Alþýðublaðið - 16.03.1988, Síða 3

Mióvikudagur 16. mars 1988
3
FRÉTTIR
AUSTURSTRÆTIUNUIR ÞAK?
Endanleg ákvörðun hefur ekki enn verið tekin en bygging glerþaks yfir Austurstrœti er til
alvarlegrar athugunar í Borgarstjórn. Ef vel tekst til með „Austurstrœtisþakið“ getur
framtíðin jafnvel orðið þak yfir Laugaveginn og þar áframhaldandi upp úr.
Það er nú til alvarlegrar
athugunar í Borgarstjórn
Reykjavíkur aö byggja gler-
þak yfir Austurstræti. Endan-
leg ákvörðun hefur ekki verið
tekin en veriö hefur til skoð-
unar tillaga að sliku þaki. Ef
vel tekst til gæti jafnvel fariö
svo að samskonar þak verði
byggt yfir Laugaveginn.
Bjarni P. Magnússon, full-
trúi Alþýðuflokks í Borgar-
stjórn, sagði í samtali við
blaðið að enn væri ekkert
ákveðið í þessum efnum en
að þetta væri í alvarlegri at-
hugun. Skoðuð hefði verið
mjög skemmtileg hugmynd
um byggingu glerþaks er
næói yfir allt strætið, en væri
að öðru leyti ekki lokað.
„Þetta er meira hugsað sem
skjól fyrir rigningu og mun
einnig gefa götunni skemmti-
legan blæ“ sagði Bjarni.
Engin ágreiningur hefur
verið um þetta mál í Borgar-
stjórn. Sagði Bjarni að reynd-
ar væru ekki allir Borgar-
stjórnarmenn búnir að sjá
tillögunaen í Borgarráði
hefði engin hreyft andmæl-
um. Engin kostnaðaráætlun
hefur verið lögð fram en að
sögn Bjarna verður bygging
þaksins ekki eins dýr og
margir gætu haldið. Ef vel
tekst til með „Austurstrætis-
þakið“ getur svo farið að
byggt verði áframhaldandi
þak yfir Laugaveginn og jafn-
vel áfram upp úr.
Borgarráð um Áburðarverksmiðjuna í Gufunesi:
TÖKUM UNDIR SJÓNAR-
MIÐ ALMANNAVARNA‘

íúú
segir Bjarni P. Magnússon, fulltrúi Alþýðuflokks
Á fundi Borgarráðs i gær-
dag var tekin sú ákvörðun að
taka undir tilmæli Almanna-
varnaráðs, þar sem það bein-
ir þeim tilmælum til forsvars-
manna Áburðarverksmiðjunn-
ar að flytja ekki inn meira
ammoníak fyrr en búiö verður
að byggja nýjan geymi. Einn-
ig var ákveðið að veita ekki
byggingarleyfi fyrir nýjum
geymi fyrr en niðurstaða hag-
kvæmisúttektar liggur fyrir.
Trúnaðarmenn sjö verkalýðs-
félaga hafa hins vegar sent
Borgarstjóra bréf þar sem
segir að ef leggja á verk-
smiðjuna niður eða gera
henni ókleift að starfa, jafn-
gildi það að 150 störf við
framleiðsiu í borginni hafi
verið lögð niður.
„Almannavarnarráð bannar
verksmiðjunni ekki að flytja
inn ammoniak en ætlast
greinilega til að það verði
ekki gert og viö tökum undir
það,“ sagði Bjarni P. Magnús-
son, fulltrúi Alþýðuflokks í
Borgarráði. Sagði hann jafn-
framt að Borgarráð færi fram
á það við ríkisstjórnina að
hagkvæmisathugun verði
gerð og þegar niðurstaða
þess efnis lægi fyrir myndi
borgarráð ákveða hvort veita
skuli byggingarleyfi nýs
ammoniaksgeymis eða ekki.
Trúnaðarmenn sjö verka-
lýðsfélaga hafa sent Borgar-
stjóra bréf þar sem m.a. segir
að í öllum þeim stórorðu yfir-
lýsingum, sem komið hafa
fram í fjölmiðlum, um hvort
og nvenær leggja eigi Aburð-
arverksmiðjuna niður vegna
öryggis íbúa Reykjavíkur, hafi
enginn látið sig skipta, hvað
yrði um það fólk er starfaði í
verksmiðjunni. Margir hefðu
unnið þar alla sína starfsævi
og gæti reynst erfitt eða
ómögulegt að fá aðra vinnu.
„Ef leggja á verksmiðjuna
niður eða gera henni ókleift
að starfa, jafngildir það að
150 störf viö framleiðslu í
borginni, hafi verið lögð
niður“ segir í bréfinu.
Það er jafnframt álit starfs-
manna að óhætt sé að leyfa
notkun núverandi geymis,
með þeim skilyrðum sem
Vinnueftirlitið telur viðun-
andi, þar til nýr geymir er full-
byggöur því aö gerðar hafi
verið ráðstafanir í því að hafa
ammoníaksbirgöir i lágmarki.
Jón Bragi Bjarnason sem nú situr á Alþingi i fjarveru Jóns Sigurðssonar
flutti i gær jómfruarræðu sina. Mælti hann fyrir frumvarpi til laga um
þjóðfund um nýja stjórnarskrá. Ræöa Jóns Braga verður birt i heild
sinni i Alþýðublaðinu á morgun.
Arsreikningur Flugleiða samþykktur:
UM 15 MILLJONA HAGNAÐUR
Afkoma Flugleiöa versnaöi
á árinu 1987 um rúmlega 400
milljónir og varö hagnaður
tæpar 15 milljónir. Heildar-
veltan nam um 8 milljörðum
og var veltuaukningin tæp
20% á milli ára. Stjórn Flug-
leiöa og forstjóri komu
saman til fundar i gærdag og
samþykktu ársreikning fé-
lagsins.
Afkoma félagsins versnaði
á árinu um 420 milljónir og
varð hagnaður 14,5 milljónir
króna. Rekstrartap án fjár-
munatekna og gjalda var 194
milljónir en hins vegar var
hagnaður upp á tæpar 277
milljónir árið áður. Breytingin
á milli ára er því neikvæð um
544 milljónir. Hagnaður nú
stafar af hagnaði er varð af
sölu eigna um 239 milljónir. í
árslok var bókfært eigið fé
Flugleiöa 1.184 milljónir
króna.
Heildarvelta fyrirtækisins
nam 8,2 milljörðum og varð
veltuaukningin milli ára
19,8%. Heildarfarþegafjöldi
var 13,6% meiri en árið 1986.
Á aðalfundi Flugleiða sem
verður haldinn 22. mars n.k.
mun stjórnin leggja til að
greiddur verði 10% arður, og
að hlutafé verði aukið um
50% með útgáfu jöfnunar-
hlutabréfa, þannig að hlutafé
félagsins hækki úr 315 í
472,5 milljónir króna.
Samningaviðrœður.
SÆTTIR
SATTA-
SEMJARA
I Reykjavík funduöu ríkis-
sáttasemjari og fulltrúar
Alþýðusambands Suöurlands
og Verkalýðsfélags Vestur-
lands ásamt Snótarkonum og
Verkalýðsfélögum úr Vest-
mannaeyjum i gærdag. Á
Norðurlandi og Austurlandi
hefur ríkissáttasemjari hins
vegar skipað tvo aðstoðar-
sáttasemjara til að stjórna
samningaviöræðum.
Alþýðusamband Suður-
lands, Verkalýðsfélag Vestur-
lands funduðu meö ríkis-
sáttasemjara í gærdag og
einnig Verkalýðsfélag Vest-
mannaeyjaog Verkakvennafé-
lagið Snót í Vestmannaeyj-
um. Þegar Alþýðublaöið fór i
prentun stóð fundurinn enn
yfir.
Á Ncrðu og Austurlandi
hefui uh'-...iittasemjari hins
vegar fengið til liðs við sig
þá Sigurð Eiríksson, sýslu-
mann á Eskifiröi og Asgeir
Pétur Ásgeirsson, héraðs-
dómara á Akureyri til aö
stjórna samningaviðræðum
atvinnurekenda og Alþýðu-
sambands Austurlands og Al-
þýðusambands Norðurlands,
en þær fara fram á Egilsstöð-
um og Akureyri. Næsti
samningafundur hjá Austfirð-
ingum hefur þegar verið
boðaður á morgun, fimmtu-
dag.
St. Jósefsspítali Hafnarfirði:
HALUNN 30 IHILUONIR1987
Stefnt að því að fara af daggjöldum á föst fjárlög.
Samkvæmt bráðabirgðatöl-
um var hallinn á rekstri St.
Jósefsspitala i Hafnarfirði
19% fyrir s.l. ár, og er þaö
svipað og hefur verið undan-
farin ár. I krónum talið var
tapið 30 milljónir, en spítal-
inn er rekinn með daggjöld-
um. Hallinn á rekstri Sjúkra-
húss Neskaupstaðar var 9
milljónir 1987 og segir fram-
kvæmdastjórinn þar, að útlit
sé fyrir a.m.k. 13 milijóna
króna halla á þessu ári.
i samtali við Alþýðublaðið
segir Árni Sverrisson fram-
kvæmdastjóri St. Jósefs-
spítaia í Hdínarfiroi. að begar
14 sjúkrahús fóru á föst fjár-
lög, i janúar 1987, úr dag-
gjaldakerfi, hafi hallinn verið
um 20% gegnumgangandi
og einnig hjá þeim. Bráða-
birgóatölur spítalans í dag
sýna um 19% halla, „þannig
að við erum á svipuðum stað
og undanfarin ár“.
Segir hann það hjálpa
sjúkrahúsunum sem eru á
föstum fjárlögum að þau fá
hallann greiddan á mjög
skömmum tíma, 1-2 mánuð-
um og geti þ.a.l. hreinsað
upp vanskilaskuldir. Með
daagjaldakerfinu sé hins
vegar greiðslum jafnað á 8
mánuði og því ekki hægt að
greiða vanskil jafn hratt.
Megnið af vanskilaskuldum
hjá sjúkrahúsunum séu
vegna Lyfjaverslunar rikisins
og opinberra gjalda, s.s.
launaskatts.
„Ég held að daggjöld hafi
ekki verið leiðrétt eitt eða
neitt undanfarin ár, í hlutfalli
við það sem rekstur sjúkra-
húsanna hefur breyst. Það
var talað um að sjúkrahús-
vísitalan sem var notuð, væri
algjörlega úrelt, og ég held
að sú staðreynd að sjúkra-
húsin hafa almennt veriö
rekin með 20% halla segi
sina sögu.“
Segir Árni að bókhaldið sé
í endurskoðun og bráða-
birgðauppgjörið séu brúttó-
tölur. „Tapið fyrir árið 1987 er
í krónum talið 30 milljónir."
Segir hann að stefnt sé að
því að fara á föst fjárlög
næstu áramót.
Sjúkrahúsið á Neskaup-
stað er á föstum fjárlögum,
og segir Kristinn Ivarsson
framkvæmdastjóri sjúkra-
hússins í samtali við Alþýðu-
blaðið að hallinn á siðasta
ári hafi verið u.þ.b. 9 milljónir
og jafngildi það tæplega 9%
af veltunni. Einnig vanti
óbættan halla frá árinu 1986
upp á 2.5 milljónir. „Mér sýn-
ist að ef heldur fram sem
horfir, þá verði ekki undir 13
milljón króna halli á þessu
ári.“
Segir hann að ekki sé
hægt að skera starfsemina
frekar niður, farið sé eins vel
með peningana og hægt sé.
„Við getum engan veginn
hent þessu fólki út sem hér
er inni, það er bara ekki
hægt. Það lengist bara
skuldahalinn og menn verða
bara skuldseigari fyrir vikið.
En við erum búin að fá 5
milljónir af hallanum 1987
greiddan," segir Kristinn
Ivarsson.