Alþýðublaðið - 04.11.1988, Page 8
SKOTGRAFIR RORGARINNAR
Gatnaframkvœmdir í borginni hafa verið hinar mestu í manna minnum og hafa undir-
strikað umferðarraskið sem orðið var ærið í kjölfar bílabyltingarinnar miklu.
Miklar gatnaframkvæmdir í
Reykjavik hafa farið framhjá
fáum borgarbúum, sérstak-
lega nú þegar nánast hver
einasti maður á fullorðins
aldri er kominn með eigin
bifreið. Um daginn fjölluðum
viö um bílastæðavandræöi
óþolinmóðra ökumanna og
víst er að borgaryfirvöld hafa
ekki undan bílabyltingunni.
Mörgum ökumanninum hefur
að auki orðið heitt í hamsi
vegna mikilla umferðatafa af
völdum stórra og smárra
gatnaframkvæmda hér og þar
í borginni og er Suðurlands-
brautin skýrt dæmi um þetta.
Auðvitað eru allar þessar
framkvæmdir bráðsnauðsyn-
legar og þeir sem bölva nú
verða manna fegnastir þegar
árangurinn kemur í Ijós og
umferðin verður greiðari en
áður. Mikiö af framkvæmdun-
um eru að auki gerðar til að
fjölga bílastæöum og enginn
efast um þann göfga tilgang.
Hitt er annað mál að í milli-
tíðinni hefur borgin á köflum
minnt á skotgrafir fyrri
heimsstyrjaldarinnar!
Framkvæmdirnar við Suð-
urlandsbraut eru á lokastigi.
Þær felast í því að tvöfalda
brautina frá Reykjavegi og
inn að Álfheimum. Sömuleið-
is eru á lokastigi fram-
kvæmdirnar við Skúlagötu,
þ.e. þær sem lúta að embætti
gatnamálastjóra, en þær hafa
• faliö í sér byggingu dælu-
stöðvarinnar neðst við
Ingólfsstræti og svo ræsa-
lagnir. Dælustöðin er vita-
skuld flestum borgarbúum
kærkomin og sérstaklega
umhverfisverndarsinnum, þvi
nú fer skolpið ekki lengur í
sjóinn meö tilheyrandi meng-
un. Það breytir ekki hinu að
undanförnu hafa bílstjórar
þurft að sætta sig við alls
kyns útúrdúra ef þeir vildu
fara sjávarleiðina niður í mið-
bæ og sömu leið til baka.
Stóra byltingin sem er '
framundan er hins vegar á
byrjunarstigi. Það er fram-
lenging Bústaðarvegar og til-
færsla Miklubrautarinnar fyrir
vestan Rauðaárstíg. Að sögn
Inga Ú. Magnússonar gatna-
málastjóra stendur til að
halda áfram Bústaðavegin-
um, en 100 metra suður af
Hringtorgi mun Miklabrautin
nýja koma undir nýja Bú-
staðavegsbrú. Núverandi
Miklabraut sveigirtil suðurs
frá Rauðarárstíg, verður fyrir
sunnan hús Krabbameinsfé-
lagsins og Tanngarð og sam-
einast síðan Hringbraut móts
við suðurenda Tjarnarinnar.
Undanfarið hefur verið
sprengt vegna framkvæmd-
anna og má geta þess að nú
eru bílasölurnar við Miklatorg
komnar á síð.asta sjens með
að forða sér utan öflugum
vinnuvélum. Bílasölurnar áttu
að fara í sumar og segir
gatnamálastjóri að nú sé
Aðalabílasalan sérstaklega
fyrir og verði að hverfa á
braut með bíla sína i vikunni.
Ekki seinna að vænna ef bíl-
arnir eiga ekki aö verða undir
vinnuvélunum!
Ingi Ú. Magnússon sagði
gatnaframkvæmdir borgar-
innar um þessar mundir
óvenju miklar og sagði að
vissulega hefði orðið mikil
röskun á umferð þeirra
vegna, t.d. við Skúlagötuna
og Suðurlandsbraut. Ekki
sagði hann þó reiða öku-
menn hringja og kvarta í
miklum mæli. Víða sjá menn
fram á góðan árangur í kjöl-
far rasksins og þá sérstak-
lega fjölgun bílastæða og
breikkun vega. En hvaða
framkvæmdir verða á næsta
ári sem borgarbúar geta
vænst að raski umferö og ró
ökumanna? „Því get ég ekki
svarað. Það er auðvitað margt
sem þarf að gera og vissu-
lega ákveðin verkefni efst á
forgangslistanum. En fyrst
þarf borgarstjórn að sjá verk-
efnin og gera sína fjárhags-
áætlun" sagði Ingi.
Vegna framkvæmda við Ránargötu verða þessir tveir drengir að leika sér með hjólabrettin sin
á götunni. A-mynd/Magnús Reynir
Miklar framkvæmdir hafa um skeið staðið við Suðurlandsbrautina mörgum ökumönnum til Þessi mynd er tekin i Skógarhliðinni, en þar eiga miklar breytingar eftir að eiga sér stað, þar
mikillar armæðu. Þeir taka þó væntanlega gleði sína aftur þegar gatan verður opnuð á ný, sem Bústaðavegur verður framlengdur til vestur og Hringbraut færð i suöurA-mynd/Magnús
stærri og breiðari en áður. A-mynd/Magnús Reynir Reynir
Flokksþing Alþýðuflokksins
SAMTÖKUM OG FYRIRTÆKJUM ROÐIÐ AÐ KYNNA STARFSEMI SÍNA
Alþýðuflokkurirsn heldur
sitt 44. flokksþing á Hótel Is-
landi dagana 18.-20. nóv-
ember. Þingið hefst síðdegis
föstudaginn 18. og lýkur á
sunnudeginum. Á flokksþing-
inu verður bryddað upp á því
nýmæli aö bjóða samtökum,
félögum og fyrirtækjum sem
hafa málstað eða þjónustu
fram að færa að kynna starf-
semi sína. Að sögn Guð-
mundar Einarssonar fram-
kvæmdastjóra flokksins hafa
viðtökur veriö mjög góðar, en
fyrst í gær gafst aöilum tæki-
færi til að tryggja sér að-
stöðu á þinginu. Strax fyrsta
daginn fengu þrir úthlutað
aðstöðu og töluvert var um
fyrirspurnir.
í sérstökum sal á Hótel Is-
landi verður boðið upp á ein-
falda aðstöðu fyrir kynningar-
starfsemina. Til að halda
kostnaði í skefjum verða ekki
settir upp básar Ifkt og á
vörusýningum, heldur fá sýn-
endur borð og annaö sem
duga á fyrir slíka kynningar-
starfsemi. Einungis veröur
krafist lágmarksgreiðslu, þ.e.
sem nemur væntanlegum út-
lögðum kostnaði. Gjaldið er
aðeins 1000 krónur.
Þau samtök sem ekki
senda fólk á vettvang geta
látið efni og bæklinga liggja
frammi án endurgjalds.
Með hliðsjón af dagskrá
þingsins er laugardagurinn
tálinn heppilegastur til þessa
starfs. Þá er ( gángi fjölbreytt
dagskrá frá 9 til 6 um kvöldið.
Þeim sem áhuga hafa á að
taka þátt í þessari nýjung er
bent á að hafa samband við
skrifstofu Alþýðuflokksins
hið fyrsta. Síminn er 29244.
Um 250 fulltrúar víðsvegar
að af landinu verða á fundin-
um. Einnig munu margir mak-
ar þeirra sækja þingið.