Alþýðublaðið - 26.09.1990, Blaðsíða 1
LMÐUBIMB
Aktu ekki út i évissuna
aktu á
Ingvar
Helgason hf.
* Sævarhotða2 Stmi 91-67 4000
145. TÖLUBLAÐ 71. ÁRGANGUR
MIÐVIKUDAGUR
26. SEPT. 1990
HÆSTIRÉTTUR VÍSAR FORRÆÐISMALUNUM
FRA í gær vísaði Hæstiréttur tveimur málum frá í forræð-
isdeilunni svokölluðu. Annars vegar var um að ræða kæru
vegna fógetaúrskurðar um að móðirin sætti gæsluvarð-
haldi þar til hún upplýsti hvar barnið væri niðurkomið.
Móðirin kærði þennan úrskurð en málinu var vísað frá
Hæstarétti þar sem aldrei hafði komið til varðhaldsvistar.
I öðru lagi var kæru lögmanns föður barnsins á hendur
fógeta vísað frá þar sem fógetinn hafði ekki tekið barnið
úr vörslu móðurinnar samkvæmt úrskurði sem hann hafði
sjálfur kveðið upp þess efnis. Fógetinn mat aftur á móti að-
stæður á heimili móðurinnar þannig að ekki væri kleift að
taka barnið með valdi.
ÓRÓI í ALÞÝÐUBANDALAGINU: í fréttum Ríkisút-
varpsins í gærkvöldi var sagt frá því að hugsanlegt væri að
miðstjórn Alþýðubandaiagsins yrði kölluð saman til að
ræða „álmálið" og framtíð stjórnarsamstarfsins. Kjördæm-
isráð Norðurlands vestra hefur þegar farið fram á að mið-
stjórnin fái tækifæri til að ræða „álmálið" áður en það
verður afgreitt frá ríkisstjórninni. Margir í Alþýðubanda-
laginu sjá fyrir sér stjórnarslit ef álmálið þróast eins og iðn-
aðarráðherra hefur lagt það fram. Það munu aðallega vera
þeir Svavar Gestsson og Steingrímur J. Sigfússon sem hafa
eitthvað við afgreiðslu iðnaðarráðherra að athuga. Fyrst
og fremst virðast þeir ósáttir við staðsetningu álversins og
samninga um orkuverð. Talið er að meirihluti þingflokks
Alþýðubandalagsins sé á móti hugmyndum Jóns Sigurðs-
sonar iðnaðarráðherra um álverið.
EIMSKIP OG SKIPADEILD SÍS VILJA HÆKKA
FLUTNINGSGJÖLDIN: Eimskipafélagið og Skipa-
deild Sambandsins íhuga að sækja um hækkun á flutnings-
gjöldum á þeirri forsendu að olíuverð hafi hækkað svo
mjög að undanförnu. Olía sú sem millilandaskipin nota er
keypt erlendis á heimsmarkaðsverði og olíuverðshækkan-
irnar að undanförnu hafa þýtt verulegan kostnaðarauka
fyrir félögin. Talið er að alls þurfi um 5% hækkun á flutn-
ingsgjöldum til að vega upp á móti olíuverðshækkunun-
um.
ÍSLENDINGAR í ÁTTUNDA SÆTI í GOLFI: ísiend-
ingar lentu í áttunda sæti í Evrópumeistaramóti öldunga í
golfi sem haldið var í Austurríki um helgina. í keppni án
forgjafar sigruðu ítalir en í keppni með forgjöf sigruðu
Austurríkismenn. í báðum þessum mótum lentu íslending-
ar í áttunda sæti.
LEIÐARINN Í DAG
Alþýðublaðið fjallar í leiðara í dag um ræðu utanrík-
isráðherra íslands á allsherjarþingi Sameinuðu þjóð-
anna. I niðurlagi leiðarans segir: „Ræða Jóns Bald-
vins á allsherjarþingi Sameinuðu þjóðanna er gott
dæmi um að rödd smáþjóðar verður máttug um
heim allan þegarfulltrúar hennar þora að setja fram
sjálfstæðar skoðanir en hverfa ekki í skoðanakjölfar
stórþjóðanna."
SJÁ LEIÐARA Á BLS. 4: ATHYGLISVERÐ RÆÐA
UTANRÍKISRÁÐHERRA.
Vikivaka slátrað
IBorgþór S. Kjærnested flutti
nýverið útvarpserindi í finnska
ríkisútvarpið sem vakti mikla
athygli. Borgþór hélt því fram
að samnorræn sjónvarpsverk-
efni kostuðu svimandi upp-
hæðir en skattgreiðendur
slökktu umsvifalaust á þess-
um sendingum.
Hundalíf Jónasar
Miðvikudagspenni Alþýðu-
blaðsins, Jónas Jónassson,
fjallar í pistli dagsins um
hundalíf. Jónas segir það frá-
leitt að aflífa hunda fyrir það
eitt að þeir fylgi skipunum hús-
bænda sinna. Og segir frá dvöl
á bandarísku hundaheimili.
Kratar á
Vesturlandi
IKjördæmisþing Alþýðu-
flokksins á Vesturlandi var
haldið um helgina og ákvað að
halda prófkjör í nóvember.
Kratar á Vesturlandi ályktuðu
margt og merkilegt og Alþýðu-
blaðið birtir plaggið í heild í
dag.
Pórarinn V Pórarinsson framkvœmdastjóri VSI
um fyrirsjáanlegar olíuveröhœkkanir
Þióðarsáttin
springur ekki
Tekjuaukning ríkisins 500—600 milljónir aö óbreyttu
„Þjóðarsáttin er þeirrar
gerðar að hún springur
ekki svo glatt. Það er
spurningin um forsendur í
þessu tilviki og það er ljóst
að í forsendum kjarasamn-
inganna í febrúar var ekki
gert ráð fyrir því að írak
réðist inn í Kúvæt,“ segir
Þórarinn V. Þórarinsson,
framkvæmdastjóri VSÍ,
um áhrif fyrirsjáanlegra
olíuverðshækkana á þjóð-
arsáttina svonefndu.
Framkvæmdastjóri VSI
telur, að tekjuaukning rík-
isins af fyrirsjáanlegum
bensínverðhækkunum að
óbreyttu, sé á bilinu
500—600 milljónir króna.
Eins og Alþýðublaðið
greindi frá í gær, hafa olíufé-
lögin lagt fram beiðni til
Verðlagsstofnunar um að
hækka verð á á gasoiíu,
svartolíu og 92 oktana bens-
íni frá og með næstu mánað-
armótum. Verðhækkunar-
beiðnin nemur 40% á gasol-
íu, 17% á svartolíu og um
13% á 92 oktana bensíni.
Vinnuveitendasamband ís-
lands og Alþýðusamband ís-
land hafa beint þeim tilmæl-
um til ríkisstjórnarinnar að
hún dragi úr skattheimtu á
bensíni til að mæta hækkun-
um á innkaupsverði.
„Okkur finnst að það sé
ákaflega undarlegt að horfa
til þess að atvinnureksturinn
komi til með að taka á sig
mjög þungar byrðar vegna
olíuverðshækkananna, og
launþegar vissulega líka, en
þriðji aðilinn, ríkisvaldið, eigi
á sama tíma að hafa af þeim
stórkostlegan ávinning," seg-
ir Þórarinn V. Þórarinsson
framkvæmdastjóri VSÍ um til-
mæli ASÍ og VSÍ til ríkis-
stjórnarinnar, að ríkið lækki
Þorarinn V. Þórarinsson:
„Þjóðarsáttin er þeirrar gerðar
að hún springur ekki svo glatt.
Það er spurningin um forsend-
ur i þessu tilviki og það er Ijóst
að í forsendum kjarasamning-
anna í febrúar var ekki gert ráð
fyrir því að (rak réðist inn i Kú-
væt."
hlutfallslega álögur sínar á
bensín með hækkandi verði.
„Við erum ekki að biðja um
að þetta til frambúðar. Ef olíu-
verð verður svona hátt
áfram, þá er það sjónarmið
allra hagfræðistofnana í Vest-
ur-Evrópu að verðið eigi að
vera að sama skapi hátt til
neytenda til að draga úr notk-
un. En ef þetta er tímabundin
hækkun nú, eins og margir
spá, þá teljum við rétt og
skynsamlegt að ríkisvaldið
hinkraði við og gefi eftir, með
tímabundnum hætti, hluta af
þessum hækkunum," sagði
Þórarinn V. Þórarinsson.
Þórarinn telur að tekju-
aukning ríkissjóðs af fyrir-
sjáanlegum bensínhækkunum
að óbreyttu gæti numið að
minnsta kosti 500—600 millj-
ónum miðað við heilt ár.
Olíuleki við Laugarnes
Gunnar K. Gunnarsson, framkvæmdastjóri framkvæmdasviðs OLÍS hf„ sýnir Ijósmyndara Alþýðublaðsins á meðfylgjandi
mynd svartolíuleiðslu fyrirtækisins við Laugarnes sem leki komst að í fyrrakvöld. Sprunga kom á rafsuðusamskeyti á leiðsl-
unni 60—100 metra frá landi og er talið að 30—40 tonn af svartolíu hafi lekið út í hafið. Verið var að dæla svartolíu úr sovésku
olíuskipi þegar lekinn uppgötvaðist skömmu fyrir klukkan átta í fyrrakvöld og var þá samstundis hætt að dæla. Að sögn
Gunnars hefur olíueyðingarefni verið dreift yfir svartolíuna sem leysir upp svartoliuna og breytir henni í lífrænt efni sem er
óskaðlegt fyrir umhverfið. Fuglafræðingar hafa þó nú þegar greint frá fuglum sem eru þaktir svartolíu. Hörður Helgason fram-
kvæmdastjóri markaðssviðs OLÍS sagði í samtali við Alþýðublaðið í gær, að leiðslan hafi aðeins verið fjögurra ára gömul
en verði nú tekin upp í heilu lagi og yfirfarin. A-mynd/eól.
RITSTJORN rc 681866 — 83320 * FAX 82019 - ÁSKRIFT OG AUGLYSINGAR rc 681866