Alþýðublaðið - 06.12.1989, Qupperneq 8
MÞYBUBUBIB
Miövikudagur 6. des. 1989
Háskólinn á Akureyri:
Sjávarútvegsbraut ekki
í gang um áramotin?
Noröanmenn skora á alþingismenn aö auka framlög til
skólans. Óttast aö ekki ueröi hœgt aö halda allri kennslu
áfram sem byrjaö er á.
Engin kennsla getur
orðið á sjávarútvegs-
braut við Háskólann á
Akureyri ef ekki verður
stórlega aukin fjárveit-
inga til skólans frá því
sem nú er áætlað í fjár-
lögum ársins 1990.
Sömuleiðis er óvíst að
hægt verði að halda
áfram allri þeirri
kennslu sem þegar er
hafin. Þetta kemur fram í
áskorun nokkurra
stjórnmála- og skóla-
manna á Akureyri sem
þeir hafa sent til alþing-
ismanna með kröfu um
að þetta fáist leiðrétt og
hærra framlag fáist til
skólans en áætlað er nú
á fjárlögum.
1 áskoruninni segir m.a.
að stofnun Háskólans á Ak-
ureyri og það sérstaka hlut-
verk sem honum hafi verið
ætlað, hafi markað tíma-
mót í byggðamálum í land-
inu. Skilningur fjárveitinga-
valdsins á þörfum skólans
meðan á uppbyggingu
standi sé mikilvægur enda
ákveði alþingismenn nú
hvaða möguleika skólinn
hafi til að rækja hlutverk
sitt.
Á það er bent að Háskól-
inn á Akureyri muni hafa
mikil og jákvæð áhrif á
byggð á Akureyri og í ná-
grenni bæjarins, bæði beint
og óbeint. Ætla megi að
ýmis starfsemi blómstri i
skjóli skólans og það starf
sem þar verði unnið verði
hvati til stofnunar fyrir-
tækja af ýmsu tagi. Gera
verði ráð fyrir því að nem-
endur skólans muni í ríkum
mæli skila sér í störf á
landsbyggðinni þar sem
lengst af hafi vantað
menntað fólk.
Um áramót var ætlað að
sjávarútvegsbraut tæki til
starfa við skólann, en mein-
ingin var að hún yrði burð-
arás hans og segir í áskor-
uninni að ekki verði annað
séð en að með því gæfist
tækifæri fyrir stjórnvöld að
beina til Akureyrar þeirri
starfsemi ríkisins sem lýtur
aö stjórnun sjávarútvegs og
rannsóknum. Því miður
hafi skólanum hinsvegar
verið svo naumt skammtað
fé af fjárlögum, bæði til
rekstrar og stofnbúnaðar
að útilokað sé með öllu að
kennsla geti hafist á sjávar-
útvegsbraut eins og til stóð.
Dagmæður í stríð
við Verðlagsróð
Verölagsráö tók til baka gjaldskrár-
hækkun og dagmœöur krefjast rann-
sóknar á ákvöröuninni.
Hjálparstofnun kirkjunnar:
Árleg jóla-
söfnun í gang
Hjálparstofnun kirkj-
unnar hefur hafið sína ár-
legu landssöfnun til
styrktar hungruðum
heimi og stendur hún fram
til jóla.
Um þessar mundir er verið
að dreifa gíróseðlum og söfn-
unarbaukum á öll heimili
landsins og einnig munu fást
keypt friðarkerti. Um síðustu
jól söfnuðust um 20 milljónir
króna, sem er 80% af tekjum
stofnunarinnar.
Helstu verkefni stofnunar-
innar eru bygging heimilis
fyrir vangefin börn í Indlandi
og styrkir til skólagöngu 130
barna í sama landi, þátttaka í
samnorrænu verkefni til
styrktar skólum í Namibíu,
bygging heilsugæslustöðvar í
Eþíópíu og fleira.
Stjórnin lítt vinsæl
Dagmæður í Reykjavík
ætla að krefjast rannsókn-
ar á afgreiðslu Verðlags-
ráðs á dagmæðrataxtan-
um, en um síðustu mán-
aðamót tók ráðið frammí
fyrir dagmæðrunum er
þær hugðust hækka taxta
sína. Akvað ráðið með vís-
an til laga um verðlag,
samkeppnishömlur og
óréttmæta viðskiptahætti
að hækkun taxtans skyldi
einskorðast við 500 krón-
ur, miðað við 8 klst. vistun.
Dagmæður höfðu hækkað
taxta sína mun meir eða um
2.500 krónur og greip Verð-
lagsráð því til þessa úrræðis. í
fréttatilkynningu Verðlags-
ráðs segir m.a.: „Ákvörðun
þessi er enn fremur studd
þeim rökum, að gjaldskrá
dagmæðra hefur verið byggð
á sama grunni um mörg und-
angengin ár og hækkanir
skv. þeim grunni hafa verið
kynntar verðlagsyfirvöldum
og samþykktar af þeim.
Breytingar á taxta dagmæðra
umfram þessa viðmiðun fær
því ekki staðist án samþykkis
verðlagsyfirvalda." ,
Dagmæður í Reykjavík
hafa sent frá sér fréttatilkynn-
ingu þar sem þær bregðast
ókvæða við ákvörðun Verð-
lagsráðs og ætla sem fyrr seg-
ir að krefjast rannsóknar á
ákvörðuninni. Þær hóta jafn-
vel að leita hjálpar fyrir
mannréttindadómstólum
annarra landa.
„Dagmæður eru verktakar
sem hafa flestallar tekið mjög
langt fyrir neðan venjulegt
verktakagjald vegna tillits-
semi við forráðamenn þeirra
barna sem vistast hjá þeim.
Þær eru með lægstu dagvist-
argjöldin og verður fólk að
varast að tala um gjöld sem
foreldrar borga á móti ríki og
sveitarfélagi. Það er aðeins
brot af raunverulegum dag-
vistargjöldum. Samtökin hafa
gefið sínum félagsmönnum
leiðbeinandi gjaldskrá og
hafa félagsmenn gengist und-
ir meiri kvaðir hvað varðar
námskeið, skiptingu vöggu-
barna og eldri barna og
starfsaldurslaunaskref en fé-
lagsmenn annarra samtaka.
Hver dagmóðir hefur fullan
sjálfsákvörðunarrétt um við-
skipti sín og viðskiptavina
sinna innan íslenskra við-
skiptalaga" segir meðai ann-
ars í frétt Samtaka dagmæðra
í Reykjavík.
Samkvæmt skoðana-
könnun Skáis, sem gerð
var um helgina, fengi Al-
þýðuflokkurinn 6,6% at-
kvæða ef kosið væri nú, ef
miðað er við þá sem tóku
afstöðu. Það gerðu 55%
aðspurðra.
54,8% sögðust styðja Sjálf-
stæðisflokkinn, 15,2% Fram-
sóknarflokkinn, 9,3% Al-
þýðubandalagið, 8,8%
Kvennalistann, 1,3% Borg-
araflokkinn, 1,3% Frjáls-
lynda hægrimenn, 0,8%
Flokk mannsins, 0,8% Þjóð-
arflokkinn og 0,5% Samtök
um jafnrétti og félagshyggju.
Af þeim sem tóku afstöðu
sögðust tæp 68% vera and-
vígir ríkisstjórninni en 32%
hlynntir.
Fólk
I ljósi sparnaðarum-
ræðunnar um óeðlilegan
fjölda deildarstjóra innan
ráðuneyta og ríkisstofn-
ana og afnám æviráðn-
ingar hlýtur það að koma
einkennilega fyrir sjónir
að leggja til að í hverju
ráðuneyti verði tveir
ráðuneytisstjórar. Það
finnst Asgeiri Harinesi Ei-
ríkssyni hins vegar ekki,
en hann hefur flutt þings-
ályktunartillögu um að
tvískipta starfi ráðuneyt-
isstjóra, þannig að annar
starfi á faglegum grunni
en hinn stjórni fjármálum
ráðuneytisins. Ásgeir
Hannes hefur áhyggjur af
því að æðstu menn ráðu-
neytanna skorti fjármála-
kunnáttu. „Mikilvægi
fjármálanna er því van-
metið hjá hinu opinbera"
segir Ásgeir.
★
í dag á 65 ára afmæli
GeirS. Björnsson prentari
á Akureyri, fram-
kvæmdastjóri Bókafor-
lags Odds Björnssonar til
margra ára. Hann er einn
af stofnendum ís-
lensk-ameríska félagsins
á Akureyri og formaður
þess um árabil. Þá er
hann einn af stofnendum
Lionsklúbbsins á Akur-
eyri og einn af æðstu
mönnum Frímúrararegl-
unnar þar í bæ.
★
I kvöld verður haldinn
borgarafundur um
hverfaskipulag miðbæj-
arins að Hótel Borg. Nán-
ar tiltekið er fundarefnið
Gamli bærinn, þ.e. svæð-
ið vestan Snorrabrautar
og norðan Hringbrautar.
í hverfaskipulagi er
kveðið nánar um skipu-
lag en i aðalskipulagi og
er einnig tilgangur þess
að auka tengsl borgarbúa
og skipulagsyfirvalda. Á
fundinum verður óskað
eftir athugasemdum og
ábendingum íbúanna.