv. ákvörðun skipulagsstjórnar með vísan til
17. og 18. gr. skipulagslaga nr. 19/1964 er lýst
eftir athugasemdum við tillögu að deiliskipu-
lagi hafnarsvæðis (neðan Akursbrautar). Einnig
er hér um að ræða breytingu á gildandi aðal-
skipulagi.
Teikningar ásamt greinargerð og skilmálum
liggjaframmi áTæknideild Akraneskaupstaðar
Kirkjubraut 28, 2. hæð, frá og með 25. maí til
20. júli 1987.
Athugasemdir, ef einhverjar eru, skulu vera
skriflegar og berast bæjartæknifræðingi Akra-
neskaupstaðar fyrir 27. júli n.k.
Þeir sem ekki gera athugasemdir við tillöguna
innan tiltekins frests teljast samþykkja hana.
Bæjartæknifræðingur