Alþýðublaðið - 13.08.1987, Page 2
2
MÞMMÐIB
Sími: 681866
Útgefandi: Blað hf.
Ritstjóri: Ingólfur Margeirsson.
Ritstjórnarfulltrúi: Jón Danlelsson.
Blaðamenn: Ása Björnsdóttir, Ellnborg Kristín Kristjánsdóttir
Kristján Þorvaldsson og Orn Bjarnason.
Framkvæmdastjóri: Valdimar Jóhannesson.
Skrifstofa: Halldóra Jónsdóttir, Eva Guömundsdóttir og
Þórdls Þórisdóttir.
Auglýsingar: Guðlaugur Tryggvi Karlsson
og Ólöf Heiöur Þorsteinsdóttir
Setning og umbrot: Filmur og prent, Ármúla 38.
Prentun: Blaðaprent hf., Siðumúla 12.
Áskriftarsíminn er 681866.
Blikur á lofti
Alþýðublaðið birti í gær forsíðufrétt þess efnis að
þensla væri mikil í efnahagslífinu. Þórarinn V. Þórar-
insson, framkvæmdastjóri Vinnuveitendasambands
íslands sagði í þvi sambandi að launaskrið væri í öll-
um greinum atvinnulífsins, vinnuafl á uppboði, rekstr-
arkostnaður fyrirtækja væri að aukast og kostnaðn-
um velt út í verðlagið. „Það er ekki hjá því komist að
við siglum inn í erfiðleika á næsta ári,“ sagði fram-
kvæmdastjóri Vinnuveitendasambandsins. í svipað-
an streng tók Björn Björnsson hagfræðingur hjá Al-
þýðusambandi íslands. Hann sagði í samtali við Al-
þýðublaðið í gær, að verðskyn almennings færi hnign-
andi og aðgæsla væri ekki sú sama og eftir kjara-
samningana í febrúar. Björn sagðist ekki sjá merki
þess að drægi úr þenslunni á næstunni, né auðvelt að
segja hvernig ætti að sporna gegn henni. Það alvar-
legasta taldi Björn vera hallann á ríkissjóði.
Það eru alvarleg tíðindi að helstu fulltrúar aðila
vinnumarkaðarins eru sammála um að blikur séu á
lofti í efnahagsmálum og að þjóðin stefni hraðbyri i
mikla erfiðleika. Þenslan að undanförnu hefur ekki
síst lýst sér í hækkun vaxta. Það er Ijóst að stemma
þarf stigu við kostnaðarþróun innanlands, haldavöxt-
um í skefjum, og tryggja kaupmætti stöðugleika. Þór-
arinn V. Þórarinsson og Björn Björnsson eru sammála
um að framhaldið ráðist af aðgerðum stjórnvalda og
gerð fjárlaga fyrir næsta ár. Framundan eru viðræður
vegna kjarasamninga. Þær viðræður munu taka mjög
mið af stefnu stjórnvalda í ríkisfjármálum. Það er því
mikilvægt að stjórnmálamenn og rikisvaldið haldi vel
um heildarþróun efnahagsmála.
Okkar á milli
Samstarfshópur um vímuefnamál í samvinnu við
Áfengisvarnaráð, íþróttasamband Islands, Ung-
mennafélag íslands og Foreldrasamtökin Vímulaus
æska hefur gefið út fræðsluritið Okkar á milli. Ritið er
gefið út í 75 þúsund eintökum og dreift ókeypis inn á
öll heimili landsins. Fræðsluritið er mjög vandað og
ítarlegt og fjallar um neyslu vimuefna, efnin sjálf og
áhrif þeirra. Mikil áhersla er lögð á ábyrgð einstakl-
ingsins í þessum efnum. Því berað fagna, að jafn stór
hópur taki að sér fræðslustarf með myndarlegum
hætti um hættur af neyslu fíkniefna, löglegra sem
ólöglegra. Vandinn sem hlýst af neyslu fíkniefna er
ekki lengur einangraður í umfjöllun um þau fórnar-
lömb sem verst eru sett, heldur hefur, með meiri upp-
lýsingu og fjölþættara starfi á sviði forvarna og með-
ferðar, kastljósinu verið beint víðar um þjóðfélagið.
Þannig hefur uppeldi og hlutverk foreldranna verið
dregið æ meirainn í umræðuna um fíkniefnavandann.
Sýnt er að áhugi foreldra á velferð barna sinna skiptir
miklu og getur forðað mörgu barninu og unglingnum
frá því að lenda i klóm fíkniefnanna. Stuðningur for-
eldra, ráðgjöf og skilningur styrkir sjálfsmynd barns-
ins og eykur sjálfstæði þess. Opin og heiðarleg sam-
skipti milli barna og foreldra eru mikilvæg. Þetta eru
einmitt atriði sem Foreldrasamtökin Vímulaus æska
voru stofnuð um og hafa ætíð lagt mikla áherslu á.
Forvarnirnar eru mikilvægastar og þær byrja heima.
Alþýðublaðið hvetur alla lesendur sína til að lesa
fræðsluritið Okkar á milli og kynna sér efni þess vel.
Það gæti verið lestur upp á líf og dauða.
Þráinn Bertelsson, bráðum fyrrum ritstjóri: Skildi ekkert I innanflokksátökum Alþýðubandalagsins fyrr en ég
sneri nafngiftunum „lýðræðisfylking" og „flokkseigendafélag" við.
„Menn eiga að
vera hreyfanlegir,“
segir Þráinn Berteisson, sem sagt hefur starfi sínu lausu
sem ritstjóri Þjóðviljans og hefur sömu skoðun og Svavar
Gestsson, formaður Alþýðubandalagsins, að þeir sem
merktir eru af innanflokksátökum eigi aö stíga til hliðar.
Þráinn Bertelsson, kvikmynda-
gerðarmaður og ritstjóri hefur sagt
starfi sínu lausu sem ritstjóri Þjóð-
viljans frá og með haustinu. í frétt
sem birtist í gær á forsíðu málgagns
sósíalisma, þjóðfrelsis og verka-
lýðshreyfingar, segir að Þráinn
muni snúa sér aftur að kvikmynd-
um og að uppstokkunar, endurnýj-
unar og víðtækrar samstöðu í
hreyfingunni sé að vænta. Alþýðu-
blaðið sló á þráðinn til Þráins og
spurði hann hvort fréttin væri rétt.
„Já, það verður ekki hægt að
dæma ritstjórana fyrir ranga frétt á
forsíðu Þjóðviljans í gær.“
— Og hvaða ástœður liggja að
haki ákvörðun þinni?
„í fyrsta lagi eru þær persónuleg-
ar. Ég hef verið tvö ár frá kvik-
myndagerð sem er langur tími í lífi
kvikmyndagerðarmanns. Nú von-
ast ég eftir að fá hressilegan stuðn-
ing úr Kvikmyndasjóði svo ég geti
ráðist í mikið og stórt verkefni sem
ég er með á prjónunum. í öðru lagi
er ljóst að margir velta því fyrir sér
hvort uppsögn mín hafi pólitíska
þýðingu. Ég vil meina að Alþýðu-
bandalagið þurfi á því að halda, að
fulltrúar þess og starfsmenn séu
hreyfanlegir og opnir fyrir breyting-
um, hreyfingunni allri til góðs. Og
þetta á nú reyndar við öll störf i
þjóðfélaginu í heild.“
— Ertu að beina óijósum skeyt-
um að Svavarí Gestssyni formanni;
að hann eigi að standa upp úr for-
mannsstólnum?
„Svavar hefur sjálfur sagt að þeir
sem eru merktir af innanflokks-
átökum, eigi að stíga til hliðar. Það
er hárrétt hjá honum. Ég get ekki
svarað þessari spurningu betur.“
— Hvernig leið þér á Þjóðviljan-
um?
„Mjög vel. Ef þú ert að svipast
um eftir nýrri vinnu, mæli ég með
þessari. Eini skugginn hefur verið
þessi kreppa í Alþýðubandalaginu.
Ég vona að menn sjái nú fyrir end-
ann á henni og að Alþýðubandalag-
ið verði forystuflokkur vinstri
manna“
— Þær fréttir hafa borist að
Þjóðviljinn eigi í miklum fjárhags-
erfiðleikum og að samdráttur í út-
gáfunni sé vœntan/egur.
„Um samdrátt verður ekki að
ræða enn sem komið er. Hins vegar
hafa þetta verið erfiðir tímar. Aug-
Iýsingar hafa dregist saman. Það
þarf að endurskoða rekstur blaðs-
ins og stendur til að mæta erfiðleik-
unum með einhverju átaki. Ef út-
gáfa Þjóðviljans hefur áður verið
þörf þá er hún nú nauðsyn."
— Er meiri uppstokkunar að
vœnta á ritstjórn Þjóðviljans? DV
hefur t.a.m. birt miklar fyrirsagnir
um að til standi að reka meðrit-
stjóra þinn, Össur Skarphéðinsson?
„Nú verður þú að spyrja Sigur-
dór blaðamann á DV og fyrrum
blaðamann Þjóðviljans. Ég hef
aldrei heyrt neitt slíkt. Össur situr
hér sem fastast og ekkert bendir til
þess að hann sé að láta af störfum.
Hins vegar er ég mjög móðgaður út
í Sigurdór að hann birti fimm dálka
fyrirsagnir um að Össur sé að hætta
á Þjóðviljanum, trekk í trekk, en
þegar loksins kemur yfirlýsing frá
mér, að ég sé að hætta sem ritstjóri,
fæ ég aðeins tvídálka frétt í DV og
það inni í blaðinu“
— Hver verður ráðinn ritstjóri í
þinn stað?
„Biddu fyrir þér — ég hef ekki
grænan grun um það. Eða hvort
þriðji ritstjórinn verði ráðinn yfir-
leitt. “
— Þú varst ráðinn á sínum tíma
afflokknum til að lægja öldurnar á
Þjóðviljanum. Fer ekki allt í háa-
loft þegar þú hœttir?
„Eg get ekki ímyndað mér það.
Það fylgir mér hlýr og góður andi
og vonandi Iiggur hann eftir í loft-
inu þegar ég er farinn. “
— Þurftir þú að lœgja öldurnar
milli /ýðrœðiskyns/óðarinnar svo-
nefndu og flokkseigendafélagsins?
„Nei, alls ekki. Þetta var eigin-
Iega allt um garð gengið þegar ég
kom inn á ritstjórnina. Það eina
sem ég hef lagt áherslu á sem rit-
stjóri, er að blaðið standi öllum
opið og að alþýðubandalagsfólk
njóti þar fullrar sanngirni.“
— Hvað með tengsl flokks og
blaðs?
„Ég held að þau tengsl séu fyrst
og fremst mótuð af mönnum hvers
tíma, frekar en einhverri óhaggan-
legri formúlu. Þessi tengsl eru eins
og systkinatengsl; sambandið fer
eftir því hvort andinn er góður eða
slæmur milli þeirra, hvort sam-
göngurnar eru miklar eða litlar.
Það er undir fólkinu sjálfu komið. “
— Geturðu gefið skilgreiningu á
flokkadráttum í Alþýðubandalag-
inu?
„Ég hef nú eiginlega aldrei botn-
að neitt í því um hvað deilurnar snú-
ast. Ég fékk engan botn í þetta fyrr
en ég snefi þessu öllu við og skildi
að deilurnar snerust um menn en
ekki málefni. Og endanlegan skiln-
ing á innanflokksátökunum fékk ég
þegar ég sneri nafngiftunum við:
lýðræðisfylkingin var flokkseig-
endafélagið og flokkseigendafé-
lagið lýðræðishreyfingin. Þá varð
allt skiljanlegra,“ segir Þráinn
Bertelsson ritstjóri og kvikmynda-
gerðarmaður. Alþýðublaðið þakk-
ar Þráni fyrir samfylgdina í blaða-
mennskunni og óskar honum allra
heilla á sínum gamla starfsvett-
vangi, kvikmyndagerðinni.